ايام زمان.. ايام جدى وجدك كان فى حكمه بتقول فاقد الشئ لايعطيه
دلوقتى بقت فاقد الشيئ يعطيه
من كام يوم كده وانا حارق دمى موضوع وكبر فى دماغى بدرجه تنقط
كنت واقفه فى البلكونه زى اى واحده ببص لقيت فوج من البشر معدى فى الشارع قلت عادى عمال مصنع الغزل الى جمبنا
دلوقتى بقت فاقد الشيئ يعطيه
من كام يوم كده وانا حارق دمى موضوع وكبر فى دماغى بدرجه تنقط
كنت واقفه فى البلكونه زى اى واحده ببص لقيت فوج من البشر معدى فى الشارع قلت عادى عمال مصنع الغزل الى جمبنا
ببص لقيتهم هنود ...!!!وصوتهم جايب من اول الشارع المهم الموضوع ايه يعنى ..؟
الموضوع ان مصنع الغزل حصل فيه اضراب عن العمل عشان المرتبات وبعد دفعها ( بعد اعتصام العمال عن الاكل) المصنع اتخصخص لواحد هندى
الموضوع ان مصنع الغزل حصل فيه اضراب عن العمل عشان المرتبات وبعد دفعها ( بعد اعتصام العمال عن الاكل) المصنع اتخصخص لواحد هندى
والهندى يطول عمره يزهزه عصره ينصره على مين يعاديه هاى هئ مشى العماله المصريه وجاب عماله هنديه يعنى ايه بردوو..!؟
يعنى مصر الى بتصوت من البطاله والواحد من دول يستلم الوظيفه على سن المعاش بقت الايدى العامله فى المصانع الى على اراضيها اجنبيه
جايز تقولوا انى مكبره الموضوع و ده حق الهندى بس انتوا مشفتوش كميه الهنود الى فى المصنع شوفوا المصنع ده كان فاتح كام بيت .....يعنى نجيب الهنود يشغلوا مصانعنا ونشرد ولادنا ونسفرهم تهريب والله اعلم ايه الى بيحصل لهم فى سفرهم عشان فى الاخر يمسحوا جزم ويغسلوا اطباق..؟ولا بناتنا الى عملنا لهم صفقه نضافه وفتحنا مكتب توظيف عالمى للخدمات لا ومرتب الواحده نص مرتب الفلبينيه الحمد لله بقينا ننافس السوق الخارجيه فى حاجه وادينا ضربنا الفلبين فى مقتل احسن لهم يغيروا اسم وزاره القوى العامله لمكتب توصيل الخدامات مجانابدل ماكنا بنبعت لهم الدكاتره والمهندسين والمدرسين لغوا الطلبيات دى لان الصنف ده مش مطلوب دلوقتى
ولا الصينين الى ملوا البلد دول بقوا اكتر من الدبااان وايه نفس الحكومه الى بتسمح لهم بالمعارض هى الى بتبعت البلديه تجرى ورا الغلابه الى بدل ما يشحتوا بيقفوا بعربيات يسترزقواطب ماكانوا يسهلوا لهم الموضوع ويساعدوهم يفتحوا معارضوهم بردو الفايزين ....
ولا الصينين الى ملوا البلد دول بقوا اكتر من الدبااان وايه نفس الحكومه الى بتسمح لهم بالمعارض هى الى بتبعت البلديه تجرى ورا الغلابه الى بدل ما يشحتوا بيقفوا بعربيات يسترزقواطب ماكانوا يسهلوا لهم الموضوع ويساعدوهم يفتحوا معارضوهم بردو الفايزين ....
صحيح انا معرفش اوى فى الموضوع ده بس يحصل ايه لو الحكومه احتوت الطبقه دى من الناس بدل ما يتشردوا كده
عدد سكان محافظتنا 2 مليون وفكه يعنى مدينتنا بالكتير نص مليون ولا مليون وهى لا من مدن القنال ولا مدينه سياحيه دى بلد زراعيه والناس الى فيها فقرانين اصلا ومش لاقين ياكلواكفايه انى اقولكم انها اكبر محافظه طارده للسكان فى بحرى
لما انزل الشارع الاقى على يمينى واحده بسارى وبين حواجبها نقطه بنى واعدى الناحيه التانيه الاقى الصينيه بس من غير الكيمونو الا صحيح نسيت اسالهم عليه...!؟
ومحدش يسالنى على الفيل لان مش كل واحد يسافر يشتغل بره بياخد عربيته معاه...
يا جماعه انا مش زعلانه ان الاجانب بيجوا مصر ولا كلامى ده بخل منايفه يوم ما ينزلوها زوار يعنى اسبوع شهر يبقى اهلا وسهلا بيهم ويا بخت من زار وخفف انما يلزقوا لنا وينافسونا فى رزقنا يبقى الباب الى يجيلك منه الريح
المشكله ليخلصوا لنا ميه النيل مهو كل شويه يقولوا مشربتش من نيلها قال يعنى مصر الوحيده الى بيعدى عليها النيل ولا نيلها مختلف عن نيل اثيوبيا والسودان
هناك ٤٤ تعليقًا:
I passed to congratulate it with its work and to desire a good August to it in vacation.
المقالة حلوة قوي
بسم الله ماشاء الله
موضوع جميل اوي يا لوزه
بس ياريت كان بايدنا نعرف نغير حاجه واحنا كنا غيرنا
يارب نلاقي شغل لما نتخرج
موضوع جميل
ثواني ثواني و انتي بتتكلمي على المصنع ده قولت هي المشكلة ديه فكل حته ولا ايه لان كان عندنا نفس الحوار و اللي اشترى المصنع بردو هندي لكن من كلامك اتضح ان احنا من نفس البلد فاوعي بتكوني بتتكلمي على مصنع غزل شبين..فاذا كان كدا فاحنا نبئى بلديات على كدا..عموما فعلا ديه كانت مشكلة و خصوصا الناس اللي كانوا شاغلين في المصنع منهم كتير من زمايلي من اللي اهلهم بيشتغلوا في المصنع ده كانوا مهمومين جدا لان ده المصدر الوحيد لرزقهم و من غيره هتبئى حياتهم صعبة و خصوصا لما حصل القلق بتاع الاضراب و الكلام كده..و مش عارف ايه حكاية الصينين في البلد فعلا كتير و علطول مع المعارض طيب ليه حكوتنا متبئاش واعيد و يدركوا ان ديه سياسة بلد و الصين حريصة انه تغرق العالم بمنتاجتها الرخيصة و التعبانه طيب ما تشدي حيلك يا حكومة و تساعدي ناسك انهم يعملوا اللي الصينين جايين يعملوه بدالنا هما مش ازكى مننا هما بس بيشتغلوا بجد و هوا ده اللي رافعهم..بس انا بصراحة مشوفتش هنود يمكن يكونوا مستخبين..يلا ما علينا...تحياتي لكم جميعا انتوا الستة..سلام
ههههههههههههههههه
بعيدا عن بخل المنايفه وكده
انا ولله الحمد بفخر انى منوفى
الحقيقه مش عارف بفخر بكده ليه
بس اهوه كلنا مصريين
نيجى بقى للموضوع
الحقيقه انا مشوفتش حاجه زى كده الحقيقه
غير انى لسه امبارح شايف واحده صينيه فى الشارع
وقبليها بيومين كنت فى بنها كان فى المعرض ناس يابانين
يمكن من كتر الشغل عندنا بقينا بنجيبهم يشتغلوا مكانا فى اوقات الراحه
انا مش عارف الشعب ده امره غريب
وحكومه اغرب
ومش عارف هنفضل كده على طول لحد امته
لنا الله يا دكتوره لوزه
بلوج متميز
أولاً : موضوع جميل وبحب انا رتم المواضيع دي
ثانياً : بُصي يا دكتورة بالنسبة لخصخصة مصنع الغزل بشبين الكوم اللي حصل يا جماعة ان مستثمر هندي اتباع ليه المصنع
متر الأرض فيه المفروض بكام بــ 3000 جنيه اتباع المتر ليه بــ 300 جنيه بس دا مبدأياً يعني
الحكاية دي حصلت بعد حجز طلعت السادات بإسبوع بالضبط
المصيبة اللي حضرتك مش عارفاها يا دكتورة ان مستثمريين مصريين عرضوا انهم يشتروا المصنع بتمن اغلى من تمن المستثمر الهندي بس الحكومة المُبجلة رفضت الطلب ؟ ازاي تبيع لولاد بلدها ؟ مينفعش
كل حاجا اتخصخصت والله العظيم حتى مصنع الغزل في طنطا اتخصخص واشتراه مستثمر بيقولوا والله اعلم إسرائيلي مع رجل اعمال مصري
وزي ما انا قولت
كُلينا لحماً يا حكومة وخصخصي ـ وإن تبقى في عظامنا لحماً مصمصي
مش هنلاقي حاجا ملكنا بعد كدا انا خايف يبيعوا الأهرامات
looooooooool
بجد بوست روعة ومن أحسن بوستات الجروب :) والبلوج
Ciao
عجايب والله
عادي ، ممكن فعلا يعملوها ويبيعوا النيل بتاعنا اللي معدي جوه مصر
ما اصل هيا بلد ابوهم !!
حسبي الله ونعم الوكيل
واسلوبك فعلا جميل يا قمر زي ما الكل قال :)
تحياتي
تصورى انى سياسه و اقتصاد بس معرفش اكتب موضوع زى اللى كتبتيه,, حلو يا بت با لوزه انتى عارفه كمان كنت فى تاكسى لاقيتو بيقولى مش خصخصو الميه :) بقولوا بجد؟ قالى اه انتى ماتعرفيش ولا ايه و ناوين يخصخصوا التأمين الصحى و قعد يشرحلى يعنى ايه صخصخوا التأمين الصحى :) و قالى والله شويه كمان واحنا حنتخصخص :) ياللا كل واحد يخلى باله من نفسه و يلحق يشترى نفسه :) ... بس موضوع الصين احنا برضو شعب كسلانين و مش بيعمل حاجه تقدرى تجبيلى حد بيعمل منتجات زى الصين ؟!!! الصين اللى بتعمل حاجات بسيطه جدا و مافيهاش حاجه اصلا .. ده احنا مش عارفين نعمل الاستيكه يا شيخه ... سيبك من ده كله المهم ابقى ان موضوعك رائع بجد
lozzzzzzaaaaaaaaaaa
el2awwal lazem tera7abe beyya 3ashan ana ba2ale asbo3 barra shben
eltany ba2a ned5ol f elgad
ento tool 3mroko 3arfen enne 3alatol badafe3 3an elbalad we 3an el7koma f yemken radde belnesbalko msh leh lazma
bs ya berry 3ala mawdo3 elmetr bekam da ana hadawwar f elmwdo3 :)
la2enne knt 3alatol ba2ol en el7koma 3amalet elsa7 la2en f3lan elmasna3 msh kan beyenteg 7agawe kan 2olayyel elle sha'3alen feh bezemma .... we leyya 3awda 2o5ra isa :)
david
خلاص ماشى
الى تقوله حضرتك يمشى :)
بجد موضوعك جميل
علي فكره انا بعتبره أفضل موضوع انا قرأته عندك أو عندكم
ملامك تناول مشكلة البطاله ودي مشكله عويصه في مصر ,اتمني ان الحكومه تلاقي لها حل
كمان موضوعك تناول موضوع الخصخصه وأثره علي العمال
موضوعك جميل وتسلم ايدك
زا ريدل
ميرسى جداا لرد حضرتك
والحمد لله انها عجبتك
الشاطر
انا كمان حاسه ان مش فى ادينا حاجه دلوقتى
بس ان شاء الله يبقى فى ادينا بعدين
مهى مش دايمه لحد
وان شاء الله نلاقى شغل
ميرسى جدا لردك
شريف
ايون بنتكلم عن غزل شبين
لو حضرتك عايز تشوف هنود عدى بالليل قدام المصنع على الساعه اا الا ربع كده
د. كلكول
المنايفه اجدع ناس :D
مش عارفه اذاكان العيب فينا ولا الحكومه
بس الى متاكده منا ان احنا الى عملنا فى نفسنا كده
د. برى
بصراحه معرفش ايه ظروف بيع المصنع بالتفاصيل
حتى غزل طنطا اتخصخص وانا معرفش:s
نور
اولا: ازيييك
تانيا :مش عارفه ليه بفرح لما بتردى عليا(وش مكسوف)
تالتا : فعلا حسبى الله ونعم الوكيل
نو نو
اهلا اهلا
احنا بنطالب حضرت السفيره عزيزه
بريبورت فورى عن بوست اليوم:/
بس عندك حق فعلا احنا بفينا شعب كسلااااان جدااااااا
ظوظو
يعنى هى جت على حمد لله على السلامه :D
البوست ده مش بتاعى
والله برئ يا بيه
الذنب ذنب ظوظو هى الى رمتنى عليه
وايييييييييييييه
وحيد
ميرسى جدااا لرد حضرتك
وفعلا لازم الحكومه تلاقى حل لمشكله البطاله على الاقل قبل ما نتخرج:(
اولا عمر ماكان ولا هيكون فاقد الشئ يعطية دي عمرها ما هتحصل وبعدين احنا بادينا ايه يعني ده نصيبنا وقسمتنا
تحياتي ليكي وبجد المقاله حلوه قوي
البوست جميل اوى يا لوزا وبيتكلم عن حاجه مهمه وبتتكرر كتير بس مش بأدينا حاجه نعملها
وبخصوص الهنود ربنا معاكم ومع اى حد هيعيش قريب منهم ,اصل الهنود اللى مش مسلمين وبيعبودوا النار مش بيستحموا وبيدهنوا جسمهم بالزيت _اتخيلى بقى بنى ادم مش استحمى من يوم ما اتولد_
وعلى فكر زى ما فى مصر اجانب كتير المصريين فى كل حته يعنى مثلا فى الامارات اكتر من مليون ونص مصرى دا غير ليبيا والسعوديه وكتييير
فعلا حاجه تشل ازاي احنا مش لاقيين شغل ونجيب هنود كمان يشتغلوا
وبالذات موضوع الصينين ده
الصينين بقو اكتر من التكاتك في مصر
وكمان ياريتهم نضاف دول الشحاتين بتوع الصين
ال يعني احنا ناقصين ناس مبتستحماش
اوفففف
ارحمينا يا مصر
هنود صينيين يابانيين
إيه الحقد ده ما الرزق كتيييييييييير قوي
يا رب ده السبعين مليون كل واحد بيشتغل أربع شغلانات علشان البلد تمشي .... أنا مره لقيت واحد بيمسح عرقه بالفلوس .... تخيلي .... لازم نخلي حد يخف عننا الفلوس دي و ياخد حبه ..... خرام الناس جالها تخمه فلوس
أنا أعرف واحد بياكل لحمه 8 مرات في اليوم
كل إللي فوق ده بيحصل في خيالي
المشكله كمان الهنود و الصينيين دول هيجيبوا عادتهم و دياناتهم و تقاليدهم عندنا .... و بما أنكم في محافظه زراعيه .... يعني فيها بقر ... تلاقوا الهنود أقنعوا شويه مصريين أنهم يعبدوا البقر ده .... أو نلاقي الواد أبني راجع من المدرسه بيقولي ... بابا ... أنا عاوز أبقى بوذي
كفايه كده .... أنا آسف أنا طولت قوي
شكرا على الموضوع الرائع ده
سلاااااااااااااااااام
جميل جدا الموضوع
تسمعي عن شركة النيل للكبريت
ايوة هي دي اللى كانت بتعمل كبريت ينط في العينين
بس كانت بتاعتنا
صحيح كان كبريت بينط في عينيا بس كنا بنشتريه لان المصنع بيشتغل فيه آلاف
المصنع ده في طريق بيتنا وكنت باعدي عليه وانا راجعة من شغلي وقت زحمة خروج الموظفين والعمال والمهندسين والاتوبيسات واقفة سادة الطريق ونقف فترة على مانعرف نعدي من الزحمة
بس عمري ماحسيت اني زعلانة من الزحمة دي
فجأة من فترة بقيت اعدي قدام المصنع الاقي الدنيا هس
لاحس ولا خبر
وكنت مستغربة قوي الهدوء ده وقلت يمكن بيمشوا من الباب الخلفي للمصنع
النظام كويس برضه
لغاية ماواحد قريبنا مهندس كان بيشتغل فيه صدمني بالخبر الصاعقة من كام يوم
مصنع الكبريت متباع بقاله اكتر من سنة والبيه المستثمر اللى اشتراه مشي كل اللى فيه وقفله علشان ناوي يهده ويعمل مكانه مشروع تاني خالص
البيه المستثمر لاهو هندي رابط فيل على الباب
ولا صيني جايب شوية بنات مسرحهم في المنطقة يبيعوا
ولا اي حاجة من دي خالص
البيه المستثمر هو نجيب ساويرس صاحب موبينيل
اهو مصري زيه زينا ومشي العمال وقفل المصنع بالضبة والمفتاح
فلانعيب على الهندي ولا الصيني ولا الكوري
العيب على اللى باع لهم البلد
الواحد خايف يوم يفتح باب بيته يلاقي اللى واقف له في الباب برجله وبيقول له مافيش خروج غير لما تدفع رسوم استعمال عتبة الباب
وبعد مايدفع يلاقي واحد تاني بيدفعه رسوم استخدام شارع
وهلم جرا بقى لغاية مايبيع هدومه علشان يسدد رسوم خروجه الشارع
للاسف دا حقيقة وواقع وكل اللي في ادينا وبنعمله اننا نرصده وندد بيه ولا العمال هترجع
ولا المصنع هيرجع
ولا هيبطلوا يبيعوا البلد
لان اللي بيبيع مش هو اللي بيتشرد وبيجوع فمش هتفرق معاه ولو حتى بعها كلها حته واحده زي ما هاني رمزي عمل في فيلمه
الرومان زمان كانوا ارحم كانوا بيشغلوا الناس وباعدين ياخدوا نتايج شغلهم وطرح زرعهم اما دول بيخدوا الارض نفسها ولا اصبح لا في شغل ولا زرع
هى جت على المصنع
ما كل حاجة بقت تتباع
البنوك و الشركات و البنى آدمين
عندك حق و الله تتفقعى
و مش مكبرة الموضوع ولا حاجة
ما هو اصلا كان لازم يكبر من زمان عشان ميحصلش كدا
مصر و الحمد لله بقت بتتحول لبلد تانى
المفروض بقى يغيروا تحية العلم و يخلوها تحيا جمهورية الصين الشعبية او اى حاجة غير مصر و السلام
ما هى فعلا بلدنا مبقتش لينا
و بجد اسلوبك حلو
شاب حلمه يحقق نفسه
ولا عمر ماكان ولا هيكون فاقد الشئ عطية دي عمرها ما هتحصل
بس بتحصل فى احسن العائلات
والدليل العماله الى بتتوجد للاجانب والبطاله ماليه البلد
مجدى
زى ما فى مصر اجانب كتير المصريين فى كل حته يعنى مثلا فى الامارات اكتر من مليون ونص مصرى دا غير ليبيا والسعوديه وكتييير
بس الفرق ان البلاد دى محتاجه عماله
ميرسى جدا لردك
العربى
وكمان ياريتهم نضاف دول الشحاتين
بتوع الصين
مهم او مكانوش الشحاتين مكانوش جم
ال يعني احنا ناقصين ناس مبتستحماش
اوفففف
لو على موضوع الحمى ده
ممكن نخلى الحكومه تكلمهم :D
ارحمينا يا مصر
حاضر
هقولها ان شاء الله :)
مهروس اسكندريه
هنود صينيين يابانيين
لا وفى ماليزيين كمان:)
المشكله كمان الهنود و الصينيين دول هيجيبوا عادتهم و دياناتهم و تقاليدهم عندنا .... و بما أنكم في محافظه زراعيه .... يعني فيها بقر ... تلاقوا الهنود أقنعوا شويه مصريين أنهم يعبدوا البقر ده
هو لو حصل الى حضرتك بتقول عليه
مش هيكون بالاقناع
هيبقى بالفلووس:(
اموشن زعلان على الى حصل مش الفلوس
كفايه كده .... أنا آسف أنا طولت قوي
لا حضرتك مطولتش ولا حاجه :)
بيلا
العيب على اللى باع لهم البلد
عندك حق بس المشكله انه فى الاخر هيمشى ويسيبها لنا خرباااااانه
وبيقول له مافيش خروج غير لما تدفع رسوم استعمال عتبة الباب
بس ابقى شيلى انتى عتبه البيت ومحدش هيقدر يعمل لك حاجه :D
نورتى يا جميله:)
محمد
لان اللي بيبيع مش هو اللي بيتشرد وبيجوع فمش هتفرق معاه ولو حتى بعها كلها حته واحده
فعلا ودى اكتر حاجه تحرق الدم يعنى هم من الاخر مش بيبيعوا المصانع
دول بيبيعونا
حكايه
هى جت على المصنع
ما كل حاجة بقت تتباع
البنوك و الشركات و البنى آدمين
عندك حق وربنا يستر علينا
مصر و الحمد لله بقت بتتحول لبلد تانى
مصر دلوقتى بقت منطقه حره والى يلحق حاجه منها يا خدها
ميرسى جدااا لردك:)
fe 3'azw mosh bs min el henod bs min el sein kman . y3ni homa saiben baldhom el ektesdha zai el fol we gayeen 3ndna leh
wonderful article teslm 2edek :))
اه قوليلها يحسن انا خلاص جبت اخري
واتخنقت وشكلي همشي واسيبها للصينين
والهنود واروح مكان فيه الناس بتستحمي
:)
امال لو جيتى بلدنا وشفتى مجموعه الشركات اللى اتباعت
وتحكم الاجانب فى العمال المصريين
اصل مصر معندهاش بطاله ايه يعنى اما نجيب هنود يخلصوا لنا مصالحنا الله ؟
عادى بئه
احنا عيشين فى نعيم بسببهم
ما علينا :
ولا علينا:D
هى فعلا حاجه تنقط
مهى الكحكه فى ايد اليتيم
العربى
كده هقولها مرتين
على فكره الناس فى اسكندريه موراهمش غير الحمى
بهلوله
الحمد لله انى مش فى بلدكم
انا معنديش غير مراره واحده
نورتى البوست:)
مارو
طيب الحمد لله ان ربنا رزقنا بناس طيبه زيهم
ربنا يخليهم لنا
نورت البوست :)
حتي الهنود احتلوا مصر
مش كفايه الصين اللي بضايعهم
بقت مالية السوق داحتي فوانيس رمضان
بنروح نجيبها من الناس
ولا فعلا المعارض اللي قلتي عليها بيعملوها
وييجوا علي الغلابه المصرييه
دا حتي عندنا بقي صينيات جائلات
تيجي تدخل ع الواحد
عندكوا أروسة عشان تبيع طبعا
والهنود كمان جولنا
ربنا يستر ودول شرق آسيا كلها تقوم
وتهاجر علينا
تحيا الخصخصة
تحيا الحكومة
تحيا
القطط السيامي
والرومي
والهمر
تحيا كل شئ في مصر
فيما عدا
المصريين
إرسال تعليق