بنلف فى دواير

شريط جديد لبن لادن يتوعد فيه و يهدد بهجمات انتحارية الخ الخ الخ

و عقب ذلك تعددت ردود الفعل عالميا على اختلافها كالأتى

*المخابرات الامريكية تؤكد صحة التسجيل و عدم التلاعب فيه و تدلل على ان الصبغة السوداء فى لحية بن لادن دليل على وقت الحرب تبعا لمبادئ القاعدة

* الديموقراطين الامريكين يدللوا على سوء سيطرة بوش و عدم توفيره الامان اللازم للامريكين بدلالة عدم القبض او التخلص من بن لادن و تهديده المستمر

* بوش يستغل الموقف ليسكت معارضين الحرب على العراق بحجة انها كانت و سيلة لحماية المريكين من صدام و قد نجحت ووفرت عليهم احد اوجه التهديد الامنى

*العراق لا تزال غارقة فى الدماء...دماء السنة و الشيعة

*الفلسيطينين قتل مراهق برصاص العدو " كنوع من التذكير بوجود العدو و نوع من اثبات الذات بين فتح و حماس.. و لسان حال اسرائيل يقول" علمناهم الشحاتة سبقونا على الابواب"

"و بنلف فى دواير"

...........................................................................................................

الستة بتوع صيدلة انا عارفة انى منزلة بوست و ده مش معادى بس بجد انا اسفة ماقدرتش امسك نفسى و بعدين نزلوا بوست تانى يوم عادى لو عايزين الكلمتين دول بس كانوا محشورين فى زورى

3 ايام حداد

فقدناها من 3 ايام تقريبا


غرقت فى بحر اسكندرية
بين صخرتين
ناس حاولو ينقذوها و معرفوش


كانت معانا فى كل ذكرياتنا
كانت معانا فى الكلية
كانت معانا فى تجمعتنا
فى اوقات التهييس

ياما قاست معانا


لما كنا بننساها كنا بنزعل اوى


بجد متضايقين اوى


وان شاء الله تكون اخر الاحزان


و مش هسامح نفسى ابدا لانى كنت السبب


ياما اهملتها





وكنت بعاملها بقسوة


حتى الصورة الوحيدة اللى صورناها فيها بالصدفة كنا مسكنها بقسوة زى متكون نبلة مش كاميرا

هنستقبل العزا فيها ال 3 ايام اللى جايين ان شاء الله :(

واخر حاجة صورناها بيها كانت صور ل بوست و صورنا جزء و كان فاضل جزء

ومنجلكوش فى حاجة وحشة

loza

مجلة الستة بتوع صيدلة الشهرية

احنا قررنا اننا ننزل المجلة دى كل شهر ان شاء الله

هنحاول قدر الامكان ان صفحات المجلة تبقى ثابتة -صفحة واحد بس اللى هيتجدد كل شهر-ان شاء الله

و للناس اللى مخدتش فكرة عن المجلة قبل كدا دا العدد الاول بس مكنش جماعى

مجلة بربر

اولا احنا مش هنقول مين كاتبة صفحة ايه وانتوا عليكو الاستنتاج بئا طبعا ونشوف شخصياتنا طاغية على كتابتنا ولا لأ

___________________________________________________

1- الصفحة الدينية

باقى على رمضان بالظبط من لحظة كتابتنا

14 يوم

20 ساعة

58 دقيقة

استعديتوا ل رمضان ولا لسة؟

كل سنة وانتوا طيبين

و ان شاء الله نطلع كلنا من رمضان بالمغفرة والعتق

و متنسوش يا جماعة تفتكرونا فى الدعاء أمااااااااااااااااااااانة

____________________________________

2-صفحة الاهداء

it's my greeting 2 u marmar,

i can't describe my awfully sorry 2 u

i can't describe my love 4 u..cuz love like the shadow u can see it ,touch it,feel it,but u can't describe it or spacify it..it's real love which u don't know about.c u s

_______________________________________

3- صفحة التناحة

فكرت كتير فى موضوع التناحة دا .. ووصلت لموضوع حيوى تنح هكلمكو فيه

وهوا

ان قمة التناحة انى اسيب الصفحة فاضية

_________________________________

4- صفحة اخبار اليوم

الصفحة دى هنعلن فيها عن التوب بوست للشهر اللى فات

و فازت بيه عن جدارة loza

عن بوست تفتكرى بجد؟!

و اقترحو انتوا علينا هديتها تبقا ايه للشهر ده

لاننا كنا هنخليها متطبخش معانا النهردة بس للأسف عملت معانا كل حاجة فى الاكل يعنى تستاهل جايزتين مش جايزة

و بنعلن كمان عن التصويت بتاع مواضيع الشهر الجديد هينزل ان شاء الله من يوم 1 فى الشهر الجديد على اليمين للناس اللى مخدوش بالهم منه

_________________________

5-صفحة التسالى

المرة دى هنتكلم عن فيلم كدة رضا

طبعا فيلم احمد حلمى الجديد اكيد كلكم عرفينه او سمعتو عنه

انا بعزى اى حد من اللى بينام فى بيات شتوى او صيفى بالأدق..الفيلم ده اقل ما يقال عنه عن انه تحفة بجد ..ده الفيلم الوحيد من أفلام احمد حلمى اللى عدى فيلم ظرف طارق

طبعا الستة بتوع صيدلة كلهم شافوه رغم ان انا كنت مسافرة بس صممنا ندخله فى نفس الوقت-انا فى المصيف وهما فى شبين-

طبعا انتوا مستنيين انى احكى الفيلم...بس انا مش ناوية احرقو عليكم بطلو بخل بئا مفرقش تمن التذكرة و "عارف يا بومبو الفلو س دى لو ضاعت البومبو ده هيعمل فيك ايه"

سلام يا بومبو منك ليه

والبوست الجاى ابقى احكيلكو احداث الفيلم للى مقدروش يستغنو عن تمن التذكرة

_________________________________

6الصفحة المختلفة-

يا جماعة احنا عندنا اقتراح

خاص بالجماعة الصيادلة

احنا فكرنا نعمل بلوج يكون شامل كل الصيادلة سواء مخلصين او مش مخلصين

ويكون كلامه كله عن الكلية و ظروفها و مشاكلها و الأمراض واى تهييس ليه علاقة بالصيدلة

يعنى من الاخر نتكاتف ونعمل حزب الصيادلة المهروسين

اللى موافق يقول

ولو لقينا الفكرة عجبت الناس ان شاء الله نبدأ علطول

تحديث على الصفحة دى: البلوج دا معمول اصلا عن titrated minds بس خاص ب ناس معينة اللى عايز يشاركهم بيبعتلهم احنا بس حابيين انه يبئا بلوج خاص بالصيادلة يكتبو فيه علطول يحسو انه بلوجهم يعنى
___________________________________

فى النهاية بئا عشان احنا عارفين ان فى ناس هتكسل تقرأ المجلة كلها هتاخد افكار كدا

اول حاجة قولو رايكو فى فكرة المجلة الشهرية دى عموما ..نستمر ولا لأ؟!

ثانيا مين كتب صفحة ايه فى المجلة عشان نعرف اذا كانت شخصياتنا بتبان فى الكتابة ولا لأ؟

ثالثا...نجيب ل لوزة هدية ايه لانها فازت فى التوب بوست الشهر ده؟

رابعا..ايه رأيكو فى فكرة بلوج الصيادلة المهروسين دى؟

خامسا..أيه رأيكو فى اللوك الجديد؟

تحديث:التصويت بتاع شهر 8 على اليمين يا جماعة متنسوووش تصوتوا بس بصوت واطى

اخر تحديث ان شاء الله

نموذج اجابات الاسئله

1-ان شاء الله المجله هتستمر وليبدأ العد التصاعدى من اصداراتها ان كان فى العمر بقيه

2-

-الصفحه لبدينيه _______>كهرمانه

-الاهداء_______>سنفوره

-التناحه _______>لوزا

-اخبار الدنيا _____>بريك

-التسالى _____>ظوظو

3-بم انها هى الى كاتبه صفحه التناحه يبقى هنجيب لها هديه فاضيه وده اقل واجب :D

الستة بتوع صيدلة

درس خصوصى

درس خصوصى
حتى السياسة او على الاقل المعرفة بالحداث الجارية بقينا نفكر ناخد فيها دروس....ايه الكلام اللى انا بقوله ده؟!!! اقولكم... انا من فترة طويلة و انا عارفة انى فعليا معرفش اى حاجة بتحصل حواليا...من امتى كده؟ من يمكن من بعد الانتفاضة و محمد الدرة_الله يرحمه_و الكلم ده... ايامها كانت كل الاخبار اللى بشوفها بتغم الواحد ... بعدها بطلت افتح النشرة بحجة انه كفاية غم الواحد مش بايده حاجة يعملها فليه يغم نفسه _ مع العلم انى لغاية دلوقتى عارفة ان دى حجة بايخة_و شوية شوية لقيت نفسى مش عارفة اى حاجة من اللى بتحصل حواليا فى مصرنا العزيزة_زى ما بيقولوا_او بره مصر.. و كل اللى اعرفه هو اللى بيحصل فى طريقى اليومى من شبين لطنطا... كل حاجة او خبر اعرفه بعرفه بالصدفة و عن طريق ناس غالبا بيحرّفوا اى واقعة عشان يثبتولنا منها ان كل المسئولين حرامية و نصابين و ان البلد دى تحت مؤامرة رهيبة و ان ...و ان...و ان....
و فى يوم قعدت افكر مع نفسى... اسمه ايه وزير التعليم العالى ولا ايه اسم المحافظ الحالى للمنوفية ... و بصراحة افتكرت الاسمين بالعافية .. طيب ايه آخر حاجة سمعتيها عن مشروع توشكى مثلا غير انه " مشروع لاستصلاح الصحراء و تحويلها لارض خضراء ليعم الرخاء البلاد الخ الخ الخ" و الكلام اللى كنا بنكتبه فى مواضيع التعبير طول عمرنا _انا فاكرة ايام ثانوى كانت حتى الجرايد تكتبلك مواضيع تعبير عن الاحداث الجارية اللى ممكن تيجيلنا فى الامتحان يعنى حتى موضوع التعبير كان المفروض نحفظه_نرجع لمشروع توشكى.. مثلا هو خلص ولا لسه ولا اتوقف طب و اتوقف ليه و اد ايه . و اسئلة كتير اتنطّطت ادام عنيا...
بلاش توشكى..خلينا فى حاجة قريبة حبتين.. موضوع الخادمات المصريات.. انا ما سمعتش عنه الا لما لقيت ناس _ كتير حبتين_ بيقولوا " كرامة المصريين.. خلاص بقينا نشتغل خدامين عندهم...و ازاى نوديلهم بناتنا عشان يعملوا فيهم اللى عاوزينواز ده احنا اللى بنبيع بناتنا بالرخيص و ... و....و..." و بما انى متحيزة للحكومة و على طول بفترض النية الكويسة فالكلام مادخلش دماغى يوميها روحت سألت ماما و كان رأيها ان البنات دول كانوا بيطلعوا بره البلد باسلوب مش شرعى و يشتغلوا برده خادمات... بس ساعتها كان حتى السعودى عارف ان مالهمش جهة تحميهم لانهم يعتبروا هاربات و بالتالى كان ممكن يعمل فيهم مابداله من غير ما تقدر تنطق ... بس دلوقتى بأه فيه جهات منظمة لسفرهم و الجهات ديه مسئولة عن حمايتهم.. و ده للى عايز يسافر اساسا...و ان الكرامة اللى بتتكلموا عنها كانت منعدمة برضه لما كان مش لاقيين ياكلوا و بيشتغلوا نفس الشغلانة هنا من غير اجر يعيّشهم لكن الكرامة دى هتتردلهم لما يشتغلوا نفس الشغلانة بس رسمى و ياخدوا اجر محترم.... الكلام ده كله جميل بس بما انى ما تعبتش نفسى و دورت فى الجرايد فانا مش معايا اللى يثبتهاو اللى ينفيه.
وجت لوزة بموضوع الاحتلال الهندى المصرى.. و ده بالصدفة كنت سامعة عنه حبتين و كان ليا فيه رأى_ اخيرا_ان المصنع من سنين مش بيطلع انتاج و العمال بيطالبوا بالأجر فبيحصل عجزو بالتالى اتباع للراجل الهندى _ اما عن المشترى المصرى فبسببه اتوقفت عملية البيع و فضلوا فى انتظاره لكن ماظهرش فى الميعاد المحدد فرجعوا تانى للمشترى الهندى و اما عن العمال فمش من سلطة الهندى انه يفصل اى عامل الا لو العامل هو اللى طلب معاش مبكر يا لوزة و بعد ما اشترى المصنع فتح جنبه 3 مصانع فيها عمالة مصرية دلوقتى_لكن بما ان كلامى ممكن مايقنعش ناس كتير فقعدت ادور عن الموضوع ده فى google بس مش عرفت الاقيه غير احداث الاضراب اللى كان اساسه تأخر دفع المكافآت و الحوافز...و مالقيتش اى كلام موثوق عن ظروف البيع و الكلام ده.. يمكن انا دورت باسلوب غلط. المهم انى برده ما اثبتش انه رأى صح. و فضلت متضايقة لان حتى الخبر اللى تابعته كانت متابعة سطحية ماقدرش اثبتها
و طبعا لما قعدت افكر _انا بقعد افكر كتير اوى لو خدتوا بالكوا :)_و لقيت انى ماعنديش اى ثقافة عامة موثوق منها قلت ايه الحل؟.. امسك الجرنان كل يوم الصبح اقراه.. مش نافع ده عايزله ساعتين و بلاقى نفسى مش بلحق اقرا غير بريد الجمعة و الحوادث و الصفحة الاولى مش الرئيسية من الاهرام... طب اتفرج عاى برامج زى البيت بيتك و 90 دقيقة ؟ بصراحة حل جميل بس عمرى مانتظمت فيه لاى سبب...
و من كتر التفكير فى حل يخلينى اتابع اللى حواليا و مبقاش تايهة كدة لقيت نفسى سرحانة و تخيلت مدرس بيخبط على باب البيت و يقعد على الترابيزة و يطلع جرايد و عصاية و يقوللى _ بعد ما يفتح صفحة عشوائية من الجرنان _" ها.. قوليلى بأه يا هانم تعرفى ايه عن الخبر الفلانى؟"
او " اكمل:قامت حركة... بمظاهرات امام مقر...مطالبة ب....و.....و......" و انا ابص للعصاية و ابلع ريقى بالعافية و انا بقول ربنا يستر.

from sara with love

شخصية أعجبتنى

امبارح المكالمة دى كانت بينى وبين لوزة

انو ازيك يا سمن

الحمد لله ازيك يا بت انتى عندك برد ولا ايه

اه هوا باين عليا?

لأ خالص انتى قلتى انو بدل الو

لا قلت انو

ماشى الف سلامة

و باقى المكالمة بئا متخصكوش :D

فكرت فى موضوع البرد دا شوية

الواحد بيفضل طول الوقت شايل موضوع البرد من دماغه وعامل فيها اللى مفيش زيه لحد ما يجيله البرد

رخامة البرد بئا مش فى الخنفان ولا الرشح ولا انك مش بتقدر يطلعلك حس " طبعا فى اعرض مؤرفة اكتر من كدا
"

بس رخامة البرد بئا انكه مش بيروح ولا بالطبل البلدى يعنى ممكن تاخد دوا وتفضل شهرين تلاتة اربعة وعندك برد وممكن متاخدش و يروح علطول...برد مزاج يعنى

و على الرغم انه من اوحش الامراض و اكترها تهميد للجسم الا ان اللى حواليك بتلاقيهم مستهيفينه جدا

ياعم قوم انت مفيكش حاجة انت هتمثل

اعملكباية عصير لمون سخنة وانت هتبئا فل

لالا بلاش سمك انت بتهرج انت عندك برد!

يعنى انا من اكتر الناس اللى مش بتستهيف بالبرد

و زعلت اوى لما لقيت جاهين مستقل بيه كدا :(

ياحزين يا قمقم تحت بحر الضياع

حزين انا زيك وايه مستطاع

الحزن مبقالهوش جلال يا جدع

الحزن زي البرد زي الصداع

وعجبي

بس انا من اشد المعجبات بشخصية البرد المستقلة اللى بيجى بمزاجه و يروح بمزاجه و بيفرض نفسه على البشر كلهم

ومتنسوش لبسوا جرايد تحت الهدوم عشان الكحة تروح

BREAK

فاقد الشئ اصبح يعطيه

ايام زمان.. ايام جدى وجدك كان فى حكمه بتقول فاقد الشئ لايعطيه
دلوقتى بقت فاقد الشيئ يعطيه
من كام يوم كده وانا حارق دمى موضوع وكبر فى دماغى بدرجه تنقط
كنت واقفه فى البلكونه زى اى واحده ببص لقيت فوج من البشر معدى فى الشارع قلت عادى عمال مصنع الغزل الى جمبنا

ببص لقيتهم هنود ...!!!وصوتهم جايب من اول الشارع المهم الموضوع ايه يعنى ..؟
الموضوع ان مصنع الغزل حصل فيه اضراب عن العمل عشان المرتبات وبعد دفعها ( بعد اعتصام العمال عن الاكل) المصنع اتخصخص لواحد هندى

والهندى يطول عمره يزهزه عصره ينصره على مين يعاديه هاى هئ مشى العماله المصريه وجاب عماله هنديه يعنى ايه بردوو..!؟

يعنى مصر الى بتصوت من البطاله والواحد من دول يستلم الوظيفه على سن المعاش بقت الايدى العامله فى المصانع الى على اراضيها اجنبيه

جايز تقولوا انى مكبره الموضوع و ده حق الهندى بس انتوا مشفتوش كميه الهنود الى فى المصنع شوفوا المصنع ده كان فاتح كام بيت .....يعنى نجيب الهنود يشغلوا مصانعنا ونشرد ولادنا ونسفرهم تهريب والله اعلم ايه الى بيحصل لهم فى سفرهم عشان فى الاخر يمسحوا جزم ويغسلوا اطباق..؟ولا بناتنا الى عملنا لهم صفقه نضافه وفتحنا مكتب توظيف عالمى للخدمات لا ومرتب الواحده نص مرتب الفلبينيه الحمد لله بقينا ننافس السوق الخارجيه فى حاجه وادينا ضربنا الفلبين فى مقتل احسن لهم يغيروا اسم وزاره القوى العامله لمكتب توصيل الخدامات مجانابدل ماكنا بنبعت لهم الدكاتره والمهندسين والمدرسين لغوا الطلبيات دى لان الصنف ده مش مطلوب دلوقتى
ولا الصينين الى ملوا البلد دول بقوا اكتر من الدبااان وايه نفس الحكومه الى بتسمح لهم بالمعارض هى الى بتبعت البلديه تجرى ورا الغلابه الى بدل ما يشحتوا بيقفوا بعربيات يسترزقواطب ماكانوا يسهلوا لهم الموضوع ويساعدوهم يفتحوا معارضوهم بردو الفايزين ....

صحيح انا معرفش اوى فى الموضوع ده بس يحصل ايه لو الحكومه احتوت الطبقه دى من الناس بدل ما يتشردوا كده

عدد سكان محافظتنا 2 مليون وفكه يعنى مدينتنا بالكتير نص مليون ولا مليون وهى لا من مدن القنال ولا مدينه سياحيه دى بلد زراعيه والناس الى فيها فقرانين اصلا ومش لاقين ياكلواكفايه انى اقولكم انها اكبر محافظه طارده للسكان فى بحرى

لما انزل الشارع الاقى على يمينى واحده بسارى وبين حواجبها نقطه بنى واعدى الناحيه التانيه الاقى الصينيه بس من غير الكيمونو الا صحيح نسيت اسالهم عليه...!؟

ومحدش يسالنى على الفيل لان مش كل واحد يسافر يشتغل بره بياخد عربيته معاه...

يا جماعه انا مش زعلانه ان الاجانب بيجوا مصر ولا كلامى ده بخل منايفه يوم ما ينزلوها زوار يعنى اسبوع شهر يبقى اهلا وسهلا بيهم ويا بخت من زار وخفف انما يلزقوا لنا وينافسونا فى رزقنا يبقى الباب الى يجيلك منه الريح

المشكله ليخلصوا لنا ميه النيل مهو كل شويه يقولوا مشربتش من نيلها قال يعنى مصر الوحيده الى بيعدى عليها النيل ولا نيلها مختلف عن نيل اثيوبيا والسودان

رحلة علاجى

حم

خرجت لاول مرة فى حياتى محمولا على يد عم عبده النجار .. تعجبت لما يستطيع ان يسير و انا محمولا لا اسي بمفردى .. ربما لان ايامى في تلك الدنيا معدودة... و لكن مع مرور الايام وجدت انى قدر لى ان اظل محمولا تتلقفنى الايدى.. فى البدء حزنت و مع الزمن تحول حزنى الى سخط شديد .. سخط على البشر لا اعلم لماذا.. هل لانهم يسيروا على اقدامهم .. ام لاننى انا الذى لا يسير بالرغم من امتلاكى لاطراف اربعة فما الاختلاف بين و بينهم... و زاد سخطى و زاد كتمانى لمشاعرى... و هكذا مرت ايامى محمولا على يدى عم عبده الف معه فى الشوارع و المكاتب ليتحدث كل مرة مع شخص مختلف الذى لا يلبث ان يتفحصنى بدقة ثم يشير بالرفض ليخرج عم عبده حزينا لطالما حيرنى هذا الموقف و لكم سألت عم عبده عن سبب هذا اللف و من هؤلاء و لكنه لم يرد علىّ.. بل كأنه لا يسمعنى و يظل فى رحلته..فكرت .. لربما يكونوا هؤلاء اطباء لربما يشففونى من مرضى العقيم... فاصبحت اتلهف على تكملة لاحلة البحث تلك مع عم عبدهززز و فى يوم و بعد الفحص المعتاد اشار الرجل بالموافقة .. ومن يومها لم ارى عم عبده و حملنى هذا الشخص _ كم اكره عجزى_ووضعنى فى غرفة مظلمة مليئة بكراكيب لم اتبينها فى الظلام و مع كل مساء يحملنى هذا الطبيب المزعوم ليضعنى فى مكان عام تعمه الاضواء ... لاصبح ملقى بين تلك الكائنات الخشبية المسماة بالكراسى لاشاهد بنى البشر من حولى _ هل هذا علاج؟!!_ و تكرر هذا العلاج اكثر من مرة دون تحسن حتى لقد مللت من رؤية هؤلاء البشر غريبى الاطوار ... فهم فى ليلة يتجمعون فى ضحك صاخب و يتغنون بنغمات عجيبة و يتراقصوا حول شخصين محددين بنفس الملابس كل مرة و بنفس الالوان " الابيض و الاسود"... و تارة يتجمعون للبكاء و الحزن ويقرؤا ذلك الكتاب فى ايديهم . متشحين بالسواد.._م هذا العلاج الغريب؟!!" كل هذا و انا ملقى بين تلك الكراسى الخشبية

تنتابنى احيانا نوبات كآبة و فى احدى تلك النوبات تسائلت " م الفارق بينى و بين تلك الكراسى؟ فهم لا يتحركون و دائما اما محمولون او حاملون.. حاملون تلك البشر. و لكن سرعان ما اطرد ذلك التسا}ل مجيبا باننىلم اكن قط حاملا لبشرى..انا محمول فقط ..

فى يوم من الايام وفى فرح من تلك الافراح المتكررة و مع يأسى من هذا العلاج الغريب كنت ملقي كالعادة بين تلك الكراسى و اذ بأحد البشريين يلقى بكل ثقله على.._كيف يجر}.. هل وصل بى الحال الى تلك الدرجة التى يصعب عليهم تمييزى عن تلك الكراسى؟_ و لكن لنجدنى بشرى آخر قبل ان افقد توازنى بقوله" لا يا استااذ ما تقعدش علييه"

فقام ذلك الرجل منتفضا ليكمل الآخر جملته قائلا"معلش يا بيه ده كرسى معيوب كان هياخدك و يقع"....كرسى؟!!! لما اطلق علىهذا الاسم !! و فجاة مرمن امامى شخص آخر يحمل مرآة عملاقة لارى نفسى لاول مرة ... مجرد كائن خشبى باربع ارجل.. مجرد كرسى باعنى طبي.. اقصد تاجر غشاش

from sara with love

مش لاقية اسم للتاج دا

التاج جايلى من ارتعاشات حياتية
بس هوا بجد تاج لذيذ

اسم مدونتك
مركب ورق فى البحر
لماذا اخترته..وماهي نيتك من وراء اختياره؟
اخترناه عشان اغنية معبرة اوى اوى اوى

هل فكرت في إغلاق مدونتك؟..والسبب؟

احنا لسة عاملنها لحقنا نقفلها

صورتك في المدونة..رمزيتها؟
فى صورتين صورة القطة اللى فى البروفايل ودى مش ثابتة اصلا بس القطة دى عشان ميسو قطتنا
واللى فى البلوج على اليمين كل واحد حاطينله صورة بتعبر عن شخصيته

لماذا دخلت عالم التدوين من الاساس؟
اللتدوين أفيون الشعوب، و بالتالي لازم نشترك كلنا في الكيف دا

عبارة قريتها و دخلت دماغى

مكناش سمعنا عن البلوجانت قبل كدا اصلا واول ما شوفناها عجبتنا الفكرة وعملنا بلوج
احلى جمله قيلت لك فى وصف مدونتك؟
اى تعليق من اى حد بعتبره احلى جملة اتقالت

التعليقات بالنسبه لك ..اهميتها؟
يعنى بحس انى مش بكلم نفسى
او بكلم الحلل اللى فى المطبخ ومش راضية ترد عليااحلى بوست كتبته ...ضع اللينك ..ثم اذكر لماذا؟
وردة طب عود جرجير طب بوسة
السبب انه كان اول حاجة اكتبها بعد المقدمة والذى منه طبا

أفضل مدونة قرأتها؟
اى حد من الناس اللى على اليمين دولبس ممكن اصنف شوية منهم

أفضل بوست قرأته؟ وضع لينكه؟
اكتر بوست ضحكنى كان عند ميرامار..شين ولى

حد قل ادبه فى التعليق..ايه رد فعلك؟
الحمد لله محصلش حد دلوقتى بس لو حصل همسح بيه بلاط البلوج
أسوأ مدونة؟
فى مدونتين احتقرتهم جدا ووقعو فايدى بالصدفة واحدة منهم اتقفلت والتانية لسةوبستغرب من كمية الناس اللى بتدخل عندهم وتشجعهم !
مع انهما ناس محترمينبس طبعا مش هقول اسمها انت عايزنى اعملها دعاية ولا ايه

أسوأ بوست..أسوأ مدون؟
اسوأ بوست عند المدونتين اللى فوق

واسوأ مدون هما بردو
__________________________________
الهيحصل ايه لإيميلك لما تموتى؟
انا هبئا فايه ولا فايه

بس عموما انا الناس اللى بكلمهم كلهم عارفنى و اكيد هيعرفو انى مت
و القليلن اللى ميعرفونيش بئا هيفضلو يبعتو اوف لاين لحد ما يزهقوو يمسحونى من نسهم بئا

اديتى الباسوورد لحد قبل كده؟
يووووه كتير
الستة بتوع صيدلة طبعا معاهم الباسورد

واى حد بيعوزها مببخلش عليه خصوصا انى باسورداتى كلها زى بعض
كانت إيه طبيعة علاقتك بيه؟
سؤال لئيم :)
بس متخيلش علينا الحاجات دى
اى حد بيعوز الباسورد بديهاله
اسمك؟
سمر كيداهم
المشهور بيه وسط اصحابك؟ا
ميرو مرمر سمورة سمسمة سمسم


عمرك؟
17 سنة و ست شهور الا اعشر ايام
برجك؟
الجردل مع انى مش بصدق فى الابراج
مجال دراستك؟
مشروع صيدلى

شخصيتك نوعها إيه؟
moodyمتناقضة و
السفر بالنسبة لك؟
لو اعتبرنا طنطا سفر يبئا واجب كل يوم

وقت فراغك بتعملى فيه إيه؟
معنديش وقت فراغ اللى عنده شوية وقت يديهولى

الاكلة المفضلة؟
البوفتيك بلا منازع بسفه

الصفات اللي أخدتها من بابا؟
لما ابئا اعرفه الاول هشوف خدت ايه منه

الصفات اللي أخدتها من ماما؟
الشكل على اساس انها ماما بئا و كدا
بس انا احلى طبعا :D

اكتر ست حاجات بكرهها؟
غسيل المواعين
دموعى القريبة
اى حد بخييل
الكدب
حد يقرفنى عشان اصحى من النوم
مبحبش اغنية صدفة بتاعة عايدة الايوبى ولما بسمعها بتضايق

اكتر ست حاجات بحبها؟
بحب تجمعنا انا والعيال سوا ايام الامتحانات ومعسكرات المذاكرة بئا و كداو بحب بردو تجمعى مع افراد عيلتى تقريبا يعنى بحب اللمة
بحب الاجازة
بحب اسكندرية جدا جدا جدا جدا
بحب الكوفى ميكس
بحب شارع بيتنا والروح الحلوة اللى بين الجيران
بحب ميسو القطة
انا بحب حاجات كتير اوى بس
دول اول ستة جوم ف بالى

الشغل بالنسبة لك؟
شغل ايه بالظبط؟!
شغل شغل انا مش ناوية اشتغل
اتعين معيدة وابئا اثبت نفسى
وبعدين اعتزل واشوف بيتى بئا

الانترنت بالنسبه لك؟
جزء من حياتى
و غير ف شخصيتى وحياتى كتير

امرره لمين؟

ولاد كارى
queen of roses...مهروسة طنطا
who i am...اربعة من مهروسين طنطا
titrated minds...اربعة مرووشين ف ضيدلة
نبضة قلب... اتنين مهروسين فصيدلة طنطا
koko city...مدينة لشوية صيدالة مهروسين تحت الانشاء
hyperminds...مهروس من طنطا و شوية كوكتيل

whisper&flona.....اتنين مهروسين ف صيدلة
مجلة مصرية...مش مهروس دا خريج فصيدلة طنطا
تالتة صيدلة...ظل قلم

الناس اللى متابعنهم
بيتنا القديم
العربى
JUST HUMAN
و من الشباك
مقالات يوسف معاطى
بين السطور
هنا...وهناك
fasakonya
egypt times
انا افكر اذن انا مجنون
ارتعاشات حياتية
فتافيت السكر
جنى الجنتين دان
زى الهوا
خراب يا دنيا عمار يا دماغى
لحظات حياتى
أشعارنا
مصر يا ما يا بهية
طرطشة افكار
theriddle
serendipity
شمس الليل
روحى فيها
الساحر
أحدهم
rack ur minds
واحدة من الناس
i'm bounded
ما علينا
كلام فى الممنوع
يا ساكنة القلب
i'm ur mind
بس

مجلة ملهاش اسم اعداد وتنفيد واخراج وكتابة بربر

اهلا بيكو ف مجلة بريك الشهرية اليومية السنوية الاسبوعية الاجبارية على كل اللى دخلو البلوج




الصفحة الدينية

دعاء: اللهم انى اسألك من خير ما سألك منه نبيك محمد واعوذ بك من شر ما استعاذك منه نبيك محمد
رسالة:انى احبكم فى الله
عن رسول الله صلى الله عليه و سلم : " لو أن اثنين تحابا تحابا في الله و كان أحدهما في المشرق و الآخر في المغرب لجمع الله تعالى بينهما يوم القيامة و قال هذا الذي كنت تحبه فيّ"


..................................................................................
صفحة كاملة ل لوزة

بحبك والله العظيم بحبك

و متخليش حاجة تضايقك

الفكرة جاتلى من فيلم السلم والتعبان لما كان بيصالحها وعملها اعلان ف وسط الشارع بحبك تتجوزينى؟

بس طبعا انا مش هينفع اقولك تتجوزينى اصلى مش ناوية على ارتباط دلوقتى انتى عارفة ظروفى :D
هيا الصفحة خاصة ب لوزة طبعا بس هيا مش هتزعل لو قلت للعيال اصحابى انى بحبهم و كل واحدة بتمثلى جزء من حياتى
.....................................................................

صفحة التناحة
التليفون يرن



الو ازيك
الحمد لله

عاملة ايه
الحمد لله كويسة

و اخبارك ايه؟
تمام

تمام؟
تمام الحمد لله

وماما ازيها؟

الحمد لله كويسة

اخبارها ايه؟
تماام

طيب

وبعدين نرجع ف وسط الكلام تانى

المهم انتى عاملة ايه

جرررررررررررررررررررررررررررررررر

كل يوم على كدا اى حد يتصل سواء بيا او بماما وخاصة بماما ساعتين ازيك وعاملة ايه وتمام واخبارك ايه واخبار صحتك ايه

................................................................................................

صفحة اخبار اليوم
كايدة العزال انا من يومى ايوة ااه
فى واحدة ربنا يخليها ماشية تتكلم لعيا مع طوب الارض مش مخلية لا كبير ولا صغير
وطبعا انا ايدى بتاكلنى عشان احكى الموضوع بس منهم لله اللى خلونى اوعدهم محكيش
بس اهم حاجة ان فى بنى ادمة بتغير منى مع انى عمرررررررررررررررررررررى فحياتى ماتعاملت معاها فاى حاجة
"انما السبيل على الذين يظلمون الناس ويبغون فى الأرض بغير الحق اولئك لهم عذاب أليم "
وانا بشكرها على انها بتخلصلى ف ذنوبى الواحد كان محتاج الموضوع دا قبل رمضان

بالمناسبة:اللى غنت اغنية كايدة العزال انا من يومى هيا نفسها اللى غنت اغنية الطشت قالى
....................................................................................

صفحة التسالى
مش عارفة ليه لما بحب اتسلى بحب اعمل حاجة مبحبهاش

بمعنى انا مبحبش عمرو دياب مثلا
اقوم ارزل على نفسى واسمع شريط عمرو دياب وفى الاخر ابئا اتسليت ف حاجة عجبتنى
ازاى
شريط عمرو دياب الجديد
مع التمحيص والتفحيص فيه

1-اول اغنية كانت الليلة دى اللى هيا على اسمها الشريط

اول ما سمعتها افتكرت انى هسمع اغنية SWAY
هيا مختلفة شوية بس طبعا اول ما بتخش فى الاغنية بتدخل ف طريق تانى خالص

طريق عارفة احلى حاجة فيكى ايه

و اقصد هنا اسلوب كتابة الكلمات الكلمات

والله كل حاجة فيا بتناديك..ايوة كل حاجة فيا بتناديك
عارفةا حلى حاجة فيكى ايه..تعالىاقولك احلى حاجة فيكى ايه

و هكذا

2-قالتلى قول
اغنية فكرتها غريبة جدا واحدة عارفة انه كان يعرف واحدة قبلها وبتقوله اذا كان حبها ولا لأ؟ ولما قالها انه حبها اتصدمت يا حبة عينى!! و ف نفس الوقت كانت عارفة انه ليه ماضى و رغم كدا كانت فاكرة انها اول حب
فكرة غريبة جدا ومش مقنعة
3-ضحكت

الغريب ان الاغنية دى بردو زى اللى قبلها اللى كتبها بهاء الدين محمد
يعنى الاغنيتين اللى فيهم افكار الاتنين افكارهم اوحش من بعض لنفس الشاعر
اغنيتين اغرب من بعض
ضحكت يعنى قلبها مال و خلاص الفرق ما بينا اتشال يلا يا قلبى قولها كل اللى بيتقال
ضحكت يعنى حسة هواك وموافقة تعيش العمر معاك
هوا ايه اللى بيتقال بئا لما واحدة بتضحك مش عارفة؟
الشريط دا فادنى جدا الصراحة
انى مضحكش لاى حد اعرفه لانى كدا مايلاله وموافقة اعيش عمرى معاه
و ربنا يشفى
على كدا كله يحاسب على ضحكته بئا ل يتفهم غلط
و كمان بيقول اهى ضحكت تانى
دى طالعت دايبة فيه


5-طول مانا شايفك
اغنية حتى كسلت ادور اشوف متشابهة مع ايه

لا كلمات ولا توزيع ولا اى حاجة فاى حاجة

6- خليك معايا
قلت يااه اخيرا لقيت اغنية عدلة فى الشريط
لحنها حلو اوى كلماتها حلوة اوى جميلة على بعضها
بس الفرحة مكملتش

فى اغنية اجنبى السمها SHAPE OF MY HEART
انا مسمعتش الاغنية بنفسى بس كذا حد قالى عليها انه نفس اللحن
7-روحى مرتحالك
لحن جميل جدا جدا وغريب على عمرو دياب !
8-انت الغالى
توزيع جميل جدا
دول الاغانى اللى لفتت نظرى عشان اعلق عليهم
ولا عزاء للناس اللى بتحب عمرو دياب
...................................................................




صفحة حال الدنيا

لقيت كلمات اغنية دواير من احلى كلمات الاغانى اللى شفتها ف حياتى

اسيبكو مع مقاطع من الاغنية

ساكنيين فى عالم يعشق الخطر فيه الطيور تهرب من الشجرو تهرب النجوم من القمر و تهرب الوجوه من الصور بنلف فى دواير ندور على الأمان و نلاقينا رجعنا لنفس المكان نحلم و نحلم بالحياه المفرحة و اتارى احلامنا بلا اجنحة ندور نور ندور بجناح حزين مكسور سعات نشوف فى العتمة و سعات نتوه فى النور و سعات عيونا بالأساة تفرح و سعات فى ساعة الفرح منوحة

كلمات :الأبنودى
BREAK

تفتكرى بجد..!؟

uhdh

لما تحسى انك عطشانه اوووى اوووى وبعد شويه تلاقى نفسك من كتر العطش مش عطشانه

تفتكرى احساسك ده بجد...!؟

لما تحسى انك عايزه تاكلى حاجه معينه ولما تتشغلى شويه .. تنسى

تفتكرى اشتياقك ده كان بجد..!؟

لما تكونى ملهوفه على الورقه والقلم وتحسى انك هتكتبى الى متكتبش ولما تمسكى القلم متلاقيش حاجه تكتبيها

تفتكرى لهفتك دى بجد..!؟

لما تحسى انك محتاجه حد اووى ومتلاقيهوش جمبك مع انه قدامك ولما تيجى تتكلمى تحسى ان معندكيش جديد تقوليه

تفتكرى احتياجك ده كان بجد..!؟

فكرت فى الموضوع وحاولت الاقى له اجابه على الاقل مقنعه بالنسبه لى

لما بنحب حاجه زياده عن اللزوم او بنحتاج حاجه اوووى بنحاول نلاقيها فى خيالنا لانها مش موجوده فى الواقع

ومن شده احتياجنا واشتياقنا بيزيد الخيال لدرجه تبدأ تحس فيها الخيال واقع

وانى فعلا شربت لما كنت عطشانه واكلت الى كان نفسك فيه

وانى فعلا كتبت كل الى كنت عايزاه وكفايه كده كتابه...... مع انى محطتش القلم فى الورقه

نفس الحكايه لما بتكونى محتاجه لحد ونفسك تحكى له عن كل حاجه

ولما تيجى تدورى عليه تلاقيه جمبك ومش جمبك جايز ادامه بس روحك مش لقياه

بتكلمميه اه .. بس مش سامع صوتك

ساعتها بتتخيلى انك كلمتيه وقولتى له عن كل الى نفسك فيه

وجايز كمان خيالك يرد عليكى على انه هو

ولو قابليته تانى فى الواقع هتلاقى نفسك بتتاعملى معاه على انه عارف كل حاجه

بعدها تدريجى بيقل اشتياقك واحتياجك للشخص ده على الطبيعه لانك ملقتيهوش قبل كده

بالظبط زى ما قل احساس العطش والاشتياق لاكله واللهفه على الورقه والقلم

البوست ده مش عتاب ولا لوم

جايز وقفه مع نفسى عشان احدد طريقه تعاملى الى جايه مع ناس بحبهم وعشان بحبهم لازم اغيرها قبل ما اخسرهم اكتر من كده

جايز اكون بالنسبه لهم بنوته مزعجه

بس اوعدهم انى هبطل ازعجهم لانى هبعد عنهم لحد ما يدوروا هم عليا

ممكن اكون هقسى عليهم واعاملهم بطريقه جديده عليهم بس قسوتى هتكون زى قسوه الام على ولادها عشان يكونوا احسن ناس

loza

ما سبب تلك الغضبة

اتعجب لحالة الغضب المفاجىء التى تنتابنى بصورة غير متوقعة ففجأة اشعر بغصة فى حلقى تمنعنى من التحدث و كأنها مرتبطة ارتباط غير مادى بعينى فأذا حاولت تجاوز تلك الغصة لاتكلم اجد دموعى تنساب بلا سبب و اجد تلك الغصة تكبر و تتضخم حتى لتملأ حلقى فتؤلمنى ثم اتنبه .. لم كل هذا الغضب؟ماذا حدث؟؟ و اذا بى افاجأ بعشرات الاسباب التى تثير الغضب بل الحنق تندفع الى عقلى كأنما تتعمد استفزازى و الوصول بى لأقصى الحدودو اجدنى متحفزة اكاد اترقب اخطاء من حولى فيزداد غضبى و ضيقى و اشعر بأنقباض قلبى .... ينقبض و ينقبض و ينقبض حتى لاشعر كأنما هناك كوة فارغة مظلمة تحتل مساحة قبضة اليد التى يحتلها قلبى ... فأشعر بالفراغ داخلى فراغ يكاد يبتلعنى و اظل احاول تهدئة نفسى معللة غضبى بأسباب واهية سرعان ما ستنتهى فينتهى معها غضبى و لكنى لا أقتنع بتلك الاسباب فيزداد غضبى حتى لأفكر ان اقوم بردة فعل عنيفة كأن اكسر مرآة امامى فقد يتلاشى غضبى مع تلاشى كيانها قد يتحول غضبى الى فتات لا يؤثر فى كما تتحول المرآة الى فتات لا تعكس صورة واضحة و لكن ارجع لأمنع نفسى من تلك الردة حتى لا يشعربى احد. فتتجمع فتات المرآة مرة اخرى لتعكس الصورة واضحة صورة فتات غضبى تتجمع ليعكس شعور قوى غاضب شعور يزداد يزداد حين اتنبه انه لا سبب حقيقى لغضبى بل قد صحوت و انا اشعر بضيق داخلى سرعان ما تضخم ليشعرنى بتلك الغضبة.. من انا هل انا مجنونة لأغضب من قبل ان اصحو هل انا مختلة لأغضب بلا سبب و تظل تلك الأسئلة الحانقة تضرب فى ارجاء دماغى كما يضرب الناقوس و يستمد غضبى قوته من كل ضربة و يزداد حتى ليطيح بداخلى فأنهض مسرعة و امسك قلمى و اخرج دفترى من مخبأه و اجد الكلمات المسرعة تنساب من عقلى مضطربة و مع كل كلمة اكتبها اشعر بأن تلك الكوة فى صدرى تتلون و تمتلا بميان ينبض و ينقبض انقباضات مسرعة سرعان ما تهدأ و تنتظم عند كتابتى لآخر كلمة وردت على عقلى لأجدنى اقع فى حالة من التعب و الخمول تصيب عضلات جسمى كلها كمن قام بمجهود شاق صعب عليه تحمله.... ثم اعاود لأقرا تلك الكلمات لأجدها تارة غير ذات معنى و تارة اخرى متكاملة و يزال ذلك السؤال يتلاعب بعقلى فتارة يختبىء و تارة يخرجلى وجهه الخبيث
ما سبب تلك الغضبة؟

عيد ميلاد الليلة مين...هنفرح ست الحلوين....

المكان : كاريزما

الزمان:الساعة 10 بالليل

التاريخ 8-7-2007

اللى هوا تانى يوم عيد ميلاد نورا

الاحداث :نورا بتسلم على الايد اللى جاية مخصوص تسلم عليها يوم عيد ميلادها

كل سنة وانتى وطيبة يا نورا

كان يوم جميل

احنا اتبسطنا جدا جدا جدا جدا وربنا يخلينا ل بعض

عقبال مليوووووون سنة

والمرة الجاية نيجى نعملك الاكل ف خطوبتك

يا جماعة نفرجكو على صور الأكل اللى احنا عملناه ف عيد ميلاد نورا

احنا طبخنا الاكل بس طبعا بريك مطبختش حاجة عشان هيا اللى فازت فى مسابقة البوستات الشهر ده

بس وضبت السفرة هيا والسنفورة

و المكرونة دى عمايل سخسوختى وكهرمانة

والبانيه اللى مش باين جنب المكرونة ده عمايل لوزه

و بالهنا والشفا

احنا بنحبك يا نورا ويارب نفضل اصحاب علطوووووول وربنا يخليكى لينا

وبنهديلك اغنية نانسى عيد ميلاد الليلة مين ..عيد ميلاد نورا ..هنفرح ست الحلوين ونشيلها فعيونا :D

الستة بتوع صيدلة

لن اقبل بكونه شوكة سأنزعها

هل ستصبح دائما نقطة ضعفى ؟

هل ستظل دائما محور عجزى ؟

ظننتك محورا لارتكازى فى هذه الدنيا !!

الى متى ساظل ضائعة وراء احلامك و امالك ؟!

الى متى ستهفو وراء من يبتغى الامك ؟

الا تعقل انه لا يهواك ام انك انت الذى تقنع نفسك انه يجرى فى بحار اخرى مع سواك ؟

و عندما تفيق من الصدمة و تنكشف عنك هذه الغمة

تجد نفسك هاويا فى بحار اخرى ألم تتخذ مما فاتك عبرة !!

ألا تنظر الى من حولك كم ملأهم الأسى و الحزن على ما فات ام انك لا تهتم الا بكل ما هو آت؟!

اتحب الحب لتحلم بالحبيب ام ان بداخلك نداء لا تجد له ملب او مجيب ؟

فتجيب نفسك يا قلبى بما يهيىء لك انه الطبيب !!

الى متى سترسم لنفسك الشخص الذى يملأك فاذا ما وجدت به خطأ اقنعت نفسك انه الخطأ و انه سيجرى وراء غيرك كى لا تلام

ثم اذا وضعت جنبك كالانام رسمت ملامحا اخرى ظننت وقتها انها المراد فى الاحلام

ثم تستيقظ فى عالم الواقع فتجد نفسك انت الملام

فاذا ما اكتشفت ذلك حكمت على حلمك بالاعدام !!

فمتى تجد يا قلبى مرساك

و اعلم ان الاستقرار فى الحقيقة هو مناك

الى متى ستظل ترسم فى الحلم و لا تجد فى الحقيقة هواك

أيعقل ان تعيش العمر كله بلا نبضة حب او حراك ؟

تأمل ان تجد فى الحقيقة صورة حلمك الذى تظن انه مأواك

ام ان القدر يخفى لك فى هذه الدنيا نصيبك

و لن تظل هكذا معذب تبحث عن حبيبك

و لانك متقلب حتى فى احلامك فأريدك ان تعلم جيدا انى لن أرضى ان تظل هكذا شوكة اتحملها فانى استطيع فى لحظة بارادتى ان انزعها

و ان اجعلك هكذا دائما من الحب خالى و ان كنت على عزيز و غالى فأقولها لك احذر منى و كن معى كالملاك

احركك بعقلى حتى تهفو الى مصيرك و مبغاك

و قتها سأتركك تحبه لانه وقتها سيكون هو الملاك

فطهر قلبى يا ربى و اجعله دائما لا يبحث الا عن رضاك

ملحوظة : الصورة اخدناها من بلوج who i am

kahramana

7adath belfe3l " msh belfe3l awe "

ha7kelko ya gama3a 7aga wallahi 7asalet ma3aya we law msh 3ayzeen tesadda2o 22roha 3ala ennaha 7kayet 2bl elnoom.. mn yomen kda aw talata da'7alt anam we kont morhaka geddan elmohem 2awwel maget 2d'7ol f elnoom la2eet wa7da 2ammora awe gat tesa77ene we bet2olle ennaha 3ayzane 2asa3edha...besara7a ana esta'3rabt. men de?. shaklaha msh '3areb 3alayya elmohem en ana 2omt 2shofha 3ayza eh la2etha betotlob mnne 23allemha ezzay teslob f elmayya .. eza kont ana maba3rafsh 23oom 23allemha ezzay.. nezelt ma3aha le 7ammam elseba7a we 2olt 27awel ma3aha '7sosan ennaha kanet betzenn 3alayya ennaha mot2akkeda en ana ba3raf 23oom... 2a3adna 7awale sa3teen we fel 2a'7er 3allemtaha toslob bs betare2a '3areba la2en awwalan elmayya kan malmasha '3areb shebh gamed ledaraget en ana shakket en de madda salba loola elbalall elle ana 7assah. elmohem la2etha betetlob mnne enne 23allemha tenam 3ala dahraha f elmayya ... eh eltenka de? besara7a ana knt ba3raf anam 3ala dahre f elmayya bs el'3areba en ana kol mage 2a33allemha 2ala2e en f s3ooba we fe waga3 shdeed fe 3adme... elmohem ma3 shewayyet maghod mnha we ma3 kter waga3 fe 3adme 3allemtaha... we yaretha sabetne .. 2addena elyoom kollo ba3allemha 7arakat '3areba zay ennaha tenam 3ala ganbaha fe elmayya we etsa7ebt 3aleha we kol shewayya 3adme yewga3ne 2ktar we 2a7es belbard elshded ra'3m en 27na fel seef...... we fag2a la2et elbnt tel3et tegre b3eed zay maykoon shafet 3afret fag2a we la2eet elmayya betegmad we shewayya shewayya tet7awwel lemartabet sreer we la2et yoman bnt '7alte bet7ott 3asaya fe bo22e we bet2olle " ya '7arabe ya sara dante toool ellel so'7na. manadetesh 3alayya leh?"
fag2a fehemt kol 7aga .fhemt en da ta'7reef mn el7omma we en elbnt de heyya ana we ana msh 3arfa 2t2alleb fel sreer mn kotr elwaga3 elle fe 3adme we en sure elmayya gamda we mablola la2en da elsrer msh elmayya we elbalal da howwa el3ara2....
besara7a ana fre7t awe la2en de kanet 2wwel marra 2t'3alleb 3ala elso'7oneyya 3an taree2 mana3et elgsm mn '3er 2dweya ra'3m ennaha kanet 3amaleyya mo2lema geddan...
eh da ana shayfa elbnt de mn b3eed tane gayya we ma3aha elmayoo
laaaaaaa yomna el7a2ene b modad 7ayawe besor3aaaaaa

.....................................................................
ma3lesh katabt franko elmarra de esta7mloone ana wa7da mareeda we mn 7a22e f shewayyet dala3
.....................................................................

from sara with love

بكلمنى

كان نفسى اشوفنى وانا بكلمنى فقلت هنزل البوست دا اكتب فيه كانى بكلم نفسى وبالمرة اجرب الكيبورد الجديدة وبعدين اقراه كانى

بردعلى نفسى وفى الحالة دى ابئا وصلت للى انا عايزاه

اكتب شوية احاسيس حساها

اول حاجةجت على بالى وانا بكلمنى

ان رمضان قرب _اللهم بلغنا رمضان_و انتى المفروض ان شاء الله مش ناوية يعدى رمضان دا زى اى رمضان عدى عليكى قبل كدا ..ان شاءالله هيكون مختلف...ولازم توعدى نفسك بكدا يا سمر

تانى حاجة !!!!!!

تالت حاجة ..انتى متضايقة من ناس معينةالفترة دى يمكن من غير سبب يمكن لانك بقيتى وحشة وبتشيلى من ناس كتير بس انا عايزة افكرك بحاجة الرسول _عليه الصلاةوالسلام قالها_" ان تخالط الناس وتصبر على اذاهم خير من الا تخالط الناس ولا تصبر على اذاهم " عشان كدا من دلوقتى هنفتح صفحة جديدة للكل ايا كان اللى عمله او اللى عملت

رابع حاجة انا مفتكرش انك عمرك لعبتى شطرنج طول حياتك و مش هتحاولى لانها مجرد لعبة حقيرة تنتهى بركلة للخارج بدون أسف على صاحبها ....والمعنى فبطن الشاعر

خامس حاجة..لازم تحافظى على لسانك بعد كدا رغم انه ضمن التشريح عضو داخلى الا انا عيزاكى متخرجيهوش برا بوقك الا بطلب مباشر من الطبيب بعيدا عن كمية النميمة والغيبة انتى تسعة وتسعين فى المية من كلامك بيتفهم غلط مش زى مانتى عايزة تقوليه

فمن دلوقتى قبل ماتقولى الجملة تعملى حسابها كويسة

سادسا دا بئا نخب لصداقة ولت و مش عايزاكى تفكرى فيها تانى لانها متستاهلش اصلا التفكير فيها عايزة اقول جملة موحية جدا بس صعب انها تتقال كدا على الملأ ..هبئا اقولهالك بينى وبينك..وتشكرى يا رانياعلى الجملة دى لانها هيا اللى خلتنى فعلا اعرف انى كنت اتنازلت عن كرامتى شوية

وعلفكرة مش معنى كدا ان الصداقة دى انتهت نهائيا هيا لسة موجودة ماديا بس انتهت بالنسبة ليا معنويا بس لقيت جملة بديلة

"

الأحمق فقط هوا من يغمض عينه ويلقى بنفسه من أعلى القمة"

بس كفاية كدا كلام عليكى انتى رغاية اوى صدعتينى

break &break