العدد ال 11 من مجلة الستة بتوع صيدلة

حبينا ننبه على حاجة بس فى الاول فى ال label احنا حاطين المجلة فى اعياد ميلادنا كمان عشان فيها عيد ميلاد سنفورة بالتفصيل فى صفحة التناحة

الصفحة الدينية

عن عبادة بن الصامت رضي الله عنه قال سمعت رسول الله صلى الله عليه وسلم يقول(من استغفر للمؤمنين والمؤمنات كتب الله له بكل مؤمن ومؤمنه حسنة ) رواه الطبراني

حد يعرف عدد المؤمنين فى العالم كام؟؟ :)

_______________________________

صفحة الاهداءات

الشهر ده فى عيد ميلادين هنقولهم بالترتيب طبعا.... احنا مرتبينهم حسب مين اتولد الاول فى الشهر

د/غنيم صاحب بلوج حتى لا أنسى واللى احنا مسمينه ابو العيال

كل سنة وانت طيب و عقبال 27000000000000 مليون سنة

دى مش تسييحة ولا حاجة

لما سألت عن امتى هنزل بوست جديد

قلنا مش عارفين و مفيش

عشان نعملك مفاجأة عندنا على البلوج

انت مش محتاج نقولك تانى ان البلوج من غيرك ميسواش حاجة و ان وجودك بجد بيفرق معانا

ونورا صاحبتنا وعيد ميلادها النهردة

كل سنة وانتى طيبة يا نورا و عقبال 19000000000000 مليون سنة

ونفضل اصحاب طول العمر ان شاء الله

وتمسكلنا الصيدلية زى ما اتفقنا

و نسكن فى بيت واحد زى ما اتفقنا بردوا

و الشهر ده فى بلوجين كمان بيحتفلوا بعيد ميلاد بلوجهم>>>>و هما حسب الترتيب مين الاول..كاتروز صاحبة بلوج I'M UR MIND ...كل سنة وانتى طيبة و بلوجك طيب
http://catroz.blogspot.com/


و البلوج التانى هو سفاح كرموز..صاحب بلوج طرطشة أفكار..تم سنتين بسم الله ما شاء الله..ربنا يزيد و يبارك و يقدر يمشى على رجليه ..بجد كل سنة وانت طيب و الف مبروك وان شاء الله من نجاح لنجاح فى بلوجك , و مانقدرش ننسى انك معانا برضه من اول ما فتحنا المركب..بجد بأه عيش و ملح
http://meshmesh5000.blogspot.com/

________________

صفحة التناحة

طبعا احنا منتوصاش فى موضوع التناحة ده

ومن التناحة بتاعتنا اننا مبنحتفلش بعيد ميلاد اى واحدة فينا فى وقته

يعنى مثلا عيد ميلاد بريك كان فى شهر 2 احتفلنا بيه فى شهر 6

وعيد ميلاد سنفورة كان فى شهر 4 احتفلنا بيه فى شهر 7

مع العلم ان هدية سنفورة لسة مجبنهاش اصلا

المهم كنا راجعين من الكلية فى اليوم ده..طبعا هتسألوا رايحين الكلية ليه فى الاجازة؟!..نقولكوا كدة وخلاص..المهم لعبنا هناك وحكمنا على هند انها تفضل طول الطريق و احنا مروحين مخبية وشها كدهوة

عشان طبعا عاملين حسابنا ننزلها عند قرية بالميرا ..دى قرية على طريق جنزور شبين بنعدى عليها وا حنا جايين فى الطريق يعنى و دى صورة القرية

المهم ان سنفورة كانت فاهمة انها فندق ف احنا استغلينا الموضوع ده

المهم جينا عند القرية و قلنا للسواق نزلنا هنا ..السواق و الركاب استغربوا؟! انتوا متأكدين..ايوة متأكدين احنا خاطفينها و نزلنا من العربية بكل ثقة وسنفورة عمالة انتوا واخدنى فين انتوا بتهرجوا

المهم دخلنا جوا القرية وهيا فاهمة اننا ماشيين فى الشارع وا للى اكد الموضوع ده واحد عدى بعجلة جنبها

المهم طلعنا نجرى فجأة وسبناها ففكت الطرحة عن وشها بقى مبقتش عارفة هيا فين!!

جت على الترابيزات اللى كنا محضرنها دى

و غنينالها هابى برث داى..الراجل جه قالتلوا احنا فين يا عمو؟؟قالها احنا فى ايطاليا

طلبنا ايس كريم و بصراحة طلع ايس كريم معفرت كلنا المعالق بتاعتنا وقعت

بعد كدة قمنا لعبنا فى المراجيح واتصاحبنا على بنت صغيرة اسمها سارة و دعينا باباها و مامتها يزوروا البلوج ويشوفوا الفيديوا بتاعها علي بس للأسف الفيديوا مش راضى يترفع هنحاول نرفعه تانى ان شاء الله

كان يوم جميل جدا جدا جدا جدا جدا جدا جدا يا سنفورة و كل سنة وانتى طيبة

طبعا احنا من تناحتنا الزايدة اننا طولنا فى الصفحة دى جدا

_________________________

صفحة أخبار اليوم

فاز موضوع سخسوختى أنا بغير منك بالتوب بوست

وعلى فكرة لو مكنش فاز بالتوب بوست احنا كنا هنزعل جدا لاننا كلنا اجمعنا عليه

وان شاء الله هنفكرلها فى هدية على المجلة الجاية كدة نكون اتفقنا

سافرت لوزة السعودية و هتيجى ان شاء الله فى اخر شهر 8

اى حد عايز دعوة معينة وهيا بتعمل عمرة يقولنا واحنا نوصلها ان شاء الله

و هيا بتعتذر عن انها مش هتقدر ترد على الناس فى البوست اللى فات

سخسوختى بتدرب فى صيدلية وبكدة تكون اول واحدة فى جروبنا حصلت على لقب دكتورة

اما سنفورة و بريك فبيتدربوا فى الجيم و المدربة بتقول عليهم جايين يلعبوا هنا

اما كهرمانة فبتدرب فى القاهرة على حاجات تبع الجمعية و بكدة تكون اول واحدة خرجت برا حدود شبين طنطا فينا

كدة اتراكم علينا هديتين هدية سنفورة وهدية نورا و الفجأة بقى اننا مجبناش هدية بريك كلها

____________________

صفحة التسالى

مش محضرين حاجة معينة للصفحة

لاننا حاسين ان المجلة دى مليانة حاجات

ان شاء الله صفحة التسالى المجلة الجاية تكون مسلية جدا

بس نحب نقولكوا ان فيلم مسجون ترانزيت جميل جدا

و شريط تامر هابط جدا مجرد الحان حلوة

___________________

صفحة الهوم ورك

التصويت الجديد نزل

ياريت يا جماعة دا رجاء متصوتوش عشان بتحبوا حدا

صوتوا لافضل بوست فعلا

اللى عايز دعوة معينة لوزة تدعيهاله فى العمرة يقولنا وان شاء الله نوصلها

ادعولنا عشان النتيجة

هدايا لكل الناس اللى قلنا عليها دى ردك لوحده مش كفاية اتبرع و لو بجنيه

اى اقتراحات بالنسبة للبلوج او لينا

و بنعتذر عن قلة المواضيع الجماعية الفترة دى لاننا بنكون مع بعض فى الدراسة 24/24 فى الاجازة طبعا الموضوع يختلف

الستة بتوع صيدلة

البلوج بيسنن

كل سنة والبلوج طيب
احنا بجد فرحانين جداااااااااااااااااااا باليوم دا
فى شخصية صممت تكون موجودة فى اليوم وده وتباركلنا بنفسها و تزغرت كمان رغم اننا مش بنطيقه بس محبناش نكسفه

يارب يكون اللوك الجديد عجبكوا ..معظم الناس اختارت اللوك الأسود
حبينا نوجه كلام لناس كتير هنقول على قد ما نقدر اللى مش هيلاقى نفسه احنا بنعتذر مقدما بس انتوا عارفين الوقت
بسبب اللوك اللى فات كان كل الناس اللى ضفناهم اتمسحوا فبقينا نضيف الناس من الردود
ناس كتير عزيزة علينا جدا نسيناهم سهوا والله
احنا بجد اسفين جدا واكيد انتوا هتصالحونا فى عيد ميلاد البلوج

تحذير:

وممنوع ح د يدخل البلوج وميردش على البوست ده

احنا بس حبينا نفتكر قد ايه البلوج شاف حاجات حلوه

شاف تهيس وتسيح واكتئاب ورومانسيه واختلافات سياسيه

وقد اثبتت احصائيات السته بتوع صيدله

انه تم كتابه 75 بوست خلال تلك السنه

والحمد لله كتابتنا وصلت لناس كتير

واتكتب عننا فى الدستور

وطبعا البركه فى د.محمد غريب هو الى بعت لينك البلوج للاستاذ شاكر فوده

حبينا بس نقول لحضرتك ميرسى جدااا لانك ساهمت معانا فى البلوج حتى لو معنويا

وانك من اكتر الناس الى متابعاه بس من غير ردود

وكنا عملنا أغنية بصوتنا حصرية بس للأسف مش عند حد فينا ف احنا عرفنا ان فى ناس حملتها ونزلتها على موبايلاتها كمان :D ياريت اى حد عنده الاغنية يبعتهالنا عشان نرفعها للناس اللى عايزة تسمع مواهبنا يمكن يكتشفونا

ومن الحاجات اللى عملناها السنة دى اللى ملهاش علاقة بالبلوج محاضرات الميكرو بنزلها فى الكلية لانها المادة الوحيدة اللى بنفهمها من الدكتور ربنا يباركله و الحمد لله امتحان الشيت جه من اللى كاتبينه بالظبط وناس كتير مبسوطة بالمحاضرات بتاعتنا

وقبل ما ندخل على فقره الاهداءات

حبينا نبدأ بتكريم الفاايزين

1 - فازت بالتوب بوست لشهر 5 اول شهر خالص

لوزا عن بوست "فلترضى بملابس مبلله"

2- وقد فازت سخسوختى بلقب اقرب واحده من السته للزوار

3- وقد تعادلت اصوات كل من بريك عن بوست "حكايه بنت

وسخسوختى عن بوست "البقاء لله "

4- وقد فاز ايضا بوست" قامت المعركه ركه ركه " ك توب بوست لشهر 4

,just human ,zika,ghoneem
اكتر ناس كانت معانا فى الحلوة والمرة بجد بنستنى ردودكوا
ربنا ميحرمش البلوج منكوا يارب
و من اول الناس اللى عرفناها فى التدوين
عايزين نقولكوا كلام كتير بس طبعا مش هينفع نكتبوا كله هنا
انتوا عارفين طبعا بنحبكوا أد ايه

و لو (حاتم)وطرطشة أفكار
رغم انكم مش بتيجى عندنا علطول واحنا طبعا مقدرين ظروفكوا
بس بجد ردودكوا بتفرق معانا جدا
وبوستاتكوا كمان بتفرق معانا جدا

yassien
طبعا انت مش محتاج نقولك ان البلوج من غيرك هيكون ولا حاجة
و من غير مساعداتك كمان مكناش عرفنا نرفع اغنيتنا القديمة

احمد المصرى"كاريزما"
اللينك بتاعك وقع مننا مع التجديد و فضلنا مستنين منك ترد عندنا عشان ناخد اللينك بس انت مانورتناش بقالك كتيير..و بجد انت من اكتر البلوجات اللى اعجبنا بيها

دكتور احمد ربيع.
.حضرتك كنت نورتنا بعد ما عرفتنا من الدستور فترة..و فجأة انقطعت عننا..يارب تكون متابع و تنورنا بردودك
الثائر دائما
جيت مرة واحدة بس حبينا نعبرلك عن اعجابنا بالبلوج بتاعك وبأفكارك

الفراشة الصغيرة
بتفكرينا بينا فعلا اسلوبك فى الكتابة ومواضيعك
ربنا يديم بينا وبينك المودة
:)

أحمد منتصر
كل فترة بشكل مختلف غير اللى قبله (كل ما تغير الصورة نحس انك شخصية مختلفة)
احنا سعداء طبعا اننا عرفنا البلوج بتاعك و عرفناك

دكتور بهدوء
من الناس اللى دخلت جديدة البلوج
و جديدة فى عالم التدوين
بس ما شاء الله حققت نجاح غير عادى
ربنا يوفقك

the riddle
صاحب بلوج يوسف معاطى
بجد الراجل دا بيتعب يا جماعة فى البلوج ده وينقل المقالات و يدور على صور
ان شاء الله فعلا البلوج ينجح ويحقق اللى انت عايزه
احنا عارفين طبعا انك مش بتدخل عشان بتمتحن

mahmoud rabi3
من الناس الجديدة عندنا فى البلوج
صاحب بلوج صبح صبح يا عم الحاج
بس دماغهم جامدة جدا واسلوبه فى الكتابة مميز جدا
ان شاء الله نفضل متابعين بعض على طول

dramaqueen
بتقطعى فترات وبتيجى تزورينا تانى
بس احنا دايما فاكرينك وبنحب نزورك علطول

TONA

صاحبة بلوج يوميات فتاة حائرة ..بجد اتبسطنا جدا لما لقيناكى ضيفانا عندك..دخلتى مرتين بالظبط البلوج بس نورتينا واحنا حبناكى

سمسم

بيتنا القديم ..فينك؟..احنا بجد زعلانين عالتنفيضة دى

ومن الشباك
أ/محمد شبل
كنت من اكتر الناس اللى متابعينا وفجأة اختفيت
ياريت تطمنا عليك

الصيــــــــــــــــــــــــــــــــــــــادلة واحد واحد منقدرش نفوت حد دول ولاد كارنا بردوا
مبقيتوش تيجوا كتير
بس انتوا عارفين طبعا اننا بنحبكوا
ولاد كار واحد ومنستغناش عن بعض

creative minds....مهروس فى صيدلة طنطا

د. حماده مع ان حضرتك تقريبا مبتدخلش البلوج

بس حضرتك من اكتر الناس الى بنحترمها

friends 4 ever تلاتة مهروسين فى صيدلة طنطا

بلوجوكم حلو جدابس لو كنتوا اهتميتوا بيه

كان هيبقى احلى

بقالكم فتره ناسينا:((

:(hyperminds مهروس فى طنطا

د.عمرواحنا لينا عتاب كبير عند حضرتك

كنا عايزين نقولهولك من زمان

بس كنا كل مره بنحاول نلاقى لك اى عذر

اول ما فتحنا البلوج كنت من اول الى شجعونا

وكنت بترد من اوائل الناس

وبعدها بفتره بطلت تدخل تشوف البلوج

حتى من غير ما نعرف ليه:s

:smoony..مساحة حرة

احنا بس حبينا نقولك اننا بنستنى ردك

puzzled&whisper

مهروسين فى صيدلة من اوائل الصيادله الى ردوا عندنا

وف نفس الفتره الى اختفى فيها د.عمرواختفوا هما كمان

احنا لسه بنفتح بلوجكموبنتابع اخباركم

من بعيد

queen of roses...اتنين مهروسين فى طنطا

احنا مقدرين غيابكم

مش عننا بس عن بلوجكم كمان

بس حبينا نقولكم وحشتونا :)

who i am? اربعة مهروسين فى صيدلة طنطا

اللهم احى بلوجكم

وكتر ردودكم

why me? مهروس فى صيدلة

حضرتك من اكتر الناس الى بنفرح

لما نشوفهم فى البلوج

الصيدلى المطحون...مهروس فى اسيوط

مع انك جديد فى لسته الصيادله

بس قدرت تأثر فينا بردودك فى وقت قصير

صحيح غايب بقالك فتره

بس احنا مقدرين الامتحانات

انسان مسلم...مهروس فى صيدلة طنطا

بتعجبنا اراءكوالبلوج بتاع حضرتك مميز بالنسبه لنا

بحب الحياة....مهروس فى صيدلة
صحيح بنحقد عليك عشان بتشتغل وانت بتدرس
وبقالك فتره كبيره مبتدخلش
بس ده ميمنعش اننا نقولك
البلوج ناقصه حاجه من غير ردك

تاما .. مهروس صيدله الخفى

حضرتك دخلت مره واحدهعرفتنا لينك البلوجومن بعدها ذهبت ولم تعد :(

حتة سكرة....من احلى مهاريس المنصورةاسم على مسمى :)
ذكرى انسان...مهروس فى طنطاابنحب كتابات حضرتك وبنتنح قدام شعرك

ساحر بس اتهرس برضوبنستنى ردود حضرتك :)

ساعه فضا..مهروس فى طنطا ربنا يوفقك ان شاء الله
ونعيش كده ونشوفك بترد بالعربى

سوسة المفروسةاحنا متابعين بلوجك

كان نفسنا انتى كمان تكونى متابعه

بس انتى دخلتى رديتى مرتين وخلاص :(

شاعر و فى صيدلة اسكندرية..حاجة غريبة !حضرتك اختفيت قبل ما تظهر ..!

شمس وايفنن....مهروس فى صيدلة طنطابالبلوج بقى احلى بايفنن D:

شيكساوى...مهروس فى صيدلة اسكندريةاختفاء مفاجئ مع بدء الدراسه

ظل قلم...مهروسة فى صيدلةبنحبك فى الله :)

بس كنا عايزين نعرف ليه شيلتى انك بتلاقى نفسك عندنا بجد .!؟ :(

عرين العباقرة.. اتنين.مهروسين فى صيدلة طنطا يارب تفضلوا دايما اصحابواختلاف الرأى لايفسد للود قضيه

كدة مهروس فى صيدلة اسكندرية ربنا يوفقك ان شاء اللهواهى الاجازه قربت ومفيش حجج

كوكو سيتى....شوية مهروسين فى صيدلة طنطاد.حلوجى .. ربنا يوفقك ان شاء الله

ما علينا ...مهروسة فى صيدلةعسوله اووى كتاباتك بنحب نشوفك عندنا :)

نبضة قلب....اتنين مهروسين فى طنطا وحشتنا ردودكم ورذالتكم علينا:)

نسرين..رفرف يا طير الحرية فينك من زمان

واخيرا وليس اخرا

احنا حطينا صور للصيادله وناس تانيه عرفنا نلاقى لها صور

والى مقدرناش نحط له ياريت يرفع لنا صوره

واحنا ان شاء الله هنحطها له

والى صورته مش عجباه ممكن يجيب لنا صوره بدلها واحنا هنغيرها له

واهو يبقى مكنكم ساهمتوا معانا فى لوك البلوج :)

العدد التامن من مجلة الستة بتوع صيدلة

الصفحة الدينيه

00000000

"و ان منكم الا واردها كان على ربك حتما مقضيا" مريم-71

الايه هنا عايده على "جهنم"

الايه دى اختلف فى تفسيرها الشيوخ و الفقهاء..منهم اللى قال ان المقصود من الايه ان كل البشر_ ماعدا الرسل و من رحمه الله_ هيدخلوا النار الاول يكفروا عن ذنوبهم و بعد كده ربنا ينقلهم برحمته الجنة.. و منهم اللى قال ان المقصود هو ان البشر يوم القيامة هيمشواعلى الصراط المستقيم تحتهم النار و فى اخر الصراط الجنة .. منهم اللى هيقع من على الصراط و منهم اللى هيوصل الجنه بنور من ربنا..و فى التفسيرين الايه دى كل ما بقراها بقف عندها كتيير



....................................................................................................................................

صفحة الاهداءات

000000000

الاهداء الشهر ده جيه متأخر حبه للمدونين احمد المصري و حاتم ..بنباركلهم على البلوج الجديد لكل واحد فيهم

كاريزما لاحمد المصرى وفيه ابداعات احمد فى كل حاجة خصوصا فى الادب.. بجد الواحد كل مايقرا له حاجة يشتم نفسه عشان بيفكر يمسك قلم حتى :)



اما عنcoverall للبشمهندس حاتم..فده حتى الان كان عن مواقف كوميديه بتقابله فى الشغل ..و بجد بتموتنا من الضحك يا حاتم



نيجى بأه للاستاذ سمسم "بيتنا القديم" اللى نزل بوست صعب جدا و انقطع بعده و مانشرش حتى الردود اللى بتتبعتله.. و يارب يكون بيقرا المجله دلوقتنى عشان يعرف انه بجد لازم يرجع للكتابه و انه وحشنا

.....................................................................................................................................

صفحة التناحة

00000000

من التناحة انك تصحى متضايق من قبل حتى ماتفتح عينك .. ده مش اسلوب

انك تبقى بتكلم حد و هو بيقرا فى كتاب معاه و مقضيها همهمة .. و الاتنح انك لما تزهق و ماتكملش اللى بتحكيه تلاقيه بيقولك من غير مايرفع عينه من الكتاب"هاا سكت ليه؟!!..كمل"

انك تبقى بتعافر فى حاجة و مش عارف تعملها و لما ييجى حد يساعدك تقوله طب ثانيه بس انا قربت اعملها و تكمل معافرة

انك تبقى مستنى صفحة ويب بتفتح مثلا و تعد تحرك فى الماوس زى مايكون هو اللى موقف الصفحة .. حرام عليك الماوس و حرام عليك اعصاب اللى حواليك

و من التناحة بأه انك تبقى عارف انك بتعمل كل اللى انا كاتباه ده و تبقى لسه بتقرا كلامى ... قوووم يا تنح من هنا

......................................................................................................................................

اخبار اليوم

0000000

طبعا البوست اللى كسب للوزة هانم هو بوست "عندما تحتاج لالم يحيك" و نجح باكتساح و كفايه على الحاجة هديه عيد ميلادها و خلينا نشوف صرفه عشان نجيب هديه عيد ميلاد بريك و حسبنا الله و نعم الوكيل

تانى خبر اننا رجعنا الكليه بقرفها ببابا غنوجها .. و رجعنا للصحيان الساعة ستة و للرجوع بالبالطو فى الشارع الساعة تمانيه بالليل و التعليقات الظريفة عن حلاقين الصحة

تالت خبر ان احنا حاولنا نتغلب على ارف الامتحانات و المذاكرة باننا نلتزم فى الحضور و نحاول ننزل المحاضرات و السكاشن..اكيد مش عشان نساعد الطلبه بس عشان نحضر المحاضرة و نركز بضرب الجزم ..و طبعا الناس اللى هتقول محاضراتكم وحشه هنقولهم احنا منزلينها لينا مش ليكم p:

تالت خبر ان فيه كشوفات نازله فى الكليه مكتوب فيها اللى جايبين تقدير جيد فى سنه رابعه..مش عارفين ده معناه ايه؟!! بس يمكن تكون نتيجتنا هتطلع...و اشهد ان لا اله الا الله و ان محمد رسول الله

..........................................................................................................................................

التساالى

00000

"الجزيرة "فيلم بجد من اجمد الافلام العربى..من نوع الافلام اللى ماتعضش فى سنانك و تضرب نفسك عشان دفعتله تذكرة

الفيلم ده نقل لينا دنيا تانيه ماكناش نعرفها..نقل لينا عيشة الصعيد الجوانى ..نقل لينا جبروت كبير الصعيد..نقل لينا السطوة و السيطرة..و نقل لينا غرابه الناس اللى فعلا مقتنعة ان جنتها فى الدنيا و ان اخرتها عذاب كبيييير و رغم كده متكيفين مع المر و متقبلينه و دى فعلا اكتر ناس متمسكة بالدنيا..نقل لينا و باسلوب واقعى (لاول مرة) ان العقل فعلا هو اللى بيكسب .. نقل لينا ان فعلا ممكن شخصيه واحده تسيطر على بلد كامله مسالمين و مجرمين بمجرد انها شغلت عقلها .. نقل ليا احساس انه فعلا ليهم حق يجروا ورا التار بعد ما يتقتل ابوهم و امهم و اولادهم و ان فعلا قضيه الصلح بين قبيلتيين دى صعبه جدا ..نقل لينا فترة كانت الشرطة فيها بتتعاون مع المجرمين عشان تحقق امن ظاتهرى و مصالح باطنيه و الغريب انهم كانوا مقتنعين انهم صح فى كده..و نقل لينا انه برضه زى مافيه الوحش فيه الكويس

و نقل لينا احداث حصلت فعلا باسلوب تحفة من غير ما يغير كتير من الحقائق .. و على الاقل ده اول فيلم مش "مدبلج"من فيلم انجليزى

و الاهم انه اول فيلم اطلع منه و انا فعلا بفكر فى مفارقات كتير و ان انهو كان فعلا صح و انهو كان فعلا غلط .. و مالاقيش اجابه لتفكيرى

من الاخر

ده فيلم كان لازم تشوفه سواء اخراجيا او كتابيا او تمثيليا لانه معدّى

.......................................................................................................................................................

صفحة الصيدليه

00000000
والله الصفحة دى سبب تأخير المجله..بس معلش تتعوض

عموما..احنا قرينا موضوع على منتدى الكليه بيتكلم عن ازاى تقرا روشتة..و اكتشفنا بعدها ان احنا لازم نحول من الكليه بجد..لان انت بتعد 5 سنين تذاكر عشان تبذل جهد جهيد فى الاخر عشان تفسر خط دكتور..بلا نيله.. و الجدع فيكوا اللى يفسر دى(انا سارقه الروشته دى من دكتور ذكرى على المنتدى )
........................................................................................................................................................

الهوم ورك

0000000

*حاولوا تواظبوا على انكم تقروا و لو آيه قرآن واحده قبل ماتناموا

*ممكن تجمعوا انتو و تجيبوا هديه لبريك اللى عيد ميلادها بقاله فترة بس جاى فى ضائقه ماليه موسعة

*لازم تشوفوا الجزيرة..انا بيتهيألى هو نزل سرقه على النت

*ادعوا لنا عشان نتيجة الترم شكلها هتطلع قريب

*تحلوا الروشته..و من غير ماتغشوا



الستة بتوع صيدله

العدد السابع من مجلة الستة بتوع صيدلة

طبعا العدد دا قريب من اللى قبله ..دا لأن العدد اللى قبله هو اللى اتاخر جدا بسبب ظروف الامتحانات

الصفحة الدينية

كلنا ممكن نصادف ناس نحبهم و نحب نتعامل معاهم و نحب نكون زيهم
واحنا هنتكلم عن بعض االصفات اللى ممكن تخلى الواحد يكون جذاب فى نظر الاخرين
طبعا صفات مكتسبة
1-قال رسول الله صلى الله عليه وسلم: تبسمك في وجه أخيك صدقة ....ودى نصيحه اكثر الخلق جاذبيه وحباً صلى الله عليه وسلم
2- قال رسول الله صلى الله عليه وسلم حب لأخيك ماتحبه لنفسك
3-قال رسول الله صلى الله عليه وسلم: ألتمس لأخيك سبعين عذرا
4-قال رسول الله صلى الله عليه وسلم:( والذي نفسي بيده ..لا تدخلوا الجنة حتى تؤمنوا.. ولا تؤمنوا حتى تحابوا... أو لا أدلكم على شيء إذا فعلتموه تحاببتم أفشوا السلام بينكم)
5- قال رسول الله صلى الله عليه وسلم:( تهادوا تحابوا.


.نسأل الله تعالى ان لا نكون ممن يقولون ولا يفعلون

_______________________________________
صفحة الاهداءات




اهداء الشهر ده ل بريك ب مناسبة عيد ميلادها السعيد
وتحية خاصة من بابا محمد و جدو اسماعيل على المناسبة السعيدة وبيطلبوا اغنية قالى شرابى مدلل
وكان ترتيب الاحداث
شهر 12 كهرمانة
شهر 1 لوزة
شهر 2 بريك
و شهر تلاتة هنجمع ونجيب فلاشة
_______________________
اهداء تانى

الى د/ احمد ربيع

انت فين مرة واحدة انقطعت و بطلت تزورنا

:(

________________

М€ŝЋМΣŞĦ

قفل البلوج مش سياسة و بس و بدون اسباب

ياريت يا تطمنا عليك

يا ترجع تانى

وترجع للتدوين احسن

______________________________________

صفحة التناحة

الو
1
2
3
اس اس

بنجرب البلوج بنشوف بيشتغل ولا لأ
تناحة بئا

_______________________________________

صفحة أخبار اليوم
طبعا فى تصويت على مواضيع لوزة ل شهر 12
اما عن اخبارنا بئا
فى حالة من القلق من النتيجة مع ان لسة بدرى عليها

________________________
صفحة التسالى

حد سمع عن حنظلة
حنظلة دى الشخصية اللى اخترعها ناجى العلى رسام كاريكتيرفلسطينى استشهد عام 1987واللى كانت بتشهد على كل كاريكاتير بيرسمه
عمره 10 سنين
الاول كان بيبص من وشه وبعدين بئا يدينا ضهره
ويقول ناجي العلي بأن حنظلة هو بمثابة الأيقونة التي تحفظ روحه من الانزلاق ، وهو نقطة العرق التي تلسع جبينه اذا ما جبن أو تراجع
ورغم ان ناجى العلى معاصرش الاحداث الحالية
الا انك هتحس انه رجل لكل العصور

دا موقع ناجى العلى

و فى بلوج لقيناه مخصوص ل مختارات ناجى العلى



___________________________________



الصفحة الصيدلية













المرة دى مش هنتكلم عن حاجة خاصة ب كلية صيدلة أد ما هنتكلم عن استخفاف بينا




مش ك طلبة صيدلة بس ك مسلمين




امال ايه دخل صيدلة بالموضوع




لان اللى بعت الرسالة دى طلبة صيدلة طالبين مننا ننشرها و لينا الأجر و الثواب




الرسالة منتشرة على الفيس بوك و الايميل و اكيد وصلت لكتير منكوا والله اعلم بعتها ل غيره ولا لأ

هنسيبكوا مع كلام طالب فى صيدلة اسكندرية

القرآن ممنوع في هولندا والمسلمين يرفعون شكوى والحكومه تصدر تصويت وللأسف الإنتصار لحد الآن لهم43%مقابل 57% لهم لا تخذلو كتاب الله صوت يا مسلم للقرآن وساعدو على نشرها للجميع لنصره الاسلام والقران الكريم و أنشر تؤجر

وصلتني الرسالة دي من أكثر من شخص ووجدتها بالملايين علي الايميلات والفيس بوك وبالفعل استفزني جداً الموضوع كمسلم وقمت بالدخول علي الموقع للتصويت لصالح القرآن ولكني فوجئت بالموقع كله باللغة الهولندية

وقرأت الجملة فلم أجد كلمة تصلح أن تكون كلمة قرأنوهاهي الجملة لتقرؤهاHet is goed als het kabinet besluit tot

verlenging van de missie in Uruzganeen (green colour) oneen (red colour)

فدفعني الفضول للبحث عن الترجمة وكانت كالآتي هل توافق علي رأي الحكومة في مد خدمة قوات حفظ السلام في أفغانستان أو لا توافقeen = agree oneen = disagree

ايه رأيك؟؟؟مهزلة؟؟؟ صح؟؟

ده طبعاً يعبر عن مدي استخفاف مخترع الرسالة الأول العبقري اللي ربنا هيحرقه في نار جهنم عشان بيكذب علي الله ورسوله يعبر عن مدي استخفاف شعوب العالم بالمسلمين ووصفهم لينا بالجهل فعلاً

الرسالة وصلتني من طلبة صيدلة وهندسة وطب !!!!!!!ولزمايلي ولكل المثقفين اللي بيستخدموا النت بقول عيب ولزمايلي خصوصاً بقول عيب قوي دا احنا طلبة صيدلة؟؟؟

مش معهد فني صحي لوالب

وعايز اقولكوا الناس بتوع امريكا او اسرائيل طبعاً اللي في مصلحتهم ان قوات حفظ السلام تمشي

الناس دي صيع يا جماعة !!! والله صيع

شوف الدماغ اللي دارسة نفسية المسلمين؟؟؟للدرجة دي الناس دي فهمينا وبيعرفوا يوجهونا علي مزاجهم وكمان بيستغلوا اشرف كلام في اغراض سياسية؟؟؟

وعايز ابشركواعلي فكرة يا جماعة الناس دي نجحت ونسبت عدم الموافقة اللي هما عايزينها بقت 51% مش موافقين علي بقاء قوات حفظ السلام في افغانستان بدل ما كانت في الأول 43%واللي نجح الموضوع ده المسلمين

انا شايف اننا مفروض زي ما نشرناها للناس كلها ننشر الترجمة

وكفاية بقي تهزيق وقلة قيمة



كريم فايد صيدلة اسكندرية

_______________________________________________________



صفحة الهوم ورك




1- تقديم التهانى و الهدايا ل بريك دا تطبيق للصفحة الدينية "الهدايا" محنا بنرسم على كبير بردوا




2- تزودوا الدعاء شوية لان النتيجة بتقرب والتوتر بيزيد




3-التصويت طبعا




4-اللى نشر الرسالة يرجع ينشر الترجمة




الستة بتوع صيدلة

العدد الستة من مجلة الستة

دا العدد السادس من مجلة الستة بتوع صيدلة

لذااااااااااا فقد قررنا اننا نضيف صفحة سادسة تعرفكوا علينا اكتر

1-الصفحه الدينيه

قال رسول الله- صلى الله عليه وسلم- :" احفظ الله يحفظك احفظ الله تجده اتجاهك اذا سألت فاسال الله واذا استعنت فاستعن بالله واعلم ان الامه لو اجتمعت على ان ينفعوك بشىء لن ينفعوك الا بشىء قد كتبه الله لك وان اجتمعت على ان يضروك بشىء لن يضروك الا بشىء قد كتبه الله عليك رٌفعت الاقلام وجفت الصحف" صدق رسول الله - صلى الله عليه وسلم-

بس كده :)

...............................................................

2- صفحه التناحه

دى صوره من لقطات الكام مكنش ينفع نعديها

دلوقتى الصوره هتكلمكم عن نفسها بس ركزوا شوية

حذفنا الصوره عشان صاحبها له مبرره الطبى

...............................................................................

3- صفحه اخبار اليوم

اخر اخبارنا ان الحمد لله خلصنا امتحانات بعد ترم تقيل جدااا وامتحانات اتقل "يعنى اهم خبر اننا رجعنا "

الشهر اللى فات لوزة فازت بالتوب بوست

وبما ان لوزة مقلة فى الكتابة ولما بتكتب بتفوز بالتوب بوست

ف قررنا نحن الستة ان بقية الشهر هيبئا بوستات ل لوزة بس عشان نعمل تصويت الشهر الجاى عليها وتفوز ببوست من بوستاتها التوب بوست هدية مننا

عيد ميلادfnan_ geology تم عشرين سنة

كل سنة وانت طيب

ودلوقتى تقدر تغنى منير براحتك

..........................................................................................

4- صفحه الاجازه (بدل الصيدليه)

كل اسبوعين اجازه وانتو طيبين

ناوين تعملوا ايه فى الاجازه..!؟

بالنسبه لنا .. فاحنا بنفكر نعمل حاجه فى الكليه

بس لسه بندرس الموضوع

ولوعرفنا نكمله هنقولكم عليها الترم التانى ان شاء الله

وفى حاجه كمان هى صحيح مطرقعه شويه

بس الفضول بقى D:

صحيح لسه معملنهاش بس بنرتب لها بردو

...................................

5-صفحه التسالى

دخلنا فيلم احلام حقيقه من ايام امتحانات العملى كده

تمثيلهم كلهم كان حلو بس حنان ترك وداليا البحيرى كانوا معديين

وتصوير الفيلم كمان كان جديد و مختلف

ممكن تكون فكرة الفيلم متاخدة من فيلم اجنبى

بس فعلا التصوير فوق الممتاز

الفيلم كله كان لذيذ

بس مشهد حنان ترك وهى بتنتحر كان استعباطه من المؤلف

الصورة اللى فوق دى من احلى الصور اللى فى الفيلم حنان ترك بتبص للنور عشان متنامش

...............................................................

6- الصفحة السادسة

كنا مجهزين اننا نعمل سلايد ملوش حل و يبئا مفاجأة المجلة دى يعرفكوا بينا اكتر

وبما ان احنا جهلة تكنولوجيا مش عارفين ننزل لا اغنية ولا سلايد

ف كل ما نعمله و نحط الكود يطلع فيه القطط الفاطسة

وحتى الشكل اللى عملناه مش هوا اللى فى اللينك تحت

ف هتتفرجوا على حاجة كدة على ما اوسم

ومرضناش نستعين بالكلاوى الجينيس بتاعتنا "كهرمانة"

http://www.slide.com/r/LnTWpczG6T_F9ulHwOltddwShVpRdHYe?previous_view=lt_embedded_url

الستة بتوع صيدلة

العدد الخامس من مجلة الستة بتوع صيدلة

أولا احنا بنعتذر عن التأخير المرة دى ...و دا طبعا ل ظروف الامتحانات

و كمان المجلة مش أد كدة

بس اهو اى حاجة تيجى مننا حلوة :D

جوا العدد المرة دى هتلاقى فجأة فى صفحة التسالى عيد ميلاد احد افراد الستة بتوع صيدلة و الكثير من المفاجات بانتظارك بس اشترى العدد :d

مجلة الستة بتوع صيدلة...و هل يخفى الخبر؟

بنعمل اعلانات اهو

اولا الصفحة الدينية

هيا رسالة لحد معين -مع اننا عارفين ان الحاجات دى مش بتأثر فيه-

قال تعالى { أَوَلَمَّا أَصَابَتْكُم مُّصِيبَةٌ قَدْ أَصَبْتُم مِّثْلَيْهَا قُلْتُمْ أَنَّى هَذَا قُلْ هُوَ مِنْ عِندِ أَنْفُسِكُمْ إِنَّ اللّهَ عَلَى كُلِّ شَيْءٍ قَدِيرٌ } [165: سورة آل عمران]

[[البر لا يبلى والذنب لا ينسى والديان لا يموت, افعل ما شئت فكما تدين تدان]]

__________________________

صفحة خاصة

توفت الى رحمة الله ابنة أسامة- بيتنا القديم-

الموضوع لمن يرغب فى تعزيته

http://osamaislamic.blogspot.com/2007/11/blog-post_29.html

ان شاء الله تكون شفيعة ليك يوم القيامة يا سمسم و تجتمع بيها فى الجنة

___________________________

صفحة التناحة

تخهعابؤثابصعقثلغاقبلؤ صلغافبؤقثبفلغؤغافقلبلربقغثفبلغثف

لقيتنا انه من التناحة اننا نكتب ب نفس لون البلوج عشان نعميكوا و تضغطوا على الكلام متلاقوش حاجة ليها معنى تقروها

محدش يضايق

دى تناحة بس

حدد بالماوس عشان الكلام يظهر

____________________________________

أخبار اليوم

عيد ميلاد كهرمانة الشهر ده

كل سنة وانتى طيبة يا كهرورتنا وعقبال مليون سنة و يارب تفوزى بالتوب بوست عشان منجبلكيش هدية على التوب بوست انتى كمان

_________________________

صفحة التسالى " كايدة العزال انا من يومى ايوة اه"

احنا من كتر الشهرة و الحمد لله فى ناس عملتنا بلوج مخصوص

مش ناس هوا واحد كان طمطم اللى بيرد عندنا لو خدتوا بالكوا

المهم انه عملنا بلوج مخصوص و حاطط صور حصرية لينا فى رأيه زى ما هو شايفنا

الغريب بئا لو هوا شايفنا كدة امال بيشوف نفسه ازاى فى المراية

:d

البلوج اسمه

مركب ورق فى الترعة

الستة بتوع صندلة

اللى عايز يفتحه يدوس عليه فوق

بس بجد ضحكتنا جدا جدا جدا و احنا كنا فى مود سىء جدا

شكرا ليه بجد

وبما ان محدش بيدخل البلوج عنده ف احنا قلنا نعمله دعاية

متتوصاش بينا فى الصور اوى عشان العرسان

كهرمانة بتقولك شسوفلها نسناس حلو

__________________

صفحة الهوم ورك

احنا بقالنا كتير اوى مكناش نزلنا تصويت على التوب بوست

ف هنعمل ان شاء الله تصويت على كل الشهور اللى فاتت على ايدك اليمين و انت داخل البلوج

تانى حاجة متنسوش تقوللنا رأيكوا فى البلوج اللى معمول علينا

تالت حاجة متنسوش تدعولنا بجد لاننا مزنوقين فى الامتحانات

رابع حاجة متنسوش تقولوا ل كهرمانة كل سنة وانتى طيبة

خامس حاجة و صوتولها فى التوب بوست عشان منجبلهاش هدية على التوب بوست يببئوا اتنين فى واحد :D

متنسوش تعملوا الست حاجات اللى فوق

الستة بتوع صيدلة

العدد ال4 لمجله السته بتوع صيدله

المجلة دى قررنا نقلب الموازين و نضيف صفحات و نشيل صفحات و ان احنا على اد مانقدر يبقى فى روح مشاركة بينا و بين البلوجات
التانية و اهو منها صلة رحم برضه

الصفحة الدينية

"لا تجعل الله اهون الناظرين اليك "

جملة تردد كثيرة فى المجالس الدينية سمعناها اكثر من مرة و عرفنا معناها كجملة ولكن عندما تحسها بقلبك ستغير الكثير من مفاهيم حياتك ..ستذكرك بحديث النبى صلى الله عليه و سلم فيما معناه ان من ارضى الله فى سخط الناس رضا الله عنه و ارضى عنه الناس و من اسخط الله فى رضا الناس سخط الله عليه و اسخط عليه الناس

و صدق رسول الله

فيما قال

ليس معنى ذلك ان تجاهر بذنب

و لكن اذا استحيت من فعلة امام الناس فاستحى من العلى العظيم ربك و رب الناس

فقلها و لكن بقلبك

صفحة الاهداءات

"لمحمد" "just humen"

من اكتر الناس اللى بتهتم بينا و مخدوعة فينا شايفنا حاجة كبيرة

و احنا هنساعده و نهديله نضارة نظر

بجد ميرسي يا محمد احنا مقصرين معاك جدا بس اعذرنا

واعذرونا كلكم يا جماعة بس دى امتحانات

و بنهديلك 6 وردات "مع النضارة"

صفحة التناحة

هممممم...نفكر فى ايه لباب التناحة النهاردة.... ايواان دى مش محتاجة تفكير .. نبدأ بأه

من اكتر الحاجات التنحة ان بنى ادم يخترق الدايرة اللى حوالين كل واحد فينا ..." دايرة ايه؟!!" هممم اقولكوا .. حوالين كل واحد فينا دايرة وهمية نص قطرها 25 سم .. الدايرة دى ما بنحسش بيها الا لما حد يعدى حدودها ساعتها نحس ان فيه حد بيتدخل فلى خصوصياتنا ... الصراحة انا امبارح كنت قاعدة جمب بنى ادم فى المواصلات بحكم الظروف .. المشكلو بأه ان انا كنت انا حساه بيعد انفاسنا انا و كهرمانة وسنفورة .. لو رفعت ايدى اعدل الشنطة يبص على شنطتى يجيب اللى جواها.. لو سنفورة كلمتنا بصوت واطى يقرب غشان يسمع .. بجد انا قعدت ساعة اللى ربع كل اجهزة الانذار بتضرب فى نافوخى .. كاننى الدايرة اللى حواليا تقلصت لاتنين سم اتحشرت فيهم .. ربنا ينتقم منه

والله البنى ادم ده حاجة من اربعة

1- انطس فى نظره و شايفنا حلوين _بس شكله ماشافش فرخة حتى قبل كده_

-فضولى زيادة عن اللزوم ومعتبر دايرة خصوصياته شاملة 30 متر حواليه

3-واحد فاضى فزهقان.. يارب اشغله يارب ماتسيبهوش فاضى ابدا

و دمتم

...........................................................................................

اخبار اليوم

الحمد لله احنا مش قلقانين من امتحانات الشيت

بنطمنكم علينا يعنى و مش محتاجين دعواتكم حتى وكمان بنحضر نفسنا عشان ترتيب الاوائل

وانشاء الله فى امتياز ميكرو يا صيادلة

و بريك طلعت الاولى على الفصل

و لوزة الاولى ترشيحات

و سنفورة اولى تخلفات

و سخسوختى اولى "*******" بلاش نقولكوا اولى ايه

وكهرمانة ورقها لسة فى التنسيق

و كانت معاكم صفحة الفشر من امام عربية ملك الفشار .شارع الاستاد

صفحة التسالى

واحنا بنتفرج فى البلوجات لاقينا فرقة حلوة اوى حبينا نعرفكم عليها هى فرقة "صبا" و الفرقة دى يا جماعة موهوبة

و هنكتب جزء من كلامات اغنية ليهم و نسيبلكو لينك البلوج و خوشوا اتفرجوا و مش هتندموا

دا لينك تحميل الاغنية

http://www.megaupload.com/?d=G4U80GBR

وده جزء من اغنيه بيكا الى فكرتها انه واحد بتاع روبابيكيا

مكركب فى روحك ودنيااك زحام

و قلبك يادوب مطرحين مهروسين...فوسع لنفسك مكان للحياة

وطل علينا ب شباك وحيد...تشوف المعانى ام جد و جديد

بيكياااا

الحاجات القديمة اللى مالية البيوت اللى زاحمة الأماكن...أشيل النجف و التحف و الدولاب القديم

فولغراف لجدك و صورة حبيبتك بدورق ازاز...السرير الحديد...الطشوت النحاس بلعبة بلاستيك...و ايامك اللى متعرفش حد...طفولتك و عقدك مراية قديمة و ملت ملامحك

بيكياااااااااا

الزمان المصدى ...الصحاب الاونطة...الوششو الخشب...نقشقش بقايا الحياة و الفضل

بيكياااااااااا

غناوى صبابا حزينة بنكلة

متعملش قلبك فتارين ازاز بقية حياتك تقضيها فرجة..ولو تحتفظ بانتيكة جوا فى قلبك تموت

__________________________________________________

الصفحه الصيدليه

anemia

اداه نفى an ومعناها دمemia كلمه لاتينيه من مقطعين الاولى

يعنى تقريبا ترجمتها مفيش دم والناس هى الى بتستذوق وتقول عليها فقر دم

المرض ده انتشر فى البشربغباء

والمشكله انه ظهر كمرض اجتماعى مش عضوى

يعنى نادر اوى لما تلاقى حد عنده دم اليومين دول

البجاحه والبرود بقوا شعار المجتمع

___________________________

صفحه الهوم وورك

الحاجات دى هووم ورك على كل زائر

اولا: تدعوا لنا كل يوم من السبت ان شاء الله من الساعه 1 ل2لحد السبت الى بعده

والبذات اخر يوم

ثانيا:ياريت الى اغنيتنا اشتغلت عندهم يقولوا لنا رأيهم

وياترى نعمل فرقه ولا ايه...!؟:D

ثالثا: احنا لغينا واجب التصويت الشهر ده

بس هيبقى فى الشهر الجاى ان شاء الله

السته بتوع صيدله

العدد التالت من مجلة الستة بتوع صيدلة

1- الصفحه الدينيه

الله

لله الاسماء الحسنى نناجيه بيها.. فنناجيه مرة بالرحمن ومرة اخرى بالغفار

المظلوم يناديه يا عدل اما الخائف يناديه بالسلام

صفحة الدينية

صاحب الطلب يناديه بالوهاب الرزاق

والمكروب يناديه يا فرج و المخطىء يناديه يا ستار

و حين نبدا يومنا نبدؤه بالجملة المعهودة " يا فتاح يا عليم يا رزاق يا كريم" لنجمع بين مطالعتنا للمستقبل و تمنينا الرزق الوفير

قد تتناقض اسمائه بين القابض و الباسط و الخافض و الرافع و بين معز و مذل" ليدل على شموليته و تعديه حدود ادراك البشر

ربما لذلك احب الاسماء الى قلبى هو "الله" ربما لانه جامع لكل تلك الصفات فاذا ناشدت الرحمة قلت يا الله و اذا ناشدت المغفرة قلت يا الله و اذا ناشدت العدل قلت يالله و اذا ناشدت الحكمة قلت يالله و اذا ناشدت الستر قلت يالله و اذا ناشدت السلام قلت يالله و اذا ناشدت الكرم قلت يالله واذا و اذا و اذا

فيالله انا نعوذ بك من عذاب القبر و نعوذ بك من فتنة المسيح الدجال و نعوذ بك من فتنة المحيا و الممات ونعوذ بك من فتنة المأثم و المغرم اللهم ادخلنا و المسلمين جميعا جناتك و قنا عذاب القبر و عذاب جهنم يالله

اللهم آمين

و يجعلوا عامر

sa7'so7'te

_______________________________________________

2-صفحة الاهداءات

الشهر الى فات بالظبط 15-9

عيد ميلاد واحده بحبها اووووى

يوم ما اتولدت فتحت عينى لقيتها مستنيانى

وهى الى سمتنى

الله يسامحها بقى :(

اعرفها من 18 سنه تقريبا

عيد ميلاد اختى

كل سنه وانتى طيبه وعقبال مليووووووون سنه

loza

____________________________________________

3-صفحة التناحه

قمة التناحة وان كنت انا شخصيا بعملها كتير ان الواحد ممكن ياخد ثواب من الرد علىالتليفون و رغم كدا بيكسل

ويقول الو بدل سلام عليكم

break
________________________________________________________

4-صفحة اخبار اليوم

من حظنا الجميل

ان سخسوختى هيا اللى تفوز الشهر ده ب احسن بوست عن بوست رحلة علاجى

بنجاح ساحق ماحق ملوش مثيل

حظنا جميل ليه بئا؟

عشان عيد ميلاد سارة الشهر ده

وفى الحالة دى الهدية هتبئا 2*1 يا ساره

و كل سنة وانتى طيبة

ولينا كلام تانى فى عيد ميلادك طبعا

الحاجة التانية

مينفعش شهر يعدى من غير حاجة وحشة

بيتنا القديم قفل البلوج بتاعه

لأسباب غير مفهومة

و يارب يرجع عن قراره ده
لاننا فعلا بنحبك فى الله يا سمسم

:(

الستة بتوع صيدلة

_______________________________________________

5-صفحة التسالى

مش هنتكلم المرة دى على فيلم ولا شريط

نتكلم عن كليتنا

كلية الصيدلة جامعة طنطا

كان فى فطار فى الكلية امبارح

قلنا و ماله نحضره

الوجبة بتاعة الكلية لا تعليق

الالذ ان الناس اللى عاملين الفطار اللى هما الجمعية العلمية الصيدلية

طالبين اكلهم من برا

من مطاعم برا يعنى

واحنا اللى اتدبسنا فى الاكل بتاعهم

وبصراحه اكتر مش احنا بس

احنا وعميد الكليه

و طبعا قاعدين من الساعة 4 للمغرب مفيش حاجة نعملها

و"الستة بتوع صيدلة يتحدوا الملل" جمعنا البنات على قد ما قدرنا و اعدنا نلعب مع بعض

بجد دى كانت احلى حاجة فى اليوم

شوية اللعب اللى لعبناهم

رجعنا بالزمن لورا بتاع 120 يوم كدا

و بعد الفطار كمان اعدنا نلعب

كان يوم مسلى جدا

و السنة الجاية ان شاء الله هنحضره بردوا

بس هنجيب اكلنا معانا

ونبقى نقول للعميد بردو على الحكايه دى

الستة بتوع صيدلة

______________________________

6-الصفحة المختلفة

صناع الحياة المنوفية

حلم كبير جمعنا كلنا كل صناع الحياة بالمنوفية لمدة شهرين من العمل الدائم الذى يصحبه أمل كبير اننا نقدر نحقق هدفنا و هو عمل شنطة 10000 للأسر المحتاجة ووسط فترات الأمل و لحظات اليأس اذا بنا بتوفيق الله سبحانه و تعالى نصل الى ما نطمع ان يرضيه و ان يجعله فى الميزان حسنات كل من عمل به و هو عمل 11000 شنطة رمضانية للأسر وهو اعلى مما حددنا و اكبر من كل الجمعيات التانية و دا طبعا من مبدأ

و فى ذلك يتنافس المتنافسون

kahramana

___________

ادعوا معانا ربنا يتقبل من كل من عمل بهذا المشروع و يخلص عمله لوجه الله الكريم و يجعله فى ميزان حسنات الجميع

مجلة الستة بتوع صيدلة الشهرية

احنا قررنا اننا ننزل المجلة دى كل شهر ان شاء الله

هنحاول قدر الامكان ان صفحات المجلة تبقى ثابتة -صفحة واحد بس اللى هيتجدد كل شهر-ان شاء الله

و للناس اللى مخدتش فكرة عن المجلة قبل كدا دا العدد الاول بس مكنش جماعى

مجلة بربر

اولا احنا مش هنقول مين كاتبة صفحة ايه وانتوا عليكو الاستنتاج بئا طبعا ونشوف شخصياتنا طاغية على كتابتنا ولا لأ

___________________________________________________

1- الصفحة الدينية

باقى على رمضان بالظبط من لحظة كتابتنا

14 يوم

20 ساعة

58 دقيقة

استعديتوا ل رمضان ولا لسة؟

كل سنة وانتوا طيبين

و ان شاء الله نطلع كلنا من رمضان بالمغفرة والعتق

و متنسوش يا جماعة تفتكرونا فى الدعاء أمااااااااااااااااااااانة

____________________________________

2-صفحة الاهداء

it's my greeting 2 u marmar,

i can't describe my awfully sorry 2 u

i can't describe my love 4 u..cuz love like the shadow u can see it ,touch it,feel it,but u can't describe it or spacify it..it's real love which u don't know about.c u s

_______________________________________

3- صفحة التناحة

فكرت كتير فى موضوع التناحة دا .. ووصلت لموضوع حيوى تنح هكلمكو فيه

وهوا

ان قمة التناحة انى اسيب الصفحة فاضية

_________________________________

4- صفحة اخبار اليوم

الصفحة دى هنعلن فيها عن التوب بوست للشهر اللى فات

و فازت بيه عن جدارة loza

عن بوست تفتكرى بجد؟!

و اقترحو انتوا علينا هديتها تبقا ايه للشهر ده

لاننا كنا هنخليها متطبخش معانا النهردة بس للأسف عملت معانا كل حاجة فى الاكل يعنى تستاهل جايزتين مش جايزة

و بنعلن كمان عن التصويت بتاع مواضيع الشهر الجديد هينزل ان شاء الله من يوم 1 فى الشهر الجديد على اليمين للناس اللى مخدوش بالهم منه

_________________________

5-صفحة التسالى

المرة دى هنتكلم عن فيلم كدة رضا

طبعا فيلم احمد حلمى الجديد اكيد كلكم عرفينه او سمعتو عنه

انا بعزى اى حد من اللى بينام فى بيات شتوى او صيفى بالأدق..الفيلم ده اقل ما يقال عنه عن انه تحفة بجد ..ده الفيلم الوحيد من أفلام احمد حلمى اللى عدى فيلم ظرف طارق

طبعا الستة بتوع صيدلة كلهم شافوه رغم ان انا كنت مسافرة بس صممنا ندخله فى نفس الوقت-انا فى المصيف وهما فى شبين-

طبعا انتوا مستنيين انى احكى الفيلم...بس انا مش ناوية احرقو عليكم بطلو بخل بئا مفرقش تمن التذكرة و "عارف يا بومبو الفلو س دى لو ضاعت البومبو ده هيعمل فيك ايه"

سلام يا بومبو منك ليه

والبوست الجاى ابقى احكيلكو احداث الفيلم للى مقدروش يستغنو عن تمن التذكرة

_________________________________

6الصفحة المختلفة-

يا جماعة احنا عندنا اقتراح

خاص بالجماعة الصيادلة

احنا فكرنا نعمل بلوج يكون شامل كل الصيادلة سواء مخلصين او مش مخلصين

ويكون كلامه كله عن الكلية و ظروفها و مشاكلها و الأمراض واى تهييس ليه علاقة بالصيدلة

يعنى من الاخر نتكاتف ونعمل حزب الصيادلة المهروسين

اللى موافق يقول

ولو لقينا الفكرة عجبت الناس ان شاء الله نبدأ علطول

تحديث على الصفحة دى: البلوج دا معمول اصلا عن titrated minds بس خاص ب ناس معينة اللى عايز يشاركهم بيبعتلهم احنا بس حابيين انه يبئا بلوج خاص بالصيادلة يكتبو فيه علطول يحسو انه بلوجهم يعنى
___________________________________

فى النهاية بئا عشان احنا عارفين ان فى ناس هتكسل تقرأ المجلة كلها هتاخد افكار كدا

اول حاجة قولو رايكو فى فكرة المجلة الشهرية دى عموما ..نستمر ولا لأ؟!

ثانيا مين كتب صفحة ايه فى المجلة عشان نعرف اذا كانت شخصياتنا بتبان فى الكتابة ولا لأ؟

ثالثا...نجيب ل لوزة هدية ايه لانها فازت فى التوب بوست الشهر ده؟

رابعا..ايه رأيكو فى فكرة بلوج الصيادلة المهروسين دى؟

خامسا..أيه رأيكو فى اللوك الجديد؟

تحديث:التصويت بتاع شهر 8 على اليمين يا جماعة متنسوووش تصوتوا بس بصوت واطى

اخر تحديث ان شاء الله

نموذج اجابات الاسئله

1-ان شاء الله المجله هتستمر وليبدأ العد التصاعدى من اصداراتها ان كان فى العمر بقيه

2-

-الصفحه لبدينيه _______>كهرمانه

-الاهداء_______>سنفوره

-التناحه _______>لوزا

-اخبار الدنيا _____>بريك

-التسالى _____>ظوظو

3-بم انها هى الى كاتبه صفحه التناحه يبقى هنجيب لها هديه فاضيه وده اقل واجب :D

الستة بتوع صيدلة