صحيح الجار ..قبل الدار
والزبون الى جمبك.. قبل ما تركب
بس زى ما الواحد فينا مبيخترش امه ولا ابوه
بردو مبيخترش الى يقعد جمبه فى الموصلات
واول ما الواحد يركب ميكروباص يقعد يدعى ربنا يبعت له بنوته محترمه
اوبرزيدون...بردو محترم
ميطلعش فى الاخر نازل تجنيد ولا جمله
وعدينى يا انسه وناولينى الشنطه الجمبك..
ويشحططنا معاه
وكل واحد ودعاوى ماماته بقى
والى يركب ياما يشوف
مره كنت راجعه انا واختى من المنصوره والمفروض بعد ما نروح
نرجع تانى طنطا عشان نخلص شويه ورق لازم يخلص يومها
لفينا شويه فى المصالح الحكوميه واتغدينا وروحنا الكليه وجبت الجدول
كان نفسى اعمل شوبينج بس ملحقتش
اوووف الوقت بيعدى هووى...
تيجى واحده تسالنى وده كله فى يوم واحد
وارد عليها : ايووووون
المهم واحنا راجعين ارض الوطن
ركب واحد جمب اختى عادى يعنى
وفجاااااااه يقطع السكوت الى احنا فيه
صوت ايد بتضرب على الكنبه الى قدامنا
وصوت اعلى " هااااا اخبار الضرب ايه ..!؟"
"تحب نعشيك بخشيه ولا بالحديد..!؟"
وطبعا مش محتاجه كونان عشان يقولنا ان الى بيتكلم ده الراجل الى جمب اختى
ويسكت شويه ..
ويطلع فجاه..
" ما قولنا لك خليك جمب الحيط"
"ولا انت غاوى بهدله ..!؟"
كل ده وانا واختى فى تعداد الموتى
موقفين ضربات قلبنا تقريبا...ليفهمنا غلط
ويكرر كلامه مع ضرباته الايقاعيه على الكنبه
ولما وصلنا بعد وصله رعب
مرضيش ينزل ولا رضى يعدينا
واتسربنا زى الحراميه وكل الى على لسانا"الحمد لله"
والسؤال هنا تفتكروا ايه حكايه الراجل ده ..!؟
وفى ختام الحلقه عزيزى القارئ
ننتظر منك الاجابه على سؤال البوست
وارسال الاجابه الصحيه
على بلوج السته بتوع صيدله
LOZA
هناك ٢٤ تعليقًا:
بسم الله الرحمن الرحيم
الاجابة تونس
ههههههههههه
ده تلاقيه بيحلم ولا حاجه
متخديش فى بالك
وسلااااااااااااام
hahahahahahahahahahahahahhahah
Can't Breath!!!!
post zay el 3asal walahy!!
bas ana 3ande so2al....howa mafish 7ad ma3ako fel Microbus ?
mafish 7ad za3a2lo ya3ny w howa 3amel zay el 3abit keda ?? el sawa2 masalan....
el7 rabena satar w nezelto belsalama...So freakin' Funny post ya loza....goodwork
we men na7yet el so2al ana walahy ma3rafsh el ragel dah malo..bas zay manto beted3o eno yege gamboko Presedon:D!!...el welad bardo beyed3o eno yege gambohom te3ma Milk :D !!!
Salam...Need new Posts
انا انا انا انا يا أبله
ميس ميس ميس ميس ميس
اقول الاجابه و احرق البوست يا مس لوزة؟
ها؟!!..تدفعى كاااام و ماحرقهوش
:)
Ummmmmm . . yemken lesa tale3 men el mo3takal bema ene ba2ra ketab 7adath fe anteka :D
LooL . . good post ya lozloz 7elw . . ah ya5te mante te3'ebe te3'ebe w tege 3ala 7aga gamda . .
bas hwa fe3lan yassien 3ando 7a2 . . hwa leh ma7adesh za3a2lo ya3ne . . hahaha , , mo3'amarat fe 2a3mak el microbusaat :D
و الله و الله و الله يا ابله مانا اللى ...هو اللى ...من ورقتى
و النبى يا أبله ماتنفصينى..و الله ماهعمل كده تانى يا أبله
عادي .عادي .عادي.كل الحكاية ان الشعب بدا يهيس اليومين دول.........لا يهيبر مش يهيس.بس ربنا يكون في عونه
فنان
تماميا فندم
ومعانا اول اجابه صحيحه
ممكن حضرتك تيجى تستلم هديتك من جوجل D:
يس
ايه الناس الى داخله تسال فى الفوازير بتاعتنا
انتو جاين تقطعوا علينا ولا ايه :s
اانا هجاوب يمكن نطلع من عندكم بجايزه
الراجل كان مجنون "الحمد لله الذى شفانا وعفانا"
والسواق شكله كان عارف وخايف منه
والى فهمته من كام جمله كده قالهم
انه تقريبا كان معتقل سياسى
واتجنن
والله اعلم
اما بقى بخصوص طعمه
فانا مش قادره اخبى عليك اكتر من كده
طعمه اتخطبت من يومين للواد فينو :(
ظوظى
ابله ايه وميس ايه :s
انا ستك المذيعه يا شاطره
@!!..تدفعى كاااام و ماحرقهوش
لو جيتى الكليه النهارده مواصلاتك عليا :(
ياااااااارب متجيش :(
شادى باشا
yemken lesa tale3 men el mo3takal bema ene ba2ra ketab 7adath fe anteka :D
يا جنييييييييييس
ايه الحلاوه دى مساعد توجو مورى بنفسه فى البلوج..!؟
قررررر ياااض
ساره الى قالت لك ..!؟
الانكار مش هيفيدك
mo3'amarat fe 2a3mak el microbusaat :
وشاعر كمان شكلك مش خارج من المعتقل ..."قصدى البلوج"
ظوظى
@و الله و الله و الله يا ابله مانا اللى ...هو اللى ...من ورقتى
و النبى يا أبله ماتنفصينى..و الله ماهعمل كده تانى يا أبله
عائله نجيب
متجوش الا بولى امركم
اه واحب انبه على حاجه كل واحد يجيب ولى امره
يعنى منستعبطش وانتوا ال2 تجيبوا لى واحد
دواير
@عادي .عادي .عادي.كل الحكاية ان الشعب بدا يهيس اليومين
يااااااه انتى شكلك كده من ايام الارض
الشعب عدا مرحله التهيس ووصل لمرحله الجنووووون
ولا عزاء فى الشعب :(
أنا أول مرة أدخل مدونتكم،مدونة رائعة وفوق الممتازة وأنا بحيكى وبحى كل اللى فى المركب .بس أكيد الراجل اللى بتتكلمى عليه ده إرهابى ومن أنصار بن لادن ومتفق مع السواق
Moon_stone
انا الحمد لله تخصلت من حوار المواصلات ده وربنا تاب عليا من زماااان وبقيت اركب المترو ولو مركبتش مترو بقفش اي تاكسي واهي بتقضي . . لكن اكيد عندي خبره في موضوع الميكروباصات ده لان بارضه الواحد قديم في مصر وعاش فيها كل حاجه وشاف اللي ما يتشافش ... ويا سلام لو تيجوا القاهره وتجربوا مواصلاتها وتتشحططوا زي ما كنت بتشحطط متقولوش امين ...اوعوا .
اما بالنسبه للراجل فانا بعتقد ان ده واحد كان ضارب حاجه واللي قدام ده صاحبه وبيهزروا مع بعض هزار بوابين عادي جدا .......
وبعدين "يا أيها الذين آمنوا لا تسألوا عن أشياء إن تبد لكم تسؤكم وإن تسألوا عنها حين ينزل القرآن تبد لكم عفا الله عنها والله غفور حليم "
صدق الله العظيم
واطلب في نهاية البرنامج
اغنية لامي الحبيبه بمناسبة عيد العمال
الواد قلبه بيوجعه
أحمدى ربنا انك طلعتى انت واختك من الموضوع ده على خير
تحياتى لك ولأختك وللستة بتوع صيدلة
It's Our land :D
Things Happen :)
7amdelah 3ala elsalama
احتمال يكون مجنون
وما اكثر المجانين في بلدنا العزيزة
وعموما الصيادله ياما بيشوفوا
اسالوني انا
---
تحياتي
عرفت عرفت عرفت
ده اكيد الكاميرا الخفيه :D
الصراحة هوة الرجل حكايته غريبة بس بمناسبة طوابير العيش والحوارات دي
اكيد هوة كان بيتخيل انه في طابور العيش وبيكلم الي قدامه
وممكن يكون احتماال تاني
بجد بجد ربنا معاكوا في حوار المواصلات دة
اذاكان انا بتعب امال البنات تعمل اية بقي
عبدالرحمن
بوست جميل جدا ً ...
يااااه ... صحيح اللي يركب ياما يشوف ... بقالي 4 سنين اهه بركب مواصلات وسفر والخ ... ولسة بشوف جديد ...
تحيا مصر ...
والسـ ختام ــلام
امممممممممممممممم
عروستي...
طيب هو كان لابس ايه
جلابيه ولا بدله
ايووووون هتفرق يجماعه
هههههههههههه
ياعثل اللي يركب ميكروباس ياما هيشوووف
بس حلو قووووي البوست ده علي شاكله تاكسي
D:
بداية موفقة
ونهاية بردو موفقة
طب انا اقولك ايه طيب
يا اما نايم وبيهتش في نومه
يا اما نايم
طيب هيكون ايه
عموما هو شكله نايم
طيب اخد الجايزة منين بقه لانه فعلا طلع نايم
وطبعا مش محتاجه كونان عشان يقولنا ان الى بيتكلم ده الراجل الى جمب اختى
انتوا استغنيتوا عن خدماتي خلاص؟
ماشي ماشي
بس بردو حلوة
ايه ده هو ردي راح فين ؟
إرسال تعليق