اسفه جدااا انى اعتبرتك انا
اسفه انى عيشتك فى ايامى
اسفه انى كنت بفكر معاكى بصوت عالى
اسفه لو اعتبرت كل اخطاءك سوء ظن منى
اسفه انى مع كل مره بزعل فيها منك
برجع لك زى الاول
والمره الى بعدها تثبتى لى
قد ايه انا عبيطه
وانك متغيرتيش
اسفه لو كنت شغلت جزء من اهتماماتك
حتى لو كنت اخر حاجه بتفكرى فيها
مع انك اول حاجه بفكر فيها
اسفه انى حبيتك اكتر منى
الاعتذارات دى كلها مش ليكى
انا بعتذر ليا
واوعدك انى مش هستناكى تتغيرى
انا الى هتغير
البوست لحد مش من البلوج
بس احيانا بتفتكرنى
وتفتحه غلطه
loza
هناك ٦١ تعليقًا:
لوزا ..
ماتستغربيش .. أنا لسه سايبه تعليق من فترة عند موناليزا .. باقولها ان الطعنه مش بتيجي غير من أقرب الناس .. وأعلمهم بخبايانا واللي في قلوبنا
وقلتلها كمان : احذر عدوك مرة واحذر صديقك ألف مرة .. لأنه أكتر حد عارف فين الطعنه بتوجع وفين يكون الألم صح .. عارف أكتر حاجه ممكن تألمنا
والمشكله اننا بسهوله ممكن نسامح .. ويكون رد الجميل طعنه تانيه وتالته طالما عندك القدرة علي المسامحه تلاقي عنده القدرة علي الجرح
حاولي تداوي جرحك وماتآمنيش لحد تعمد تكرار الأذي
تحياتي ودمتي بخير
lyssandra
واضح ان كل واحد بيبقى متوقع الاحسن من اللى قدامه بس
و بينسى نفسه
الحد اللي إنتي كاتبه عنه شكله مضايقك أوي
معلش هي الدنيا كده بس غدر الأصحاب بيبقي مؤلم لأبعد الحدود
تحياتي ليكي وألف تقدير لشخصك الكريم
أهلاً بيكي
أيوة كويس ان انت اللي تتغيري
قرار موفق أحييكي عليه
أنت تضمني نفسك في هذه الأيام أكثر بكثير من أن تضمني غيرك ....
طريقة عتابك راقية وفيها ما يدل علي أنها هي الخاسر الوحيد
ربنا يوفقك ويباركلك في الستة ...مش كفاية عليكي ولا ايه !!!!!!!
علي فكرة عجبني أوي رد سارة ....قوليلها ايه العقل ده كله لأ بجد ...كلمة وبينسي نفسه دي عجبتني أوي أوي أوي ...وبينسي نفسه
تقبلي تحياتي وفي انتظارك علي طول بعد الإمتحانات ان شاء الله
بالتوفيق..............
مش عارفه ليه كل موضوع اقراه اتأثر اوى كده
يمكن علشان ده حصلى ولا انا اندمجت اوى معاكى
بس ع العموم
الخيانه ممكن تيجى من اقر الناس
بس لو كان الصداقه او الحب بينهم جامد
ممكن احد الطرفين يتغاضى عن كده
it is my opinion
dr_tofa7a
طبعا لازم انتي اللي تتغيري
سامحنا مره واتنين وعشره
بس تقريبا التاني بيفتكر دا ضعف مننا
مش فاهم ان ده تسامح
اذن خلاص
ربنا يخليلك السته
فعلا هيه دي الصداقه الحقيقيه
ههههههههممممممممم
ليه بس كدا؟؟
ع العموم بيتهيالي من الاول الانسان ميديش فرصة احد انه يجرحه وميقربش من حد للدرجة اللي تخلي الجرح ياثر فيه وعلى حياته
تحياتي
مممممممممممممممممممممممم
صعب ارد عشان بفتكر حاجات ..:)
الاعتذارات دى كلها مش ليكى
انا بعتذر ليا
واوعدك انى مش هستناكى تتغيرى
انا الى هتغير
----------------------------
هممممممممممم الموضوع شكلة كبير صح..؟
بصى يا سيدتى الموضوع ببساطة ربما هو سؤ نظر ربما هو غياب بعض الاحدث..
صدقينى كل شئ يتم حلة بالهدوء...
بس الحالة جميلة يعنى مش هعلق على الموضوع تعليقى على الحالة
واشك انك هاتتغيرى
ربنا يهدى النفوس
بصى انا اللى انت تقصديها بالبوست
بس عايزة اعرفك حاجه
انتى عارفه ومتاكده انتى ايه فى حياتى
يمكن مش حاسه بس صدقينى انا بحيك اكتر مانتى بتحبينى بكتيييييييييير
وللاسف كل مره ازعلك بيبقى فعلا فى ظروف انتى مش عارفاها وبكون متعصبه وانتى بقى تقفيلى على الواحدة فبتعصب اكتر
لكن عمرى ماقدر اجرحك او ابعد عنك زى مابتقولى يا وحشه
واسمحيلى اقولك انا المره دى
انـــــأ اسفـــــــــــــــــــه
يا احلى ميمى
ومش تزعلى منى لان انا وانتى حاجع واحده يا بنوته
انا بحسك بنتى فاكره كلمه (م م )دى بنتى
النهارده
(ميمى) دى بنتى
وعلى فكره انا بفتح البلوج كل يوم من وراكى(وش بيغمز)
هو ماليش فيه بس كلام جميل
لوزا
ربنا يصبرك على ما بلاكي ... لو هو مش كويس يبقي ربنا خلصك منه ... أما لو هو كويس وبتحبيه لازم تستحملي وترجعيله محدش لاقي حب اليومين دول
فعلا الالم لما بييجي من ناس قريبه منا بياخد وقت اكتر علي ما يتصلح مكانه
و أنا قبلت أسفك :D
صباح الصباح لا تتوقعى الأفضل من أحد احنا دلوقتى مبدأنا أبجنى تجدنى
للاسف دا حال اغلب الناس اللى بيدعوا الصداقة والوفاء
لا تندهشى فدول كتير بس كمان فى ناس كويسة بس قليلين
بوستك حلو
متوعليش انا كمان كان لى حد كدة
بس ربنا شافنى خلاص وما عدت اصدقها
كل الاحترام
انا كل ماجى ارد ...النت يفصل
بصى اللى بيحب حد
بيبقى عارف عيوبه
وعارفة كمان
احلى حاجة فى الدنيا دى"بعد عمرو دياب"
انك تلاقى حد تستريحى معاه
صعب اوى تعوضى واحدة صحابتك...وصدقينى مش هاتقدرى تعملى اللى بتقولى عليه ده
وياستى ...اكيد هيا شاركتك اوقات حلوة
افتكريهالها
لوزتي حبيبتي مين مزعلك وانا اموتهولك :P
بس هاقولك حاجه انا فعلا مقتنعه بيها كل ما اتنين يقربوا من بعض اوي خلافاتهم بتزيد لانهم بيكونوا عارفين بعض كويس اوي وعارفين هما بيفكروا ازاي يعني الخلافات ده شيئ صحي :D
ومهما قلنا قرارات في لحظه واحنا مضايقين عمرك ماهتعرفي تنفذيها
وزي ما حسام قالك افتكريلها حاجاتها الحلوه
ربنا يخليكوا لبعض:)
لازم تتغيرى؟!!!
بجد والله
سورى بس ابقى قابلينى
ممكن تعملى حاجه أسهل بكتييييير
سامحى
بس كده شوفتى اسهل من كده:)
بس برده خدى بالك
وبعدين مش هى اعتذرتلك خلاص بقى فوكك من المود ده:)
شيماء:)
ده مش بوست
ده صارخ موجه عابر للقارات
يا رب يوص صح بس
كل انسان فيه عيوب الكمال لله وحده لكن مين اللى يستاهل انك تغفرى له اخطائه ومين اللى مستهلش مجرد ذكر اسمه على لسانك
تحياتى
ولسه يا ما هاتشوفى
للاسف الطعنة بتكون اقوى كل ما كان اللى طعنها اقرب لينا
ممممممممممم
مش وقت زعل ده يادكتوره لوزه
احنا في ايام مفترجه
:D
هى الناس كدة
ابيض واسود
واسال مجرب
لوزا
دى اول مرة ادخل عندك
بس انا فاهمة كلمتك كويس
و فعلا لازم انتى اللى تتغيرى
اكتر من مرة كنت بغلط نفسى مع اللى كنت فاكرة انهم اقرب اصدقائى.. عايزة الخلاصة دايماالغلط بيكون مشترك من الطرفين.. لكن اللى بيحصل ان دايما فى طرف بيعترف بغلطه و طرف بيكابر و ما بيشوفوش اساسا..وده مينفعش.. ممكن تسامحى مرة و اتنين و تلاته ..و كمان تعترفى بغلطك ..بس اذا فضل الحال كما هو يبقى فعلا لازم تتغيرى...طولت عليكى.. بس اصلك جيتى على جروح كتيييييير.
تؤتؤتؤتؤ
حقيقي يا لوزه علي حبه صور اطفال والله بضعف قدامهم
انتي لسه علي وعدك انك تخطبيلي بنت خالك ولا ايه...؟:D:D مش عايز ارتبط عشان واثق من زوقك :D:D
بس انا شايف ان مش فيه حاجه تستاهل ان الواحد يزعل حتي الصاحب مش عاد يستاهل
كلها ايام وبنعشها
وبعدين قوليلي مين الي يقدر يزعل لوزه
احم احم احم :D:D
SHATOR
lyssandra
@والمشكله اننا بسهوله ممكن نسامح .. ويكون رد الجميل طعنه تانيه
مهى المشكله ان كل ما يزيد حبك للشخص ده بتزيد قدرتك انك تسامحى :)
ميرسى جداا على ردك
متحرميناش منك
ظوظو
مش القصد
بس لما تعاملى حد بطريقه وتلاقى منه العكس
بتضايقى جدااا وبيبقى قدامك حل من2
يتقولى له
يتغير طريقتك
اما انك تنسى نفسك دى
فهو نفسه حاسس انه غلطان وعارف انك عملتى الى عليكى
مادو
@الحد اللي إنتي كاتبه عنه شكله مضايقك أوي
جداااااااا
بس اتصالحنا تانى :d
@تحياتي ليكي وألف تقدير لشخصك الكريم
تقبلنا :d
والف شكر لردكم الكريم
غنيم ..
@أيوة كويس ان انت اللي تتغيري
منا طلعت طلعت ونزلت على فشوشD:
@طريقة عتابك راقية وفيها ما يدل علي أنها هي الخاسر الوحيد
اى خناقه ;)
@قوليلها ايه العقل ده كله لأ بجد ...كلمة وبينسي نفسه دي عجبتني أوي أوي أوي ...وبينسي نفسه
D:
ظوظو العقل كله ..
وبينسى نفسه
ينسى نفسه
ياترى دى لها صله بابو العيال خايف لينسى ..!؟
@تقبلي تحياتي وفي انتظارك علي طول بعد الإمتحانات ان شاء الله
ان شاء الله
نورت
تفاحه
يبنتى لمى نفسك فى اكونت
بدل مانتى مجهوله الهويه كده
@مش عارفه ليه كل موضوع اقراه اتأثر اوى كده
عشان انا الى كتباه يا عسل
(ضحكه شريره)
@ممكن احد الطرفين يتغاضى عن كده
حصل يا فندم
الى اللقاء يوم 22 :(
د.بهدوء
انا صالحتها ..!
تفتكر حالتى خطر..!؟
:(
@ربنا يخليلك السته
يارب
ميرو
@ع العموم بيتهيالي من الاول الانسان ميديش فرصة احد انه يجرحه
هو مكنش جرح قد ما كلن عدم اهتمام
بس انا معاك فى رايك ان الانسان من الاول هو الى بيحدد طريقه تعامل الناس معاه
نورت
سفاح كرموز
@صعب ارد عشان بفتكر حاجات ..:)
علينا بردو حركات السفاحين دى
شكلك كده مطلع عين اصحابك D:
الغزالى
@هممممممممممم الموضوع شكلة كبير صح..؟
صغرناه يا فندم D:
@واشك انك هاتتغيرى
شكك فى محله
هو اانا باين عليا انى بؤ (بمعنى فم) ولا ايه..!؟
الى كانت مزعلانى
صافى يالبن :)
darkskies
@هو ماليش فيه بس كلام جميل
ميرسى جدااا لردك
نورتنا :)
حماده زيدان
البوست عتاب لواحده صاحبتى جدااا
تقريبا كنت بتقرا بوست تانى فى نفس الوقت ورديت بالعكس D:
على العموم
نورت بردو
زيكا
@فعلا الالم لما بييجي من ناس قريبه منا بياخد وقت اكتر علي ما يتصلح مكانه
ايه الحكم دى..!؟
يوسف شاهين ميعرفش يقول الكلمتين دول :d
نورت
funckydoctor
@ أنا قبلت أسفك :D
ده كرم اخلاق من حضرتك يا فندم D:
@دلوقتى مبدأنا أبجنى تجدنى
المبدا الاجدد ابجنى احتمااال تجدنى
نهر الحب
صدقينى لسه فى اصحاب
مش معنا اننا زعلنا من حد فيهم
اننا مش بنحبهم او مبيحبوناش
انتى اكيد كذا مره زعلتى مع مامتك
بس اكيد بتحبيها وهى بتحبك
ربنا يخلى لى السته وصاحبتى الى كنت زعلانه معاها
لانى بحبهم جداااا
متخيلتش الحياه من غيرهم
د.باد
اولا كده منور البلوج
@احلى حاجة فى الدنيا دى"بعد عمرو دياب"
قصدك احلى حاجتين :d
@وياستى ...اكيد هيا شاركتك اوقات حلوة
افتكريهالها
انا كل الى كنت بفكر فيه انى اغبير استراتجيه التعامل مش الغيه
بس حتى دى معملتهاش
لاننا اتصالحنا
الخناقه الى جايه بقى ان شاء الله
ميرسى جداا لردك
شو
@لوزتي حبيبتي مين مزعلك وانا اموتهولك
بعد الشر ..
@ومهما قلنا قرارات في لحظه واحنا مضايقين عمرك ماهتعرفي تنفذيها
انا عارفه انى مش هقدر انفذها
والا كنت نفذتها قبل كده
نورتى يا شو
همسات دافئه
@سورى بس ابقى قابلينى
المقابله اتلغت :d
@ممكن تعملى حاجه أسهل بكتييييير
سامحى
مهو ده الى حصل
نورتى يا شيماء
كده سبونسر
@ده صارخ موجه عابر للقارات
اوباااااااااا
هتقوم علينا الامريكان
مش ناقصه
احنا بنحاول ننشر اليمقراطيه
وبنحارب الارهاب :#
@يا رب يوص صح بس
وصل يا فندم ودمرمنا بن لادن
Desert cat
@كل انسان فيه عيوب الكمال لله وحده
ونعم بالله
@لكن مين اللى يستاهل انك تغفرى له اخطائه ومين اللى مستهلش مجرد ذكر اسمه على لسانك
بجد عندك حق فى كل الى قولتيه
سوباااااااعيه :)
بجد انا اول مرة احس انو الدموع في عنيا بسبب بوست بجد حلو اوى ولمس احساسى جدا قد ايه في ناس بتخلينا نبان هبل اوى او على رايك عبيطين
تحياتى
سبهللة عالاخر
@ولسه يا ما هاتشوفى
-ليه هى سبهلله ..!؟ :d-
ربنا يبشرك :S
@للاسف الطعنة بتكون اقوى كل ما كان اللى طعنها اقرب لينا
فى دى عندك حق :(
د.كلكول
@مش وقت زعل ده يادكتوره لوزه
احنا في ايام مفترجه
:d
طب اعمل ايه طيب ..!؟
الزعل زى المرض لقدر الله
يجى وقت ما يحب :(
المتحرش بها
@هى الناس كدة
ابيض واسود
نزل منهم رصاصى بدرجاته
رحاااب
بجد نورتى البلوج
ويارب تفضلى متابعانا
@الخلاصة دايماالغلط بيكون مشترك من الطرفين
عندك حق بس فى راى بيختلف كمان فى النسبه
@طولت عليكى.. بس اصلك جيتى على جروح كتيييييير.
طولتى ايه يا بنتى
انتى ترغى براااااحتك
وبعدين ربنا ميجبش جروح ان شاء الله :)
@
SHATOR
فين الاكونت ..!؟
عايزين اثبات شخصيه لو سمحت
ممكن تطلع الكارنيه
@انتي لسه علي وعدك انك تخطبيلي بنت خالك ولا ايه...
اانا لسه مقولتلهاش
مش عارفه اذا كانت هتوافق ولا لا :d
@عايز ارتبط عشان واثق من زوقك
انت كده هتحسسنى بالذنب
انا مش عايزه اخدعك
هى عندها حرف الكاف ت والسين ث
بس يتصلحوا يعنى
@بس انا شايف ان مش فيه حاجه تستاهل ان الواحد يزعل حتي الصاحب مش عاد يستاهل
شامه ريحه خناقه ...!
ma2tshren
@بجد انا اول مرة احس انو الدموع في عنيا بسبب بوست
بجد انا اسفه جدااا
مكنش قصدى ..!
@بوست بجد حلو اوى
ربنا يخليكى
@ في ناس بتخلينا نبان هبل اوى او على رايك عبيطين
انتى عارفه عبيطين فكرتنى بواحده صحبتنا بس فى كليه تانيه وحشتنا جداااااا :(
ردك كده هيخلينى اعيط انا كمان :)
ايه ده يا لوزه ...انا شكلي جيت متأخر ولا ايه ..؟ بس يا حبيبتي مش تزعلي نفسك خالص ..والحمد لله انكوا اتصافيتوا تاني ...عرفتي بقي ان الدنيا مش مستاهله اي زعل من اي حد ..! وعلي راي اللي بيقول التمس لاخيك سبعين عذر...وبالتوفيق يا جميل ..
عارفة
يكفيكى صدقك
يكفيكى انكم فى امتحان الآدمية طلعتى انتى الانسانة بجد
المهم انك ماتفقديش الثة فى كل الناس
لسه فيه ناس تستاهل
دمتى بخير
لوزا
اوقات جرح الصيقه بكون كبير اوي وصعب يتنسى
للاسف بقينا في عالم كل اللي فيه بارعين في تمثيل الحب
تقبلي مروري
اسفك مقبول يا لوزة
بس خدى باك من مرة تانية
تحياتى
أولا آسف على عدم الزيارة عشان حصلت شوية مستجدات عجيبة من ييجي كم شهر من حاجة اتظلمنا فيها و جابتلي اكتئاب شديد قفلت بعديها المدونة و يدوب لما قربت اخرج من الحالة اكتئبت زيادة مع الإمتحانات اللي قربت و لسة شغالة لحد دلوقتي وربنا يستر و يوفقوا في امتحاناتكوا اللي سمعت إنها غير مبشرة ...ربنا معاكوا لحد ماتخلصوا..
استرقت ساعة قعدة عالجهاز عشان اعدي على كم مدونة كده و لما قريت إن اللينك بتاعي ضاع قلت أعلق بعد طول غيااااب...يخرب بيت كده بقالي كتير مبكتبش لحد ما قربت انتحر..بس تيجي الأجازة بس..بحقد عليكوا عشان حتخلصوا قبلي بييجي اسبوعين..بس يلا..أقوم بقى لحسن ماما تقتلني..إلى لقاء.
"اسفه لو كنت شغلت جزء من اهتماماتك
حتى لو كنت اخر حاجه بتفكرى فيها"
.
.
.
"واضح ان كل واحد بيبقى متوقع الاحسن من اللى قدامه بس
و بينسى نفسه"
.
.
.
اللهم الف بينهم
اللهم اصلح ذات بينهم
اللهم قهم شر الحسد
قال صلى الله عليه وسلم:"الناس كالأبل المائة لا تكد تجد فيها راحلة"..!!
بصراحة اجدتى والله كلام بجد اللى دايقك دة لما يقراة هيحتاج مية بردة تروقة كدة اصل بجد قوى اوى والجرح اوقات بيريح لانك ساعتها بتحسى بظلم فا كلامك بيوجع
بجد حلو اوى تحياتى
أنا ماعرفش مين ضرب مين..بس الكلام عجبني أوي..وقلت أعلق بدال ماأتعلق..
الكلام تحفة كالعادة
بس قلب عليا جرااااااااااااااح كتير
نفس الموقف بنفس التفاصيل ونفس النهاية
بس اهم حاجة ان بنعرف نحس وبنقدر الناس حتى لو هما مش قدرونا دلوقتى هيجى وقت يعرفوا قيمتنا
ميرسى على البوست الهايل يا لوزة
إرسال تعليق