.jpg)
مرمر....بجد وحشتينى اوى ...البيت ملوش طعم من غيرك بجدانا اسفة مكنش قصدى
مكنش قصدى اهملك اليومين الاخرانين...غصب عنى لو كنت اعرف انك هتزعلى كدا مكنتش سبتك..بس انا كنت زعلانة اوى
انا مش عارفة انتى متي ليه ...طبعا دا قضاء ربنا
بس لو كنتى متي من البرد _مع انى معتقدش _ زى ما بيقولو..فهيا غلطتى عشان مختش بالى منك فى الجو ده
ولو كان الموضوع نفسى فهيا بردو غلطتى لانى كنت حسة انك تعبانة مش حسة انا كنت متأكدة ..و معملتش حاجة كل اللى عملته انى قلت لماما انك شكلك تعبانة جت تروح ناحيتك طرتى دخلتى العش !!
مش عارفة انتى كنتى بتضحكى على نفسك ولا على ماما
ولا هوا عشان اسمك مرمر لازم تكونى كدا !!
بجد انا متضايقة اوى وزعلانة اوى وندمانة اوى و تعبانة اوى وز هقانة او ى و بحبك اوى و وحشتينى اوى
انا حبيتك اكتر لما سبتينى
بس هيفيد بايه !!!
مرمر هيا الصفرة اللى فى الصورة اللى فوق :(
و العصفور التانى دا كان اسمه صفصف
كان بيضرب مرمر قبل ما تموت بيوم وانا شفته بس مجاش فبالى انه ممكن يموتها فى الاخر
او الله اعلم مش عايزة اظلمه ممكن ميكونش هوا اللى موتها
المهم ان مرمر ماتت فى الاخر
break
هناك ٢٣ تعليقًا:
:(
الله يرحمها
أنا كنت قربت أعيط
ربي سمك أسهل يا بنتي
:D
الله يرحمها
اهي ارتاحت مننا
تصدقي أحيانا مبنعرفش قد ايه اللي بيحبونا بيعزونا
وبنكتشف قد ايه بنحبهم ومحتاجينلهم بعد فقدهم
ومتربيش حاجة احسن
ارتباطنا بالأشياء والناس بيوجع
فكفاية علينا الناس
زمان وانا صغير كان عندي عصافير
وكان عدي سمك
السمك واحد قريبي خده
والعصافير مش فاكر راحت فين
معلش ربنا يعوضك عم مرمر
معلش يا بريك
بس فكى بأه
انا قلتلك نعمل عزا فى الكلية امبارح و اهو يبقى على مرمر و على العقاقير بس انتو خفتوا نفول على العقاقير
ما كنتوش عارفين انها مش محتاجة تفويل
وانا صغيرة كان عندنا عصفورتين واحدة طارت و صعب علينا جوزها قلنا نطيره
وعينك ما تشوف الا النور لان العصافير المصرى بتاعتنا كان بهدلت بكرامته الارض من اول ريشة طلعها من البلكونة اكنهم اول مرة يشوفوا كنتوش بلغة كنافة
المهم البقاء لله فى مرمر و فى العقاقير ):
ضكتورة
......
ايييييييييييييييييه..قطيعة..محدش
بيكولها بالساهل
نسأل الله ان يعوضك خيراً من مرمر
وان يرزق آل صوصو الصبر والسلوان
قهوة سادة هنا يابني!
تحياتي
ويجعلوبالصبر عاااااااااااااااامر
WHISPER
بس احنا مربيين سمك فعلا
اربع سمكات على زوزو و نودى و ياسو و بزموت
ربنا يخليهملى
نهى جمال
احنا جبنا عصفورتين بدالهم
بس مش عارفة احبهم
ارتباطنا بالأشياء والناس بيوجع"
فكفاية علينا الناس "
:(
mohamed
و يعوض عليك انت كمان
حد يتخلى عن عصافيره وسمكه!!
sa5so5te
انا كنت حسة ان موت مرمر فال وحش اصلا
قبل العقاقير بيوم
يلا حصل خير
اهى مادة و هتعدى يا متعديش
سمسم
:(((((((((((
ميرسى عالقهوة
منجلكش فحاجة وحشة
متزعليش يا ميرو
نصيبها كده
وبعدين العصافير الجداد لذاذ قووووووووى والله
واحلى من مرمر وصفصف
وربنا يخلى لك ياسو ونودى وظوظو وبزموت:D
معلش يا بريك يمكن كانت تعبانة...متجيبي قطة
انا كمان عندي عصفور بقالي فترة مش بيغني وخايفةيكون تعبان هو كمان
يلا ربنا يعوض عليكي
loza
انتى هنا يا بت
خشى ابعتيلى الصور بدل ما اتصل اهزقك
العصافير الجداد مش احلى من صفصف و مرمر ولا حاجة
iman
اكيد زعلان عشان عصفور بس
ولا هوا عنده عصفوراية؟
ربنا يخليهولك
ان شاء الله القطة جاية فى الطريق
تحياتى
فكرتيني بحكاية السمكة البربتقالية
-_-
dr/amr
ايه حكاية السمكة البرتقالية ؟
@break
السمكة البرتقالية دي حكايتها حكاية
http://hyperminds.blogspot.com/2006/11/blog-post.html
متزعليش يا مرمر
العصافير الجداد حلوين بجد ارق من القدام
و بعدين كفاية انهم مش بيضربوا بعض
العصفورة مسيطرة على الموقف
و حلوة اوى حكاية السمكة البرتغالية بتاع دكتر عمرو
dr\amr
لذيذة اوى الحكاية
انا دلوقتى فهمت ليه السمك ساعات بيتخانق مع بعضه
:( مش هنسى احطلهم الاكل تانى
kahramana
محدش يقول العصافير الجداد احلى من الاودام لحسن ازعل منه بجد
مرمر وصفصف كانو احلى
كان عندى سمكه
و ماتت
..:(
catroz
افهم من كدا انك بتفولى على سمكاتى
ربنا يخليهملى
تحياتى
الله يرحمهم ياسمورة مش تزعلى
تحياتى
إرسال تعليق