محدش يفهمنى غلط
انا طول عمرى لحد من خمس دقايق كدا نفسى حد يدينى وردة هدية لانى عمرى ما حد ادانى ورد غير مرة واحدة واحدة صاحبتى اسمها مروة جابتلى وردة فعيد الحب
ما علينا يعنى المهم انى قلت لو مستخسر الوردة فيا هوافق بعود جرجير حتى
بس يعنى انا مش هروح اقول لحد هاتلى وردة لان لما حد بيدى لحد هدية بيبئا هوا مديهاله من قلبه
اللى فكرت فيه النهردة ايه بئا ان الواحد لما بيدى لحد هدية بيكون مستنى المقابل اللى هوا بيكون فرحة فعين الشخص اللى بتديله هدية او ابتسامة او يسامحك على غلطة
بس لما حد بيجى يبوسك وانت نايم دا مبيكونش مستنى منك حاجة لانك غالبا مش بتحس بيه بيكون حاسس حاجة ناحيتك ومش عارف يعبرلك عنها فبيبوسك وانت نايم
ومبيكونش مستنى منك اى مقابل
ف مش شرط ان حد يدينى وردة عشان احس بحبه ممكن يكون بيعمل حاجات كتير زى البوسة كدا انا مبحسش بيها ومش مستنى منى مقابل قصادها ولا يهمه انى اعرف انه عملها اصلا
بس دا ميمنعش بردو انى مش هتنازل عن الوردة
break
هناك ٣١ تعليقًا:
فكرتينى بماما
وانا بقول ايه النور دا
اتارى لوزتى حبيبتى منورانى
بس عندى سؤال يا لوزتى
هيا مامتك بتمر بسن المراهقة ولا ايه؟
انا قصدى يا ناصحه ان ماما بتيجى تبوسنى وانا نايمه
وبلاش دماغك تحود شمال
very very nice and meaningful!!
الى المجهول
مين حضرتك مش تعرفينا يعنى سعادتك مين؟
ولا المفروض افهم بذكائى كدا انك لوزة
عموما انا مفهمتش
myra
انا سعيدة جدا جدا انها عجبتك و شكرا على اهتمامك
حد قالك قبل كده انك انصح اصحابك
انتى
وبعدين يا انسة احنا مش هنتخانق هنا
وفرى فضايحنا
هههههههههههه
طبعا الضحك ده عليكي انت ولوزة
لكن ما علينا
البوست حلو قويعارفة أنا برضه عمر ما جالي ورد، وعمري ما اشتريت ورد، لكن امبارح بالذات حلمت اني شتري ورد لحد بعزه..بس مش عارفة الحلم ده هيتحقق امتى
لكن بقى لما تدي حاجة لحد من غير ما تستني مقابل ده بيبقى نوع عالي جدا من الحب .. مش اي حد بيعمله
يادى الهنا يا دى الهنا
لأ انا مش مصدقة عونيا
بس نصيحة منى لما تيجى تدى لحد وردة اديله وردة البامبو عشان مش بتدبل
بجد مبسوطة اوى من التعليقات النهردة
طيب ممكن عود ملوخية مثلاً
ههههههه
انتي ولوزة فعلا تجننوا خفة دم بجد
المهم ياستي و لا يهمك بكرة ييجي البية اللي حايجيبلك ورد و جرجير و نعناع و كل اللي نفسك فية و يتخرب بيتة في الفالانتاين علشان يشتري دباديب و مخدات وقلوب و غيرة
بس لما يقدملك الشبكة ابقى افتكري كلمتي اللي جاية دي " ان دي اخر هدية حاتشوفيها منة" بضمير و من نفسة و من غير ما حد يطلب منة و لا يقوللة
هههههه
تحياتي
ايه دة يا بنتى
مش تقولى ان نفسك فى وردة
كنت جبتلك بوكيه بحاله
الحصان الاسود
عود جرجير عود ملوخية عود فجل كله كويس
انا دلوقتى عرفت انا مش عايزة شبكة ليه
عشان افضل اخد هدايا علطول
و نورتنى
ملك
وادينى قلت ....أما نشوف
اويوااااااااااااااااااااا
والله يبنتى انا فايدى وردة دلوقتى
اقابلك واديهالك يلا متغلاش عليكى بس هتكونى فاضيه امتى ؟؟؟؟؟؟؟؟
أويواااااااااا !!!!!!
ايه الرد دا عموما نورتنى او نورتينى
ملك
ابعتيهالى مع اختك احنا نازلين النهردة
ومعاها جواب غرامى تعبريلى فيه عن مشاعيرك
Thanks for you work, is very nice. and have a good aeekend
david
thanks for ur reply
والله شعور جميل منكـ .. فكرتني لما كان اخويا صغير واشوف شكله ملاك نايم كنت لازم ابوسة ..ولحد الان كل لما اشوفه نايم لازم ابوسه
انا هاجيبلك الوردة ودي مافيهاش نقاش
.
.
لكن هتسمحي اني اديكي بوسة ؟
.
.
ههههههههه
ولله هتكون بوسه بريئة
batrysa
ربنا يخليلك اخوكى وتفضلى تحبيه علطول
واكيد هوا لما يكبر ويشوفك نايمة هيجى يبوسك بردو عشان يعبرلك عن حبه
وشرفتينى بجد
ادم المصرى
اسعدنى ردك وشكرا على اهتمامك بس انا متهيألى الاقربون اولى بالمعروف
و ملك وعدتنى تدينى وردة
طبعا هجيبلك احلى وردة يا حبيبه قلبى
اولا الكلام جميل جدا جدا بس بصراحه مش لقيت التعليق اللي كنت بدور عليه لما قريت كل التعليقات منا فاضيه بقي حاليا
جميل ان حد يبوسك وانت نايم بس الاهم متصحاش مخضوض وتفزعه وهو بيعمل خير تجبله القلب
ههههههههههه
nour_notsell
nour_notsell
ميرسى يا نور وردك انتى اجمل بكتير
هاتيلى انتى بس حد يبوسنى وانا نايمة ومتقلقيش نومى تقيل جدا مش هخضه
3la fekra eltopic dh gaaaaaameeeeed gdan gdan gdan
we f3ln ehsas gamel ama 7d y2dmlk hedya w y2b2a msh mstany mo2bl
nice break
dr/komy
thanks for ur reply,9 el7amd llellah enoh 3agabak
u r welcome in our blog
break
فى قدام مدرج تلاتة يا بريك وانتى خارجة من الباب ورق شجر وزرع
هتلاقى فى ورد احمر بيفتح
ابقى خدى وردتى اللى انا عاوز ادهالك من هناك
:)
dr/tama
لازم تعلمهالى بعلامة بئا هعرفها ازاى كدا D:
ميرسى عالوردة كانها وصلت بالظبط
الواحد لم ورود كتيرة اوى من ورا الموضوع ده
البوست الجاى هيبئا عن الشوكلاتة
topic gamel awe wlw anha mta7ra 7le f 3lmk ana 2oltlhm ytwso beke f el 32aker f el wrd
dr_elshater
على حسب فهمى الخفيف للغة الفرانكو ترجمت كلامك مش عارف صح ولا لأ
لو كان زى مانا فهمت انك وصيت عليا فى العقاقير يهتمو بالورد يبئا روح يا شيخ...............
مش هدعلى عليك
هقول ربنا يخليك بس
البلوج نور
إرسال تعليق