لما تحسى انك عطشانه اوووى اوووى وبعد شويه تلاقى نفسك من كتر العطش مش عطشانه
تفتكرى احساسك ده بجد...!؟
لما تحسى انك عايزه تاكلى حاجه معينه ولما تتشغلى شويه .. تنسى
تفتكرى اشتياقك ده كان بجد..!؟
لما تكونى ملهوفه على الورقه والقلم وتحسى انك هتكتبى الى متكتبش ولما تمسكى القلم متلاقيش حاجه تكتبيها
تفتكرى لهفتك دى بجد..!؟
لما تحسى انك محتاجه حد اووى ومتلاقيهوش جمبك مع انه قدامك ولما تيجى تتكلمى تحسى ان معندكيش جديد تقوليه
تفتكرى احتياجك ده كان بجد..!؟
فكرت فى الموضوع وحاولت الاقى له اجابه على الاقل مقنعه بالنسبه لى
لما بنحب حاجه زياده عن اللزوم او بنحتاج حاجه اوووى بنحاول نلاقيها فى خيالنا لانها مش موجوده فى الواقع
ومن شده احتياجنا واشتياقنا بيزيد الخيال لدرجه تبدأ تحس فيها الخيال واقع
وانى فعلا شربت لما كنت عطشانه واكلت الى كان نفسك فيه
وانى فعلا كتبت كل الى كنت عايزاه وكفايه كده كتابه...... مع انى محطتش القلم فى الورقه
نفس الحكايه لما بتكونى محتاجه لحد ونفسك تحكى له عن كل حاجه
ولما تيجى تدورى عليه تلاقيه جمبك ومش جمبك جايز ادامه بس روحك مش لقياه
بتكلمميه اه .. بس مش سامع صوتك
ساعتها بتتخيلى انك كلمتيه وقولتى له عن كل الى نفسك فيه
وجايز كمان خيالك يرد عليكى على انه هو
ولو قابليته تانى فى الواقع هتلاقى نفسك بتتاعملى معاه على انه عارف كل حاجه
بعدها تدريجى بيقل اشتياقك واحتياجك للشخص ده على الطبيعه لانك ملقتيهوش قبل كده
بالظبط زى ما قل احساس العطش والاشتياق لاكله واللهفه على الورقه والقلم
البوست ده مش عتاب ولا لوم
جايز وقفه مع نفسى عشان احدد طريقه تعاملى الى جايه مع ناس بحبهم وعشان بحبهم لازم اغيرها قبل ما اخسرهم اكتر من كده
جايز اكون بالنسبه لهم بنوته مزعجه
بس اوعدهم انى هبطل ازعجهم لانى هبعد عنهم لحد ما يدوروا هم عليا
ممكن اكون هقسى عليهم واعاملهم بطريقه جديده عليهم بس قسوتى هتكون زى قسوه الام على ولادها عشان يكونوا احسن ناس
loza
هناك ٥٣ تعليقًا:
عارفة يا لوزة عندك حق في كل كلمة
مش هأقدر أقول اكتر من كده
بس حكاية الجوع و العطش دي إنسي يا بنتي ما ينفعش الأحلام و الخيال و الحاجات دي لازم على أرض الواقع
أما فعلا ده ممكن يحصل مع أشخاص يعني ممكن تبقي محتاجة لحد جدا تشوفيه تتكلمي معاه و ممكن تعملي كل ده في خيالك فتحسي إنك خلاص مش محتاجة له تاني حتى لو قابلتيه تاني بعد كده ..... ربنا يستر شكلنا كده بنتجنن يا لوزة
عجبنى اوى اوى مقالك يا لوزة وحسيت به اوى اوى خصوصا الاحساس بانك بتحبى تكلمى حد معين بالذات .. فا ممكن الواحد يحب مجرد الجلوس امام حد معين ليفكرة بزمن معين .. مثلا يعنى ممكن الواحد يشتاق لرؤيه واحد كان معاه برحلة جميله فمجرد الجلوس معه يفكرة بالرحلة و الوقت الجميل الى اصبح زكرى بتاريخ مضى
محمد السنديونى
معاكي حق فى احساسك دة
فعلا كتير بحسه
وتفسيره إلى حد ما اعتقد ان معاكى حق
واتخادك للقرار كمان اعتقد انه صائب برضه
فى حديث بيقول : (ازهد فى الدنيا يحبك الله وازهد فيما عند الناس يحبك الناس )
صدق رسول الله صلى الله عليه وسلم
ازهد =اترك طبعا
تحياتى على البوست الرائع :)
loza
ana sa3at ba3mel elle ente bet2oleh da betare2a tanya
ya3ne mathalan 2b2a nfse 2s2al 7ad so2al awe we fag2a 2awwl mahsofo 22ollo " ha eh ra2yak?"
mn '3er mas2alo
nege ba2a natkallem gad
3an mawdoo3 ennek beteb2e 3ayza tekalleme 7ad mo3ayyen
sure ente 2asdek 3alena elle law ente betsa7be mn warana
msh had7ak 3aleke we 22ollek en 27na msh kda we en e7na ma3ake 3alatool
la2 ana 3an nfse ba2assar ma3ake f elmokalmat we '3aleban lamma betkallemen bab2a msh ma3ake awe bs sadda2ene ana nafse sa3at ba7es belle ente bet7esse da we bardo maba3rafsh 22olloko sa3etha tela2one 3asabeyye fag2a bs ana knt bafassar da be en ana msh egtema3eyya bs da shaklo waba2
3ayza ana eh mn da kollo?
3ayza 22ollek enne 2asfa 3ala elfatra elle fatet de beltare2 elle 23raf 2a3abbar feha 3an elle gowayya we begad matez3alesh mn 7ad fena we balsh 2swa la2ennek mebete3rafesh temathele door elshrrera
by the way u can delete my comment after reading it becoz i wanted 2 say it 4 u and i don't care 4 any bady else
we matettesleh t2olele eh elkalam elle ana katbah da
تصدقي كنت عطشانة لما قرات البوست شبعت خلاص:D
عارفة لما اكون حاسة اني هكتب كلام كتير يعبر عن اعجابي بالبوست وتيجي تكتبي تلاقي الكلام راح
روحي بقي قابليني في خيالي علشان اقولك عليه:D
تسلــــــــم ايدك ياقمر
تفتكرى بجد انى اكون عايزه اقول كلام كتـير و مش لاقيه ولا كلمه ... بس اعتقد ان ده احساس طبيعى و هى دى الدنيا و بتبقى فتره و بتعدى و نفس الشخص ده ممكن فى موقف تانى تلاقيها جيالك و بتقولك انتى مش نفسك تقوليلى حاجه
و بعدين ايه حكايه الام الاسيه دى ماتنفعيش با مى فى الدور ده وبعدين انا مش عارفه برضوا اطلع اللى انا عاوزاه فكفايه عليكى كده و حقوم اكلمك احسن :)
عارفة لما تلاقي الكلام بيخرج من غيرك
بسيط لكن شبه اللي جواكي
بس البعد أحيانا بيكون اكتشاف غير اللي انتي متوقعاه
يعني مثلا انك مكنتيش شيء لناس كتير
ويمكن كده احسن اننا نعرف نقطنا عند الغير فين
لكن تظل توجع
والجملتين دول بيختصروا كتير
------
لما بنحب حاجه زياده عن اللزوم او بنحتاج حاجه اوووى بنحاول نلاقيها فى خيالنا لانها مش موجوده فى الواقع
نفس الحكايه لما بتكونى محتاجه لحد ونفسك تحكى له عن كل حاجه
ولما تيجى تدورى عليه تلاقيه جمبك ومش جمبك جايز ادامه بس روحك مش لقياه أو مش معاه
------
والبعد برده بيكون علشان منوجعش الناس بوجعنا
وشكرا لبوست أوجعني
الله الموضوع جميل يا لوزه اوي انتي وصفتي الاحساس ده بطريقه جميله اوي حقيقي انا بمر بالاحساس ده كتير اوي بس صدقيني البعد مش هو الحل لان لو هما مش بيسالو عنك فهما مش حيسو ببعدك
فانتي لازم انتي تقربي منهم وتحسيسهم بغلطهم
انا بحس حكاية الشخص دي في ناس كتير حوليا
بعد اقول ياربي ابعتهالي عشان اكلمها
ولما تبقى ادامي
مش بقول حاجة
مش بحس ان روحها تخليني اقول حاجة
مش عارفة بحس ان زي انا اديت امل لنفسي كبير
ناس كتير حوليا مبقتش احب افضفض معاهم
خلاص حساني قفلت من ناحيتهم
مش معنى كدة انهم عملوا حاجة وحشة
بس ما ابدوش اهتمام !!
انا مش حساني حاجة عندهم
عندك حق المفروض الحل انك تبعدي لحد لما يعرفوا يعني ايه لوزة تتكلم معانا وتفضفضلنا :)
bgd ana msh 3arf 22ol eh
bgd ya loza post gameeeeeeeeeed gdan gdan gdan gdan
ama as7abk fe3lan lazem te2olelhom enk za3lana 3shan mat7`sarosh ba3d
wlaweny 3arf en sa3b enk tero7y l7ad w te2olelo enk za3lana
bgd very very very very nice post
اللى ياكل لوحده يزور ... احساسك بالمومه ده يا ميمو عشان الدريل الجديد ده اللى جبتيه و احسنلك بقى تعمليه تونيك
كوينتى
بس حكاية الجوع و العطش دي إنسي يا بنتي ما ينفعش الأحلام و الخيال و الحاجات دي لازم على أرض الواقع
امكاانتيات بقى:D
ربنا يستر شكلنا كده بنتجنن يا لوزة
:0 متقوليش كده لحسن ت..... ولا اقولك بينى وبينك بقى :)
محمد السنديونى
اهلا بحضرتك على البلوج
وان شاء الله نشوفك تانى
.. فا ممكن الواحد يحب مجرد الجلوس امام حد معين ليفكرة بزمن معين .. مثلا يعنى ممكن الواحد يشتاق لرؤيه واحد كان معاه برحلة جميله فمجرد الجلوس معه يفكرة بالرحلة و الوقت الجميل الى اصبح زكرى بتاريخ مضى
مهى المشكله بقى انك متلاقيش الشخص ده
حتى ولو لقيته يكرهك فيه غصب عنك
The Manager
فى حديث بيقول : (ازهد فى الدنيا يحبك الله وازهد فيما عند الناس يحبك الناس )
صدق رسول الله صلى الله عليه وسلم
انا كمان بحس ان فى نوعيات من الناس متعبرهاش تلاقيها جيالك برجليها
بس تقريبا الطريقه دى مش مع كله
فى ناس لما نبعد عنهم بياخدوها على اننا ناسينهم ومبنحبهمش
الناس دى بالنسبه لى طبيعيه وسهل انى اتعامل معاها
المشكله فى النوع التانى الى متعبروش يرجع لك
لانى عاده مبعرفش اتقل على حد بحبه وخاصه لو كنت بحبه اوووووووووووووووى
شكلى كده طولت
ميرسى جدااا لرد حضرتك
تعرفى يا لوزة انك تقريبا فلسفتى حجات كتير اوى ولخصتيها بصورة جميلة اوى...
هايلة بجد
ساره
على فكره انا رايحه لدكتور العيون النهارده ولما ارجع هبقى هتصل بيكى :D
la2 ana 3an nfse ba2assar ma3ake f elmokalmat we '3aleban lamma betkallemen bab2a msh ma3ake awe
يانهااااااار :O
طب كويس انى كتبت البوست عشان اعرف
عااااااااااامه يا ساره
انسى مكالمه النهارده لما ارجع:/
bs sadda2ene ana nafse sa3at ba7es belle ente bet7esse da we bardo maba3rafsh 22olloko sa3etha
ايوه بردو حضرتك مدتينيش مبرر للى فوق
tela2one 3asabeyye fag2a bs ana knt bafassar da be en ana msh egtema3eyya bs da shaklo waba2
هو مش وباء سيادتك هو غباء
انتى اكتر واحده عارفه انى مبحبش الوم حد ولا اعاتبه
وعشان كده مش هلومك وهسيبك لضميرك:(
3ayza 22ollek enne 2asfa 3ala elfatra elle fatet de beltare2 elle 23raf 2a3abbar feha 3an elle gowayya we begad matez3alesh mn 7ad fena
تقبلنا
بس متحاوليش مش هتصل بردو:D
we balsh 2swa la2ennek mebete3rafesh temathele door elshrrera
انتى قديمه اووووووى
:)ده انا اتشرشرت دلوقتى و بقيت اعجبك
by the way u can delete my comment after reading it becoz i wanted 2 say it 4 u and i don't care 4 any bady else
ليه انتى شتمتى يا بت فى النص ولا ايه
مانا عرفاكى
we matettesleh t2olele eh elkalam elle ana katbah da
متخااااااافيش انا نسيت نمرتك
وهمسح نمرك من على الموبيل ( وش اتقرف منك)
مرموره
ايه يا بنتى فينك لا بنشوفك على المنتدى ولا فى البلوج
جايز عشان مبدخلش :D
تصدقي كنت عطشانة لما قرات البوست شبعت
على كده البوست ده يفطر فى رمضان:)
روحي بقي قابليني في خيالي علشان اقولك عليه:D
خلاص النهارده الساعه8 ونص
اه نسيت اقولك
اخرى 10 ونص عشان بابا بس:D
ميرسى يا مرموره على ردك
لوزه
حلو اوي احساسك وصلني بجد
وجعني بجد لاني اعيشه ساعات كتير
سلميلي على المجموعه وخصوصا بريك
:)
نو نو
انا قولت 3 الاف مره مش عايزه اشوف قطط فى البلوج
يعنى كل ما اروح حته الاقيكى نطالى كده
نفس الشخص ده ممكن فى موقف تانى تلاقيها جيالك و بتقولك انتى مش نفسك تقوليلى حاجه
خليك ورا الكداب
و بعدين ايه حكايه الام الاسيه دى ماتنفعيش با مى فى الدور ده
طب جربونى اخر مره( وش بيعيط)
نهى جمال
يعني مثلا انك مكنتيش شيء لناس كتير
المشكله انى عارفه انى حاجه عندهم بس هم عايشين لهم يومين
او جايز اكون انا الى فاهمه كده:(
والبعد برده بيكون علشان منوجعش الناس بوجعنا
وتقدرى تقولى انك عايزه اخر حاجه تكونى سيباها عندهم الابتسامه
وانك تحسسيهم بقيمتك لما تبعدى
لان الانسان مبيعرفش قيمه الى حوليه غير لما يروح منه
ميرسى جداا يا نهى على رايك
سعيد
حقيقي انا بمر بالاحساس ده كتير اوي
هى الناس كلها كده ولا ايه:S
بس صدقيني البعد مش هو الحل لان لو هما مش بيسالو عنك فهما مش حيسو ببعدك
فانتي لازم انتي تقربي منهم وتحسيسهم بغلطهم
بصراحه انا مبحبش اقرب من ناس مش حاسهم
ويعدين لو هم مش حاسيين بيا خلاص كده اذا كنت بعدت ولا قربي
يبقى على ايه ....!؟
ميرسى جداا لردك
فلونا
انا بحس حكاية الشخص دي في ناس كتير حوليا
اه لا هى تقريبا كل الناس كده :D
عندك حق المفروض الحل انك تبعدي لحد لما يعرفوا يعني ايه لوزة تتكلم معانا وتفضفضلنا
ايوه عشان يتعلموا:D
كومى
bgd ya loza post gameeeeeeeeeed gdan gdan gdan gdan
اخجلتم تواضعنا:)
ama as7abk fe3lan lazem te2olelhom enk za3lana 3shan mat7`sarosh ba3d
ان شاء الله مفيش خساره
هو الموضوع مش كبير عندى اوى كده
انا بيكفنى مكالمه منهم
وبعدين احنا الصداقه بتاعتنا واخده ضمان مدى الحياه ان شاء الله
wlaweny 3arf en sa3b enk tero7y l7ad w te2olelo enk za3lana
انا كمان بحس انى كده :D
bgd very very very very nice post
كده هبدأ اصدق انه حلو :S
سنفوره
احساسك بالامومه ده يا ميمو عشان الدريل
تصدقى مخدتش بالى ان ممكن يكون فى علاقه بين ال2
طب الحق نفسى بقى قبل الموضوع ما يتدهور:D
ELGaZaLy
تعرفى يا لوزة انك تقريبا فلسفتى حجات كتير اوى ولخصتيها بصورة جميلة اوى...
هايلة بجد
ميرسى جدااا لرد حضرتك
ده بس من ذوقك
ميرمار
حلو اوي احساسك وصلني بجد
وجعني بجد لاني اعيشه ساعات كتير
ربنا يخليكى ومتعشيهوش تانى
سلميلي على المجموعه وخصوصا بريك
يوصل ان شاء الله
لما تحسى انك محتاجه حد اووى ومتلاقيهوش جمبك مع انه قدامك ولما تيجى تتكلمى تحسى ان معندكيش جديد تقوليه
تفتكرى احتياجك ده كان بجد..!؟
البوست كله رائع
بس بجد الجملة دي فكرتني بنفسي أوي
أحيانا بيبقى الاحساس دة كان حقيقي فعلا
وأحيانا بكتشف إني عمري ما كنت محتاجة الشخص دة
أو يمكن كان احساسي متوجه غلط
يعني أكون محتاجة حد فعلا
بس مش شرط يكون هو الشخص اللي في بالي
ممكن أكون كنت محتاجة حد تاني خالص
بس يكون عقلي واحساسي خدعوني
وخلوني أفتكر إني محتاجة شخص وأنا أصلا مش محتاجاه
وطبعا أحيانا بكون فعلا محتاجاه
بس ممكن أكون لما شفته نسيت إني كنت محتاجاه
زي ما تقولي خلاص اكتفيت إني لقيته وخلاص
بس بجد بوست رااااااااائع
بنات
الستة بتوع صيدلة كلهم يعني
يعني انتوا الخمسة
عايزينكم معانا هنا
اقروا الموضوع كدة وشوفوا الفكرة
ولو عجبتكم بلغونا عشان احنا عايزينكم تشتركوا معانا
مستنيين رأيكم
http://titrated-minds.blogspot.com/index.html
انا من كتر ما حسيت بالجوع والعطش ...الاحساس ده مات عندى ة..
انى ااقعد واتكلم ...واحس انى محتاج الانسان ده اتكلم معاه
يمكن اوقات بيرجع لما ااشوف حد يفكرنى بيه ...سواء فى حركة او كلمة ...لكن غير كده ...تؤ.؟...ميت...لانه طلع صعب ان الواحد يفضل شايله جواه
فبقينا ناكل عشان بيقولنا كلوا...ونشرب عشان بيقولوا اشربوا
...:)
اكيد يا لوزا السبب فى كتابه الموضوع دا مشكله بينك وبين حد عزيز عليكى او احساس بالذنب او حتى عدم اهتمام بس لو جيتى تشوفى هتلاقى معظم الناس كدا انا عن نفسى كدا وقررت نفس القرار اللى انته قررتيه
بس ممكن يكون فى ظروف مش بايد اى حد وفى الاول والاخر مش من السهل ان الواحد يتخلى عن صحبه بسهوله
علشان كدا اصبرى شويه
بس بجد بوست حلو خالص وبيتكلم عن حاجه شغله ناس كتير اولهم انا
رغم كل شئ لا يسعنا الا التعامل مع الواقع كما هو
نصيحة
تعملي مع الناس بإمكانيتهم لا بإمكانيتك حتي لا تتعبي وتفقديهم
عيشي الحياة
ويجعلوعامر
ليه بس الالم ده كله
مش عارف اقولك ايه والله
مش لازمتقسي عليهم..ممكن المعامله تتغير لكن من غير قسوه
ممكن تبعدي شويه وتشوفي هيحصل ايه بس لو هما صحابك اوي خليكي متأكده انهم مش شايفينك بنوته مزعجه اكيد
لما تكونى ملهوفه على الورقه والقلم وتحسى انك هتكتبى الى متكتبش ولما تمسكى القلم متلاقيش حاجه تكتبيها
تفتكرى لهفتك دى بجد..!؟
لما تحسى انك محتاجه حد اووى ومتلاقيهوش جمبك مع انه قدامك ولما تيجى تتكلمى تحسى ان معندكيش جديد تقوليه
تفتكرى احتياجك ده كان بجد..!؟
!!!!!!!بجد انا بتحصل معايا كثير
بس احساسك عالي اوي والبوست رائع
تحياتي لكِ
بجد احساسك عالى اوى الموضوع دا شاغل ناس كتير اوى وممكن يكون السبب فى مشاكل كتير عند كل الناس منهم انا بس حل المشكله اللى عندك دلوقتى مش فى ايدك لانك عملتى اللى عليكى وكتبتى
البوست المفروض هما لما يعرفوا ان دا شعورك تجاهم هما اكيد مش هيبعدوا عنك خالص
انتى عارفه على الرغم انى عندى نفس المشكله انا اللى غلطان علشان انا اللى مش عارف اوصلهم اللى فى دماغى بس انا دلوقتى ممكن اخليهم يشوفوا البوست بتاعك واقلهم انى انا لــــــــــــوزا
ويسبر
البوست كله رائع
ربنا يخليكى
عايزينكم معانا هنا
اقروا الموضوع كدة وشوفوا الفكرة
ولو عجبتكم بلغونا عشان احنا عايزينكم تشتركوا معانا
مستنيين رأيكم
لوفيهاشيكولاته يبقى خلاص
ان شاء الله معاكم:D
بجد ان شاء الله هنشوف اللينك
سفاح كرموز
انا من كتر ما حسيت بالجوع و العطش الاحساس ده مات عندى
البقاء لله:(
بس كان ليا سؤال انتو معندكوش اكل ولا ايه ......!؟
طب ولا حتى ميه :D
مجدى
اكيد يا لوزا السبب فى كتابه الموضوع دا مشكله بينك وبين حد عزيز عليكى او احساس بالذنب او حتى عدم اهتمام
بصراحه انا كاتبه البوست ل 2
فى واحده مش من الجروب
هو مش زعل كبير اوى يعنى
بس زى ما تقول غلطه الشاطر بالف
بس بجد بوست حلو خالص وبيتكلم عن حاجه شغله ناس كتير اولهم انا
ميرسى جدااا يا مجدى
سمسم
رغم كل شئ لا يسعنا الا التعامل مع الواقع كما هو
طب وليه نتعامل مع الواقع كما هو مادام فى ادينا نغيره.!؟
تعملي مع الناس بإمكانيتهم لا بإمكانيتك حتي لا تتعبي وتفقديهم
المهم ان الحكايه دى متغيرنيش
يعنى اطلع منها سليمه مش ناقصه ايد ولا رجل : D
ويجعلوعامر
بردودك ان شاء الله
وحيد
اييييييييه دنياااااا
نورت البلوج وان شاء الله متكونش اخر مره
Ert3ashat
مش لازمتقسي عليهم..ممكن المعامله تتغير لكن من غير قسوه
ممكن تبعدي شويه وتشوفي هيحصل ايه
مهى دى القسوه فى وجهه نظرى:(
بس لو هما صحابك اوي خليكي متأكده انهم مش شايفينك بنوته مزعجه
مش عارفه جايز يكونوا مش حاسين كده فعلا
بس هو ده الى واصلنى
نووووووور
بس احساسك عالي اوي والبوست رائع
تحياتي لكِ
ربنا يخليكى يارب
انا كنت برد على بوستك بس بطريقتى
الاكل
تؤ
احنا عالم زاهده فى الحياة
:D
أولا شكرا ليكي على الكلام اللي من القلب ده
مش عارف انا كنت عاوز أكتب كلام كتير دلوقتي بس خلاص مش لاقيه
البوست شكله عمل مفعول بسرعه :D
شكرا ليكي يا دكتوره و متحرميناش من جديدك
wonderful post, i felt every word u huv written .
about when we wanna share some moments in our life with those we love and we canot find them so we imagine we r talking laughing with them yup after time we lose the sense of their presence in our life
لا تعليق
د.حلوجى
مش عارف انا كنت عاوز أكتب كلام كتير دلوقتي بس خلاص مش لاقيه
البوست شكله عمل مفعول بسرعه
وهعديها المره دى بس عشان اول مره تدخل البلوج
:D
ميرسى جدااا لرد حضرتك
ماعلينا
wonderful post, i felt every word u huv written .
ثانك يو فيرى ماشت
شاب نفسه يحقق نفسه
لا تعليق
لا رد :D
نورت البوست
احلى حاجه في البوست ده انك كاتباه بقلبك انا فعلا حسيت كل كلمه بتقوليها:)
مش عارفه اقولك ايه نسيتيني الكلام:D
بس فعلا عاجبني البوست اوي :)
موضوعك ده جااامد
لانى بجد انا شدتنى الفكره اوى
الفكره جميله جدا
وكمان انتى عبلاتى عنها بشكل رائع ومثير
بجد انا استمتعت بكتاباتك
وفى النهايه سلامى وربنا يوفقك
انا هتكلم عن ك>ا حاجه لاني بقالي كتير مش بدخل عندكوا .مش بدخل عالنت اصلا
1- بعتذر عن عدم متابعتي في الفتره الاخيره عشان ظروف الشغل
2- شكرا لبريك عشان شالت التراب من عندي وربنا يكفيكوا شر حشرات الضيف يارب
3- انا اقتنعت دلوقت بالصور اللي انتوا حاطينها وفهمت ان الصور تقريبا بتدل علي كل واحد فيكوا
4- مبروك لبريك فوزها في المسابقه
5- بالنسبه لموضوعك يا لوزه .هو فعلا حقيقي بس انا هختلف معاكي فتشبيهك للهفه للاكل والشرب والكتابه بلهفة مقابلة ناس بنحبهم
لان عدم شعورنا بقيمة اللهفة اللي كانت عنندا ليهم دي مشكلتهم هم انهم محسسوناش بقيمة اللهفه دي كلها .بس بارضه دي مشكلتنا احنا كمان لان ممكن جدا في الوقت اللي احنا قابلناهم بعد شوق كبير اوي منكونش في موود يتحملهم او يتحمل شعورنا اللي قد يكون خطأ بانهم مش متلهفين علينا زي ماحنتا متشوقين ليهم وطريقة التعبير بتختلف من ناس لناس ..
5- مفيش خمسه
كفايه كده رغي
سلام
بتكلمميه اه .. بس مش سامع صوتك
كلمة جميلة اوي اوي اوي
وبوست جميل جداااااااا...واسف للانقطاع لاسباب ميناتيلية
تحياتي
أعجبنى إسلوب كل من هذا المدون - لكل منهم له لون وطريقة مختلفة - أتمنى النجاح أكثر وأكثر للمدون وكل من به - وأتمنى أن تشرفونى بزيارتك لمدونتى المتواضعة - أشكركم - تحياتى لكم
إرسال تعليق