من كام يوم كده كنت قاعده انا وماما ساعه فضا بنتفرج على الصور
فى النص لقيت صوره لماما وواحده صاحبتها لابسين نفس اللبس
لفين الطرحه نفس اللفه واقفين نفس الوقفه
لما سالتها مين دى
قالت لى دى انتيمتى ايام الكليه
الدكاتره كانوا مسمينا هناء وشرين
طب هى فين دلوقتى..؟
معرفش...
اسمها ايه طيب...!؟
مش فاكره ....
ماما دى انتيمتك .....!!!!
يحبيبتى احنا منعرفش حاجه عن بعض من 20 سنه
اتضايقت اوووى ساعتها
وجريت على البوم الصور بتاعى انا والعيال الى فى درج التذكارات
كتبت اسم كل واحده ونمره البيت والسنه الى عرفتها فيها على صورتها
لقيت فيه جواب كهرمانه كانت كتبهولى واحنا فى اعدادى
قريته وموت من الضحك
بجد فرحت جداااا بيه
لقيت يجى اكتر من 150 استيكرز كنت مجمعاهم انا وبريك
كنا نروح نشترى من الواحد 2 انا واحد وهى واحد
اتفرجت عليهم واحد واحد ورتبتهم حسب نوعهم
لقيت ورقه ادعيه طوخى ادتهالى فى ثانوى
لقيت اشتغاله من ظوظو وسنفوره ف اعدادى
كانوا سايبن لنا ورقه ليله الامتحان
على المكتب فى الاوضه الى كنا نايمين فيها
كاتبين فيها حطينالكم الورقه جمب التليفزيون
نروح نلاقى ورقه تانيه مكتوب عليها
هاهاهاها ضحكنا عليكم احنا حطينناها عند الكولمن
وفضلوا كده يجى 3 او 4 ورقات
واخر ورقه كتبولنا فيها
"صباح الخير يابريك ..بالراحه اهو لحسن تتخضى
صباح الموز يا دكتوره موزه
وصباح الخير يامولاتى كهرمانه
شهريار ..اقتلها كالبعير
بصوا صحوا مى عشان مذاكرتش
وصحونى انا وهند لما تيجوا تحلوا الشيت
يعنى على 10 كده
والنبى متعملوش دوشه عشان احنا نمنا الساعه 5 ونص"
ولفيت شويه فى البلوج قريت معظم مواضيعه
بردودها
البلوج بالنسبه لى مكنش حاجه فتحتها اصلح بيها الكون
ولا احل بيها ازمه العيش
قد ما بعتبره diary لاحلى ايام ممكن نعيشها
حتى الردود مبعتبرهاش مقياس لنجاح البلوج
قد ما بعتبرها حد بيكتب لنا فى الاتوجراف
لقيت حاجات بالهبل
فرحت جدااا لما شوفتها
بجد بحبكم اووووى
بحب كل واحده فيكم بعيوبها ومميزاتها
بجد هتوحشونى الفتره دى
هيوحشنى تهيسنا
وتريقتنا على بعض
وتقليدنا لحركاتنا
حتى خناقاتنا الهبله
الى بنخلصها بضحك على بعض
بت يا كهرمانه خلى بالك من العيال
مش عارفه انا ايه الى جاب امينه رزق فى البلوج
هناك ٣٠ تعليقًا:
انتى هتوحشينا اكتر والله يا ميمى
بجد بجد بجد انتى وحشتينى من دلوقتى اصلا
تسافرى وترجعى بالسلامة يا لوزة
و ربنا ميحرمناش من بعض كلنا
واحنا مش هنعمل حاجات كتير اوى من غيرك يعنى
انتى عارفة كلها حاجات بسيطة
سفر على حفلة على رحلة على تهييس على طبع الصور على كام خروجة على سنيمايعنى اى حاجة تانية مش هنعملها عشان خاطرك
نياهاهاها
انا عارفه انكم هتعملوا ده كله
بس متقوليهاش فى وشى
اما بالنسبه لموضوع الذل
فاحب اقولك انسى مشروع ربع ساعه للدعاوى :d
loza
اخصصصصصصصصصص اخصصصصصصصصص
وانا اللى بقول هنحرم نفسنا من كل حاجة عشان خاطرك
ربنا يديكى على اد نيتك يا شيخة
الجميلة طبعا
ياااااااه
تخيلى وانا الى افتكرتك بتذلينى
عشان مش هبقى معاكو
انا اسفه
ادى اخره سوء الظن D:
تم مسح الرد بواسطه احدى مشرفات البلوج
لما فيه لتسيح لاحد اعضاءه
دمتم ماسحين D:
ربنا عالظالم و المفترى
اهىء اهىء
همممممممممممف
عااااااااااااااااااااااا
ربنا يخليكوا لبعض دايما يارب
في صداقات بتعيش العمر كله
ربنا ينعم عليكم بصداقة تستمر للأبد
تحياتي
بحب اللي بينكم ده بجد
غبطة مش حسد علي فكرة
هههههه
lyssandra
lyssandra
ربنا يخليكى
وبعدين مدام غبطه فبراحتك
كان نفسى تيجى فى ظروف خناقيه تانيهD:
السلام عليكم
جميلأوي ذكرياتك دي وطريقة كتابتها كمان فيها حب وصدق
فيها صداقة وبراءة جميلة
أنا أساسا هعيط من الكلام اللي كاتباه ده بجد ربنا يخليكو لبعض
كنت بموووووت مالضحك حالاً ربنا يسامحك بقي
سعيد بيكو أوي وقولتلكو كدة كتير قبل كدة وبقولكو كدة تاني
يارب تفضل صداقتكو العمر كله وتفضلو بالصفاء والنقاء اللي شايفه قيكم
أما انت يارب تروحي وترجعي بالسلامة وربنا يتقبل منك زيارة بيته ويجعله ف ميزان حسناتك
افتكرينا بالدعاء واننا نزور بيته قريبا ان شاء الله
هنستني رجوعك بالسلامة ونطمن عليكي ان شاء الله
أشكرك علي حاجات كتير انت عارفاها
تقبلي خالص تقديري
وكل احترامي
وتحياتي للستة
وليكي تحديداً
بالتوفيق....................
غنيم
@أنا أساسا هعيط من الكلام اللي كاتباه ده بجد ربنا يخليكو لبعض
كنت بموووووت مالضحك حالاً ربنا يسامحك بقي
نفهم من كده انه تناقض يوضح المعنى ويؤكده..!؟
@يارب تفضل صداقتكو العمر كله وتفضلو بالصفاء والنقاء اللي شايفه قيكم
امييييييييييييييين
@افتكرينا بالدعاء واننا نزور بيته قريبا ان شاء الله
الدعوه ب5 جنيه والحسابه بتحسب D:
ميرسى جدااا على ردك
وربنا يتمها على خير بس
ربنا يخليكوم لبعض وتفضلوا أصحاب علي طووووول وتكبروا وأنتم مع بعض وأولادكم يكونوا صحاب وأحفادكم كمان
:)))
أدعيلي معاكي
ربنا ميحرمكم من بعض ابدا و دايما على اتصال مع بعض ان شاء الله :)
ربنا يخليكوا لبعض و تفضلوا على طول مع بعض تقلسوا كل مرحله على المرحله إللي قبليها ... و هكذا
طبعا بما إنك وضحتي أن ده مش تعليق ... ده أوتوجراف ... فأنا أحب أكون صديق البرنامج و أترك توقيعي للذكرى على البلوج ... مع تحيات صاحب توكيل محلات كده العالميه المحليه الدوليه المهلبيه ... و دمتم سالمين
و عجببي
ميمووووووو
انتى واحشانى من دلوقتى والله
بس وحياة باباكى خليها ساعه للدعاوى مش ربع ساعة
:)
ميمو ماتنسيش تفتحى الهوت والنبى بلاش الياهو
ميمو انتى طبعا عارفه هتدعيلنا بأيه
بلاش دعوة يارب تنجحوا دى..خلى الدعوة دى ندعيها و احنا هنا..
:)
انا مش عارفه انتى هيبقى معاكى خط ايه..ايقى ابعتيلى على الميل النمرة
miss u loztee
ربنا يخليكوا لبعض
وعقبال كده ما تشتغلوا مع بعض وتتجوزوا مع بعض كمان
تروحي وتييجي بالسلامة ان شاء الله
وبدج والله البلوج بتاعكم فيه روح غير كل البلوجات الواحد بيحس بيها ؟أول ما بيخش البلوج..
ربنا يخليكم لبعض ويرجعك بالسلامة..
اولا: انا اعتقد ان صداقتكم دى وعلاقتكم ببعض مش هتنتهى ابداا..وكل ده مع الزمن هيبقى ذكريات جميله ليكم..هتفتكروها مع بعض..
ثانيا: من الواضح ان لوزا مسافره..فهقولها تروح وترجع بالسلامه..moha
عارفه يا لوزه حددوا ان شالله يوم فى الشهر تتقابلو فيه ان شالله فى السوبر ماركت
انتي عارفه مامتك حالها كحال ناس كتير اوي....الدنيا و مشاغلها و مشاكلها بتلهي الناس و بتنسيهم
و الايام دلوقتي بقت تجري...فجأه بتلاقى 10 سنين عدو
الايام مافيهاش بركة
ربنا يسعدك يا رب
lOOOOOOOOOOOOOOOOOOOOOOOOOl . . 3aleko danto mas5ara :D
el mohem . . Alf mabrouk ya loza : 3ashan mesafra
kol sana w ente tayeba : 3ashan betsafre kol sana
el mohem ya3ne rabena ye5alene leko (A) :D:D:D
yala byez
انا زعلااااااااااانه جدا ..
هتوحشيني يا لوزه ..واهرينا الجوبات علي طول ...مش عارفه هناكف في مين علي الميل ..ومين اللي هيعمل فيا مقالب ..؟
تروحي وترجعين بالف سلامه ...وان شاءالله تخدي السبع فوايد بتوع السفر ..وخدي بالك من نفسك ...:-P
بجد فرحت وزعلت فرحت عشان انا حسيت الاحساس ده بس انا دمعت عشان حسيت اد ايه هما كبروا واد ايه احنا شغلنالهم دماغهم وحياتهم وكنا احنا سعدتهم لدرجة اننا نسناهم اصحبهم بسمؤليتنا اللي هما شيلنها و زعلت عشان خايف من انه يجي يوم والزمان يبعد الناس اللي بنحبهم عنا بجد تحياتي معاني راقيه فكر فني و مشاعر ساميه اعز التراقي والتحيات
وحشتينى اوىىىىىى موووووووت يا ميمو و الله
مفاتش اى نعم وقت طويل
بس مجرد احساس انك بقيتى بعيدة
ربنا يرجعلك لنا بالسلامة كده و تجيبلنا الحاجة اللى قلنالك عليها
و كترى الدعاوى اوىىى و خليها فى المضمون و انتى فاهمة طبعا
ربنا يخليكو لبعض ويخليني ليكو طبعااااااااااااا
وبصرااااحه
انا شايف ان صداقتكو قويه اوي
شوف ازاااااي
ياخويا البنات ولا كانهم اخوات
حكم
وااااااو صداقه وخروجاااات وفسح
ناقص ايه مش عندكم
وكمان كوممممنتتتتاااات بالهبا
بالهوااااااي
نسيت حاجه
ولااااااااااااااا اروووووووووووووووععععع
ربنا يديم المعروف دايما بينكم
ان شاء الله
تعرفوا انتوا شوقتونى قوى
بجد عايزة اشوفكم مووووووووت
شوفوا صرفه بقى الموضوع ده
لان بجد بحبكم قوى
والله العظيم بلوج جميل
ومشاعرك لصحابك اجمل واحلى
مش عارف انا حاسس ان الحته دى ميزه قوى فى البنات
مش باشوفها خالص فى اى ولد قابلته لغاية دلوقتى
ربنا مايحرمكوش من بعض
السلام عليكم
فعلا الصداقه شيء جميل جدا..وللأسف كتير ما يعرفوش معناها الحقيقي..وفعلا صداقات كتير بل معظم الصداقات بتنتهي وتنقطع بالذات بعد ما أحد الطرفين يتجوز مثلا بيبقى يوم جوازه آخر يوم في الصداقه القويه..
مع إن الصداقه شيء لازم نحافظ عليه ويفضل معانا طول حياتنا..
تقبلي مروري وتحياتي
سلام
ايه ده
ربنا يخليكو لبعض
امييين
:)
كل الذكرايات بتكون جميلة
حتي لو كانت صعبة في وقتها
لكن صعب اوي اوي ان واحد ينسي صاحبة الي كان في يوم من الايان مشاركة حياته
دي بتكون فعلا مشكلة كبيرةاوي
ربنا معاكي
تسافري وترجعي بالسلامة
إرسال تعليق