كان نفسى اشوفنى وانا بكلمنى فقلت هنزل البوست دا اكتب فيه كانى بكلم نفسى وبالمرة اجرب الكيبورد الجديدة وبعدين اقراه كانى
بردعلى نفسى وفى الحالة دى ابئا وصلت للى انا عايزاه
اكتب شوية احاسيس حساها
اول حاجةجت على بالى وانا بكلمنى
ان رمضان قرب _اللهم بلغنا رمضان_و انتى المفروض ان شاء الله مش ناوية يعدى رمضان دا زى اى رمضان عدى عليكى قبل كدا ..ان شاءالله هيكون مختلف...ولازم توعدى نفسك بكدا يا سمر
تانى حاجة !!!!!!
تالت حاجة ..انتى متضايقة من ناس معينةالفترة دى يمكن من غير سبب يمكن لانك بقيتى وحشة وبتشيلى من ناس كتير بس انا عايزة افكرك بحاجة الرسول _عليه الصلاةوالسلام قالها_" ان تخالط الناس وتصبر على اذاهم خير من الا تخالط الناس ولا تصبر على اذاهم " عشان كدا من دلوقتى هنفتح صفحة جديدة للكل ايا كان اللى عمله او اللى عملت
رابع حاجة انا مفتكرش انك عمرك لعبتى شطرنج طول حياتك و مش هتحاولى لانها مجرد لعبة حقيرة تنتهى بركلة للخارج بدون أسف على صاحبها ....والمعنى فبطن الشاعر
خامس حاجة..لازم تحافظى على لسانك بعد كدا رغم انه ضمن التشريح عضو داخلى الا انا عيزاكى متخرجيهوش برا بوقك الا بطلب مباشر من الطبيب بعيدا عن كمية النميمة والغيبة انتى تسعة وتسعين فى المية من كلامك بيتفهم غلط مش زى مانتى عايزة تقوليه
فمن دلوقتى قبل ماتقولى الجملة تعملى حسابها كويسة
سادسا دا بئا نخب لصداقة ولت و مش عايزاكى تفكرى فيها تانى لانها متستاهلش اصلا التفكير فيها عايزة اقول جملة موحية جدا بس صعب انها تتقال كدا على الملأ ..هبئا اقولهالك بينى وبينك..وتشكرى يا رانياعلى الجملة دى لانها هيا اللى خلتنى فعلا اعرف انى كنت اتنازلت عن كرامتى شوية
وعلفكرة مش معنى كدا ان الصداقة دى انتهت نهائيا هيا لسة موجودة ماديا بس انتهت بالنسبة ليا معنويا بس لقيت جملة بديلة
"
الأحمق فقط هوا من يغمض عينه ويلقى بنفسه من أعلى القمة"
بس كفاية كدا كلام عليكى انتى رغاية اوى صدعتينى
break &break
هناك ٣٥ تعليقًا:
يشرفني اني اكون اول تعليق
وبصراحه هي فكره الحوار بينك وبين نفسك جامده جدا
بصراحه
حسيت انك مليانه هموم
وفعلا حوارك ده اكيد هيخرجكك من بعض الهموم دي
تحياتي
حسيت انك اما محتاجة تتكلمي مع نفسك بوضوح اكتر
او محتاجة شئ من الخصوصية في الكلام مع نفسك
بس الكيد انك محتاجة تتكلمي وتفضفضى كتير
وكمان تنظمي نقط معية في حياتك
ربنا يعيتك يا بريك
والبوست الجاي تكوني احسن من كدا
ما شاء الله عليكي يا سمر
بوست جميل خالص
حسيت كأنك بتكلمني أو كأني بأكلم نفسي
و إن شاء الله تقدري تحققي كل اللي فيه
بس بالنسبة لموضوع الصداقة ده
اصبري شوية عليها لو كانت صاحبتك جامد يعني و التمسي ليها الأعذار مين عارف يمكن ربنا يصلح ما بينكم
معلش نسي أقول حاجة
ضيفوني بقى عندكم هو انا مدياكم الإيميل علشان تعينوه و لا إيه
أنا اللي غلطانة كان حقي أنا اللي أخدت بتاعكم
gameeeeeeeeeeeeeeeeeeeeeeeel wallahi elpost dh
w elsora to7faaaaaaaaaaaa
3ala fkra ana brdo ba7eb aklm nafsy awi
nice ya samer
يعنى مرضيناش نسيح لك فى البوست بتاع كهرمانه على الموضوع ده
تيجى انتى تسيحى لنفسك
:s
كام مره ندخل عليكى نلاقيكى بتكلمى نفسك وبتزعقى وتضربيكى
احب اقولك الجيراااااااان اشتكوا
sora gamda gdn lmwdo3 agmd awl mra ad5olk bass 3gbteny awy
تسعدني معرفتك
بعد اذنك انا ضيفتك عندي لو مكنش يضايقك يعني
تحياتي
بجد انا بحييكى على الفكره الجااااااامده
دى
الفكره حلوة اوى اوى وانتى عبرتى عنها بشكل جميل جدا
الله عليكى
وفى النهايه سلامى وربنا يوفقك
أهلا انتي وصلتي للمرحلة دي
مرحبا بك في نادي المتكلمين مع نفسهم
هههههههههههههه
أتمنى إنك تحققي كل اللي انتي بتحلمي بيه بجد
تحياتي
بصى
برغم ان رابعا وسادسا شخصية شوية
الا انهم بيظهروا جرح كبير عندك
انا بس بانصحك بالتروى شوية قبل ما تقطعى علاقة صداقة يمكن كانت قوية
والتمس لاخيك سبعين عذرا
وادى فرصة تانية ولو اتأكدتى انها متستاهلش يبقى ساعتها خلاص متجيش على نفسك
سيبك بقى من اللى فات
باقى الحاجات اللى قلتيها تنبىء برمضان مليان طاعة وايمان وربنا يتقبل منك ويضاعف لكى الجزاء باذن الله
وجميل انك استعديتى من دلوقتى
رجب وشعبان شهور كلها بركة
ربنا يكرمنا جميعا
تحياتى
elsora to7fa ya marmar
we fekret elpost gamda
bs ana 7assa en f 7agat 2ktar konte 3ayza te2oleha lenafsak laken et7aragte lamma gete tektebeha
2amma 3an elsadaka f yaret maykonsh elkalam da 3ala 7ad fena le2en ente 3arfa ana ba7ebbek 2d eh
we ba3deen kan lazm te2ole en mn 3yoobek ennek lamma betedaay2e mn 7aga beteday2e mn kool elnas
we en ente s3at betegra7e elle 2oddamk lamma betshakkeke f neyyeto
3moman nice post from a beautiful girl :)
شاب نفسه يحقق حلمه
و يشرفنا انك اول واحد ترد عندنا
نورت البلوج والبوست وكل حاجة
تحياتى
MOHAMED
انا طبعا بعد ما خلصت البوست اعدت اكمل كلام مع نفسى
ربنا يخليك
تحياتى
QUEEN OF ROSES
الحمد لله ان البوست عجبك بجد
لا دى صداقة مفقود الامل فيها
و بتشدنى للأسوأ دايما
ربنا يخليلى اصحابى اللى عمرى مقدر استغنى عنهم
علفكرة
والله الايميلات مع لوزا و هيا قالتلى ابئا اخدهمعشان اضيفهم بس هيا بتنسى تديهملى
هاخدهم منها النهردة بالكتير ان شاء الله
انا يسعدنى جدا جدا جدا اننا نكون اصحاب لانى فعلا حبيتك فى الله
تحياتى
KOMY
اتفضل الصورة سعادتك متغلاش عليك والله
بس لسة عليك سينزى وميكس
انا بكلم نفسى ظاهرة صحية مش جنان
LOZA
انتى طبعا طول عمرك ساترة عليا ياحبيبتشى
مش عارفة من غيرك كنت عملت ايه
BUFFY
وان شاء الله متكونش اخر مرة و تنورينا علطول
تحياتى
شاب نفسه يحقق حلمه
احنا ضايفين حضرتك من زمان
و طبعا يزيدنا شرف انك تضيفنا
تحياتى
الساحر
اخجلتم تواضعنا والله :)
من بعض ما عندكم
نورت
وتحياتى
مادو
مرحبا بيا :D
ربنا يخليك
تحياتى
nana
انا اديت السبعين عذر بس خلاص بئا كدا الموضوع ابتدى يدخل ف كرامة
ربنا يكرمك
ويتقبل منا ومنك ان شاء الله
تحياتى
سخسوختى
صباح الفضايح
ايه دا كل دا معبياه يا دزمة
اكيد مش قصدى على حد منكو يعنى
بس انا مكنتش بتكلم عن عيوبى عشان انتى عارفة انا خالية من العيوب
:D
مش عايزين ضرب
هبئا اخد بالى بعد كدا منا لحاجات اللى بتقوليها دى
على فكرة ياسمر موضوع جميل اوى اوى وفكرة انك تكلمى نفسك دى فعلا فكرة
جامدة اوى واحلى حاجة انك بتتعلمى
من غلاطتك وتحسبى لنفسك
وتحياتى
موضوع جميل اوي يا سمر وربنا يوفقك وتعملي كل الي انتي نفسك فيه وتقبل الله منا ومنكم رمضان ان شاء الله
موضوع جميل
سوسا
ازيك؟
عاملة ايه كدا ؟
وحشتينى :D
على اعتبار اننا مش اعدين جنب بعض دلوقتى
بس تسلميلى بجد
وياريت تجربى تكلمى نفسك
تحياتى
ELSHATER
شكرا ليك
وربنا يتقبل منا ومنكم
تحياتى
allah elfkrah gameela awiiiiiii
bgd ana msh 3aref 2a2ol eh
bs bgd ana nefsi kol wa7d yklm nfsh showya y3rf en fi 7agat kteer lazem y`7irha
3la fekrah elsadaka ba2t 7aga nadra awiiiiiiiiii
break
كويس إن نكلم نفسنا
بس وصلنا لحل علشان نتحد ؟
اتمنالك الوصول
واتمنيلي الوصول لأني
فقدتها فعلا
ولينا رب هوا الحل دايما
تحياتي لك ياجميلة
امور اوى اوى يا سمر البوست ده وده مش رايى لوحدى فى ناس تانية قالتلى كده لما قراته وكانت عايزة ززززز المهم الناس فى الشهداء عندنا زى الفل
غير مسموح بالقراية او الرد غير لمرمر
sanfora
سعيد
ربنا يخليك
انت بتقول الصدقات بئت نادرة
كومى شاطر مجدى
تعالو كلمو سعيد بينده عليكو
انا بهدى النفوس
نهى جمال
اكيد مع الوقت هنتحد
و نحب بعض
تحياتى
سنفورة
سلميلى عليهم اوى وقوليلهم ززززززززززز
وانا عارفة انهم زى الفل
مكنتش انتى تبئى منهم
خطوة عزيزة يختى
ياحبيبتي
:)
قريت مره كده ان الواحد لما يكون زعلان من حد صاحبه اوي
يكتب جواب يعاتبه"بس ميبعتهوش":)و
بعدين يحط نفسه مكان الشخص التاني ويرد على الجواب بجواب تاني
ويحاول يدور على اعذار للشخص التاني
وبعدين يعمل نفسه عبيط ويقرا الجواب بتاع صاحبه الي اصلا صاحبه مبعتهوش:)
ويقول في ذات نفسيته يااااااااااااه
وأنا اللي كنت ظالمه
وتكتمل المنظومه ونتجنن رسمي
:)
وحشتيني
ميرامار
انا لسة شايفة ردك دلوقتى
معلش اسفة مش عارفةازاى مشفتش البوست منور
بس لو جيتى تردى على الجواب دا ملقيتيش مبررات خااااااالص
مهما حاولتى توجدى اعذار
اييييييييييييييييييييييه دنيا
خطوة عزيزة يا شابة
مش كنتى تقولى نفرشولك الارض ورد
ريا
إرسال تعليق