ايوة انا اصلا انسانه غيووورة جدا جدا جدا..عادى كداب اللى يقولك انه عمره ما حس بغيرة فى حياته..عموما انا شايفاه مرض صحى جدا جدا..الغيرة جميله اوى لو فكرت تستخدمها بأسلوب صح..مثلا..انا بغير من كل اللى اعرفهم..
بغير من بريك لأنها بتعرف تبسط نفسها بنفسها مش مستنيه يبقى معاها حد..عادى تنزل تتمشى لوحدها..وطبعا بغير من جمال عينيها :)..
انا بغير من لوزة عشان وشها الطفولى و قلبها الأكثر طفوليه و وشها اللى بيحمر مجرد ما تبتدى تحس بأى احراج..
بغير من كهرمانة عشان هى لما بتبقى بتعمل حاجه بتحبها بتبقى نشيطة جدا فيها و مابيهمهاش شكلها ادام الناس..
بغير من سنفورة فى تنفيضه دماغها ساعات..
بغير من السته بتاعتنا لانها اصلا مش موجودة..
بغير من بنت خالتى عشان هاديه جدا ..
بغير من اى ولد عشان حاسس بالحريه عننا..
بغير بغير بغير بس بجد الغيرة دى طلعت عسوله موووت..جمال الغيرة بيبان لما تحاول تلاقى حاجة تغير فيها من نفسك..او لما تقتنع ان انت فعلا فيك حاجات كويسه بس بتيجى اوقات بتحس انها مش موجودة..يعنى اكبر مثال على كده ان كذا حد مقتنع ان لوزة اطول منى..و مع احترامى يا لوزة احنا اثبتنا ان انا اطول منك بالمازورة..بس الجميل ان لوزة كانت مقتنعة انها قصيرة و مع كده ناس شايفنها طويله :) عقبال ما حد يشوفنى اطول من بريك..و مرة تانيه واحدة تيجى تقولى انت عينيكى رسمتها جميله..و مرة تالته حد يقول انتى عصبيتك دى بتبقى لذيذة.. اكبر مثال فعلا انك تلاقى حد بيحبك بجميع عيوبك اللى انت شايفها دى اى نعم فى الاول هتقول اكيد الحد ده اعمى..بس بعد شويه هتحب نفسك عشان هو حببك فيها ...
الغيرة جميله بردوا لما تحاول تتعلم من اللى بتغير منه..يعنى مثلا انا بحاول اتعلم ايسط نفسى بنفسى..و اتعلمت من لوزة زمان العب و اهرج عادى و اركب مراجيح فى وقت انا كنت مقتنعة فيه اننى كبرت عليها..بحاول الاقى حاجة انا بجد بحب اعملها و لما الاقيها هحاول ابقى نشيطة فيها..اما عن تكبيرة الدماغ فصعبه عليا حبتين..و الجميل انى مع كده اتعلمت انى اقول "يا ستى ده رأيى ..مش لازم اكون مقتنعة باللى انتى مقتنعة بيه" و ماعدش ادخل نفسى فى مجادلات مين اللى صح و مين اللى غلط
من الاخر..الغيرة دى مرض بس اسمعوا للدكتورة زوزو و هى بتقولكم"خلوها مرض يقوى مناعتكم مش يهدمها" و هاكتبلكم روشته تحفة لدواها.."كل ماتغير من حد روح قوللو انا بغير منك فى كذا عشان تمنع نفسك من انك تكرهه و بعدها امسك ورقه اكتب فيها ايه الحاجات الحلوة اللى فيك و ايه الحاجات الحلوة اللى تقدر تعملها..وده عشان تمنع نفسك من انك تكره نفسك..وخليك فاكر انه لولا اختلاف الاذواق لبارت السلع"
من الاخر..الغيرة دى مرض بس اسمعوا للدكتورة زوزو و هى بتقولكم"خلوها مرض يقوى مناعتكم مش يهدمها" و هاكتبلكم روشته تحفة لدواها.."كل ماتغير من حد روح قوللو انا بغير منك فى كذا عشان تمنع نفسك من انك تكرهه و بعدها امسك ورقه اكتب فيها ايه الحاجات الحلوة اللى فيك و ايه الحاجات الحلوة اللى تقدر تعملها..وده عشان تمنع نفسك من انك تكره نفسك..وخليك فاكر انه لولا اختلاف الاذواق لبارت السلع"
FROM ZOZO WITH LOVE
SA7'SO7'TE
هناك ٤١ تعليقًا:
ربنا يخليكو لبعض و يبعد الشيطان عنكم و الناس الوحشه اللى بتحسد
بصى يا اموره الغيره نوعين
غيره بنائه و غيره هدامه طبعا كلكوا فامين؟
اما بالنسبه للورقتين اللى قلتى عليهم فى الاخر اه ورقتين
اصلى بالمره عملت ورقه لجوزى علشان اكتب الحاجات الحلوه اللى فيه علشان ماكرهوش
وقليل الادب......القلم مش عاوز يبدأبالحاجات الحلوه راسه و الف سن انه يبدأ بالوحشه الاول
خسيبك واروح اتخانق معاه ان شالله حتى اقطمله سنه
ههههههههههههههههههههههه
انا غيران من واحده مفروسة عشان لحقت اول حد يرد عليكم :D
بصى يا صخصوختى هانم...الغيرة فعلا صحية...وزى ما انتى قولتى لما تكون هتغيرك للاحسن...
لكن لو غيرة عمال على بطال...فمنهاش لازمة وهتضرنا فى الاخر...
انا عن نفسى مبغيرش...
يعنى لما حد بيزغزغنى مبضحكش
ههههههههههههههههههههههههههههههههههه
لاء اكيد بغير بس فى حاجات وحاجات...
بالنسبة للورقتين...
انا بدح وفى امس الحاجه للورقة الفاضية...اوعدك اخلص امتحانات واعملها...رغم انى متوقع ان الحاجات الحلوة هتستخبى وتحلف ماهى طالعه لو مطلعتش الوحشة الاول :D
L0oO0oO0oOL
yea right walahe . . . bas it's really hard on me to bleive that sara elle katba da :P:P:P
ياريت بس تفتحوا المدونة بتاعتي حالا في كلام يهمكم اوي...
كلامي موجه للستة بتوع صيدلة فقط لا غير
بوست جميل فعلا
يمكن اللي قولتي عليه اسمه "الغبطة" اعتقد
اسلوبك لايت ومرح
ربنا يوفقك
ربنا يخليكو لبعض
البوست ولا اروع الصراحه
انا بغير منكو يا بنات عشان اصحاب أوي
بغير منكوا جاااامد
بس مش بحسد انا بقر بس
oo
--
دول عنيه مفنجلين لكو وبيحسدو مش خمسه وخميسه يعني
ماتفهمونيش صح
بوست جامد ...
المفروض فعلا استثمار الغيرة دي في ان الواحد يطور مهاراته ...
ممممممممممم خليتيني أفكر أحب الغيرة
لا بس فعلا الغيرة ساعات بتبقى لذيذة
كون إنك بتغير يبقى أكيد في حد بتهتم بيه وده إحساس جيد
:)
طبعا ده كان اعلان ودعايه غير مدفوعة الثمن لاصحابات المدونات صديقاتك
لو عرفتي كده اكيد هتغيري منهم ان في حد بيصيت لهم وانتي لئه
كويس ان الواحد يكون عنده طاقة ايجابية يطور من نفسه دايما
خلينا نسميها مش غيرة قد ما هي تنافس
وفي ذلك فلينافس المتنافسون
لكن انتي بتغيري من الاولاد علشان حاسين بالحرية
اية حرية
اني ارجع باليل براحتي
او اطلع مصيف مع صحابي
هل هذه الحرية يا انستي احسبك تمزحين
اذا كنت تسمي هذه حرية التي انتزعها من ابي ولا تستطعين انت فهل ابي واباك يتمتعون بهذه الحرية ؟
واحدة مفروسه
المفاريس كتروا اوى فى المركب
"بصى يا أمورة"
ماتقوليش يا أمورة
"اصلى بالمره عملت ورقه لجوزى علشان اكتب الحاجات الحلوه اللى فيه علشان ماكرهوش"
معلش انا نسيت ازود الورقه دى ..قلت بلاش احنّس اللى مش متجوزين :)
و براحة على القلم شويه ده مش ادّك
:D
بجد نورتينا
صفاااح كرموووز
"لكن لو غيرة عمال على بطال...فمنهاش لازمة وهتضرنا فى الاخر..."
و الله هى مش بتبقى بمزاج الواحد
"وش مكسوف" فعشان كده دورتلى على علااج
"انا بدح وفى امس الحاجه للورقة الفاضية...اوعدك اخلص امتحانات واعملها...رغم انى متوقع ان الحاجات الحلوة هتستخبى وتحلف ماهى طالعه لو مطلعتش الوحشة الاول :"
و تقولوا علينا منايفة :)
ربنا معاك فى امتحاناتك يارب
و سيب الحاجات الوحشة تطلع الاول فى ورقه لوحدها و قطعها و اكتب بأه الحلوة
shogshog
walaaa,,22ollak msh harod 3alek hna..harod 3alek in real life"home"
neyahahaha
من الشباك
بجد انا مش عارفه اقولك ايه
انت افحمتنا بكلامك
ربنا يكرمك بجد
و بجد المركب منورة بيك..و يارب تفضل منورنا وتبطل فترات الغيبة الطويله دى
و كمان مرة ربنا يكرمك على كلامك التحفه ده
و تحياتى
mero
انت من الناس الجداد عندنا هنا
بس من الناس اللى انا عجبنى البروفايل بتاعها و عجبنى البلوج بتاعها
بس و الله انا داخله سرقه كده عشان ارد عليكم
فاستنانى فى بلوجك ..انا هدوشك فى الاجازة
دكتور بهدوء
بحب كلمة "ولا أروع" بتاعتك دى
بيتهيألى بسمعها فى ماتشات الكورة
:P
ايه يا دوك..امسك الخشب حتى
انا بقالى فترة موقفه ردود الحسد عندك فى البلوج...بس انت اللى بدأت
اذن فالحرب
محمد هشام
برضه تحيه كبييرة لمحمد لأنه من الجداد اللى منورنا هنا على المركب
و حاجة ساقعة يابنتى منك ليها
خلصوا فى العيد ميلاد؟!!! طب اتدلى لمركب عم ابراهيم كده اسـتاذنيه فى كام ازازة كده
ربنا يخليك يافندم..و يارب دايما تنورنا كده..
احمد منتصر
اهلا اهلا اهلا بالغالين
الاول عاجبانى صورة الغيط دى فعلا..بس هموت واشوف صورة "الزيرو" دى
ثانيا..كلمتك عجبتنى اوى .."كون إنك بتغير يبقى أكيد في حد بتهتم بيه وده إحساس جيد "
تحياتى
ربنا يخليكو لبعض ويكرمكم يارب
البوست جميل اوى ...وخلانى افكر فى شوية افعال كنت بكرهها
بس ممكن ابدا افكر فيها بشكل منطقى
فهد
"طبعا ده كان اعلان ودعايه غير مدفوعة الثمن لاصحابات المدونات صديقاتك
لو عرفتي كده اكيد هتغيري منهم ان في حد بيصيت لهم وانتي لأ"
هاهاهاهاهاها..حضرتك بس عشان جديد عندنا فى المركب..ماتعرفش ان احنا منايفة و المنوفى فهلوى..اللى انا صيتلهم دول صيت لنفسى معاهم لأن احنا الستة بنكتب فى نفس المركب"ايجار جديد بأه"
اما عن الحريه اللى انت بتتبطر عليها
فأقولك اه الولد حر يخرج وقت ما يحب و يرجع وقت مايحب و يسافر مكان مايحب و يحب حتى زى مايحب و يشتغل زى مايحب
اما عن باباك و بابايا فى اللى مقيدهم حبه هو مسئوليه الاسرة اللى تحت منهم..بس برضه مامتى و مامتك متقيدين بنفس القيود
بس بأه ماتخلينيش أفتح انا شايله منكم كتيير
:D
نورت المركب و يارب دايما نشوفك
elgezaly
من الناس اللى بسعد لما بشوفهم هنا مش عارفة ليه
ربنا يكرمك على كلامك
وفعلا كل حاجة ماتعجبكش حاول تبص بأى طريقه عشان تعجبك
و صدقنى هتستريح كتيييير
نورتنا بجد
و تحياتى
بوست حلو قوى
وكلامه من الدنيا
صحيح الغيرة حلوة
بس اوعى انها تتحول الى حقد
وحلو قوى انك صريحه مع نفسك
وعارفه ايه اللى موجود فى صحابك ومش موجود فيكى
وبتحاولى انك تعمليه
عموما ربنا يخليكم لبعض دايما
وخالى بالك منهم
الفراشه الصغيرة
ازيك يا أحلى فراشه
منورة
ربنا يكرمك
و الحمد لله لسه ما قلبتش بحقد
و ربنا يخليكى لينا يا جميله
فكرة كويسة
بس لو عملتيها فى ناس هتقول انك حقودة وهيقعدوا يخمسوا فى وشك
:D
الغيرة جميلة لما ماتزيدشى عن حدها
الغيرة جميلة لما من غيرش من الناس فى ارزاقها لان الرزق على الله
الغيرة جميلة لما تكون بتبنى ومابتهدمش
وتحياتى
funky doctor
والله ممكن الناس يفتكرونى حقودة بس انا مش بعمل كده لكل الناس انا بعمل كده للناس اللى يهمونى بس..و أكيد لو بهمهم انا كمان مش هيفكررا كده
ولا اييه؟!!
رئسيه حزب الاحلام عندنا
يا الف اهلا والف سهلا
"اجرى يا بت قولى للمديرة عندنا تفتيش"
منورة يا افندم
و قلتى كلمتين حلوين فى الجون..ممكن نزودهم على البوست
اما عن الارزاق فانا لسه الحمد لله باخد مصروفى من بابايا حبيبى و بالتالى لسه مابصيتش فى رزق حد
D:
منورة بجد
اهلاً بيكي
انا التعليق ال 27 يبقي أكيد بأغير من كل اللي سبقوني...
انت كاتبة بوست حلو خلاصته جملة انت قولتيها
"الغيرة جميله بردوا لما تحاول تتعلم من اللى بتغير منه "
هية دي الفكرة ...نتعلم من اللي بنغير منه واللي هوة يعني في الاساس لازم نكون بنحبه
يعني مثلاً انا بغير من الستة جدااااااااااااااوبحاول أتعلم منهم
عجبني غيرتك أوي من المراكبية اللي معاكي وعجبني طريقة حبك ليهم وتعبيرك عن ده وأكيد همة كمان بيغيرو منك بردو
اما الروشتة بتاعك دي فأنا مش هشتري أي دوا غير لما الستة يخلصو ويفتحو صيدلية الستة بتوع صيدلة عشان الديسكاااااااونت....واخدة بالك انت
ولا المنايفة هيعملوها معاياوو كأنهم يعرفو أبو العيال........
تحياتي والعيال
بالتوفيق وشدي حيلك في المذاكرة
غنيم ابو العيال
انا زعلانه منك جدا بأيت تتأخر علينا
و انت عارف ان احنا مش بنرسى فى المينا كتير
بس يلا انا عارفة جو المذاكرة واخدك مننا..هى بس الاجازة تبدأ و هناخدك لفة معانا فى المركب
عشان بس ماتقولش علينا منايفه
اما عن الدسكاونت..فانا عندى فكرة..احنا نعمل صيدليتنا تحت عيادتك
و حيث اننا مش هنلاقى لا احنا و لا انت زباين
فهنسيبك تكشف على كل واحده فينا يوم و هنسيبنا نصرف للواحده دى الدوا و كده نفضل فاكرين المهنه و نفضل حاسين ان الشغل علينا كتيير
و عجبى :D
و بعدين غيرة ايه يا ابو العيال...احنا نيجى ايه جنبك
دى اول زيارة ليا ونفسى اعرف يعنى ايه السته يتوع صيدلة؟؟؟؟
سبهلله على الاخر
اولا اهلا بحضرتك يافندم فى مركبنا العزييز
ثانيا ردا على سبهلله سيادتك هاقولك يعنى ايه الستة بتوع صيدله
بكل بساطة يعنى الست بنات بتوع صيدله
احنا ست بنات من صيدله بنكتب هناهو فى نفس المركب لأن احنا اصلا مع بعض غالبا فى كل حاجة
اسامينا بريك و لوزة و كهرمانة و سنفورة و انا سخسوختى
كل يوم بحال مرة سياسه و مرات تهيس و مرة رومانس و مرة كآبه..يعنى مالتى اوبشن
انا رغيت كتيير معلش يافندم..بس يارب تفضلى منورلنا المركب كده علطووول
هو مين الستة دول عدم اللمؤاخذة ولا هو الواحد دخل في عش صيادلة
فهد
بالضبط
دخلت فى عش صيادله
حلو الاسم ده
و دخول العش مش زى خروجه
انا بغير منكوا عشان انتوا صحاب وفنفس الوقت بتحبوا نفس الحاجات وبتحبوا الكتابه والتدوين ومشاركين بعض في ده
كبعا انا مش بحسدكوا بس ده مايمنعش ان في شوية حقد علي غل .. اللي هم الغل والحقد الطبيعين يعني بتوع كل بني ادم
:P
انا بغير من من اخويا عشان هو اكبر مني
:D
انا بغير من ابويا عشان هو ابويا مش انا اللي ابوه
:d
انا بغير من يوسف شاهين عشان نفسي ابقي زيه واحسن منه
انا
الله تصدقي الموضوع طلع حلو
شكراااا
انا هكمل بقي صفحة الغل بتاعتي بعيد وابقي ارجعلكوا يف البوستات القادمه
:P:D :P
بوست تحفه
ana ba3'er men kol el banat 3ashan bey3ayato 3ade keda....=D
w bardo ba3'er men el banat 3ashan they looks like angels....but they r Devilo !!!^^
w bardo ba3'er men 2o5te (bent)3ashan me5aleya manzare 2odam my Father ka2ene ana sabab el 7ala el we7sha fe masr:S!!!
w ba3'er men Shady(my cousin) bCoz he's so freakin Funny men 3'er maye3mel ay 7aga kol mabos fe wesho 2at7ak!!w 3ashan beyes2alne 2as2ela mesh mantekeya w howa 3arefha ^^
w ba3'er men 2o5to 3ashan Kol 7aga besara7a w 3ashan 7ata lama bet7eb tera5em ra5amet=ha lazeza XD w bardo bete3raf te5ale ay 7ad ye7ebaha
w ba3'er men nafse 3ashan ......mmmmmm.....ana ma3rafsh momken 7ad ye2ol law la2a 7aga ba2a XD
w ya sara 2asa7a7lek ma3loma el walad bey7areeeeeb 3ashan el 7oreya ele seyatek bet2ole 3aleha de ....mesh 7aga sahla ya3ny
w salamo 3alaykom wara7mato alah w barakatoh
i asked and its " Na3'za"=D
and sry for being late
SORRY YA seta . . . bas mat7oshoneeeeesh
ya 3am yassien enta ( yabo Na3'za )
3ala fekra ba2a kol as2elte mantekeya :P:P
w hwa ana aragoz kol ma tebos fe weshe tet7ak . . .k ya yassien . . awel mashofak bas
yabo na3'za
hahahahahahahahaha
زيكا
هاهاهاها
"اللي هم الغل والحقد الطبيعين يعني بتوع كل بني ادم"
"انا بغير من ابويا عشان هو ابويا مش انا اللي ابوه" فعلا هى دى الغيرة الطبيعيه
هاهاهاهاهاه
بجد انت و ياسين من اكتر الناس اللى ضحكونى فى البوست ده
و بجد انا بنشكح لما بقرا ردودك
:)
yassien
they looks like angels....but they r Devilo "
eh ya 3am yasien "yabo na'3za" 3ala ra2y shady
2er7amna 7abbeten be tolak da
"w bardo bete3raf te5ale ay 7ad ye7ebaha" eh ya3am shaklak hatgeblena elkalam
:D
we asked men bs ybo asked..yabne wallahe el3azem esmaha "no'3za"" walla yemken 3ashan ento fe madares lo'3at we e7na fe koleyat 7ekoma
3moman 7ottaha "7alaba" fe wednak..lamma zozo te2ol kelma mates2alsh enta 3aleha 7ad tane
we warrena yalla gamal "na'3zetak"
:D
Shshshshshshshshshs....u both r Spamm0rs and u have to ShutUp for a while !!!
Walahy na3'za w mat5alonish 2asaya7 yabeta3et el Boriooooo !!! hahaha
w ya3ny eh 7alaba fe wednak yabet 2esmaha 7ala2a !!! hahahaha mabte3rafsh tekteb kaman ^^
w 2enta yad ya shady mat5alenesh 2akalem 3ala el Boxes !!! el Box yaaaad hahahah !!! 5ale 7ad yes2alak ba2a ya3ny eh Box w rod yamoza !!
walahy lawareko el wesh el tany....:@!!
LooooooooooooooooooooL . . esmaha 7alama ya ahtaaaam . . . ya3ne ba3d el tarya2a de kolaha bardo mabnet3almsh ( mahma ta3alem felmetbalem yesba7 nasy ) :P:P:P
yasso . . i think en a7sanlak te2ol am sorry w teskoooooooooot
3ashan besara7a shaklak ba2a we7esh . . w kaman comment w mesh hatban
ana gai ya mamaaaaaaaa
na3'za w 7alaba enta matefta7sh bo2ak 5ales . .
yabne zay ma el Dr.2o5tak 2alet e7na hena fel School bey2oloha keda .....esh 3arafak enta !!! xD
w kaman Cairo 3an Shebin tefre2 ya shady.....de kolaha ma3lomat hate3rafha lama tekbar.....zay Boxes ,,,,,etc^_^
( am sure u r crying right now )
yagama3a 7ad yefahemne eh el Box da !!!
hehehehe .....w 5alas ana motafek ma3ak ene mesh hafta7 bo2e fel 2amsela w el kalam da tany .... bas 2enta bardo batal tes2al 2as2ela 3'er mantekeya XD
Bas keda...
وانا بغير منك ..عشان اسلوبك الجامد ده ف الكتابه؟ هههه
إرسال تعليق