هو قلمها السحرى
ذهبت امام المراة و رسمت ابتسامة على وجهها ..ابتسامة تستمر معها لباقى اليوم
أخذت ترقص مع قلمها على أنغام الموسيقى وهو يرسم دوائر ملونة حولهم
أخذت تسطر مواصفات فتى أحلامها..فخرج لها من سطورها مجسدا
الى ان حان وقت النوم
أغلقت الكتاب
محت الدوائر الملونة
مسحت الابتسامة
ذهبت الى السرير تستعد ل يوم اخر ملىء بالمفاجأت !!
Break
هناك ٣٤ تعليقًا:
أنا بصقف أهو ...
هايل بجد يا بريك :)
mohamed
ايه دا بجد !
ميرسى على المجاملة
موضوع جميل
و الاجمل في هذه المدونة فكرةالتدوين الجماعي
بالتوفيق يا شباب
انا كمان بصقف زي اول تعليق بالظبط
مش عارف فيه حاجه غريبه كده في القصه دي ... زي ما اكون اعرف مين البنت اللي جوا القصة
بقولك ايه هي لازم تبقي بنت يعني
مابنفعش تمشي الاتنين :)
اه صحيح الصور كمان حلوه وخصوصا اول صوره فوق .. ابقي فكريني اسرقها منكوا
بريك
انا طبعاً مش هتريق عليكي لأني شايف البوست هايل
كمان انا مش بعرف اتريق!!!!!!
الصراحة راحة
البوست جميل جداً بحب انا الخلاصة والكلام المعبر اللي بيوصل القلب علي طول
وبحب الورق الشفاف بردو علي فكرة يعني
شكراً لمروركم وهزاركم اللي بيعجبني والله ومش بزعل منكم نهااااااااااااااااااااااائي
تحياتي للستة
بالتوفيق......
جيفارا المصرى
يا اهلا يا اهلا
تشرفنا
بالنسبة لينا
اتفضلنا كلنا منغلاش عليك
zika
مش عارفة اعمل ايه من كتر الجمهور المشجعين
:D
هو انا عملتها بنت بس بحكم الصور
بس يعنى مفيش مشكلة خالص يا فندم
بالنسبة للصورة
تدفع كام؟
GHONEEM
ايه دا
الواحد ممكن يستغل حكاية انك مش بتعرف تتريق دى جامد :d
انا بعد ما كتبت الرد خفت لا تزعل ولا حاجة
خصوصا انى مقلتش اى حاجة تانية
بس انت قلبك كبيييييييييييييير
يساع العيال
طبعا بئا مش أب
ألا اخبارهم ايه صحيح؟
يارب تكون المصاصات عجبتهم
GoD!!!0_0
begad Brilliant w el Pics.mashya ma3a el kalam sa7 100%
el wa7ed walahy mesh 3aref ye2ol eh tany Post me3adeee!!
masha2alah 3aleke ya Break
KeeptheGodamngr8work
حلوة اوي الصورة الي فيها البنت بتحضن فارس احلامها دي
يا تري لقيتي الصورة فصيغتي قصتك عليها الاول ولا العكس
بس بجد برافو
وبعدين بقه مش عوزاكي تتشائمي من الدراسة من دلوقت انتي لسة صغيرة
مرسي علي تعلليقكك عندي
وانا رضيت عموما عليه
تحفة وروعة وابداع
اي الجمال ده
صباح النور يا قمر
بريك حلو موووووووووووووووت
بجد ما شاء الله
حسيت فى فيه اختلاف وفكر جديد
وحلو قوى تعبير ذهبت الى سريرتستعد الى يوم اخر ملىء بالمفاجأت
ياسين
ميرسى
أخجلتم تواضعنا
:)
maha zien
منورة البلوج
انا كتبت الاول وبعدين ظبط الصور
بس عادى احيانا الواحد ممكن يكتب من وحى صورة
نورتى البلوج
وبالنسبة للدراسة
فمعتقدش ان فى طالب فى صيدلة الا و مكتئب
ammouna
أيه دا
هما دول الكلمتين اللى هانو عليكى
وانا اللى قلت ان كونان اللى هتاخد بخاطرى
عموما ملحوقة
الفراشة الصغيرة
:)
ميرسى
كنت هزعل لو مشفتش تعليقك
اسلوب ولا أروع
بجد هايل
والاحساس وصل
جميله اوي يا بنوتات
ادفع .
اه
لأ بصي من ناحية الدفع . يبقي كده تاكدي اني اخر واحد ممكن يدفع في الحوار ده
ياريت اي حاجه كده من عندكو .. كادوو
وكل سنه وانوا طيبين
الاهي يارب تنجحوا
الاهي يوقفلكوا ولاد الحلال
انا وحيد امي وابويا وبجري علي اخواتي السبعه
اي حاجه لله بقي
صوره , بوست قديم اي حاجه :D
بسم الله ماشاء الله التوبيك جميل قوي
دكتور بهدوء
ميرسى
:)
zika
فكرتنى بواحدة جاية المعرض
بتقول انا جوزى فى السجن وممكن ارتكب فيكو جناية
وبعد دقيقة
انا ولادى ايتام ربنا يخليكوا
عموما مش أد الحاجة بتشتروها ليه
theriddle
اللى يشوف الرد
يفتكر انى مأجراك تدخل ترد عندنا
:D
ميرسى ليك
اكس لانت
في التعبير
انا مش فاهم بس شكلها كويسه
اللهو الخفى
ثانكس ثانكس
:)
dr_nightwing
اكيد كويسة مش انا اللى كاتباها
ولا ايه
:D
السلام عليكم
حلوة بس مين الستة بتوع صيدلة
مبروك البلوج الجديد بتاعك يا بريك
;)
بلوج ليكي لوحدك اهوو
شكلي اول واحد ياخد باله
عموما لما يخلص قوليلي عشان ابقي
اجي انوره
احم احم
يعني مش هنوره اوي يعني
عشان فاتورة الكهربا
:D:P
مبرووك
جميلة اوى اوى يا بريك
ابتديتى بمود وانتهيتى بآخر نقيضه
او ده اللى حصل لى انا بعدما قريت
صعبة الحياة من غير امل وتفاؤل
وانتظرى دائما المفاجأت الحلوة
مبروووووك النجاح يا كميل انتى والكميلات اصحابك
الشيكولاتة
حاجيبهالك واكولها بدالك
فى بيتها يعنى
:)
رئيسة حزب الأحلام
ميرسى
احنا الستة بتوع صيدلة!
لوزة بريك
كهرمانة سخسوختى
سنفورة
zika
يا مرحبا يا مرحبا
انت تنور اى حتة تيجى فيها طبعا
بس هناك النور قاطع غصبا و اقتدارا
مش بيبئا اسمها كدة بردوا؟
ف غالبا هيفضل قاطع هناك فترة طويلة
jana
ازيك
عاملة ايه
ليكى وحشة والله بجد
عموما طبعا الشيكولاتة فى بيتها
بس ياريت بس تكون سينزى لو سمحتى
عاجبانى اخر صوره ف الموضوع
دمتم بخير...
shams is here
الحمد لله ان فى حاجة عجبتك
إرسال تعليق