المخدرات
الناس بخصوص المخدرات بتنقسم لنصين ..يعنى فيه اللى بيشرب..و فيه اللى مابيشربش..او المفروض يكون فيه ناس بتشرب مخدرات..و ناس بتحاول تمنعهم او تحميههم..ايه علاقه ده بالعامود.و عامود ايه و بتاع مين..ييجى بأهالاستفزاز..
الناس بخصوص المخدرات بتنقسم لنصين ..يعنى فيه اللى بيشرب..و فيه اللى مابيشربش..او المفروض يكون فيه ناس بتشرب مخدرات..و ناس بتحاول تمنعهم او تحميههم..ايه علاقه ده بالعامود.و عامود ايه و بتاع مين..ييجى بأهالاستفزاز..
لما نفضل نلف على مكاتب عميد و امين و قائد حرس كل كليه عشان بس ناخد موافقه ان احنا ننشر اعلان او نلزق بوستر مكتوب فيه لا للمخدرات .. او احمى حياتك.. و رقم يتصل بيه اللى محتاج مساعده .. و بعد ما نلف 3 ساعات و نبتدى نلزق الاعلانات دى..نلاقى دكتور صيدلى..المفروض انه ناضج فكريا...بيشيل الاعلان من على عامود معين و يقول "لو سمحتوا..العامود ده بتاعى..ماتلزقوش حاجة عليه"..ايوه انتوا ماقريتوش غلط.. العامود بتاعى..ده فعلا كلام واحد عنده على اقل تقدير 19 سنه .. و لما نسأله"بتاعك!!!!!"يشاور على العامود و يورينا انه كاتب اسمه هو و اربعه زملا و كاتبين تحتها لينك البلوج بتاعهم و ملونين و حركات..و يقولى" لو سمحتى ماتوسخيش العامود بتاعى"...ماوسخهوش!!دى انهو عقليه دى..عقليه ايه اللى ترفض انى احط اعلان فيه رقم ساخن لمساعده ناس محتاجة لمجرد انه كاتب اسمه على العامود..و الاجمل اننا اصلا مارضيناش نلزق الاعلان على اسمه لانه زميل صيدلى و زميل مدون..بس احنا قلنهاله و هنقولها تانى..اسمك اللى على الحيط ده مايفرقش فى نظرنا عن شخبطة على الارض من ناحيه النضافه لو انت خايف على نضافه "عمودك"...و بجد كنت مستنيه على الاقل ان الصيادله يطلعوا من النص التانى من الناس..دكتور محمد احب اقول لحضرتك انت و فارما ستريت بويز ان لما حطينا صورة لحد فيكم و هو بيعمل سلوك غريب فى المدرج و شلنا الوشوش بتاعتكم و ده ضايقكم اعتذرنا بكل ادب لان انتوا بررتم بانه كان عذر طبى...و لما خدنا بالنا من شخبطتكم على الحيطة و ان مالهاش عذر اصلا..مارضيناش نتكلم عنها سواء هنا او فى اى حته عشان ماكانش نفسنا نخسر زمايل و عشان كتير بيشخبطوا على الحيطة..بس واضح من اسلوب كلام حضرتك يا دكتور محمد ان لفظ زمايل ده لم يعد يعنى شىء...و ملحوظة انا حاولت قدر الامكان اتعامل معاك بكل ادب و مارضيتش اتمادى معاك فى الكلام..و اتبعنا اسلوب رسمى و طلعنا لحرس الجامعة .. و صدقنى العامود ده بالذات لو اتشال من عليه اعلانات الحمله اسم حضرتك اللى موجود مع قائد الحرس هو اللى هيظهر فى الصورة..فاذا كنت مش محترم انك صيدلى..و اذا كنت مش محترم نضافه الكليه..واذا كنت مش محترم سنك..و مش محترم لفظ"زمايلك"..و مش محترم لا عميد الكليه و لا حتى الطلبه..فعلى الاقل احترم ان ده عمل هيحاسبك عليه ربنا.....بجد احنا كنا مستنين انكم تساعدوا فى الحمله..او على الاقل انكوا تراعوا سابق معرفه كانت ما بينا..فارما ستريت بويز..شكرا بجد
هناك ٤٠ تعليقًا:
قصة العمود دي بقي ظريفة جدااااا وممكن تيقي فيلم هايل عامة هوة في ف مصر دلوقتي حاجة غريبة هي الفوضي
كل واحد حاسس ان اي حاجة بتاعته وممكن يتكلم بجرأة وبجاحة ويوصل الحوار لكلمة ظريفة زي العمود ده بتاعي
والله انتو المفروض كنتو تشيلو العمود وعلي ام رأسه ويبقي ياخده معاه البيت بعد كدة مش مهم نركبه تاني
المهم الحملة المتميزة بدأت وكلنا لازم نساهم فيها انا عارف واحد صاحبي مدمن وراح اتعالج وللاسف رجع للادمان تاني
المشوار ده صعب وعايز صبر ودخول أي حد عزيز علي الواحد ف سكة المخدرات بيتعب نفسيااا جدااا وبالذات لما تشوفه بدأ يأذي اقرب الناس ليه....
انا كده طولت اللهم اهدي شباب المسلمين وردهم اليك مرداااا جميلااا
امين
تحياتي للستة
عندى فالكلية نفس العقلية المتأخرة
أحيكوا على ترويج الحملة دى
من عند الإستاذ عمرو خالد
وعندى انا كمان البوستر ده
أتمنى لكم التوفيق والنجاح الدائم
محمود
hay..... :)
It's my first time passin' here..
wish that i cause no disturbance or ths
Gr8 thing to participate in Ths activities and Great effort u doin'..
i don't guess tht someone do refuse helpin' in such matter...
may be there's miss understandin' of stuff....
after all i findin' tht blog so amazing and i guess it won't be the last time in here if u don't mind.....
regards
hope i didn't disturb u :)
بصوا يا جماعه انا مش اعرفكم ولا اعرف الشخص ده بس برده انتي بنت والغلط عليكي لان انتي بتعملي الحاجات ديه عشان ربنا والثواب بتاع ربنا وانتي قدرتي ولصقتي في اماكن كتيره جزاكي الله خيرا علي ذلك وفيه شخص قالك مش عايزك تلزقي انتي كبنت رقيقه المفروض خلاص مش تردي وكانك مش سمعتي ومش تلزقي ومش تعاندي معاه لانك بنت
وخلي في علمك مادام نيتك لله فالثواب هيوصلك من الله
وياريت يكون عقليتك انتي كمان اكبر من كده
واوعي تكون ختيها عند عشان الشهره
وتجنبي اي طريق فيه ولد لان ممكن يضايقك فيما بعد ذلك وليه تسببي لنفسك مواقف انتي في غني عنها فاشتري دماغك والثواب واصل يعني مش العمود ده الي الناس هتقرا عنده يعني كل الدفعات ما انتوا مليتوا الكليه كلها
حاولي تشتري دماغك ويكون اكبر من كده
مهما كان دماغ الشخص ده
يا دكتورة مش مستاهله ـ ياريت طلب بسيط ـ تشيلي البوست دا ـ وكله هيتحل ودي ـ ملوش لازمة بجد الموضوع ينزل هنا ـ يعني لو سمحتي ـ ولو مكنش فيه تدخل ساذج مني ـ تشيلي الموضوع ـ وان شاء الله ـ هنتصرف ـ ملوش لازمة الكلام دا ـ متكبريش الموضوع ـ ودا يُعتبر أول طلب ليا في بلوجكم ـ سلام عليكم
Mo7amed elbery
ma3a kamel 2e7terame ... laken tab3an ma7adesh yeshel el Post dah!!
3ashan 1st mafish 7aga 2esmaha el 3amod dah beta3e 3ashan katabt 3aleh 2esme masalan...aw 7ata law kan da3aya lel blog beta3e ...dah keda 3'alat 2aktar 3ashan el 3amod dah mesh melko 3ashan ye7ot 3aleh 2esm el Blog beta3o
3ala keda ba2a ana 2aro7 3al haram w 2a7ot srte ana w so7abe w 2a2ol ma7adish me2arab men el haram !!
7awlo te7elo el mawdo3 dah ma3 ba3doko w isa tetfahmo ma3a ba3d w tefdalo zamayel..
Yassien..Regards
دكتور غنيم
ازيك الاول؟
و الله احنا ده اللى استفزنا
سخسوختى و كهرمانة كانوا بيهرجوا مع بعض و بيقولوا نلزقوا على اساميهم.او على لينك البلوج..و طبعا كان تهريج و محصلش عشان احنا راعينا اللى قدامنا..يقوم جاى و شايل الاعلان فى ايده حتى من قبل ما يستفسر..يلا ما علينا
عموما ربنا مع صاحبك و مع كل حد عايز مساعده
و يارب امين
و تحياتى
محمود
ربنا يكرمك
و نحيك احنا كمان
و نتمنى ليك التوفيق
دكتور ليوروميو
اهلا بحضرتك الاول هنا
معلش ماعندناش حاجة ساقعة على المركب
ممكن سمك
اما عن سوء التفاهم..فاحنا وضحنا فهمنا للوضوع و لو هم كان ليهم قصد تانى يقولوه..على الرحب و السعه
و يارب زياراتك تكتر هنا على البلوج
و تحياتى
غير معرف
انتى دوستى على الجرح
"انت بنت"
احنا اللى خلانا نرد بطريقه الى حد ما احسن من اللى كان المفروض يترد بيها..ان انت بنت..رقيقه بأه دى اشك فيها
و العند او لا فممكن اكون عندت لسبب واحد بس..انه شايل الاعلان فى ايده من غير حتى ما ييجى يقول الكلمتين بتوعه..بعيدا عن كلمه "ماتوسخوش"
اما عن الثواب..فدى حاجة بيننا و بين ربنا..و يمكن الاهم كانت المساعده
اما عن تجنب الطريق اللى فيه ولد..فده صعب حبه..ده غير ان هم اللى مش تجنبوا طريق البنات
اما عن تكبير الدماغ..ففى فرق بين تكبير دماغ و بين ان احنا نخاف او نتهاون فى الرد على حد لمجرد انه ولد..ده اللى بنتكلم عنه..مش حكايه الاعلانات
عموما لكى تحياتنا..و الاختلاف فى الرأى...
دكتور محمد البرى
اولا مرحب
ثانيا شكرا على اهتمامك
ثالثا
المرة اللى فاتت احنا شيلنا البوست و اعتذرنا بدل المرة تلاته
فلو كان حد فيهم كلف خاطروا انه يعتذر او حتى يقولى انه احنا كان قصدنا كذا و كذا ..كنا هنشيل الموضوع لانه كان هيبقى خلاص ادّى الغرض
لكن هم يسارعوا او فى الطلب بالاعتذار فى حاجة انا ماشفتناش غلطنا فيها..و بوم ما يحصل العكس مانلاقيهمش..و زى ماوصل لينا فى الكليه عشان يبد اعتراضه على حاجة..فالمفروض يبدى اعتذاره او وجهة نظره على البلوج على الاقل
احنا عارفين ان ده اول طلب لحضرتك..و بجد متضايقين من الوضع ده..بس اعذرنا
و ياريت كلامنا مايضايقش حضرتك
و لك منا جزيل الشكر
yassien
e7na lsa konna bengeb fe sertak we ben2ol howa battal yege elmarkeb leh>>enta 3aref feh korse sades fade wara 7agzenholak
D:
2amma 3n elharam f welnabe 7ot sewarna 3ala elharam "eltweeeel" ya kaber
we regards enta..e7na fena mn elshatayem
الموضوع اتفه من انه يوصل انكم تعملوا عشانه موضوع
انتوا بتعملو حاجه خير لوجه الله
مجتش بقي علي العمود ده يعني
ماهو ادامكم الكليه كلها اهيه
محدش قالكم حاجه وانتو بتعلقو في الاماكن التانيه
لكن كونكم تبقو عايزين تعلقو علي لنك البلوج بتاعه او اساميهم
ده في حد ذاته شىء مستفز ليه
ولو بهزار
عارف ان كتابه اسمهم علي العمود او كده
ده شىء طبعا عشوائي ومينفعش وانا مش بشجعه
بس مجتش علي العمود ده
حاجه تانيه
كونكم تصوروا حد من غير اذنه ده شىء مش من حقكم
انا بصراحه مش عارف الحوار ده
هبقي اعرفه وارد
بس خلاص,,
كلكول
احنا حطينا الاعلان بعيدا عن اسمه تماما
و ابقى اساله
اما عن التصوير...فكل واحد ليه رأى
و حتى لما حسينا ان رأيه مختلف و متضايق شلنا الصور و اعتذرنا
اما عن انها حاجة لوجه الله و اسيبنى من العمود ده
فده اسمه ضعف او ده معناه انك بتلوى دراعى لمجرد انك ولد و انا بنت
ان شاء الله اكون بعلق ورقه فاضيه مش اعلان
فهو مالوش حق يتكلم باسلوب مش كويس و باقى صحابه واقفين من بعيد يتفرجوا..عشان يرجع لهم منفوخ اوى و
مالوش حق يشيل الاعلان..ومالوش حق بعد ما نحط الاعلان تانى بعيد عن اسمه يرجع يشيله
طالما انا بعيده عن اسمه.يبقى مالوش اى حق..و ان كان ليه حق..فيبقى انا ليا حق انى اجيب سبراى و اشيل اسمه خالص و اهى نضافه بنضافه
و تصدق انا غلطانه فعلا..انى عملت اعتبار لزعله و حطيت الاعلان فالاول بعيد عن اسمه..لكن واضح ان انتوا بتاخدوها لوى دراع او بلطجة
ايه ده؟؟ ده موضوع كبير بقي
بس بجد مش مصدق اللي قريته ده
فعلا موقف غريب جدا .. وكمان الأغرب ( مع الاحترام للجميع ) التعليقات علي البوست في البلوج عندكم .........
يعني زي ما قولتم بعد تعب و مجهود علقتم الإعلان علي العمود و كمان تجنبتم أنه يغطي اسمهم او لينك البلوج بتاعهم .. يبقي غلطتهم في ايه بالظبط ؟؟ و اللي بيعلق و يقول حبكت العمود ده و ان في أماكن تانية .. سبحان الله .. و هو يفرق ايه عن غيره .. ده بدل ما نشكركم علي مجهودكم التطوعي الجميل .. و ننتقد تصرف همجي زي اللي قام بيه الولد .. وكمان أساسا هو الصح أن حد يعلن عن نفسه و عن البلوج بتاعه علي عامود في الكلية !!!!!!!!!!! وكمان صح انه يشيل الاعلان من غير ما حتي يعاتبكم أو يوضح وجهة نظره أو يطلب منكم بذوق ؟؟ وكله كوم وحكاية متوسخوش العمود بتاعي دي كوم تاني .. صراحة لا تعليق و انا شايف ان تصرفكم كان موضوعي ومحترم و صارم في نفس الوقت .. و أتمني أني أشارك لو أقدر في الحملة دي و أعرف عنها أكتر بعد إذنكم .. و شكرا ليكم و اتمني الموضوع ميكبرش و يتحل بسلام
تصدق انا غلطانه فعلا..انى عملت اعتبار لزعله و حطيت الاعلان فالاول بعيد عن اسمه..لكن واضح ان انتوا بتاخدوها لوى دراع او بلطجة
انتم؟؟
حضرتك تقصدي مين؟؟
لاحظي يادكتوره ان احنا لابلطجيه ولا ماشيين بمطاوي ولا صيع
انا بقول رأي في الموضوع لا بتبلطج ولا بفتح مطاوي
اما عن التصوير...فكل واحد ليه رأى
كل واحد له رأي؟
يعني انا لو صورت حضرتك مثلا
وحضرتك جيتي تعاتبيني علي كده اقولك
انا شايف كده صح وده رأيي؟؟
اما عن انها حاجة لوجه الله و اسيبنى من العمود ده
فده اسمه ضعف او ده معناه انك بتلوى دراعى لمجرد انك ولد و انا بنت
الموضوع مش موضوع ولد وبنت
الموضوع اتفه مما يكون
مش فاهم ايه الي مزود الموضوع اوي كده
وبعدين لاحظو يا دكاتره ان في ردود فيها شتايم لناس يعتبروا زملاء ليكم في الكليه
وانا شايف ان دي حاجه مش ظريفه
ولكم جزيل الشكر علي مجهودكم
وياريت الموضوع ده يتحل بشكل ودي
وتفكير ناس كبيره وعقله يطلق عليهم دكاتره بجد
bad pharma boy
اولا حضرتك ماكنتش موجود لما هو جه يكلمنى انا و كهرمانه..غالبا حضرتك كنت واققف مع باقيتكم بعيد
و لو زى ماحضرتك قلت انه اتكلم بكل ادب و ذوق .. فازاى انه قبل ما حتى كلمنى كان جاى و شايل الاعلان..و انا اقسم بالله من الاول حطاه بعيد عن اللوجو بتاعكم..و ابقى روح اسأله ان انا قلتله ده يضايقك فى ايه مادام الاعلان بعيد عن اساميكم و قاللى "اصل بصى ده شكله حتى وحش و هيوسخ العامود بتاعى" فلما استفزنا كلامه قلتله انا بقالى ساعة بلف عشان اخد اذن من عميد الجامعه و قائد الحرس ..قاللى ""المفروض اخاف يعنى"
فكهرمانه حطيتوا ادامه بعيد عن اساميكو برضه..قام جاى شايلوا
اما عن بعد ما مشينا فكلفنا زملا تانين انهم يحطوا باقى عدد الاعلانات المطلوب مننا نوزعها على الاعمدة الفاضيه..فحد حطها على اساميكم
اما عن الصورة..فلو حضرتك مش فاكر..فاحنا اللى كنا بنتحايل عليكم عشان تقبلوا اعتذارنا..مع ان برضه كان حد منكم وصل لكتور باسم الصورة باسلوب خطأ و دخل غلط فينا..و احنا ساعتها استحملنا اسلوب تفكيركم المختلف عننا و اعتذرنا بس عشان مانخسرش حد
فعلى الاقل كنا مستنين منكم او على الاقل من دكتور محمد انه يتعامل معانا بالمثل
و بعدين انت بتتكلم و بتخلينى ابرر انى حطيت اعلان على عامود..زى ما يكون فعلا حضرتك مقتنع ان العامود باسمه..ولا هو حضرتك بتدخل تدافع عن صاحبك لمجرد انه صاحبك
اما عن العميد و قائد الحرس فده مش تهديد..انا بس حبيت افهمه ان احنا لما حاولنا نتعامل تعاملنا باسلوب رسمى مش باسلوبه
و ارجع و اقول حضرتك ماكنتش واقف معانا و هو بيتكلم
و ارجع برضه و اقول انى لما وجهت كلامى كان لدكتور محمد لان هو اللى كلمنى..يعنى لا غلطت فى حضرتك و لا فى اى حد اصلا..و انى لما لقيت اسمك عندنا تخيلت ان حضرتك داخل على الاقل تفهمنا وجهة نظركم من ان العامود بتاعه..مش داخل "تمسك نفسك" و انت بترد..
دكتور كلكول
انا عارفه ان حضرتك بره الموضوع
و الكلام عن انها مسأله ولد و بنت كان رد عن رد غر معرف جه قبل حضرتك
اما عن انها لوى دراع و بلطجه فنعتذر عن اللفظين دول مع ان ماكنش مقصود بيهم المعنى المباشر
اما عن ردود الناس اللى قبلكم فماحدش شتم حد اصلا لاننا كنا ساعتها هنحذف الردود
و يمكن الكلمه اللى تعتبروها غلط هى "عقليه متأخرة" و معلش هو واحد كتب رأيه باسلوب مش "خارج" عن موقف هو قراه.. و اذا دكتور محمد يثبتلى انى فهمى للموقف غلط فانا بنفسى هعتذرله و هاكتب الفهم الصح للناس اللى ردت و مش عاجبنكم
اما عن التصوير فاحنا برضه مش عايزين نثبت انه كان صح..احنا حبينا نثبت ان احنا وضحنا وجهة نظرنا و لما ماقتنعوش بيها اعتذرنا لمجرد انهم مش مقتنعين برأينا بعيدا عن مين صح و مين خطأ
و عموما انا بعتذر لحضرتك لان حضرتك بره الموضوع اصلا
اما عن الاعلانات و العامود..فهم احرار..عايزين يشيلوا الاعلانات هم احرار برضه..عشان اللى شايف ان احنا كبرنا الموضوع فاحنا اهه بنقفله..
و لك تحياتى
دكتور كلكول
حوار الصور
بس عايزين نقول ل حضرتك ان الصورة اللى صورناها كانت من غير وشوش
يعنى محدش كان عارف مين اللى فى الصورة
و حضرتك قلت حاجة فيما معناها ترضوا حد يصوركوا؟
لو حد صورنا و شال وشوشنا ومقالش احنا مين عشان عملنا _حاجة غلط_ نستاهل الانتقاد عليها
اهلا و سهلا بيه لانه كدة بينتقد التصرف مش بينتقدنا
ولا هنبين اساسا ان احنا اللى فى الصورة
مش لازم نقول ونعرف ان الناس ان احنا دول
يعنى مثلا لما طلعوا ليهم عذرهم
احنا مكناش عايزين نشيل الصورة مش عشان هما اللى فى الصورة
عشان احنا بننتقد التصرف نفسه لو اى حد عمله (تانى )
بس بما انهم اتضايقوا اوى
ف احنا اعتذرنا و شلنا الصورة
مع انها زى اى صورة تانية مفيش ملامح و بتقصد تصرف مش شخص
السته بتوع صيدله
ياريت ياجماعه الموضوع ده مايكبرش وانا هقابل الرجاله بكره واعرف منهم ايه اللى حصل بالظبط واللى فيه الخير يقدمه ربنا
من غير ما اطول ولا اقل ادبي على حد ...انا عايز بس اقول لكم انى موضوع شيل الاستيكر ده ..انا والله ما عملته
ثانيا فرضا ان ده حصل ده ما يستدعيش كل اللى بيتعمل لان الاستيكر ده انتو غرقتو بيه الكلية
ومش هتفرق من عمود ...واقطع دراعى ان انتو ناس فاضية وبتعملو كده وخلاص ...عموما كان فى موضوع ف المنتدى كنت عملته كان نفسي تقروه ...
هسألكو سؤال ...مش انتو برضه حطيطو الاستيكر ده قدامى ...لو انا كنت عايز اشيله ما كان زمانى شيلته قدامكو ؟؟؟؟؟
ولا انا خايف منكم مثلا ....الحمد لله انا عمرى ما خفت من حد
وبعدين لو كنتو كلفتو نفسكو وسألتو مين اللى عمل كده وعمل كده ليه مكنش زمان كل انكتب
وعشان تتاكدو اسالو كلكول كان قاعد معايا على الكوبري ومسابناش لحد آخر اليوم
وعلى العموم الف شكر على كل اللى حصل
الف شكر
:)
ملحوظة : ياريت الناس الحلوة اللى بتقل ادبها تصبر شوية ف كلامها ...احنا والحمد لله ساعة قلة الادب بنسد برضة ...
i'm back :)
اول مرة اقرا كدة بجد
ازاي واحد بالعقلية دي وصل لمكانة دكتور
بس ممكن ما يكونش ذنبة
اذا كان المسؤولين الكبار تعبوكم جدا جدا
لحد ما وافقوا
يبقي الصغار يعملوا اية
البلد دي هتفضل غرقانة في الروتين لحد ما هيموتها
بجد البوست حسسني بالاحباط بطريقة رهيبة احساس عمري ما حسيتة
ربنا معاكم
وفي مثل بيقول الي يعيش ياما يشوف
عبدالرحمن
دكتور برايز
يا دكتور انت رايح لكهرمانة و سخسوختى و الاعلان فى ايدك اصلا..يعنى من الاول انت شايله
و بعدين هى والله مع عند و براحتكم احنا كبرنا دماغنا...المسأله مسأله حضرتك فعلا مقتنع ان العامود بتاعك و ان المفروض محدش يحط عليه اى حاجة ولا لأ
بس
غير كده لا قله ادب ولا غيره
و كفايه ان حضرتك على الاقل دخلت بنفسك ترد..على الاقل اديتنا اهتمام
تحياتى
عبد الرحمن
عامل ايه الاول فى اراضى اسيوط؟
:)
اما عن الاعلان..فاحنا ده اللى فهمناه من الموقف..يمكن يكون هو عنده فهم تانى للموقف
ما علينا
سلم لنا على نووور كتييير
ايقونة بتغمز
:)
سفاح كرمووووز
welcome back
الشبكة نورت
:)
يا خساره
كنت فاكر عقولكوا ناضجه
بس تقريبا نادر لم يكون بنت عقلها ناضج
يمكن ده عيب في الزمن او عيب فينا
فسسسسسسسسسسسسسسسسسسسس
هو انتوا كده
فسسسسسسسسسسسسسسسسسسس
بنات فاضية
ومش لاقيين حاجة تعملوها
ربنا معاكوا يااولادى
انا فيه واحد مدمن صاحبى كان عاوز الرقم بتاع الحملة وكده
بس مش لاقى استيكر
فياريت تزودوها شوية
المدمنين كتروا ياشباب
ومحتاجين منكوا مجهود اكتر من كده
ربنا معاكوا بجد
اللى غايظنى ان انا انفعلت على الفاضى
يعنى ...ولا الموضوع يستاهل
ولا انتى حضرتك يادكتورة يامحترمة_ ياللى اسمك جميل وبيضحك_ تستاهلى
واعتقد ان انتوا كده حققتوا اهم هدف فى حياتكوا
عقبالى ياااااااااااارب
اه كمان
نسيت اقول
لو سمحتوا
لو سمحتوا
الناس اللى عمالة تغلط فينا دى
ياريت تقولولهم عيييييييييييييب
عشان كده قلة قدب
وزى ماقال موسى
احنا برضه مع قللات الادب
بنكووووون وحشين اوى
افوتكم بعافية بئة
ya 3am Bad Pharma Boy 2awalan 2ana mesh shayef 7ad 3'elet fek??
kol ele fe nas 2aleto kalam 3an el 3a2l w 2ezay 3a2l so3'ayar w kalam keda weghat nazar ... laken mesh 3'alat 3'alat ya3ny ele ye5alek tedaye2 keda..
w 3'er keda ele 2alo keda makansh ay 7ad men el 6 dah kan nas tanya bet2ol ra2yaha w 2enta da5alt te3mel comment 3ala 2asas en el 6 homa ele 3'elto fek...ma3 en mafish 3'alat 2asasan
w ana mesh 3aref 2enta 2ezay fag2a 2et2alabt keda 2enta w kol so7abak mento konto so7ab 3ade w bet5osho te3melo Commentat 7elwa 3andohom w homa bardo kano beyektbo 3an el Blog beta3ko.....ma3a 2awel moshkila keda kol wa7ed da5el wala ka2eno da5el 5ena2a !!
w ana nafse 2e7taramtoko gedaaaaaan 2ayam ma kan fe wa7ed *** bey5osh el Blog w 2enta faker ba2a...w 2enta kont men el nas ele bet3ardo w me3alemah el 2adab
yaret terga3o zay el 2awel ... w law mesh 3ayez ya 3am 5alas bera7tak homa 3amalo ele 3alehom...bas yeb2a te7awel tehade el mawdo3 w 5alas ... laken keda kol ma el mawdo3 beyehda 7ad lazem ye5osh ye3mel comment w ye3mel nafso batal...
w 7aga 2a5era kont 3ayez 2a2olhalak mayenfa3sh te2ol lezamaylak elbanat 2e7na bene3raf neshtem bardo aw 7aga zay keda...law so7abak el welad ya 3am mashe laken banat mayenfa3sh te2ol keda 5ales 5ososan enohom nas mo7tarama begad...w 2azon enak 3aref keda ta2reban
men el 2a5er ya3ne ana 2asde yaret terga3o so7ab zay el 2awel ... ya2ema 5alas tefokoko men el mawdo3 dah kol wa7ed 2al ra2yo w 2entahena 5alas
w bardo bafakarak 2enoko zamayel ;)
fokoha ba2a mate3melosh zay el nas el so3'ayara!!
TITO SNIPER
شكرا .. الموضوع اتقفل اصلا
..........................
غير معرف
معلش..ماتضايقش نفسك
..........................
pad pharmaboy
شكرا .. بجد استحملت معانا دماغنا الفاضيه دى كتير
و استحملتنى انا اكتر و اكتر
عموما قول لصاحبك الارقام اهى
0168808001-2/3/4/5/6/7/8/9
و يارب يا سيدى تحقق اللى انت عايزه
غير معرف
واضح ان حضرتك ميخا..او ممكن تقول ده اللى استنتجناه من (اكمل النقط الفارغه) دى
و واضح ان دكتور وليد ده دافع عننا فى موضوع كان بينا و بين فارما ستريت بويز..و غالبا انتوا شديتوا مع بعض على المنتدى و اتحذفت ردودكم..فحضرتك جاى هنا تشد معاه تانى...
عموما احنا مانعرفش دكتور وليد اللى حضرتك تقصده يبقى مين
و عموما برضه الموضوع اتقفل و سيبنالهم عمودهم يستمتعوا بيه و يحافظوا عليه..لان الحمد لله نتيجة الحمله ظهرت من بدرى و كانت جميله
و معلش انا حذفت رد حضرتك لان حضرتك جاى تشتم غالبا فى دكتور وليد و الغريب ان انتوا الاتنين يعتبروا بره الموضوع..او ان احنا الخمسه بره موضوعكم..فلو عندك كلام وحهه لدكتور وليد بطريقه تانيه
اما عن زيارة حضرتك للبلوج فحضرتك نورته و ياريت تتكرر الزيارة
but it's NOT a fight club
تحياتى
خسخوستى واضح ان انت حذفتى الرد
ممممممممممممممممممممممممم
بس انا مكنتش كاتب كلام خارج
ولو حد هنا على البلوج يعرف.......الى اسمه وليد يقول
علشان هتبقى مشاكل كبيره
الواد ده انا زهقت منه
انت بتستنتجى ان انا ميخا
على فكره انا كاتب فى الرد ميخا
دكتور ميخا
انا مسحت الرد مش عشان فيه كلام خارج
بس عشان هو هيثير مشاكل ما بين اتنين احنا مانعرفهمش اصلا
اما عن انى بقول ان حضرتك ميخا فده لانى خفت اكون فهمت غلظ فاعك الدنيا بزيادة
و عموما حضرتك نورت البلوج و ياريت تكرر الزيارة
اما عن العامود فحصل خير
ميرسى يا دكتوره
ميخا
هههههههههههههههههههههههههههه
ههههههههههههههههههههههه
هههههههههههههههههه
هههههههههههههه
ههههههههه
ههههه
هه
ه
شكراااا طولت عليكم....
انتم بتتكلمو ف ايه..وزعلانين ليه.سواء فارما بويز او السته بتوع صيدله..مزعلين نفسكم كده ليه..؟؟ وسخسوختى زعلانه وبرايز زعلان وباد فارما بوى زعلان..؟؟؟ طب ده كله على ايه..؟؟؟ انا مش عارف.....؟؟؟
ده كله عشان عمود واستيكر...وموقف عدى وفات وخلاااص.....
اه..سخسوختى...ياريت العمود اللى قصاد العمود ده على طول..ما تحطيش عليه حاجه..لانى خلااص بقى بتااعى..؟ههه
هو احلى ما فى الموضوع ان اول مره اشوف حد فيكم واعرفه..لان يومها كنت واقف وشوفت نور سخسوختى من بعيد كده..
اى نعم مش فاكرها اوى...بس يعنى هعرفها من نورها العالى بعد كده..
وسلام
إرسال تعليق