بجد انا مبسوطة جدا جدا جدا جدا لاننا هنتجمع من اول بكرة انا والستة و لمدة شهر (نهاية الامتحانات)
شهر من المذاكرة والتهييس و الخناقات و وجع البطن و الطبخ والعك و عياط قبل الامتحان بيوم لاننا مخلصناش
كل مرة قبل امتحان واحدة مننا تعيط و تقول انا هأجل المادة دى احنا مذاكرناش حاجة
وكلنا نعد نواسى فيها و ان شاء الله هنعدى
و نيجى المادة اللى بعدها واحدة تانية تعيط و كلنا نواسى فيها
شهر بنقرب من بعض أكتر و لو حد زعلان من حد شوية بيتصافى
بنعمل جلسة اول يوم نتقابل و نشوف مين زعلان من مين ليه ونتصالح كلنا
عشان شهر على ورقة بيضة
خناقات كل يوم الصبح مين هيعمل النسكافيه لينا كلنا
احنا عاملين لنفسنا بوفيه كدة عليه جميع انواع المشروبات السخنة اللى فى العالم
نسكافيه ينسون نعناع قرفة زنجبيل بالقرفة شاى شاى أخضر شاى بالنعناع ...
ومبنشربش منه حاجة غير النسكافيه
:d 
خناقات كهرمانة وسخسوختى على حاجات علمية وفى الاخر مبيوصلوش لحاجة
تصحيتهم الرخمة ليا الصبح كل واحدة باسلوبه
لوزة : سمر سمر قومى يا سمر كفاية قومى يا سمر
أنا :حاضر يا مى
لوزة :طب يلا قومى انتى لسة مقومتيش قومى يلا يا سمر يلا يا سمر
جررررررررررررر
اما عن سخسوختى
فبلاقيها قاعدة فوقى و تسببلى وجع فى كل حتة فى جسمى لانها بتعتبرنى السجادة وبتعد تنط فوقى لحد ما اقوم
كهرمانة
تشدنى و تنزلنى من عالسرير
سنفورة
سيبوها يا جماعة حرام عليكوا قومى يا مرمر
ماما وهيا بتصحينا للفجر
يلا قوموا عشان تصلوا
تلاقوا مى قامت بسرعة من عالسرير اتنطرت
كلنا نستغرب السرعة اللى بتقوم بيها دى
نقول هنام شوية بئا مى قامت اكيد هتصلى وتيجى تصحينا
توصل لحد اخر الصالة و ترجع تنام تانى !
بعد شوية حد فينا يقلق و يقوم
يا مى ايه اللى انتى عملتيه دا
اصلى افتكرت طنط بتنادينى عشان اخد العيش الصبح
فقمت لقيت الدنيا ضلمة رجعت نمت بئا
فجأة تلاقى كهرمانة بتضحك و مسخسخة من الضحك فى عز الليل نقوم نبص عليها نلاقيها نايمة وبتحلم
ونفس الحكاية مع سخسوختى من كتر الضحك صحيت من النوم وهيا بتضحك
خناقة كل يوم مين هيجيب البيبسى على الأكل
احيانا نزهق من المذاكرة فنقوم نعمل فيديو كليب
مرة عملنا كليب يا حضرة العمدة ..ناس كتير شافته واعجبت بي
كهرمانة العمدة بالشنب واللبس
انا وسخسوختى الفلاحات
نورا حميدة
لوزة وسنفورة المخرجين
بجد كان تحفة
مرة تانية عملنا أطفال الشوارع
انا وسخسوختى
باللبس و الشكل
الصورة اللى بيشوفها بيصدقها جدا :D
مرة عملنا مصاصين دماء
كل مادة حسب الحالة النفسية اللى بتسببهالن
ا
ساعات تتطق فى دماغنا ويبئا فاضل نص المنهج مثلا و نخرج
و نرجع بئا مكتئبين ايه اللى احنا عملناه ده
ساعات تمسكنا هستيريا ضحك فظيعة و لو حد قال حاجة رخمة تلاقينا بردوا مش عارفين نبطل ضحك
وممكن تستمر معانا ساعتين تلاتة
ومقالب كتير بنعملها فى بعض
كنا عايزين نفتح التلفزيون انا وسخسوختى من غير ما ماما تعرف
فدخلنا الاوضة واعدنا نتكلم بصوت عالى كاننا فاتحين التلفزيون
شايفة الطقم دا يا سارة
اه حلو اوى وهيا امورة اوى
ماما طبعا دخلت تقفشنا
لقتنا مش فاتحين التلفزيون
افتكرته مقلب وسابتنا
فتحتنا التلفزيون بئا
ماهى اكيد مش هتدخل تانى
:D
مرة عملوا فيا مقلب مش هحكيه هنا لانه فيا أنا
فى ناس كتير عرفينه
بس كفاية اقولكوا انهم ضميرهم بيأنبهم لحد دلوقتى
خناقات مين هينام جنب مين كل يوم
و ندخل ننام الساعة 12 مننامش قبل الساعة 3 عشان بنتكلم
او كله فاهم ان اللى جنبه نايم ف ساكت
مرة قعدنا ساعة ونص نايمين ومحدش نايم
فجأة قمنا كلنا قعدنا عشان زهقنا من السكوت ده بئا
خناقات يوم الامتحان الصبح مين هيلبس ومين هيستنى التانى عشان الاوض
مامة اى واحدة فيهم تتلخبط فى اصواتنا كلنا فى التليفون ونعمل فيهم مقالب
نقول كلام كتير مع بعض فى نفس الوقت ان نكون بنفكر فى نفس الحاجة
عندنا زى قانون كدة ان اللى يقول حاجة مع التانى
يمسك حاجة حمرا وبعدين يضربنى على راسى عشان يتجوز الأول
لما بكون مش موجودة بيحوشوا الضرب لحد ما اجى
حاجات كتيرة اوى انا ممكن اكتب كتييير لو سبت نفسى
السنة دى
فى حاجة مميزة كمان ان نورا صاحبتنا هتيجى تذاكر معانا
البوست دا يمكن ميهمش حد غيرنا
بس الحاجات دى بتبئا حلوة للذكرى
:)
الستة بتوع صيدلة: أنا بحبكوا أوى اوى اوى اوى اوى اوى اوى اوى
Break
هناك ٣٦ تعليقًا:
يوميات حلوة
وشقية وشيقة
كل الاحتؤام لك
بوست حلو
Yahooooooooooooooooooooooooooo . . .
ana awel rad . . any way ento a7batone ana :( :(
som en ezay nora hatege w heya fe koleya tanya . . . law yenfa3 i'll come :P:P:P
ana mesh awel wa7ed :S:S
nahr el 7ob able be 3 mins...:S:S
احم احم احم
ربنا يجازيكى يا مرمر
انتى شردتينا كلنا نفر نفر
ماعدا شنفورة مطلعاها ملاك
ايش حال هى اللى متفقه معايا على المقلب بتاعك
و بعدين دلوقتى لو ماما عرفت المصايب دى كلها كانت وأدتنى :0
بس بجد على اد ما انا بكره المذاكرة و ايامها على اد مانا بحب اللمة بتاعتنا
و طبعا خمسه و خميسة فى عين اللى يقرا و ما يصلى على النبى
عليه الصلاة والسلام يا سخسوختى
اما بريك بقى
بجد بوست جميل جدا
وبجد
انا بحبكم قوى
قوى قوى قوووووووووووووووووووووووى
بشقاوتكم بضحكم وهزاركم
بكل مميزاتكم وعيوبكم
ربنا يخليكم لبعض دايما
ربنا يخليكوا لبعض
صباح التسييح
واضح يا بريك انك سيحتي لنفسكوا تسييحه زي الفل
موضوع النوم ده موجود عند اي صحاب بيناموا مع بعض
انا مع صحابي نفس الحكايه
نفضل صاحيين وعاملين نفسنا نايمين
لحد ما حد فينا ينفجر من الضحك وساعتها نعرف اننا كلنا صاحيين
نقوم نكمل السهره بقي
ذاكروا كويس
وربنا يوفقكم
دعواتي معاكوا ودعواتكم معايا
اه صحيح يا بريك
سؤال رفيع والله
هو فين النور قطع ؟؟؟؟
عموما انا بعتلك ال html في رساله للسته بتوع صيدله علي الهوتمايل
بس كده
LoL^_^ Begad el post kalameo beywsal be27sas gamel awy =)
i Wuv this Postttt S2
mara ana w wa7ed sa7be esmo 7assan w wa7ed tany esmo ma7amad.......2olna 3ayzen nezaker French 3ashan mafish 7af fahem fe 7aga XD.....el mohem ro7na 3ala 7assan el sa3a 7:00 el sob sa7ena kol elel fel bet w ana sa7et 7assan w 5aleto ye3mele Shay w lama rege3 kont ana nayem 3ala serero=) w lama 3erfo yesa7one w 2ebtadena mozakra....ma3refnash nebatal de7k ra7et 7assan's Sister kicked us out of the Room !! =)
2olna 5alas hanzaker fel Sala......bardo 2a3adna nehayes ra7et 2okhto darabet 5ales w Kicked us out of the Sha2a !!! =) kan manzarna yeksef !!
2olna 5alaaaas ro7na nezaker 3and ma7amad......el7 he has not Sisters....bas abo 3asabe Moooooot !!:S w kicked us bardo......elmohem el yom da lazakerna wala habebna ay 7aga.....kol ele 7asal en 2e7na 7asena enena nakera fel moktama3 :D
Besara7a el post da 5alane 2afteker 7agat keter awy 7elwaaaa.....Thx Break;)
Wuv u all S2
بجد يا سمر احلي ايام هي اللي بتقديها مع اصحابك .. ومش هتلاقي زيها تاني لا تقوليلي ايم خطوبة ولا شهر عسل ولا وانا بفسح العيال ...
فبجد عيشوها بكل ما فيها واسمتعوا بيها قبل ما وقتها يخصل وشيلوها معاكم ذكري حلوة متتنسيش طول العمر ..
ربنا يجمعكم دايما :)
انا بقى اكتر واحده بضايق من الشهر ده
لانكو بتاخدو منى لوزة
البيت بيبقى هاااااااااادى ومفيش صوووووووت
هى اللى بتبقى عامله للبيت روح وحياه
يلا
المهم بس تزاكرو وتحلو كويس فى الامتحانات
ربنا معاكوا انتو السته
و بنجحكم انتم السته
ويخليكو لبعض انتو السته
ويديم عليكو الصداقه انتو السته
على فكرة الحالة دي بحسها
خاصة إني طالب مغترب
فبكون مع أصحابي في حالة جميلة
أثناء الامتحانات
الحاجة الوحيدة اللي بتتعبني من الأيام دي
رغم حبي لها
إننا مبننامش إلا قليلا
أرجو لك ولأصدقائك النجاح والتوفيق
طبعا وانا وأصحابي
تحياتي
آدم
^_^
I miss This ....
Yarab ye7`aleeko lba3d :)
rabina m3ako
اكيد الذكريات دي حلوه
انا كمان هاجي اساكر معاكوا
يا بنات الايام دي بتبقي جااااامده موووت
وربنا يسهّلكوا
وتعدي السنه ع خير
ويديم عليكوا المحبه
:)
:)
:)
انتو مش هتكتبوا الشهر ده ولا ايه؟؟؟؟ اوعوا...
اللهم صلّي وسلّم عليك يا نبي
اصحااااب اصحاااااب يعني
oo
--
دي عنيا لتاني مره مفنجلين وعمال اهري وانكت ف نفسي
نهر الحب
ميرسى ربنا يخليكى
نورتى البلوج
________
shady noga
اهى جت يا شادى
اصل كل واحد فى الغالب بيذاكر لوحده
ظوظو
انتوا هتحجروا على الاراء الفكرية بتاعتى كمان ولا ايه
:D
انا اسيح زى مانا عايزة
و بعدين انا مفتكرتش بس لسنفورة حاجة
انما طبعا الناس كلها عارفة انها مش ملاك
_____________________
الفراشة الصغيرة
واحنا كمان بنحبك
اكتر ما بتحبينا
بجد
مش كنتى دخلتى صيدلة!
ZIKA
بتقومهم عليا يا زيكا
دا مش تسييح
دا انا بقول عليهم حاجات كميلة خالص
يارب تكون ماشى فى المذاكرة
هندعيلك
__________________
YASSIEN
ياااااااااه فرنش
بتفكرنى ليه
انا كويس انى عارفة اسمى فى الفرنساوى :D
يلا ان شاء الله فى الكلية بئا تذاكروا مع بعض وشكلكوا هتعملوا تهييس جامد
MOHAMED
وقت ايه اللى هيخصل بس :D
بس بردوا ايام الخطوبة دى متتعوض اصلهم هيكونوا فوق راسى بردوا :d
كل الايام متتعوضش
و خاصة لو كانت من غير مذاكرة
____________________
di el2mar
و احنا مالنا :D
ملناش دعوة
نزلوا البت اللى انتوا واخدنها رهينة عندكوا دى
واحدة مفروسة
اّاّاّمين
:)
________________________
ADAM
فعلا اوحش حاجة فى الايام دى قلة النوم
ربنا معاك ومعانا و مع كل الناس اللى بيمتحنوا
نورت المركب
و ان شاء الله تنوروا علطول
LIOROMIO
زانكس
منور بالانجلش
______________
MAHMOUD RABI3
حمدلله على سلامة الاسم
رجع من الحادثة
ربنا يخليك
دكتور بهدوء
لا منكتبش ايه
فوق قلبك
التاج نازل بكرة ولا حاجة
واضح ان العين عاملة عندك مشكلة
:d
عساسيل
ربنا يخليكوا البعض يارب
ويبارك في الصحبة والاخوة الحلوة
اول زيارة ومتابعة باذن الله
تحياتي
مبروك ظهوركم من العالم الافتراضي يا
جماعة..!!
بجد انا سعيد بيكم كلكم..!!
ليا طلب صوغنن عندكم..!!
احجزوا لي مكان في ذكرياتكم لما تمر
عليكم 100 سنة..!!
ربنا يسعد قلوبكم ويوفقكم..!!
ويزيدكم مقالب..!!
(:
ماكنتش اعرف ان اصحابى بيضحكوا مع نفسهم و هما نايمين , ده الواحد يخاف منهم على كده :) .. بس بجد انا مبسوطه من اليومين ولا التلاته اللى ذاكرتهم معاكم و بجد زعلانه عشان انا حسافر و مش حبقى معاكم باقيت ايام الامتحانات :( حتوحشونى .ادعولى بقى اعرف اذاكر لوحدى بعد ماتعودت اذاكر معاكم يا احلى اصحاب فى الدنيا .. و استنونى فى تهياستكم بقى و لو حبيتو تعملو كليب كلمونى اجيلكم علطول :)
و ان شاء الله نفتح صيدليه احنا السته و انا امسكلكم حسابات و احصائيات الصيدليه دى و طبعا طالما انا اللى مسكاهلكم حتكسب اكيد :)..
i love u sooooo much we will be closed friends forever my lovely group
nonoymm
ربنا يخليكى
نورتى البلوج
:)
وان شاء الله تتابعينا علطول
________________
سمسم
يعنى ايه ظهوركوا من العالم الافتراضى
مفهمناش
بس شكلها كلمة كويسة :D
طبعا حضرتك فى ذاكرتنا بعد 1 لحد 1000
احنا مش طماعين مش هنعيش اكتر من كدة
NAWNAW
فيكى الخير والبركة
لسة كنت بفكر حالا ابعتلك مسج اقولك انى بحبك اوى
وفرت الرصيد كدة :d
بجد بجد
مذاكرتنا بئت أحلى بيكى
و اكيد هتبئا أوحش من غيرك
ربنا يخليكى لينا يا احلى نونو فى العالم
:)
ههههههههههههههههههههههههههههه
مش قادر ابطل ضحك...عجبتنى اوى طريقة السرد
ربنا يخليكوا لبعض وتذاكروا....
معسكرات الاكل دى بنعملها عشان ناكل وفى الراحه نذاكر..هههههههههه
ههههههههههههههه
فعلا يام الامتحانات مع انها كلها سترس بس بتبقى احلى ايام
بوست ظريف وربنا يخيكو لبعض على طوووووووول
safa7_karmoz
فكرة حكاية المذاكرة فى وقت الراحة دى
هقولهم عليها
بس لو نزلنا بئا
يبئا انت المسئول
:d
___________________________
mero
اه فعلا
و بالذات النهردة هيكون اكتر يوم سترس
عشان الامتحان بكرة
:(
على فكرة
ميرسى عالصورة الرومانسية اللى انتوا حاططوهالى :$ :$
ماشاء الله
ربنا يديم عليكوا صداقتكوا وتفضلوا مع بعض دايما
ويارب تتوفقوا ف الامتحانات اللي مش عارف بدأت ولا لسه
اصلي سايب الكلية بقالي تلات سنين
حاجه بعيدة عن البوست ده
انا اتأثرت جدا جدا لما لقيتكوا كاتبين عني ف بوست السنه الاولى للمدونة
بجد عاجز عن الشكر
بس والله انا باحب اجي عندكوا جدا
مش عارف السبب بس باحب اعمل كده وخلاص
ربنا يخليكم لبعض
وتتجوزوا فى يوم واحد خمسه اخوات :D
ربنا يكرمكم فى الامتحانات ان شاء الله
وبالتوفيق
كانت احلي أيامي في الكلية هي أيام الرحلات
مااعرفش إزاي ؟
جايز عشان كان التليفون مابيبطلش رن
وتلاقي المذاكرات في التليفون شغالة علي ودنه وكل مارجع بالذاكرة لوري أفتكر صباح يوم الإمتحان واحنا كلنا قاعدين جنب بعض وبنذاكر وبنساعد بعض
بجد بجد أحلي أيام
يارب تنجحوا انتم الستة باأعلي التقديرات
سفاح كرموز
:D
الصورة
اه
لو عندك صورة احلى هاتها
بس لو لفيت الدنيا كلها مش هتلاقى صورة بالجمال ده
_____________________
ولو
يا بختك مش بتذاكر
مستعدين نبدل معاك
انت تذاكر واحنا نشتغل
وحضرتك تنور البلوج فى اى وقت
بسبب ومن غير سبب
dR/SHOSHR
ميرسى
احنا عايزين نتجوز خمسة اصحاب
لو اخوات يبئوا توأم عشان نفس السن
:D
________________________
حماتى ملاك
اهلا وسهلا نورت البلوج
فعلا يوم الامتحان الصبح وكله بيساعد بعضه و اللى مش فاكر حاجة التانى بيفكره بيها
أحلى وقت
:)
إرسال تعليق