لذااااااااااا فقد قررنا اننا نضيف صفحة سادسة تعرفكوا علينا اكتر
1-الصفحه الدينيه
قال رسول الله- صلى الله عليه وسلم- :" احفظ الله يحفظك احفظ الله تجده اتجاهك اذا سألت فاسال الله واذا استعنت فاستعن بالله واعلم ان الامه لو اجتمعت على ان ينفعوك بشىء لن ينفعوك الا بشىء قد كتبه الله لك وان اجتمعت على ان يضروك بشىء لن يضروك الا بشىء قد كتبه الله عليك رٌفعت الاقلام وجفت الصحف" صدق رسول الله - صلى الله عليه وسلم-
بس كده :)
...............................................................
2- صفحه التناحه
دى صوره من لقطات الكام مكنش ينفع نعديها
دلوقتى الصوره هتكلمكم عن نفسها بس ركزوا شوية
...............................................................................
3- صفحه اخبار اليوم
اخر اخبارنا ان الحمد لله خلصنا امتحانات بعد ترم تقيل جدااا وامتحانات اتقل "يعنى اهم خبر اننا رجعنا "
الشهر اللى فات لوزة فازت بالتوب بوست
وبما ان لوزة مقلة فى الكتابة ولما بتكتب بتفوز بالتوب بوست
ف قررنا نحن الستة ان بقية الشهر هيبئا بوستات ل لوزة بس عشان نعمل تصويت الشهر الجاى عليها وتفوز ببوست من بوستاتها التوب بوست هدية مننا
عيد ميلادfnan_ geology تم عشرين سنة
كل سنة وانت طيب
ودلوقتى تقدر تغنى منير براحتك
4- صفحه الاجازه (بدل الصيدليه)
كل اسبوعين اجازه وانتو طيبين
ناوين تعملوا ايه فى الاجازه..!؟
بالنسبه لنا .. فاحنا بنفكر نعمل حاجه فى الكليه
بس لسه بندرس الموضوع
ولوعرفنا نكمله هنقولكم عليها الترم التانى ان شاء الله
وفى حاجه كمان هى صحيح مطرقعه شويه
بس الفضول بقى D:
صحيح لسه معملنهاش بس بنرتب لها بردو
5-صفحه التسالى
دخلنا فيلم احلام حقيقه من ايام امتحانات العملى كده
تمثيلهم كلهم كان حلو بس حنان ترك وداليا البحيرى كانوا معديين
وتصوير الفيلم كمان كان جديد و مختلف
ممكن تكون فكرة الفيلم متاخدة من فيلم اجنبى
بس فعلا التصوير فوق الممتاز
الفيلم كله كان لذيذ
بس مشهد حنان ترك وهى بتنتحر كان استعباطه من المؤلف
الصورة اللى فوق دى من احلى الصور اللى فى الفيلم حنان ترك بتبص للنور عشان متنامش
...............................................................
6- الصفحة السادسة
كنا مجهزين اننا نعمل سلايد ملوش حل و يبئا مفاجأة المجلة دى يعرفكوا بينا اكتر
وبما ان احنا جهلة تكنولوجيا مش عارفين ننزل لا اغنية ولا سلايد
ف كل ما نعمله و نحط الكود يطلع فيه القطط الفاطسة
وحتى الشكل اللى عملناه مش هوا اللى فى اللينك تحت
ف هتتفرجوا على حاجة كدة على ما اوسم
ومرضناش نستعين بالكلاوى الجينيس بتاعتنا "كهرمانة"
http://www.slide.com/r/LnTWpczG6T_F9ulHwOltddwShVpRdHYe?previous_view=lt_embedded_url
الستة بتوع صيدلة
هناك ٣٣ تعليقًا:
welcome back
عملتوا إيه في الأمتحانات يا بنات ؟؟
أجازة سعيدة عليكم بإذن الله
و إيه الـ slide الرهيب ده !
و كمان صورة المدرج و الناس مأنتخة فيه .. دي كانت أمتي دي .. هتدمروا سمعة كليتنا العظيمة كدة !!
happy holiday
الله عليكو...اول حاجة الواحد يقراها في أول يوم أجازة تطلع حلوة كده؟؟
طول عمري كنت بسحدكو عالمدرجات النضيفة..بس الظاهر إني تنازلت عن الموضوع ده دلوقتي..ههههههههه..مالها مدرجات طب ..دي حتى يفوح منها رائحة القرت التمناشر..ناوي اعمل ايه في الأجااااازة..لما اعرف ابقى اقولكو بقى..سلام إلى حين0
سبحان الله
أرجع من أجازه التدوين ألاقيكوا و صلتوا العدد السادس
و كمان أنا أول واحد يعلق
الحمد لله
فين صفحة التناحه ... هه
و بعدين إيه موضوع الموضوع إللي هندرسه و بعدين نقول لكوا عليه ... طب اتكلمتوا عنه ليه في الأساس ... تشوقونا و خلاص
بالنسبه لفيلم أحلام حقيقيه ... الفيلم معجبنيش
في حاجه اسمها طراز ... الرعب كله جو أمريكاني ... في حاجه اسمها رعب مصري ... و مصر مليانه حاجات مرعبة
يا رب النتيجه تطلع حلوه معاكم بإذن الله
أنا رجعت و سايب لبريك مفاجأه عندي في المدونه
سلاااااااااااااام
WELCOME BAAAAAAAACK !!!!!!
Good Work w ya rab tegebo magame3 3alya ya rab..
w el magala gamda mooooottt bas ana mesh fahem No.6 2ento 3ayzen Slideshow ya3ny wala eh ana mesh fahem ?
elslide dh gamd gdn bgd fkra 7lwa awy
اولا ويلكم باك يابنات
ومبروك على انتهاء الامتحانات الخنقة فى الكلية الخنقة دى
ثانيا : انا عارف انتوا ليه كاتبين الحديث ده بالذات
وعاوز اقولكم ولا يهمكوا كل اللى بيحصل من الكلب اللى بيهوهو ده
ثالثا بئة
بخصوص الصورة.......ليا عتاب صغنتوت
هو مش صغنتوت هو كبير
الشخص اللى انتوا حاطين صورته ده يبقى صاحبى باسم
واحنا كنا بنلعب كورة ورجله اتعورت وعشان كده طلع رجله فوق المدرج
واحنا طبعا كنا قاعدين جنبه
انا تقريبا اللى جنبه على طول او جمال مش فاكر
بس عموما يعنى
انتوا ترضوا ان حد يصوروكوا ويعمل كده ........وانتوا مش تعرفوه حتى عشان تعملوا كده
فياريت كنتوا تفكروا يعنى قبل ماتحطوا الصورة دى
وعلى فكرة انا لما وريتهاله زعلى جدا جدا جدا
وبيشكروكوا اوى
بس .........
ومرة تانية ويلكم باك
bad pharma boy
حمد لله بالسلامة وعملتوا ايه فى الامتحانات ؟؟ , وبعدين فى حد فى صيدلة يروح ايام الامتحانات السينيما ؟ , يلا بالتوفيق واجازة سعيدة ياااااااارب
اولا طبعا مبروك عليكم وعلينا انتهاء الامتحانات ويارب يكرمكم ويكرمنا فيها
ثانيا الصراحه راحه انا معجبنيش خالص اى حاجه فى المجله دى مع احترامى الشديد
بس دى مش زى اى واحده قبليها
الصراحه دى اكنها بكش
الصفحه الدينيه اوك ما فيش كلام عليها
صفحة التناحه سيبكم منها دلوقتى
اخبار اليوم هو الاخبار فى كده
صفحة الاجازه ايه لزمتها ما فيهاش اى حاجه
وهكذا صفحة التسالى الفروض تسالى تكون بالمعنى المفهوم مثلا نكته فزوره لغز اى حاجه من الحاجات دى
الصفحه الجديده اللى هى المفروض صفحة
تعرفنا عليكم اكتر
انا عرفت قطه والكليه مضلمه والمدرج
نرجع بقى لصفحة التناحة المفروض ان الصفحه دى بيبقى فيها حاجه رخمه حاجه تناحه
ايه بقى التناحه فى الصوره دى
وكمان زى ما حسام قال ترضوا ان حد يصوركم ويعمل بيها اللى عاوزه
وواحد رجليه بتجيب دم ومتعوره جامد
وهو ولا حاططها فى وش دكتور ولا طالب ولا حد قصاه
وثانكسسسسسسسسس
زى ما bad pharma boy قالكم متشكرين اوى وميرسى اوى على ذوق حضراتكم اصل واضح انكم كلكم ذوق اوى على فكرة بس عشان انتوا ذوق اوى يعنى انا مش حرد عليكم وميرسى كمان مرة بس ابقوا خدوا بالكم من نفسكم لحسن تتحسدوا على ذوقكم وربنا يوفقكم
محمود
@عملتوا إيه في الأمتحانات يا بنات ؟؟
الحمد لله
اييييييييييه امتحانات وعدت
@و إيه الـ slide الرهيب ده !
يارب يكون عجب حضرتك
@ هتدمروا سمعة كليتنا العظيمة كدة !!
هى متدمره لوحدها :d
احمد المصرى
@طول عمري كنت بسحدكو عالمدرجات النضيفة..
ماحنا الى منضفينها بالباطو
@دي حتى يفوح منها رائحة القرت التمناشر..
D:
دى حته شكلها حلو من بره
كده سبونسر
@أرجع من أجازه التدوين ألاقيكوا و صلتوا العدد السادس
يااااااااه ده انت اتاخرت اووى حمد لله على السلامه
@و كمان أنا أول واحد يعلق
:s
انت 3 واحد
بس هنمشيها اول عشان الاجازه
@بالنسبه لفيلم أحلام حقيقيه ... الفيلم معجبنيش
هو الفيلم عجبنا بصراحه
يس
@Good Work w ya rab tegebo magame3 3alya ya rab
ده عشان التنسيق D:
@fahem No.6 2ento 3ayzen Slideshow ya3ny wala eh ana mesh fahem ?
احنا حاطين سليد بس مش عارفين نحط لينكه فى البلوج دى كل الحكايه
سعيد
@elslide dh gamd gdn bgd fkra 7lwa awy
طب الحمد لله انها عجبتك :)
باد فارما بوى
@ومبروك على انتهاء الامتحانات الخنقة
الله يبارك فيك
@ثانيا : انا عارف انتوا ليه كاتبين الحديث ده بالذات
وعاوز اقولكم ولا يهمكوا كل اللى بيحصل من الكلب اللى بيهوهو ده
الى عمله ده مش عيب فينا قد ما غلط فى نفسه
@ثالثا بئة
الشخص اللى انتوا حاطين صورته ده يبقى صاحبى باسم
واحنا كنا بنلعب كورة ورجله اتعورت وعشان كده طلع رجله فوق المدرج
بصراحه اكتر يا د.باد شكله فعلا كان وحش جدااا فى المدرج
وغصب عنك هتنتقدها
خاصه اننا منعرفش حكايه انه متعور
انما مدام فعلا كان له سببه فاحنا اسفين جدااا وبنعتذر له
@انتوا ترضوا ان حد يصوروكوا ويعمل كده
احنا لو عملنا حاجه غلط ومن غير مبرر واضح يبقى فعلا بنعرض نفسنا للنقد
وبصرف النظر عن انه صاحبكم او ان انتم الى فى الصوره فاحنا خبينا وشوشكم ومكنش باين غير الرجل تقريبا
والصوره متزيدش عن كونها نقد صامت
@فياريت كنتوا تفكروا يعنى قبل ماتحطوا الصورة دى
احنا فعلا شيلناها عشان حسينا اننا كنا ظالمينه
وبنعتذر تانى مره
@ومرة تانية ويلكم باك
ميرسى جدااا يا د.باد علبى طريقه عتابك لينا
زى الهوا
@حمد لله بالسلامة وعملتوا ايه فى الامتحانات ؟؟
الحمد لله ادعى لنا بقى ربنا يسترها فى النتيجه
,@ وبعدين فى حد فى صيدلة يروح ايام الامتحانات السينيما ؟
ده احلى وقت تروحى السينيما
,@ يلا بالتوفيق واجازة سعيدة ياااااااارب
ياااااااااااااااااااااارب
جمال بوتر
@اولا طبعا مبروك عليكم وعلينا انتهاء الامتحانات ويارب يكرمكم ويكرمنا فيها
امين
@انيا الصراحه راحه انا معجبنيش خالص اى حاجه فى المجله دى مع احترامى الشديد
بس دى مش زى اى واحده قبليها
الصراحه دى اكنها بكش
سبحان الله مع ان المجله تقريبا مغيرناش فيها حاجهD:
@خبار اليوم هو الاخبار فى كده
كل المجلات الى فاتت بنعلن فى الصفحه
دى عن الى فازت بالتوب بوست
@فحة الاجازه ايه لزمتها ما فيهاش اى حاجه
تقدر تقول تعبير عن بدايه الاجازه
@كذا صفحة التسالى الفروض تسالى تكون بالمعنى المفهوم مثلا نكته فزوره لغز اى حاجه من الحاجات دى
تقريبا دى اول مره تقرا فيها المجله
الصفحه دى بتبقى نقد فيلم شريط اعلان عن اغنيه عمرنا ما نكتنا ولا قولنا فوازير
وبعدين بصراحه اكتر احنا بنكتب الحاجه
الى عايزين نكتبها
@لصفحه الجديده اللى هى المفروض صفحة
تعرفنا عليكم اكتر
انا عرفت قطه والكليه مضلمه والمدرج
طب الحمد لله اديك عرفت معلزمات جديده
وبعدين مش كل زوار البلوج شافوا الكليه لانهم ببساطه مش كلهم من صيدله
ولا من طنطا
@ايه بقى التناحه فى الصوره دى
حضرتك شايف انه عادى لما حد يقلع الشوزه بتاعته ويحط رجله فوق المدرج ...!؟
@وكمان زى ما حسام قال ترضوا ان حد يصوركم ويعمل بيها اللى عاوزه
@وواحد رجليه بتجيب دم ومتعوره جامد
وهو ولا حاططها فى وش دكتور ولا طالب ولا حد قصاده
كان فى طلبه قدام
ومكانش باين فى الصوره ان رجله بتجيب دم واحنا فعلا مكانش نعرف انه رافعها لانها وجعاه
ولما عرفنا اعتذرناله وشيلنا الصوره
غير معروف
لو حضرتك د.باسم فاحنا اسفين جدا على الصوره
@زى ما bad pharma boy قالكم متشكرين اوى وميرسى اوى على ذوق حضراتكم اصل واضح انكم كلكم ذوق اوى على فكرة بس عشان انتوا ذوق اوى يعنى انا مش حرد عليكم
تعقيب على رد حضرتك احنا مش قلالات الذوق
الموضوع من وجهه نظرنا سلوك غريب فى الكليه ونقدناه بصوره
زى بالظبط الصور الى طلعت فى مجلس الشعب
تانى حاجه مكناش نعرف ان رجلك متعوره
ولا بنشم على ادينا
تالت حاجه الف سلامه على رجل حضرتك
وان شاء الله لو رفعتها تانى هنبقى نعرف انها رجلك وانك كنت بتلعب كوره واتعورت :)
حذفنا الصوره عشان صاحبها له مبرره الطبى
وان شاء الله لو رفعتها تانى هنبقى نعرف انها رجلك وانك كنت بتلعب كوره واتعورت
معلش يعنى بس انا جالى احساس دفين ان الكلام ده ينم عن تريقه
وميرسى على ردكم لى
بس لو كانت باقى الاعداد كده وزى ما هى ومفيش اى غلطات
سورى العتب عن النظر عندى بقى
او مش بعرف اقرا
gamalpotter
معلش يعنى بس انا جالى احساس دفين ان الكلام ده ينم عن تريقه
لا هوا هزار مش تريقة و فى فرق كبير
سورى العتب عن النظر عندى بقى
او مش بعرف اقرا
هتلاقى المجلات متجمعة فى الجنب لو عايز تراجعهم واحدة واحدة
:)
وميرسى على ردكم لى
من عادات عائلة الستة بتوع صيدلة(عائلة شنبو) لما حد يقول ميرسى نرد نقول دوغى
محدش بيحكم على نفسه ومجردانكم تفكروا انكم ليكوا الحق انكم تصوروا حد اى كان اللى بيعمله حتى وان مكنش ليه عذر دى قلة ذوق ولو عندكم شك فى كده دا اكبر دليل انكم زى ما قولتلكم قبل كده وعلى فكرة انتوا المفروض تحطوا صورة جماعية لكم فى صفحة التناحة عشان انا مشوفتش تناحة زى دى قبل كده وميرسى تانى على ذوق حضراتكم
حمدالله على السلامة ويارب عقبال النتيجه
احلى حاجه عجبتني ان مش فاتني اي بوست
ده الشئ الجامد
فيلم احلام حقيقيه عجبني برضه بس مش عارف ليه حسيته امريكاني شويه مش دخل دماغي القصه المعربه دي
وبعدين انا شايف حوار وعتاب وتخبيط
مش كده يا جماعه دا انتوا ولاد كار واحد
شدوا حيلكم واستمتعوا بالاجازه
د.باسم
اولا احنا مكناش نحب ان اول تعامل مباشر بينا وبين حضراتكم بالشكل ده
ثانيا لما د.باد فارما بوى وصل لنا استياءكم باسلوب محترم يشكر عليه يشكر عليه شيلنا الصوره مع اننا من الاول شايلين الوشوش ومع اننا مش مقتنعين ان لما رجل حضرتك تتعور ترفعها على البنشات حتى لو الدكتور مكنش دخل
خصوصا ان ده ضر بشكل حضرتك قدام الطلبه والى ميعرفكش هياخد عنك انطباع مش كويس
بس احنا شيلنا الصوره احتراما لرغبتكم
ولما جينا نهزر حضرتك ود.جمال خدتوها على انها تريقه
واذا كنتوا شايفين موقفنا بعد كل الى عملناه قله ذوق فقمه قله الذوق ان حد يعتذر مرتين وحضراتكم تدخلوا تغلطوا فيه بردو
ولاخر مره احنا اسفين جدا لحضرتك
وكل اجازه وانتم طيبين
كدة سبونسر
دى جزاة اللى يسأل ليك؟
اهىء اهىء هممممممممممممممممممف
انا مبعرفش اكتب قصص
حرام عليك هتطفش شوية الناس اللى عندنا فى البلوج
:D
حمدلله على سلامتك
اولا حمد الله عالسلامه
انا من يوم 21 وانا كل يوم بدور عليكوا في المدونه بتاعتكم .بس مش لاقيكم وحتي بعد يوم 22 قلت الناس جالها حاجه من الامتحانات ولا ايه
المهم انكم الحمدلله بخير وراجعين بصفحة تناحه جديده نوفي وطبعا دي صفحتي المفضله
عجبتني ولاول مره الصفحه الدينيه لان الحديث ده انا ماشي عليه من يوم اول مره سمعته وانا في اولي اعدادي لحد دلوقت
مبروك الاجازه
سلام
و لو
حمد لله على سلامتك
:D
علفكرة احنا حبينا فكرة السلايد منك
لان بتاك ما شاء الله جميل اوى
:)
السلام عليكم
حمدالله علي السلامه ,وايه اخبار الامتحانات ,اكيد طبعا جوبتوا كويس
وهتجيبوا تقدير ان شاء الله
عشان تجيبولنا حلاوة النجاح والتقدير
اجازه سعيده وبرده ابقوا نزلوا موضوعات برده
العدد بجد جميل وعلي فكره انا برده دخلت فيلم احلام حقيقيه وكان حلو
تحياتي وسلامي ليكم
بصوا يا جماعة انا والله مليش خالص فى موضوع البلوجات ده وكل الموضوع نا حسام قالى وبعتلى اللينك فاتضايقت اوى الحقيقة وبالذات ان والله صوبعى كان متعور جامد يمكن مكنش باين فى الصورة اوى بس بجد انا مش شايف ان ليكوا الحق خالص فى اللى انتوا عملتوه ومن ناحية الاعتذارين مكنش واضح انكم اعتذرتوا خالص بس على العموم حصل خير وان شاء الله تبقى بدايه خير بينا
مممممممممممممممممم
ايه ياجماعة يعنى انا اغيب شوية الاقى خناقات
ايه ياجى انت وباسم
الموضوع خلص خلاص
انا شرحت وجهة نظرى وهما تفضلوا وحذفوا الصورة
بس ياجماعة معلش ...ردكوا على جمال كان فيه تريقة فعلا
وكمان هو قال ان العدد بتاع المجلة مش عاجبه...ودى وجهة نظره...مش لازم يعنى كل الناس تتفق معاكوا
بس ارجو ان الموضوع ينتهى خلاص كده
وشكرا لحذفكم للصورة
ولما جينا نهزر حضرتك ود.جمال خدتوها على انها تريقه
انا ماخدتهاش انا ده اللى حسيته
واذا كنتوا شايفين موقفنا بعد كل الى عملناه قله ذوق فقمه قله الذوق ان حد يعتذر مرتين وحضراتكم تدخلوا تغلطوا فيه بردو
فين الغلط اللى حصل
وعلى العموم حصل خير
zika
منتحرمش منك يارب
احنا بس كان عندنا شفوى يوم 23
وعلى ما ظبطنا خططن اوعايزين نعمل ايه بالظبط
الحمد لله ان المجلة عجبتك
مبروك علينا وعليك الاجازة
:)
جمال بوتر
@وعلى العموم حصل خير
صافي لبن حليب يا انجوى
صافي لبن حليب يا انجوى
زبادو
إرسال تعليق