امبارح المكالمة دى كانت بينى وبين لوزة
انو ازيك يا سمن
الحمد لله ازيك يا بت انتى عندك برد ولا ايه
اه هوا باين عليا?
لأ خالص انتى قلتى انو بدل الو
لا قلت انو
ماشى الف سلامة
و باقى المكالمة بئا متخصكوش :D
فكرت فى موضوع البرد دا شوية
الواحد بيفضل طول الوقت شايل موضوع البرد من دماغه وعامل فيها اللى مفيش زيه لحد ما يجيله البرد
رخامة البرد بئا مش فى الخنفان ولا الرشح ولا انك مش بتقدر يطلعلك حس " طبعا فى اعرض مؤرفة اكتر من كدا
"
"
بس رخامة البرد بئا انكه مش بيروح ولا بالطبل البلدى يعنى ممكن تاخد دوا وتفضل شهرين تلاتة اربعة وعندك برد وممكن متاخدش و يروح علطول...برد مزاج يعنى
و على الرغم انه من اوحش الامراض و اكترها تهميد للجسم الا ان اللى حواليك بتلاقيهم مستهيفينه جدا
ياعم قوم انت مفيكش حاجة انت هتمثل
اعملكباية عصير لمون سخنة وانت هتبئا فل
لالا بلاش سمك انت بتهرج انت عندك برد!
يعنى انا من اكتر الناس اللى مش بتستهيف بالبرد
و زعلت اوى لما لقيت جاهين مستقل بيه كدا :(
ياحزين يا قمقم تحت بحر الضياع
حزين انا زيك وايه مستطاع
الحزن مبقالهوش جلال يا جدع
الحزن زي البرد زي الصداع
وعجبي
بس انا من اشد المعجبات بشخصية البرد المستقلة اللى بيجى بمزاجه و يروح بمزاجه و بيفرض نفسه على البشر كلهم
ومتنسوش لبسوا جرايد تحت الهدوم عشان الكحة تروح
BREAK
هناك ٤٣ تعليقًا:
ومتنسوش تلبسوا جرايد تحت الهدوم عشان الكحة تروح
والحكايه دى هتنفع يا سمن.!؟
( ايموشن بينف)
وبعد اطلاعي علي الموضوع لم أفهم من الشخصيه التي اعجبتك هل شخصية مجسده (البرد) ام ماذا عامة شافنا الله وعافانا ...^_^
اسكتي اسكتي
دانا لو حد جاب سيرة البرد والانفلونزا قدامي بتعدي
هههه
شفتي حد قبل كده بيتعدي من مجرد يسمع سيرة البرد هههه!!؟
تحياتي
loza
كان منى عينى والله امسك لسانى بس ما باليد حيلة
جتك القرف
انا شايفاكى بتنفى فى واحد منفوف فيه قبل كدا
البادى اظلم
انسان
عجبتنى اوى جملة حاسس انى مش ماشى صح
هوا البرد بعينه اللى عجبنى شخصيته
wahed
-_-
دا احنا هنبعتلك لوزة بئا بالشفا
برد انما ايه مستورد
ههههههه
ربنا يعافينا من البرد
لا والبرد يجي للناس في الشتا
ويجيلي انا في الصيف ، وبرد الصيف دا متعب فعلا
والف سلامة على لوزة:)
تحياتي يا قمر
بيلبسوا جرايد و يحطوا عليها سبرتو مش كده ... جدي كان بيقول لي كده
و كان بيقول لي كمان أوعى تاكل بيض ... ده هيزود البرد
فعلا البرد مثير للتأمل
دمه خفيف علشان شغال بدماغه
بكره ندرسه و أحتمال ضئيل نفهنه .... ربنا يسهل
الصوره إللي أنت حطاها جامده جدا جدا جدا .... فكره عمليه
سلاااااااااام
نور
الف سلامة عليكى من برد الشتا و برد الصيف
نورتى يا نور البلوج :)
keda-sponser
لا والله موضوع السبرتو دا جديد عليا
اللى اعرفه ان الجرايد بتتحط عشان تشفط الكحة ازاى معرفش
و موضوع البيض دا انا عارفاه
مادام السمك دخل فى الموضوع لازم البيض يدخل
لما يجيلك برد ان شاء الله لازم تستفيد من الصورة عملى حتى لو جينا اسكندرية هنعرف نميزك من الناس اللى بتجرى وراك
لا بعد الشر عليك و على كل الناس اللى تيجى هنا
انا مره جالى برد بس غريب اوى خمس دقايق الاقى نفسى سخن مولع, شويه كده الاقى بردان
دا اسمه ايه البرد الاهبل صح؟؟؟؟
shix
خطوة عزيزة عندنا
بالنسبة للبرد بئا -_-
انت صيدلى و شخصت حالتك وادرى منى :)
الف سلامة
و مبروك البلوج و يكون فاتحة خير عليك و ميجلكش برد تانى
قول امين
الف سلامه يا دكتوره
وعلى فكره انا كان عندى برد من يومين كده
بس لسه شغال يعنى
المشكله انى نمت يومين مش حاسس بنفسى
لدرجه انى افتكرت انى عندى انفلونزا الطيور
الحق اخرج بقى علشان مش عايز اتعدى:d
هتسييييييييي
الواحد اتعدي ولا ايه :D
الف سلامة :D
ايه المعجبة بشخصية البرد دي
لأ جديدة
طب يا تي بالرفاء و البنين
ايه ده البرد اللهم احفظنا برد ايه بس حد يجيب السيره الوحشة دي في المدونات ده انا ساعات بيجيلي برد من سيرته بس عمرك شفتي كده
تحياتي ليكي
kalcool
الف سلامة
تلحق تخرج عشان مش تتعدى ايه بعد ما عديت انت البلوج كله
لا لا لا لا أختلف معاكي في موضوع ارخم حاجة في البرد ده..
أرخم حاجة فعلا إنك مبتحسش بطعم الأكل
ساعات مبيجيش للواحد نفس ياكل خالص
دي كارثة فعلا ..هوا فيه أحسن من الأكل..ولا ليكي رأي تاني؟
loverheart
يرحمكم الله
اتفضل منديل
مادو
بحبه يا بابا بحبه -_-
شاب نفسه يحقق حلمه
اه لسة شايفة حالة زى دى امبارح فى البلوج
wahed بيجيله برد بالسيرة بردو
هنبعتلكو لوزة فى بريد مستعجل
احمد المصرى
امممممممممم
نظرية بردو
بس يمكن انا محستش بيها لانى باكل باكل فى كل الاوقات مبتفرقش معانا الحاجات دى :D
نورت البلوج
اولا الف سلامه عليكي يا لوزه
بعد الشر ان شالله عدوينك
..........
المهم يعني فعلا البرد ده انا مبطيقوش وبعتبره ارخم حاجه رغم ان الواحد صحته فيها اللي مكفيها بس بييجي البرد ده زي القضا المستعجل
ولما بييجي البرد بحس بقي بالامراض اللي عندي بتطلع كلها مره واحده زي ماتقولي كده هو بيشجعهم علي الفساد
حاجه فظيعه
صحيح وعجبي
.........
اه بالمناسبه الترجمه خلصت علي خير...اعدت اترجم لما كنت هتجنن
:)
كح كح
اتشووووووووو
انا كمان عندى برد
:(
الف سلامه عليكى يا قمر
محدش يجبلى سيرت البرد دا واخدنى مقاولة اول الصيف واول الشتاء وبيقعد شهر واتنين لحد ما يزهق هوا مبقاش يحوق فيه بقا لا لمون ولا اسبرين
:Dتحياتى
العربى
ابئا اكتم نفسك وانت داخل البلوج عشان متتعديش من الخلق اللى هنا
____
بجد احرجتنى بذوقك
انشالله ميرسى :)
هههههههههه
ده تأثير الصيدلة بقى
حتى الشخصيات اللي بقت تعجبنا عبارة عن امراض
هههههههههههه
الجميلات .. الستة بتوع صيدلة
لو تسمحولي بدعوتكنّ لمدونتي
وتدوينة مختلفة بحق
ليته..يحبني
-------
وآسفة على التشتيت
catroz
الف سلامة عليكى انتى
متنسيش الجرايد
bebooooo
انا كنت فكراكى ولد فى الاول لامؤاخذة يعنى
و بعدين انتى مش مدية اى اشارة خالص
عموما فرصة سعيدة والف سلامة و منورة البلوج
و***** يا جدع
flona
هههههههههههههههه
تصورى مربطش بين الموضوعين خالص
لا ولسة اربع سنين كمان
ربنا يستر علينا
الولاً الف سلامة عليكي
شفاكي الله وعافاكي
ثانياً طالما عاجبك يبقيربنا يتمم بخير بس مقدرش اقولك ربنا يجعله من نصيبك دا مرضة وبعدين هو عندك فعلاً ربنا يخلصك منه ومعلش عيشي علي الذكري بقي
ومتزلعيش من عم جاهيم هو لو شاف البوست دا مكنش كتب الرباعية دي واستهون بالبرد بالطريقة دي
أبقي طمنينا عليكي يا بريك
هههههههههههههه معجبة بشخصية البرد ههه , انا باكرهه اوى , وخصوصا اللى بيخلى الواحدة شرقانة وتصحى من عز النوم علشان تشرب , بس هوه فعلا ديتوه كوباية شاى باليمون وتتغطى بالكوفرتة ربع ساعة وخلاص انتهى
mohamed
لا لا مش انا اللى تعبانة دى لوزة
معقولة افضح نفسى كدا بردو
انا معجبة بيه اه
بس من بعيد ل بعيد
يمكن لو قربنا من بعض منحبش بعض
زى الهوا
حتى انتى
بتقولى لمون و بطانية
يلا ربنا يبعده عنا
وعنك
وعن كل السامعين
انا جالى برد الصيف ده مشوفتووش فى الشتا خالص
اسبوعين ورا بعض بدورين هدوونى...خلونى وانا ماسك السكينة وبدبح الطمطماية بتترعش ومش عارف ايه
ااه يانى بس مع ان اهلى ..مش مقتنعين انى مش المفرووض اخد دوا وبيشتروا مضاد حيوى الحباية قد البططساية وببلعها وزورى بيبقى ورام وببلع الميه بالعافية...بس برضه انا بخف الحمد الله من غير دوا...هما 3 ايام نوم قتيييييييييل وينسون ويتذكرون ...وبخ
:)
طيب الف سلامة عليكي يا لوزا
شفاك الله وعافكي
ها كدا صح مش كدا؟؟
بصراحة البرد ده بجد عدوي اللدود!!
شكراً..
محمد المصري
سفاح كرموز
فى دوا اسمه كومتركس انما ايه فظييييييييييييييع
بيهد هدة سودة
ولو انك مش ناقص تنام اكترمن الاربعة و عشرين ساعة
عموما الف سلامة
وليك عندى دعوة حلوة
يارب يجيلك برد بعد كدا فى الشتا و ميجلكش فى الصيف تانى
حلو؟
MOHAMED
تمااااااااااام
بس علفكرة انا جالى برد من اول امبارح
:D
تعبتك معايا والله انا عارفة
عموما الله يسلمك من غير حاجة
محمد المصرى
عفوا
بس ايه الحكاية انت اخو احمد المصرى اللى رادد عليا فى نفس البوست ولا ايه الحكاية !
بريك
...
الف سلامة علي الجميل
يارب كوندليزا رايس وانت لأ
ويجعلوعاااااااااااااااااااااامر
سمسم
الله يخليك
بس لوزة اللى كانت تعبانة ساعة البوست مش انا
اينعم انا خدت منها الدور
بس هيا اللى جابتهولى
ربنا .........
ولا بلاش
ربنا يشفيكى يا لوزة
و يقلل من مصابينك
إرسال تعليق