وانابقلب كده فى مكتبتى الصغيره الى كل كتاب فيها ليه ذكرى معايا .. لقيت كميه كتب سياسيه وتاريخيه رهيبه
منها "برتوكولات اليهود" " الهيكل المزعوم" وكتاب من الحجم العائلى اسمه "مصر القديمه" وده كان عدد صفحاته 614 صفحه و"تاريخ مصر القومى" عدد صفحاته 282 والغريب انه بادئ من الفصل لتاسع
المشكله مش انى لقيت الكتب دى عندى الحكايه انى اشتريتها من 5 ابتدائى ل2 اعدادى
مش معنى انى كنت بجيب كتب سياسيه انى كنت بفهمها كلها فى كتب معينه زى بروتوكلات اليهود ده كنت بتنح قدام المصطلحات السياسيه الى فيه......
ولقيت بحث كنت عملاه عن اليهود وانا فى 2 اعدادى بعنوان " السجل الاسود لاسرائيل فى المنطقه العربيه"
بدأت حكايه السياسه معايا لما حلمت بالرسول (صلى الله عليه وسلم)فى 5 ابتدائىرحت سالت الشيخ بتاعنا فى المدرسه قالى انى هيكون ليا دور كبير فى القضيه الفلسطينيه......
بصراحه ومخبيش عليكم انا صدقت وعشت الدور بدأت اشترى اى كتاب كتوب عليه ال4 حروف " ى ,ه,و,د" واجمع كتب عن القدس واروح المكتبه ادور على اى كتب تخص الموضوع وكنت فاهمه انى هكون صلاح الدين التانى وانا الى هحل مشكله الشرق الاوسط فى الالفيه التانيه
ندخل بقى فى موضوع البوست .....
اول مظاهره ليا كانت فى 2 اعدادى مش فاكره كان ايه الى حصل بالظبط فى فلسطين وقررنا نعمل مظاهره بعد المدرسه وطلعنا للمدير وقاستاذناه وواحده صاحبتنا لفت على فصول الولاد والبنات تعرفهم بمعاد المظاهر للى عايز يجى
المهم خلص اليود الدراسى من هنا واتجمعنا من هنا على باب المدرسه وبات المظاهره
لسه بنقول يا هادى ومطلعناش من الشارع حتى لقينا شويه مخبرين وده طبعا نظرا لخطورتنا على امن الدوله ...( الى هى مش مصر طبعا والمعنى فى بطن الكاتب)
قعدوا يحدفونا بالطوب ساعتها حسيت اننا صح ومدام بعتولنا حد يبقى فى امل وان ممكن نعمل حاجه وان لما نعمل مظاهرات من اعدادى يبقى هنحارب فى الجامعه
ايام زمان لما كنت بتفرج على الافلام العربى الى فيها مظاهرات بلاقى الولاد قدام والبنات ورا كنت بسال اشمعنى يومها بقى عرفت اشمعنى الولاد يومها خدوا ضرب لان المخبرين بيضربوا فى الى قدام ويحدفوا طوب على كله والمشكله ان عددنا كان بسيط حوالى 30 ولد و15 بنت تقريبا
شويه كده وسمعت صوت فرقعه وطلع شويه دخان .. تقريبا المخبرين فرقعوا شويه بمب على صواريخ لما سالت قالو لى انها قنبله بطلع دخان عشان يفرقونا .. بس مش عارفه اسم محل الاطفال الى جابوها منه
بعدها العيال حسوا ان الموضوع قلب بجد وخاصه انها كانت مدرسه خاصه يعنى معظم طلبتها مدلعين شويه وكتر الف خيرهم انهم شاركو بكلمتين
وانا افتكرت ان اخويا الصغير مستنى فى مدرسته عشان اروح اجيبه
ويومها حسيت ان المدير قالهم على المظاهر قبل ما تبدأ
loza
هناك ٣٣ تعليقًا:
ههههه
حلوه بمبمب دى
بجد بوست جميل
وانتى بقى لما وصلتى جامعه بتشاركى بقى فى المظاهرات
ولا برده بيجبلكو بمب
وسلااااااااام
انا وبفضل الله وبحمده
لما دخلت الثانويه العامه توقفت عن اى نشاط سياسى او رياضى او فنى
وتفرغت للمذااااااكره ثم المذاكره
ودلوقتى معلوماتى السياسيهمتزيدش عن معلومات بيبى عنده 6 شهور:(
ميرسى جداا لرد حضرتك والحمد لله انه عجبك
برافو علي البوست الجميل ده
وبجدحلو البمب ده
ههه
براافووووو
ياااااااااااااااه حلوة الذكريات دي ...
بس هو لي حضرتك تخليتي عن الفكرة سريعاً كدا بمجرد ما جت الثانوية العامة ... لا أعتقد ان هناك علاقة تماما بين العلم والإقتناع والعمل لفكرة حضرتك مؤمنه بيها ...
لا مانع من العودة مرة آخري وتحقيق تلك الرؤية مرة آخري ... لعل الله يأتي بالنصر من عنده أو تكونين سبب فيه ...
أسلوب في السرد جميل ... تحياتي :)
شاب نفسه يحقق حلمه
ميرسى جداا لرد حضرتك
اما بقى بالنسبه لموضوع البمب
فاحنا ان شاء الله هنوزع على زوار البلوج فى العيد الصغير
:)
sharkawoo
هو مكنش تخلى ساعتها قد ماكان تأجيل حلم بعيد لتحقيق حلم ممكن يكون قريب
وادينا لسه سايبن ث ع من سنه بس
يعنى ممكن ارجع للفكره تانى
بس المشكله ان اقتناعى بيها قل
مش اقتناعى بالفكره الفلسطينه
لان اقتناعى بيها عمره ما هيقل
الى قل اقتناعى بانى محرره الاقصى
وميرسى جداا لرد حضرتك
وان شاء الله نشوف حضرتك فى البلوج تانى
لأ يا لوزة
معقولة إنتي بتاعة مظهرات ده إنتي حتى شكلك طيب قوي
بس حلو قوي الموضوع
و طريقتك في العرض جميلة
و عندك حق و الله الواحد لما دخل ثانوي بطل يقرا في أي مجال
و كنت فاكرة إني في الكلية مش هبطل قراية لكن شاكلي مكنتش عارفة إني داخلة صيدلة
اهلا اهلا
واتارى البلوج منور
بس ايه يا كوين انتى محسسانى ان بتوع المظاهرات دول شريرين :S
وبعدين ده كان قيام الشباب
وليت الشباب يعود يوما:(
عندك حق انا حاسه ان الكليه مفرقتش كتير عن ث ع بس ان شاء الله هبدأ انظم وقتى عشان ارجع اقرا زى الاول
انابعد البوست دة بجد انتي مش متخيلة الحالة اللي انا فيهادلوقتي انابجد مبسوووووطة جدا اني سمعت منك الكلام الرائع دة ربنا يكرمك ياجميل:)
وفعلا حاولي تستمري لعلك تكوني فعلاسبب في نصرة الاسلام
وتكوني لوزا الايوبي:D
حاجات كتير كنا بنعملها واحنا صغيرين بعفوية ونقاء
لما كبرنا نفس الحاجات فضلت جوانا بس أصابها ما يصيب كبار السن من مختلف التغيرات وبدأت تضمحل
يالا كله خير
تحياتي
ولقيت بحث كنت عملاه عن اليهود وانا فى 2 اعدادى بعنوان " السجل الاسود لاسرائيل فى المنطقه العربيه
بحث من وانتي في تانية اعداداي
ايه يا جدعان....ليه بتحبطونا كدا :S:S:S:S
هو مش انتم زينا ليكم ايدين ورجلين
انا عرفت معنى كلمة بحث في اول سنة ليا في الكلية اساسا....وانتي من تانية اعدادي كنتي بتعملي بحث....
امال حالا بتعملي ايه بأى....أيه الاحباط اللي الواحد فيه دا :S:S:S:S
دا الواحد طلع متأخر اوىىىىىىىىىىىىىى
مرموره
ربنا يبسطك كمان وكمان
طب ما تروحى تقريه كمان مره بقى :D
وفعلا حاولي تستمري لعلك تكوني فعلاسبب في نصرة الاسلام
وتكوني لوزا الايوبي:D
بس لحسن اصدق ...اصلا ما بصدق اصدق :D
حد فهم حاجه :S
سمسم
عندك حق فعلا بس مهما قلت حماسنا ليها بتفضل فى قلوبنا والاحلى انها كانت ذكرى فى طفولتنا
ونورت البوست
ومن الشباك
لا مؤاخذه يعنى
مبتدخلوش من الباب ليه
يعنى هى معموله عشان تدخلوا من
الشبابيك بردو..!!؟؟
:D
وبعدين ربنا ميجبش احباط ولا حاجه
حكايه الاحباث دى كانت تخصص السته بتوع صيدله فى اعدادى ما عدا سنفوره
امال حالا بتعملي ايه بأى
بأور كوسه وبتنجان :(
....أيه الاحباط اللي الواحد فيه دا :S:S:S:S
دا الواحد طلع متأخر اوىىىىىىىىىىىىىى
لو حضرتك احبط قوى كده ممكن اشيل الجمله دى من البوست
بس والله هى كانت ابحاث على قدنا
ياااااااااااه يا لوزا فكرتيني بايام
النضال
اسلوبك هايل
مش فاكر بصراحة كنت في سنة كام بس فاكر انه كام مذبحة الحرم الابراهيمي
ساعتها طلعنا من المدرسة وقلنا هنعمل مظارهة ورحنا علي اقرب ميدان زي ما بنشوف في التلفزيون وقلنا اكيد هناقي حد يجبنا اليفط اللي هنقف بيها والتلفزيون هيجي يصورنا وبتاع وفي ناس جهزت كلمة عشان تقولها لما التلفزيون يجي
الصدمة بقي كانت ايه
ان رحنا الميدان لقينا الناس مستنينا واليوفط موجوده والتلفزيون في قناه بتصور
والامن المركزي كان موجود
طبعاً في ناس فرحت ان المظاهرة سمعت وكل دول ناس جين يحضروا وناس تانية معجبهاش النظام وشايفن ان المظاهرة دي بتاعتنا المفروض يسيبوا اليفط دي ويمشوا هما
ودا اللي حصل بالفعل
فجاه لقينا كله بيجري وسايب اليوفط دي
والناس اللي لابسه اسود بيجروا معاهم لحد اما اللي كانوا شايلن اليوفط دخلوا المسجد
السؤال بقي
احنا كنا فين دا اللي معرفتوش
اللي عرفته اني بقيت لواحدي واني جعان واني عايز اروح دلوقتي حالاً ونشوف موضوع المظاهرة دا بعدين
محمد
ياااااااااااه يا لوزا فكرتيني بايام@
النضال
اييييييييييه ما دايم غير الله
وناس تانية معجبهاش النظام وشايفن @
ان المظاهرة دي بتاعتنا المفروض يسيبوا اليفط دي ويمشوا هما
ودا اللي حصل بالفعل
انتو قلبتوها خناقه على اليفط..!!؟؟
:s
وبعدين المفروض كل واحد يبقى عامل
حسابه ويطلع بيفطته
مظاهرتنا ملحقناش نعمل يفط لانها جت فى دماغنا كفره فجأه
ونفذناها على طول:(
ونورت البلوج
ميرسى جدااا لردك
ياه .. انتي جميلةاوي فعلا
يارب يحقق الحلم دا ويكون ليكي دور
كبير في قضية فلسطين ..
وبعدين ايه الافكار دي مظاهرات ومن اعدادي .. دا انا ماعرفتش المظاهرات دي الا وانا في الجامعة :D :D
ربنا يحميكي .. على فكرة انا في صيدلة برده في 3 .. واي خدمة
الصيدلة للجدعان :D
نور
ياه .. انتي جميلةاوي فعلا@
عرفتى منين :D
ربنا يخليكى يارب ده بس من زوقك( وش مكسوف)
وبعدين ايه الافكار دي مظاهرات ومن اعدادي .. دا انا ماعرفتش المظاهرات دي الا وانا في الجامعة :D :D
احنا فى الجامعه بنتفرج بس
على فكرة انا في صيدلة برده في 3 ..
يعنى هنقولك كفااااااره قريب ان شاء الله
حلو البوست ده . .
انا بقى الحمد لله لا مظاهرات ولا يحزنون لأني قضيت معظم حياتي في الامارات و الناس هناك بتبقى متنحه شويه وكده بس فارك انا في تانيه ثانوي كان في مظاهره عن فلسطين واشتركت فيها و ساعتها قفلوا علينا المدرسه مش اكتر و بعتوا صحفيين حتى كان في شوية عيال اصحابي طلعوا عشان يتصوروا مش اكتر. . (عالم دماغها فاضيه ) . . أما بقى في الكليه فانا بتفرج على المظاهره من بعيد الا يمكن مره اشتركت في مسيرة احتجاج في الكليه و اصحابي قعدوا يقنعوني لحد ما طلعوني بعيد عن المسيره . . .اصل الامن عندنا لذيذ جداً. .
مساء الخير يا فندم
وراك يا ريس
تحياتى
mozahrat ya 7`br
ana msh btklm fe elseyasa
ana b7`af elhokoma msh betrham
bs bgd nice post ya loza
w nase7a eb3dy 3n elseyasa
شعور جميل اوى لما الواحدبيحس انه بيعمل حاجه ليها لزمه وخصوصا فى السن ده انا كمان كنت فى المظاهرات بس المخبرين مكنش معاهم بومب بس كان معاهم خرزانات تخينه بيضربو بيها العيال
كنا عيال بقي ساعتها
ومتصورين انهم بيصرفوا لكل متظاهر يفطة
واصلاً مفكرناش في الحاجات ديا يعني كنا بنشفهم كدا وخلاص
المهم مش ناوية ترفعلنا نسخة من البحث اللي كنتي عملاه؟
DR_NIGHTWING
انا بقى الحمد لله لا مظاهرات ولا يحزنون لأني قضيت معظم حياتي في الامارات
طب دول هيتظاهروا على ايه
مالحياه عندهم فوللى
لا بنق ولا بنحسد:)
في تانيه ثانوي كان في مظاهره عن فلسطين واشتركت فيها و ساعتها قفلوا علينا المدرسه مش اكتر و بعتوا صحفيين حتى كان في شوية عيال اصحابي طلعوا عشان يتصوروا مش اكتر. . (عالم دماغها فاضيه ) . .
اهم حاجه النيه : D
بس الحمد لله مش التليفيزيون جه وتحقق هدف المظاهره:D
المظاهره من بعيد الا يمكن مره اشتركت في مسيرة احتجاج في الكليه و اصحابي قعدوا يقنعوني لحد ما طلعوني بعيد عن المسيره . . .اصل الامن عندنا لذيذ جداً. .
طب الحمد لله ان اصحابك طلعوك:)
بربر
مساء الخير يا فندم
مساء النور يا مرسى
وراك يا ريس
فلنتفقد امور الرعيه:D
كومى
w nase7a eb3dy 3n elseyasa
هبطل السياسه واكون انسان جديد
ومن اول يناير هقول كلام عبيط
واييييييييييييييييييييييه
مجدى
انا كمان كنت فى المظاهرات بس المخبرين مكنش معاهم بومب بس كان معاهم خرزانات تخينه بيضربو بيها العيال
الخرازانات بتاعتنا كانت رفيعه
بالنسبه للبمب مهى مش اى محافظه يستخدموا لها بمب:D
محمد
المهم مش ناوية ترفعلنا نسخة من البحث اللي كنتي عملاه؟
ما بلاااااااااش
انا خايفه عليكم
اتوكلي علي الله
محدش بيموت ناقص عمر
سيبيها علي الله
looozaaa
ezzayyek ya 2amar
wa7shane moot ente wel3eyal
elmawdoo3 lazez ma3 enne lssa msh fakrah we msh fakra enne tele3t ma3ako elmozahra
yemken 2kon ana elle balla'3t feko :)
على فكرة يالوزا البوست بتاعك جامد وحكاية البمب حلوة وانا اسراء على فكرة بنت خالت سمر
سخسوختى
wa7shane moot ente wel3eyal
وانتى كمان وحشانا قوى يا ظوظو
انا مبخرجش من غيرك
وانتى عارفه السبب :D
fakrah we msh fakra enne tele3t ma3ako elmozahra
يمكن كنتى غايبه يومها
كهرمانه كمان فكراه
yemken 2kon ana elle balla'3t
feko :)
وانا الى فكراه المدير .....!!!!؟؟؟؟
ان بعض الظن اثم:(
سوسا
ربنا يخليكى يا اسراء
ابقى سلمى لى على ايه وعلى الى جمبك:)
إرسال تعليق