هقابله بكرة وبعد بكرة

بجد انا مبسوطة جدا جدا جدا جدا لاننا هنتجمع من اول بكرة انا والستة و لمدة شهر (نهاية الامتحانات)

شهر من المذاكرة والتهييس و الخناقات و وجع البطن و الطبخ والعك و عياط قبل الامتحان بيوم لاننا مخلصناش

كل مرة قبل امتحان واحدة مننا تعيط و تقول انا هأجل المادة دى احنا مذاكرناش حاجة

وكلنا نعد نواسى فيها و ان شاء الله هنعدى

و نيجى المادة اللى بعدها واحدة تانية تعيط و كلنا نواسى فيها

شهر بنقرب من بعض أكتر و لو حد زعلان من حد شوية بيتصافى

بنعمل جلسة اول يوم نتقابل و نشوف مين زعلان من مين ليه ونتصالح كلنا

عشان شهر على ورقة بيضة

خناقات كل يوم الصبح مين هيعمل النسكافيه لينا كلنا

احنا عاملين لنفسنا بوفيه كدة عليه جميع انواع المشروبات السخنة اللى فى العالم

نسكافيه ينسون نعناع قرفة زنجبيل بالقرفة شاى شاى أخضر شاى بالنعناع ...

ومبنشربش منه حاجة غير النسكافيه

:d

خناقات كهرمانة وسخسوختى على حاجات علمية وفى الاخر مبيوصلوش لحاجة

تصحيتهم الرخمة ليا الصبح كل واحدة باسلوبه

لوزة : سمر سمر قومى يا سمر كفاية قومى يا سمر

أنا :حاضر يا مى

لوزة :طب يلا قومى انتى لسة مقومتيش قومى يلا يا سمر يلا يا سمر

جررررررررررررر

اما عن سخسوختى

فبلاقيها قاعدة فوقى و تسببلى وجع فى كل حتة فى جسمى لانها بتعتبرنى السجادة وبتعد تنط فوقى لحد ما اقوم

كهرمانة

تشدنى و تنزلنى من عالسرير

سنفورة

سيبوها يا جماعة حرام عليكوا قومى يا مرمر

ماما وهيا بتصحينا للفجر

يلا قوموا عشان تصلوا

تلاقوا مى قامت بسرعة من عالسرير اتنطرت

كلنا نستغرب السرعة اللى بتقوم بيها دى

نقول هنام شوية بئا مى قامت اكيد هتصلى وتيجى تصحينا

توصل لحد اخر الصالة و ترجع تنام تانى !

بعد شوية حد فينا يقلق و يقوم

يا مى ايه اللى انتى عملتيه دا

اصلى افتكرت طنط بتنادينى عشان اخد العيش الصبح

فقمت لقيت الدنيا ضلمة رجعت نمت بئا

فجأة تلاقى كهرمانة بتضحك و مسخسخة من الضحك فى عز الليل نقوم نبص عليها نلاقيها نايمة وبتحلم

ونفس الحكاية مع سخسوختى من كتر الضحك صحيت من النوم وهيا بتضحك

خناقة كل يوم مين هيجيب البيبسى على الأكل

احيانا نزهق من المذاكرة فنقوم نعمل فيديو كليب

مرة عملنا كليب يا حضرة العمدة ..ناس كتير شافته واعجبت بي

كهرمانة العمدة بالشنب واللبس

انا وسخسوختى الفلاحات

نورا حميدة

لوزة وسنفورة المخرجين

بجد كان تحفة

مرة تانية عملنا أطفال الشوارع

انا وسخسوختى

باللبس و الشكل

الصورة اللى بيشوفها بيصدقها جدا :D

مرة عملنا مصاصين دماء

كل مادة حسب الحالة النفسية اللى بتسببهالن

ا

ساعات تتطق فى دماغنا ويبئا فاضل نص المنهج مثلا و نخرج

و نرجع بئا مكتئبين ايه اللى احنا عملناه ده

ساعات تمسكنا هستيريا ضحك فظيعة و لو حد قال حاجة رخمة تلاقينا بردوا مش عارفين نبطل ضحك

وممكن تستمر معانا ساعتين تلاتة

ومقالب كتير بنعملها فى بعض

كنا عايزين نفتح التلفزيون انا وسخسوختى من غير ما ماما تعرف

فدخلنا الاوضة واعدنا نتكلم بصوت عالى كاننا فاتحين التلفزيون

شايفة الطقم دا يا سارة

اه حلو اوى وهيا امورة اوى

ماما طبعا دخلت تقفشنا

لقتنا مش فاتحين التلفزيون

افتكرته مقلب وسابتنا

فتحتنا التلفزيون بئا

ماهى اكيد مش هتدخل تانى

:D

مرة عملوا فيا مقلب مش هحكيه هنا لانه فيا أنا

فى ناس كتير عرفينه

بس كفاية اقولكوا انهم ضميرهم بيأنبهم لحد دلوقتى

خناقات مين هينام جنب مين كل يوم

و ندخل ننام الساعة 12 مننامش قبل الساعة 3 عشان بنتكلم

او كله فاهم ان اللى جنبه نايم ف ساكت

مرة قعدنا ساعة ونص نايمين ومحدش نايم

فجأة قمنا كلنا قعدنا عشان زهقنا من السكوت ده بئا

خناقات يوم الامتحان الصبح مين هيلبس ومين هيستنى التانى عشان الاوض

مامة اى واحدة فيهم تتلخبط فى اصواتنا كلنا فى التليفون ونعمل فيهم مقالب

نقول كلام كتير مع بعض فى نفس الوقت ان نكون بنفكر فى نفس الحاجة

عندنا زى قانون كدة ان اللى يقول حاجة مع التانى

يمسك حاجة حمرا وبعدين يضربنى على راسى عشان يتجوز الأول

لما بكون مش موجودة بيحوشوا الضرب لحد ما اجى

حاجات كتيرة اوى انا ممكن اكتب كتييير لو سبت نفسى

السنة دى

فى حاجة مميزة كمان ان نورا صاحبتنا هتيجى تذاكر معانا

البوست دا يمكن ميهمش حد غيرنا

بس الحاجات دى بتبئا حلوة للذكرى

:)

الستة بتوع صيدلة: أنا بحبكوا أوى اوى اوى اوى اوى اوى اوى اوى

Break

أنا بغييير منك

ايوة انا اصلا انسانه غيووورة جدا جدا جدا..عادى كداب اللى يقولك انه عمره ما حس بغيرة فى حياته..عموما انا شايفاه مرض صحى جدا جدا..الغيرة جميله اوى لو فكرت تستخدمها بأسلوب صح..مثلا..انا بغير من كل اللى اعرفهم..

بغير من بريك لأنها بتعرف تبسط نفسها بنفسها مش مستنيه يبقى معاها حد..عادى تنزل تتمشى لوحدها..وطبعا بغير من جمال عينيها :)..

انا بغير من لوزة عشان وشها الطفولى و قلبها الأكثر طفوليه و وشها اللى بيحمر مجرد ما تبتدى تحس بأى احراج..

بغير من كهرمانة عشان هى لما بتبقى بتعمل حاجه بتحبها بتبقى نشيطة جدا فيها و مابيهمهاش شكلها ادام الناس..

بغير من سنفورة فى تنفيضه دماغها ساعات..

بغير من السته بتاعتنا لانها اصلا مش موجودة..

بغير من بنت خالتى عشان هاديه جدا ..

بغير من اى ولد عشان حاسس بالحريه عننا..

بغير بغير بغير بس بجد الغيرة دى طلعت عسوله موووت..جمال الغيرة بيبان لما تحاول تلاقى حاجة تغير فيها من نفسك..او لما تقتنع ان انت فعلا فيك حاجات كويسه بس بتيجى اوقات بتحس انها مش موجودة..يعنى اكبر مثال على كده ان كذا حد مقتنع ان لوزة اطول منى..و مع احترامى يا لوزة احنا اثبتنا ان انا اطول منك بالمازورة..بس الجميل ان لوزة كانت مقتنعة انها قصيرة و مع كده ناس شايفنها طويله :) عقبال ما حد يشوفنى اطول من بريك..و مرة تانيه واحدة تيجى تقولى انت عينيكى رسمتها جميله..و مرة تالته حد يقول انتى عصبيتك دى بتبقى لذيذة.. اكبر مثال فعلا انك تلاقى حد بيحبك بجميع عيوبك اللى انت شايفها دى اى نعم فى الاول هتقول اكيد الحد ده اعمى..بس بعد شويه هتحب نفسك عشان هو حببك فيها ...

الغيرة جميله بردوا لما تحاول تتعلم من اللى بتغير منه..يعنى مثلا انا بحاول اتعلم ايسط نفسى بنفسى..و اتعلمت من لوزة زمان العب و اهرج عادى و اركب مراجيح فى وقت انا كنت مقتنعة فيه اننى كبرت عليها..بحاول الاقى حاجة انا بجد بحب اعملها و لما الاقيها هحاول ابقى نشيطة فيها..اما عن تكبيرة الدماغ فصعبه عليا حبتين..و الجميل انى مع كده اتعلمت انى اقول "يا ستى ده رأيى ..مش لازم اكون مقتنعة باللى انتى مقتنعة بيه" و ماعدش ادخل نفسى فى مجادلات مين اللى صح و مين اللى غلط
من الاخر..الغيرة دى مرض بس اسمعوا للدكتورة زوزو و هى بتقولكم"خلوها مرض يقوى مناعتكم مش يهدمها" و هاكتبلكم روشته تحفة لدواها.."كل ماتغير من حد روح قوللو انا بغير منك فى كذا عشان تمنع نفسك من انك تكرهه و بعدها امسك ورقه اكتب فيها ايه الحاجات الحلوة اللى فيك و ايه الحاجات الحلوة اللى تقدر تعملها..وده عشان تمنع نفسك من انك تكره نفسك..وخليك فاكر انه لولا اختلاف الاذواق لبارت السلع"

FROM ZOZO WITH LOVE

SA7'SO7'TE

البلوج بيسنن

كل سنة والبلوج طيب
احنا بجد فرحانين جداااااااااااااااااااا باليوم دا
فى شخصية صممت تكون موجودة فى اليوم وده وتباركلنا بنفسها و تزغرت كمان رغم اننا مش بنطيقه بس محبناش نكسفه

يارب يكون اللوك الجديد عجبكوا ..معظم الناس اختارت اللوك الأسود
حبينا نوجه كلام لناس كتير هنقول على قد ما نقدر اللى مش هيلاقى نفسه احنا بنعتذر مقدما بس انتوا عارفين الوقت
بسبب اللوك اللى فات كان كل الناس اللى ضفناهم اتمسحوا فبقينا نضيف الناس من الردود
ناس كتير عزيزة علينا جدا نسيناهم سهوا والله
احنا بجد اسفين جدا واكيد انتوا هتصالحونا فى عيد ميلاد البلوج

تحذير:

وممنوع ح د يدخل البلوج وميردش على البوست ده

احنا بس حبينا نفتكر قد ايه البلوج شاف حاجات حلوه

شاف تهيس وتسيح واكتئاب ورومانسيه واختلافات سياسيه

وقد اثبتت احصائيات السته بتوع صيدله

انه تم كتابه 75 بوست خلال تلك السنه

والحمد لله كتابتنا وصلت لناس كتير

واتكتب عننا فى الدستور

وطبعا البركه فى د.محمد غريب هو الى بعت لينك البلوج للاستاذ شاكر فوده

حبينا بس نقول لحضرتك ميرسى جدااا لانك ساهمت معانا فى البلوج حتى لو معنويا

وانك من اكتر الناس الى متابعاه بس من غير ردود

وكنا عملنا أغنية بصوتنا حصرية بس للأسف مش عند حد فينا ف احنا عرفنا ان فى ناس حملتها ونزلتها على موبايلاتها كمان :D ياريت اى حد عنده الاغنية يبعتهالنا عشان نرفعها للناس اللى عايزة تسمع مواهبنا يمكن يكتشفونا

ومن الحاجات اللى عملناها السنة دى اللى ملهاش علاقة بالبلوج محاضرات الميكرو بنزلها فى الكلية لانها المادة الوحيدة اللى بنفهمها من الدكتور ربنا يباركله و الحمد لله امتحان الشيت جه من اللى كاتبينه بالظبط وناس كتير مبسوطة بالمحاضرات بتاعتنا

وقبل ما ندخل على فقره الاهداءات

حبينا نبدأ بتكريم الفاايزين

1 - فازت بالتوب بوست لشهر 5 اول شهر خالص

لوزا عن بوست "فلترضى بملابس مبلله"

2- وقد فازت سخسوختى بلقب اقرب واحده من السته للزوار

3- وقد تعادلت اصوات كل من بريك عن بوست "حكايه بنت

وسخسوختى عن بوست "البقاء لله "

4- وقد فاز ايضا بوست" قامت المعركه ركه ركه " ك توب بوست لشهر 4

,just human ,zika,ghoneem
اكتر ناس كانت معانا فى الحلوة والمرة بجد بنستنى ردودكوا
ربنا ميحرمش البلوج منكوا يارب
و من اول الناس اللى عرفناها فى التدوين
عايزين نقولكوا كلام كتير بس طبعا مش هينفع نكتبوا كله هنا
انتوا عارفين طبعا بنحبكوا أد ايه

و لو (حاتم)وطرطشة أفكار
رغم انكم مش بتيجى عندنا علطول واحنا طبعا مقدرين ظروفكوا
بس بجد ردودكوا بتفرق معانا جدا
وبوستاتكوا كمان بتفرق معانا جدا

yassien
طبعا انت مش محتاج نقولك ان البلوج من غيرك هيكون ولا حاجة
و من غير مساعداتك كمان مكناش عرفنا نرفع اغنيتنا القديمة

احمد المصرى"كاريزما"
اللينك بتاعك وقع مننا مع التجديد و فضلنا مستنين منك ترد عندنا عشان ناخد اللينك بس انت مانورتناش بقالك كتيير..و بجد انت من اكتر البلوجات اللى اعجبنا بيها

دكتور احمد ربيع.
.حضرتك كنت نورتنا بعد ما عرفتنا من الدستور فترة..و فجأة انقطعت عننا..يارب تكون متابع و تنورنا بردودك
الثائر دائما
جيت مرة واحدة بس حبينا نعبرلك عن اعجابنا بالبلوج بتاعك وبأفكارك

الفراشة الصغيرة
بتفكرينا بينا فعلا اسلوبك فى الكتابة ومواضيعك
ربنا يديم بينا وبينك المودة
:)

أحمد منتصر
كل فترة بشكل مختلف غير اللى قبله (كل ما تغير الصورة نحس انك شخصية مختلفة)
احنا سعداء طبعا اننا عرفنا البلوج بتاعك و عرفناك

دكتور بهدوء
من الناس اللى دخلت جديدة البلوج
و جديدة فى عالم التدوين
بس ما شاء الله حققت نجاح غير عادى
ربنا يوفقك

the riddle
صاحب بلوج يوسف معاطى
بجد الراجل دا بيتعب يا جماعة فى البلوج ده وينقل المقالات و يدور على صور
ان شاء الله فعلا البلوج ينجح ويحقق اللى انت عايزه
احنا عارفين طبعا انك مش بتدخل عشان بتمتحن

mahmoud rabi3
من الناس الجديدة عندنا فى البلوج
صاحب بلوج صبح صبح يا عم الحاج
بس دماغهم جامدة جدا واسلوبه فى الكتابة مميز جدا
ان شاء الله نفضل متابعين بعض على طول

dramaqueen
بتقطعى فترات وبتيجى تزورينا تانى
بس احنا دايما فاكرينك وبنحب نزورك علطول

TONA

صاحبة بلوج يوميات فتاة حائرة ..بجد اتبسطنا جدا لما لقيناكى ضيفانا عندك..دخلتى مرتين بالظبط البلوج بس نورتينا واحنا حبناكى

سمسم

بيتنا القديم ..فينك؟..احنا بجد زعلانين عالتنفيضة دى

ومن الشباك
أ/محمد شبل
كنت من اكتر الناس اللى متابعينا وفجأة اختفيت
ياريت تطمنا عليك

الصيــــــــــــــــــــــــــــــــــــــادلة واحد واحد منقدرش نفوت حد دول ولاد كارنا بردوا
مبقيتوش تيجوا كتير
بس انتوا عارفين طبعا اننا بنحبكوا
ولاد كار واحد ومنستغناش عن بعض

creative minds....مهروس فى صيدلة طنطا

د. حماده مع ان حضرتك تقريبا مبتدخلش البلوج

بس حضرتك من اكتر الناس الى بنحترمها

friends 4 ever تلاتة مهروسين فى صيدلة طنطا

بلوجوكم حلو جدابس لو كنتوا اهتميتوا بيه

كان هيبقى احلى

بقالكم فتره ناسينا:((

:(hyperminds مهروس فى طنطا

د.عمرواحنا لينا عتاب كبير عند حضرتك

كنا عايزين نقولهولك من زمان

بس كنا كل مره بنحاول نلاقى لك اى عذر

اول ما فتحنا البلوج كنت من اول الى شجعونا

وكنت بترد من اوائل الناس

وبعدها بفتره بطلت تدخل تشوف البلوج

حتى من غير ما نعرف ليه:s

:smoony..مساحة حرة

احنا بس حبينا نقولك اننا بنستنى ردك

puzzled&whisper

مهروسين فى صيدلة من اوائل الصيادله الى ردوا عندنا

وف نفس الفتره الى اختفى فيها د.عمرواختفوا هما كمان

احنا لسه بنفتح بلوجكموبنتابع اخباركم

من بعيد

queen of roses...اتنين مهروسين فى طنطا

احنا مقدرين غيابكم

مش عننا بس عن بلوجكم كمان

بس حبينا نقولكم وحشتونا :)

who i am? اربعة مهروسين فى صيدلة طنطا

اللهم احى بلوجكم

وكتر ردودكم

why me? مهروس فى صيدلة

حضرتك من اكتر الناس الى بنفرح

لما نشوفهم فى البلوج

الصيدلى المطحون...مهروس فى اسيوط

مع انك جديد فى لسته الصيادله

بس قدرت تأثر فينا بردودك فى وقت قصير

صحيح غايب بقالك فتره

بس احنا مقدرين الامتحانات

انسان مسلم...مهروس فى صيدلة طنطا

بتعجبنا اراءكوالبلوج بتاع حضرتك مميز بالنسبه لنا

بحب الحياة....مهروس فى صيدلة
صحيح بنحقد عليك عشان بتشتغل وانت بتدرس
وبقالك فتره كبيره مبتدخلش
بس ده ميمنعش اننا نقولك
البلوج ناقصه حاجه من غير ردك

تاما .. مهروس صيدله الخفى

حضرتك دخلت مره واحدهعرفتنا لينك البلوجومن بعدها ذهبت ولم تعد :(

حتة سكرة....من احلى مهاريس المنصورةاسم على مسمى :)
ذكرى انسان...مهروس فى طنطاابنحب كتابات حضرتك وبنتنح قدام شعرك

ساحر بس اتهرس برضوبنستنى ردود حضرتك :)

ساعه فضا..مهروس فى طنطا ربنا يوفقك ان شاء الله
ونعيش كده ونشوفك بترد بالعربى

سوسة المفروسةاحنا متابعين بلوجك

كان نفسنا انتى كمان تكونى متابعه

بس انتى دخلتى رديتى مرتين وخلاص :(

شاعر و فى صيدلة اسكندرية..حاجة غريبة !حضرتك اختفيت قبل ما تظهر ..!

شمس وايفنن....مهروس فى صيدلة طنطابالبلوج بقى احلى بايفنن D:

شيكساوى...مهروس فى صيدلة اسكندريةاختفاء مفاجئ مع بدء الدراسه

ظل قلم...مهروسة فى صيدلةبنحبك فى الله :)

بس كنا عايزين نعرف ليه شيلتى انك بتلاقى نفسك عندنا بجد .!؟ :(

عرين العباقرة.. اتنين.مهروسين فى صيدلة طنطا يارب تفضلوا دايما اصحابواختلاف الرأى لايفسد للود قضيه

كدة مهروس فى صيدلة اسكندرية ربنا يوفقك ان شاء اللهواهى الاجازه قربت ومفيش حجج

كوكو سيتى....شوية مهروسين فى صيدلة طنطاد.حلوجى .. ربنا يوفقك ان شاء الله

ما علينا ...مهروسة فى صيدلةعسوله اووى كتاباتك بنحب نشوفك عندنا :)

نبضة قلب....اتنين مهروسين فى طنطا وحشتنا ردودكم ورذالتكم علينا:)

نسرين..رفرف يا طير الحرية فينك من زمان

واخيرا وليس اخرا

احنا حطينا صور للصيادله وناس تانيه عرفنا نلاقى لها صور

والى مقدرناش نحط له ياريت يرفع لنا صوره

واحنا ان شاء الله هنحطها له

والى صورته مش عجباه ممكن يجيب لنا صوره بدلها واحنا هنغيرها له

واهو يبقى مكنكم ساهمتوا معانا فى لوك البلوج :)

قفص

نظر اليهم داخل القفص لم يعرف لماذا توقف فجأة ليتأملهم بالرغم من انه مل رؤياهم...اخذ يتساءل..الا يشعرون بضعفهم داخل هذا القفص..الا يشعرون بعبوديتهم؟!..ام صدّقوا فعلا انهم ملوك مملكتهم..اى مملكه نلك..انهم يعيشون داخل قفص..قفص واسع ليس الا ..لما يتمادى كل منهم ليفرض سطوته.سواء سطوته فى السيطرة على انثاه..او فى حيازة ركن من اركان تلك المملكة المزعوم؟ او سطوتهم فى الحصول على اكبر كم من الطعام الذى يلقى اليهم..غير عالمين ان لكل منهم نفس النصيب من الطعام مهما تحاربوا...ألأن القفص واسع لم يعودوا يشعروا بتلك القضبان..انها لتكاد تطبق على انفاسهم و لكنهم يغمضوا اعينهم و يغلّقوا قلوبهم؟؟..ألهم عقول ام قد خلقوا بلا عقول..يكاد يتيقن من ذلك من افعالهم..من تحاربهم..من حبهم المبالغ فيه بقفصهم..اى عقول تلك التى لا تفكر فى كم ستكون الحياه مختلفه خارج هذا القفص..عقول تتشبث بحياتهم فى ذلك القفص و لا تحاول التفكير فى يوم خروجهم منه..او فى كيف الخروج منتصرين..الا يعلموا ان ذلك اليوم آت آت..ذلك اليوم الذى سينهدم فيه قفصهم ليقفوا مذعورين مرتعدين..فهم لم يعملوا الا لحياتهم فى ذلك القفص..لم يفكروا فى النظر خارج قضبان القفص..خارج قضبان سطوتهم الواهمة و نزاعاتهم الجوفاء.....

رآه اباه محملقا فى قضبان القفص فسأله عما يدور بباله..فرد الصغير "ابى لما هم غافلين عن قفصهم؟!! لما لم يعملوا من اجل يوم خروجهم من ذلك القفص..يوم تتضائل قوتهم امام قوة كبيرة تناسوها.." ليرى الطفل ضحكة امه الساخرة فى عينيها و هى تقاطعه قائله"يا وليدى ..نحن من فى القفص..نحن تلك المدعوين بالاسود فى تلك الحديقة البلهاء..صدقنى البشر احق بأن يلقوا علينا هذا التساؤل" ليقطع حديثها زئير ابى فتتجه الى ركن بعيد امام مجموعه بلهاء منهم..ثم يلتفت اليه ابيه "يا وليدى..قد خلقنا الله مخلوقاته ..و خلق لكل مخلوق قفص..قفص البشر دنياهم..و هى قفص واسع..وسعه يلهيهم عن نهايتهم..بل و يشعرهم انهم مالكى الدنيا..فتناسوا انهم عبيد للواحد القهار ..فاحمد ربك يا وليدى على ضيق قفصك..فضيقه وسّع تفكيرك..ومهما بلغت قوتك..و مهما بلغ وسع قفصك..لا تتناسى وجوده..ولا تنس خالقك

sa7'so7'te

تحديث من الستة بتوع صيدلة

فى بوست فى الدرافتس لظوظو حلو اوى

من قوانين عائلة شنبو ان محدش فينا ينزل بوستين ورا بعض

بس بجد البوست تحفة

انتوا ايه رأيكوا؟

اسمه انا بغيير منك

تحضيرات

طبعا نحب نفكركوا ان عيد ميلاد البلوج ان شاء الله يوم 18-5

و احنا حقيقة مستغربين ازاى قدرنا نفتحا لبلوج فى وقت زى ده امتحانات و كدة !

بس ما علينا

ان شاء الله عايزين نعمل افتتاح

اكيد هنغير اللوك

فى ناس كتير معترضة على اللون الجديد ده

وعاجبهم الاسود اكتر

فياريت كل واحد يقول رأيه فى شوية التصويتات اللى عالجنب

و حاجة تانية

ياريت كل واحد يقول اوحش بوست السنة دى

واكتر بوست عجبه السنة دى كلها

لان دا صعب طبعا يتحط فى تصويت

و ايه اقتراحاته لينا

و ايه عيوبنا وايه نغيره

من الاخر كل واحد يدخل يقول موضوع تعبير

واى حاجة تانية عايزين تقولوها اتفضلوا

يعنى اهداء لينا او للبلوج وان شاء الله هنزله يوم العيد ميلاد فى البوست

الستة بتوع صيدلة

السعادة من وجهة نظر أخرى

استيقظت من نومها ..نظرت الى جانبها..حاولت أن تبتسم له..لم تستطع...لا تقوى على الابتسام بدونه..ف هو صديقها و حبيبها و مسليها


هو قلمها السحرى


ذهبت امام المراة و رسمت ابتسامة على وجهها ..ابتسامة تستمر معها لباقى اليوم


أخذت ترقص مع قلمها على أنغام الموسيقى وهو يرسم دوائر ملونة حولهم


أخذت تسطر مواصفات فتى أحلامها..فخرج لها من سطورها مجسدا


الى ان حان وقت النوم


أغلقت الكتاب


محت الدوائر الملونة


مسحت الابتسامة


ذهبت الى السرير تستعد ل يوم اخر ملىء بالمفاجأت !!

Break

أخبار سيئة

احنا كنا ناويين نقفل البلوج علطول للأبد من غير مانقول اسباب

لاننا فعلا مسكوفين من نفسنا

احنا نزلنا السنة احنا الخمسة ..النت واللعب و التهييس ضيعونا

بجد مش عارفين نقول ايه

غير انكوا هتوحشونا اوى

ومش هنقول نشوفكوا فى الاجازة لاننا مش هنفتح نت تانى خالص

احنا حتى هنقفل التعليق على الموضوع ده

وا ى حد يدخل البلوج جديد

بنقوله اهلا وسهلا يتفرج على المواضيع القديمة

ملحوظة ملهاش لزمة على الجنب

كل الكلام اللى فوق دا كدب

اللى بيسموه كدبة ابريل

و قولوا مبروووووووووووووووووووووووك على النتيجة

ودى حاجة بسيطة كدة بمناسبة النتيجة

الستة بتوع صيدلة

قامت المعركه ركه ركه ركه على

نعتذر عن الغلق المفاجىء للمركب و ذلك لظروف القبض على السته بتوع صيدله نتيجة خروج مركبهم عن الحدود الصيدليه المتعارف عليها...و قد تم القبض عليهم فى تمام الساعة الواحده ظهرا ...حيث اكتشف اصحاب المركب ان البلاغ قد قدمه جاسوسان من المركب"كهرمانه و سخسوختى" ..و ذلك اثر رؤيتهما صدفه خلف عجله قياده البوكس

و فوجىء اعضاء المركب بتقمص كل من "بريك و سنفورة" دور احمد السقا فى الجزيرة ليقولا"عندنا يا بيه لما العيال يلعبوا عسكر و حراميه..العسكر هم اللى بيستخبوا" و ينطلقا خلف كهرمانه و سخسوختى لتفر كهرمانه ..و يلجأوا لأخذ لوزة كرهينه للضغط على كهرمانه.. فتعود كهرمانه لأنقاذ لوزة و سخوختى بخطة"ماتخرش الميه" .. و لكن واضح ان الخطة طلعت "بتخر مياه" ليتم الامساك بكهرمانه و ترحيل كلا المتهمتين سخسوختى و كهرمانه فى عربية البوكس..يصحبهما باقى السته "لزوم الصحبه و القعدة الحلوة"
.......................................................

دى كانت تهيسه بعد الشييت و" قبل النتيجة"..و نحب طبعا نشكر عساكر حرس الجامعه اللى وافقوا يسلفونا الكابات و العربيه البوكس و الله كان نفسنا فى كام مسدس كده بس يلا بلاش الطمع ده

.....................................

يا جماعه احنا كنا قافلين البلوج مش عاملينه لقراء محددين زى ما بعضكم فهم..احنا بس كنا فى الامتحانات و بنغير اللوك و يارب يكون عجبكم

الستة بتوع صيدلة

6 ابريل

لمزيد من المعلومات

http://www.facebook.com/group.php?gid=9973986703

أو

http://www.facebook.com/group.php?gid=23987176768

أو اى واحد مصرى
_________________________________

حاجة تانية فى جروب على الفيس بوك أعتقد فى كتير سمعوا عنه



http://www.facebook.com/group.php?gid=3533915614

ضد الاسلام و المسلمين بيهاجمنا من الاخر يعنى
الجروب دا ممكن نقفله لو جمعنا 100000 صوتوا انهم عايزين يقفلوه
عايزين ندور كمان على اى جروبات غير ده و كل واحد يلاقى يعمل list بيهم و احنا هنضيفهم على البوست و كله يخش يصوت و ينشر الموضوع
بس دى بداية نقفل دا و نشوف غيره
افتحوا الجروب من تحت اختار
Report Abuse
فى ال reason اختار
Attacks individuals or group


نشوفكوا يوم 6 فى الثورة :)

الستة بتوع صيدلة

اركب رابع جمب اخوك فى الى بعده

صحيح الجار ..قبل الدار
والزبون الى جمبك.. قبل ما تركب


بس زى ما الواحد فينا مبيخترش امه ولا ابوه
بردو مبيخترش الى يقعد جمبه فى الموصلات
واول ما الواحد يركب ميكروباص يقعد يدعى ربنا يبعت له بنوته محترمه
اوبرزيدون...بردو محترم
ميطلعش فى الاخر نازل تجنيد ولا جمله
وعدينى يا انسه وناولينى الشنطه الجمبك..
ويشحططنا معاه

وكل واحد ودعاوى ماماته بقى
والى يركب ياما يشوف

مره كنت راجعه انا واختى من المنصوره والمفروض بعد ما نروح
نرجع تانى طنطا عشان نخلص شويه ورق لازم يخلص يومها
لفينا شويه فى المصالح الحكوميه واتغدينا وروحنا الكليه وجبت الجدول
كان نفسى اعمل شوبينج بس ملحقتش
اوووف الوقت بيعدى هووى...
تيجى واحده تسالنى وده كله فى يوم واحد
وارد عليها : ايووووون
المهم واحنا راجعين ارض الوطن
ركب واحد جمب اختى عادى يعنى


وفجاااااااه يقطع السكوت الى احنا فيه
صوت ايد بتضرب على الكنبه الى قدامنا
وصوت اعلى " هااااا اخبار الضرب ايه ..!؟"
"تحب نعشيك بخشيه ولا بالحديد..!؟"
وطبعا مش محتاجه كونان عشان يقولنا ان الى بيتكلم ده الراجل الى جمب اختى

ويسكت شويه ..
ويطلع فجاه..
" ما قولنا لك خليك جمب الحيط"

"ولا انت غاوى بهدله ..!؟"

كل ده وانا واختى فى تعداد الموتى
موقفين ضربات قلبنا تقريبا...ليفهمنا غلط
ويكرر كلامه مع ضرباته الايقاعيه على الكنبه

ولما وصلنا بعد وصله رعب
مرضيش ينزل ولا رضى يعدينا
واتسربنا زى الحراميه وكل الى على لسانا"الحمد لله"
والسؤال هنا تفتكروا ايه حكايه الراجل ده ..!؟

وفى ختام الحلقه عزيزى القارئ
ننتظر منك الاجابه على سؤال البوست
وارسال الاجابه الصحيه


على بلوج السته بتوع صيدله

LOZA

على قيد الوفاة

علمونى أفضل أسكت

لحد ما صوتى يتنبح

قالولى امشى بدون ملامح

سيبى قلبك ينسرق

مش عايزة اكون زى الورق

ولا عايزة قلبى ينحرق

شالوا أى صفحة بيضا

كشكول ورق حتى النتيجة

علشان أشوف حياتى سودا

و العمر منى ينسرق

سرقوا منى قيد ميلادى

عايزنى أكره الحياة

أنا فى انتظار طوق نجاتى

ولو على قيد الوفاة

break

حملة حماية

بجد بجد محدش فينا كان متوقع ان النجاح يحصل بالسرعة دى

على الاقل قلنا لما تبتدى مرحلة الEVENTS

انما فعلا فعلا فى 5 مدمنين من تانى يوم قدموا فى الجمعية "صناع الحياة المنوفية " عايزين يتعالجوا

وواحد مستعد انه يدلنا على مدمنييييين كتييييييييييييير لانه بردوا كان مدمن و تاب

بالغيظ فى صناع حياة الغربية :D

ان شاء الله الحملة تجيب نتيجة أكتر من المتوقع

تحديث: اللى تعب فى الحملة مش احنا.....لأننا منزلناش فى شبين خالص..و اللى اتقدموا دول من الاعلانات اللى فى شبين

بس نجاح الجمعية او الحملة نجاح لينا أكيد

و بالغيظ فى صناع حياة الغربية..دى تهريج من باب التنافس مش أكتر

:)

العمود ده بتاعى

المخدرات
الناس بخصوص المخدرات بتنقسم لنصين ..يعنى فيه اللى بيشرب..و فيه اللى مابيشربش..او المفروض يكون فيه ناس بتشرب مخدرات..و ناس بتحاول تمنعهم او تحميههم..ايه علاقه ده بالعامود.و عامود ايه و بتاع مين..ييجى بأهالاستفزاز..

لما نفضل نلف على مكاتب عميد و امين و قائد حرس كل كليه عشان بس ناخد موافقه ان احنا ننشر اعلان او نلزق بوستر مكتوب فيه لا للمخدرات .. او احمى حياتك.. و رقم يتصل بيه اللى محتاج مساعده .. و بعد ما نلف 3 ساعات و نبتدى نلزق الاعلانات دى..نلاقى دكتور صيدلى..المفروض انه ناضج فكريا...بيشيل الاعلان من على عامود معين و يقول "لو سمحتوا..العامود ده بتاعى..ماتلزقوش حاجة عليه"..ايوه انتوا ماقريتوش غلط.. العامود بتاعى..ده فعلا كلام واحد عنده على اقل تقدير 19 سنه .. و لما نسأله"بتاعك!!!!!"يشاور على العامود و يورينا انه كاتب اسمه هو و اربعه زملا و كاتبين تحتها لينك البلوج بتاعهم و ملونين و حركات..و يقولى" لو سمحتى ماتوسخيش العامود بتاعى"...ماوسخهوش!!دى انهو عقليه دى..عقليه ايه اللى ترفض انى احط اعلان فيه رقم ساخن لمساعده ناس محتاجة لمجرد انه كاتب اسمه على العامود..و الاجمل اننا اصلا مارضيناش نلزق الاعلان على اسمه لانه زميل صيدلى و زميل مدون..بس احنا قلنهاله و هنقولها تانى..اسمك اللى على الحيط ده مايفرقش فى نظرنا عن شخبطة على الارض من ناحيه النضافه لو انت خايف على نضافه "عمودك"...و بجد كنت مستنيه على الاقل ان الصيادله يطلعوا من النص التانى من الناس..دكتور محمد احب اقول لحضرتك انت و فارما ستريت بويز ان لما حطينا صورة لحد فيكم و هو بيعمل سلوك غريب فى المدرج و شلنا الوشوش بتاعتكم و ده ضايقكم اعتذرنا بكل ادب لان انتوا بررتم بانه كان عذر طبى...و لما خدنا بالنا من شخبطتكم على الحيطة و ان مالهاش عذر اصلا..مارضيناش نتكلم عنها سواء هنا او فى اى حته عشان ماكانش نفسنا نخسر زمايل و عشان كتير بيشخبطوا على الحيطة..بس واضح من اسلوب كلام حضرتك يا دكتور محمد ان لفظ زمايل ده لم يعد يعنى شىء...و ملحوظة انا حاولت قدر الامكان اتعامل معاك بكل ادب و مارضيتش اتمادى معاك فى الكلام..و اتبعنا اسلوب رسمى و طلعنا لحرس الجامعة .. و صدقنى العامود ده بالذات لو اتشال من عليه اعلانات الحمله اسم حضرتك اللى موجود مع قائد الحرس هو اللى هيظهر فى الصورة..فاذا كنت مش محترم انك صيدلى..و اذا كنت مش محترم نضافه الكليه..واذا كنت مش محترم سنك..و مش محترم لفظ"زمايلك"..و مش محترم لا عميد الكليه و لا حتى الطلبه..فعلى الاقل احترم ان ده عمل هيحاسبك عليه ربنا.....بجد احنا كنا مستنين انكم تساعدوا فى الحمله..او على الاقل انكوا تراعوا سابق معرفه كانت ما بينا..فارما ستريت بويز..شكرا بجد

العدد التامن من مجلة الستة بتوع صيدلة

الصفحة الدينيه

00000000

"و ان منكم الا واردها كان على ربك حتما مقضيا" مريم-71

الايه هنا عايده على "جهنم"

الايه دى اختلف فى تفسيرها الشيوخ و الفقهاء..منهم اللى قال ان المقصود من الايه ان كل البشر_ ماعدا الرسل و من رحمه الله_ هيدخلوا النار الاول يكفروا عن ذنوبهم و بعد كده ربنا ينقلهم برحمته الجنة.. و منهم اللى قال ان المقصود هو ان البشر يوم القيامة هيمشواعلى الصراط المستقيم تحتهم النار و فى اخر الصراط الجنة .. منهم اللى هيقع من على الصراط و منهم اللى هيوصل الجنه بنور من ربنا..و فى التفسيرين الايه دى كل ما بقراها بقف عندها كتيير



....................................................................................................................................

صفحة الاهداءات

000000000

الاهداء الشهر ده جيه متأخر حبه للمدونين احمد المصري و حاتم ..بنباركلهم على البلوج الجديد لكل واحد فيهم

كاريزما لاحمد المصرى وفيه ابداعات احمد فى كل حاجة خصوصا فى الادب.. بجد الواحد كل مايقرا له حاجة يشتم نفسه عشان بيفكر يمسك قلم حتى :)



اما عنcoverall للبشمهندس حاتم..فده حتى الان كان عن مواقف كوميديه بتقابله فى الشغل ..و بجد بتموتنا من الضحك يا حاتم



نيجى بأه للاستاذ سمسم "بيتنا القديم" اللى نزل بوست صعب جدا و انقطع بعده و مانشرش حتى الردود اللى بتتبعتله.. و يارب يكون بيقرا المجله دلوقتنى عشان يعرف انه بجد لازم يرجع للكتابه و انه وحشنا

.....................................................................................................................................

صفحة التناحة

00000000

من التناحة انك تصحى متضايق من قبل حتى ماتفتح عينك .. ده مش اسلوب

انك تبقى بتكلم حد و هو بيقرا فى كتاب معاه و مقضيها همهمة .. و الاتنح انك لما تزهق و ماتكملش اللى بتحكيه تلاقيه بيقولك من غير مايرفع عينه من الكتاب"هاا سكت ليه؟!!..كمل"

انك تبقى بتعافر فى حاجة و مش عارف تعملها و لما ييجى حد يساعدك تقوله طب ثانيه بس انا قربت اعملها و تكمل معافرة

انك تبقى مستنى صفحة ويب بتفتح مثلا و تعد تحرك فى الماوس زى مايكون هو اللى موقف الصفحة .. حرام عليك الماوس و حرام عليك اعصاب اللى حواليك

و من التناحة بأه انك تبقى عارف انك بتعمل كل اللى انا كاتباه ده و تبقى لسه بتقرا كلامى ... قوووم يا تنح من هنا

......................................................................................................................................

اخبار اليوم

0000000

طبعا البوست اللى كسب للوزة هانم هو بوست "عندما تحتاج لالم يحيك" و نجح باكتساح و كفايه على الحاجة هديه عيد ميلادها و خلينا نشوف صرفه عشان نجيب هديه عيد ميلاد بريك و حسبنا الله و نعم الوكيل

تانى خبر اننا رجعنا الكليه بقرفها ببابا غنوجها .. و رجعنا للصحيان الساعة ستة و للرجوع بالبالطو فى الشارع الساعة تمانيه بالليل و التعليقات الظريفة عن حلاقين الصحة

تالت خبر ان احنا حاولنا نتغلب على ارف الامتحانات و المذاكرة باننا نلتزم فى الحضور و نحاول ننزل المحاضرات و السكاشن..اكيد مش عشان نساعد الطلبه بس عشان نحضر المحاضرة و نركز بضرب الجزم ..و طبعا الناس اللى هتقول محاضراتكم وحشه هنقولهم احنا منزلينها لينا مش ليكم p:

تالت خبر ان فيه كشوفات نازله فى الكليه مكتوب فيها اللى جايبين تقدير جيد فى سنه رابعه..مش عارفين ده معناه ايه؟!! بس يمكن تكون نتيجتنا هتطلع...و اشهد ان لا اله الا الله و ان محمد رسول الله

..........................................................................................................................................

التساالى

00000

"الجزيرة "فيلم بجد من اجمد الافلام العربى..من نوع الافلام اللى ماتعضش فى سنانك و تضرب نفسك عشان دفعتله تذكرة

الفيلم ده نقل لينا دنيا تانيه ماكناش نعرفها..نقل لينا عيشة الصعيد الجوانى ..نقل لينا جبروت كبير الصعيد..نقل لينا السطوة و السيطرة..و نقل لينا غرابه الناس اللى فعلا مقتنعة ان جنتها فى الدنيا و ان اخرتها عذاب كبيييير و رغم كده متكيفين مع المر و متقبلينه و دى فعلا اكتر ناس متمسكة بالدنيا..نقل لينا و باسلوب واقعى (لاول مرة) ان العقل فعلا هو اللى بيكسب .. نقل لينا ان فعلا ممكن شخصيه واحده تسيطر على بلد كامله مسالمين و مجرمين بمجرد انها شغلت عقلها .. نقل ليا احساس انه فعلا ليهم حق يجروا ورا التار بعد ما يتقتل ابوهم و امهم و اولادهم و ان فعلا قضيه الصلح بين قبيلتيين دى صعبه جدا ..نقل لينا فترة كانت الشرطة فيها بتتعاون مع المجرمين عشان تحقق امن ظاتهرى و مصالح باطنيه و الغريب انهم كانوا مقتنعين انهم صح فى كده..و نقل لينا انه برضه زى مافيه الوحش فيه الكويس

و نقل لينا احداث حصلت فعلا باسلوب تحفة من غير ما يغير كتير من الحقائق .. و على الاقل ده اول فيلم مش "مدبلج"من فيلم انجليزى

و الاهم انه اول فيلم اطلع منه و انا فعلا بفكر فى مفارقات كتير و ان انهو كان فعلا صح و انهو كان فعلا غلط .. و مالاقيش اجابه لتفكيرى

من الاخر

ده فيلم كان لازم تشوفه سواء اخراجيا او كتابيا او تمثيليا لانه معدّى

.......................................................................................................................................................

صفحة الصيدليه

00000000
والله الصفحة دى سبب تأخير المجله..بس معلش تتعوض

عموما..احنا قرينا موضوع على منتدى الكليه بيتكلم عن ازاى تقرا روشتة..و اكتشفنا بعدها ان احنا لازم نحول من الكليه بجد..لان انت بتعد 5 سنين تذاكر عشان تبذل جهد جهيد فى الاخر عشان تفسر خط دكتور..بلا نيله.. و الجدع فيكوا اللى يفسر دى(انا سارقه الروشته دى من دكتور ذكرى على المنتدى )
........................................................................................................................................................

الهوم ورك

0000000

*حاولوا تواظبوا على انكم تقروا و لو آيه قرآن واحده قبل ماتناموا

*ممكن تجمعوا انتو و تجيبوا هديه لبريك اللى عيد ميلادها بقاله فترة بس جاى فى ضائقه ماليه موسعة

*لازم تشوفوا الجزيرة..انا بيتهيألى هو نزل سرقه على النت

*ادعوا لنا عشان نتيجة الترم شكلها هتطلع قريب

*تحلوا الروشته..و من غير ماتغشوا



الستة بتوع صيدله

stop it