بيقولوا يا سيدى ان اصل الفالنتين داى قصة لذيذة اوى
قال كان فيه زمن كان الحرب شغالة الله اكبر .. جيه يا سيدى الملك مش عارفة بتاع بلد ايه غالبا روما امر بتجنيد كل الشباب طبعا ماعدا المتزوجين..و عشان يضمن الحرب فى جيبه امر بوقف الزواج و منعه!!قوم ايه بأه..قوم يطلع راهب اسمه فالنتين يجوز العشاق فى السر فى الكنيسة لان طبعا هو مؤمن بالحب..قوم يجى الملك يشم خبر..ماهو كل مايطلب جندى يقولوا انا متجوز و يطلعله القسيمة(هو كان فيه قسيمة ايامها؟..ما علينا)..و يقبض الملك على فالنتين يا عينى و يحطه فى السجن..تيجى طبعا بنت السجان و تحب فالنتين و يحبها "مابقالوا زمن بيشوف جبيبه مايحبش الا و هو فى السجن" و يفضل يبعتلها جوابات و يمضيها باسمه "فالنتين" و هى تبعتله برضه..و فى الاخر يأمر الملك باعدام فالنتين "غالبا الملك كان على خلافات مع مدامته..بس برضة ماعلينا"
و يفضل العشاق بعدها يحيوا ذكرى فالنتين و يخلوه عيد الحب..و تتدبس انت و هى فى هدايا..بس الصراحه تدبيسه حلوة
و حيث اننا مش عارفين نعمل ايه فى كميه الهدايا اللى بتتحدف علينا فقلنا نكتبلكوا نصايحنا بخصوص الفالنتين
_انا لسه عارفة امبارح ان المرتبطين هم اللى بيلبسوا احمر..و اللى مش مرتبطين يلبسوا اورانج بأه!!!
_لما تجيب هديه لبنت احلى حاجة انها تكون بسيطة مش اوفر اوى..و اغلب البنات بيحبوا الاكسسوارات و الدباديب الهبله
_لما تجيبى هديه لولد برضه خليها حاجة بسيطة عشان مايقولش عليكى مدلوقة اوى..و بيتهيألى هدايا الولاد محدودة اما برفان او ساعة او نظارة شمس او كوفيه او مصحف شيك و يعنى اضعف الايمان حاجة للموبايل"و احلى حاجة تيجى قبلها بفترة و تقوليله انا عايزة اجيب هديه لاخويا ما تنزل تشتريلى انت حاجة على ذوقك و تغلفيها و تديهاله و صدقينى هتعجبه مش جايبها على ذوقه و الاحلى انه يبقى فاقس الحركة و بعد ما يشترى هديته يحلف ماياخدها الا اخوكى :)"
_بلاش الحركات القرعة بتاعة المنايفة دى و تسيبوا السعر على الهديه.
_بلاش برضه تستسهلوا و تدوا بعض الفلوس فى ظرف..انتى مش ناقصة ايد ولا هو ناقص رجل
_ماتفكرش تعمل عم العاقل و تروح تسأل البنيه نفسها فى ايه كهديه ..الحركات دى مع اختك بس
اما بأه للناس اللى لسه خراط البنات ماعدّاش عليهم "بيتهيألى فيه مثل كده" المهم انزلوا برضه و اشتروا هدايا لنفسكوا و لصحباتك الغلابه والله لولا الافلاس اللى الواحد فيه كان مانجه نفسه و العيال(انا بدور على شغل حد عنده مكان)
و ماتنسوناش يا جماعة كل واحد و واحدة هيجيب هديه يخليها دوبل عشاننا على الاقل حق بحة الصوت اللى اتبحّيناها فى النصايح دى
و هابى فالنتين دى
و الف رحمة و نور عليك يا عم فالنتين
هناك ١٨ تعليقًا:
هاى
انا اول مرة ادخل المدونة بتاعتكم
بس بجد مدونة تحفة ..روعة ..جميلة موت
يارب دايما فى تميز وتألق
ولذيذ موت موضوع الفالنتين ده
واسلوبك فى الكتابة اكثر من رائع
وميرسى اوى عالنصايح الجامدة دى
انا احتفلت بالفالنتين السنة دى مع اصحابى
يعنى منجهنا بعض وروشنا وجيبنا هدايا
ولبسنا احمر
وعلى فكرة عملت حسابك فى الهدايا
ها تحبى تيجى تاخديها امتى ؟؟؟؟؟؟؟
ميرسى اوى يا قمر عالبوست الرائع ده
وان شاء الله هتابع دايما بوستاتكم المتميزة دى
HAPPY VALENTINE'S DAY TO YOU
NOUR
انا معدي اسلم واطمن عليكم
يارب تكونوا كلكم بخير
انا بس بقول سلامو عليكم
وهابي البتاع ده
ومحدش جابلي هديه ولا حتي اللي المفروض انها تجيب ولا انا اكيد جبت هدايا لحد
ال هدايا ال
وطبعا ده عاجبني جدا , عشان انا مش مقتنع بالفكره
سيبك انتي
مفيش احلي من المكس شيكولاته
وياسلام بقي لو تشربيه سخن ... في الشتا كده حاجه اخر منجهه
هابى فلانتين دى يابنات وعقبال اما نشوفوكوا عرايس كده
الحمد لله القلب مطبش لحد دلوقتي..اهو توفير برضه..شكل فيا عرق منوفي وانا مش عارف..ههههههههههههههه..موضوع جميل بجد.
يااااااااااااااه
كل دي إحتياطات و حاجات غريبه علشان الهديه ... فعلا هي الفكره تستاهل
بس السؤال الولبي الحلزوني بتاع كل بوست : أفرض بقى شخص مش متوقع منه حاجه خالص لقيته جايب لك هديه ... في الحاله دي تعمل إيه ؟
بالنسبه برضه للولد و البنت ... لو معرفتيش ... هقول لك الإجابه ... بالنسبه للولد على الأقل ... ماشي
المره إللي فاتت سألتيني على النت ... واضح أنه أشتغل ... لأن الدراسه بدأت
هههههههه
happy valentine's day
happy valentin`s day **)
الجمله ديه عشان تقلها لحد لازم تكون متأكد ان اللي حاتقلهاله بيبادلك نفس الشعور عشان متحتش نفسك في موقف محرج موووووووز وتعمل نفسك عم الحبيب اللي مقطع السمكه وديلها وفالاخر تاخد دش ينسيك عيد ميلادك مش عيد الحب.... ولو انت متأكد انه بيحبك بس لسه مفيش حاجه رسمي بينكم يبأه تجيبله هديه قيمه وصغيره مووت عشان لما يتأفش فالبيت بهديتك الكبيره برده حطحطه في موقف لا يحسد عليييه...مع انك وانت بتشتريله الهديه بيبأه نفسك تجيبله الدنيا كلها ومش في دماغك اي عواقب للحيحصل...بس اقولقكم حاجه لحظة ما بتديله الهديه وهو واقف اودامك كده ويأولك مرسي ,,يوووووووووه ,,لحظه خرافه ومتتوصفش ...
وانا اسف لاي واحد حط حبيبته في موقف مش حلو بسبب هدية الفلنتين . وماتحبكوهاااش بأه...يساااتر,,( :D )
& ((
Happy valentin 4 all lovers & all people)))))
اية دة اية دة
هيا نور سبقتني هنا
وكمان اول تعليق
لا بجد نشيطة
(ايقون بيغمز )
ازيكوا يا جماعة
بجد ما جيتش هنا من فترة
بس المدونة دي فتفضل عظيمة زي ما هيا علي طول
يارب في تالق مستمر
اما بالنسبة للبوست
ههههههه
مرسي اوي علي النصايح الجميلة دي
ويارب دايما فرحانين علي طول
عبدالرحمن
http://adirector.blogspot.com/
معلش انا قرفتكم كل شويه اغير البتنجان ده بس معلش بقي
استحملوا
صباح الفل عليكم او مساء القشطه وقت ما تقروه بقا
هو مين اللي كاتب البوست ده
انا حاسس ان سليمان بيه غانم ساب الحلميه و قعد يكتب
قووووم اييه...اكمل كلامي بقا
مرسي كتير على النصايح الغاليه دي
بس للأسف انا قريتها متأخر
بس للأسف انا مجبتش هدايا
بس للأسف...ايه كمية الاعتذارات دي
ياللا
ماعلينا
انا ماشي بقا...مش عايزين حاجه
احلى سلام ليكم
الله يرحمك يا فالنتين
مات وسبنا
فى الهداياوالدوشه دى
وبعدين مكنش عارف يزحزح نفسه اخر الشهر علشان الواحد يكون قبض
ويمنجه صحابه شويه
يلا بقى هنعمل اية
عموما
كل سنه وانتم طيبين
هابى فلانتين ابن الايه ده
HAPPY VALINTINE DAY لكل الثنائى ولكل العشاق - ده أولا - ثانيا أحب أقول إن ظاهرة عيد الحب فى بلدنا بقى ليها رونق جديد وخاص أى ان إذا كانت البلد قبل عيد الحب بيوم خضراء والورود بها صفراء بقدرة قادر تانى يوم تصبح الدنيا باللى فيها حمرا من ورود وهدايا وملابس - يومها لاقيت واحد معايا فالكلية لابس تيشرت احمر وبنطلون نبيتى غامق وكوتشى احمر فإسود وكاب أحمر فى نبيتى فاتح تتوقعوا حبيبته كانت لابسه إيه؟؟؟؟ ما علينا - مرة تانية كل عيد حب وإنتوا طيبين - وتحياتى لسخسوختى
Mahmoud
http://leehana.blogspot.com
نوور
ازيك يا جميله
يا اهلا يا اهلا بجد البلوج نور
و كل سنة وانتى طيبه و انا فاضيه على يوم الخميس ..هتحضريلى الهديه ولا هو بؤ بس:)
...................................
محمدددد
فينك يا راجل الواحد بقاله كتير ماسمعش عنك خبر...بجد ليكوحشه كبيييرة
و يارب تكون انت اللى بخيير اميين
...................................
زيكاس بيييه
و الباشا طيب
بس شكلك محروق عشان ماجالكش هديه
سيبك انت و الله مانا سايبه ده المكس بتاعى
...................................
غير معرف
هابى فالنتين يا ستى و عقبالك انتى كمااان
...................................
المصرى الكبيييييييير
مش معقول ماطبش؟!!! ده انت حتى كلامك حلو تاكل بيه دماغ احلى بنت
و النبى شكلك خايف من الحسد
ماتخافش احنا ماسكين الخشب
...................................
كده يا اسكندرانى
بجد انا السؤال ده عايزة حد يجاوبلى علييه
لا و من ناحيه الولد و البنت ياريت
مستنيه ردك
...................................
صديقى الصدوق
هههههههههههههه...فعلا ليه حق ينسى عيد ميلاده
بس كان المفروض ياخدها تدريجى
يلا ربنا معااه
:P
...................................
محمود سعودى
بأه يا راجل بتحب الحياة و بتحب الناس و ماعبرتش حد بهديه
ده كلام برضه
...................................
عبد الرحمن
ده البلوج نور مرتين اهه
ايه ايه ماتاخدناش فى دوكه
جبت ايه و لميين
(ست ايقونات بيغمزوا)
برضه مستنيه الرد
...................................
الفراشه الصغيرة
اه والنبى عندك حق هو جيه زنق نفسه و زنقنا معاه فى نص الشهر
يلا اذكروا محاسن موتاكم
و كل سنة وانتى طيبه يا جميله
...................................
صوت من مصر
هابى فالنتين ابن ام فالنتين طبعا
...................................
محمووووووووووود
لماذا انت
فينك لا بتزورنا ولا بتكتب عندك على البلوج
ايه المعامله البلاستيك دى بس
:)
بجد بوستاتك وحشتنا
و كل سنة وانت طيب
بس قوللى والنبى البنت كانت لابسه ايه؟
من ناحية الولد ... ده إللي دائما بنعمله و بتعدي في الغالب ... بس بتبقى مكلفه شويه
أقول الجمله الشهيره ... أنا سيبت الهديه في العربيه علشان ما كنتش متوقع أشوفك دلوقتي يا حبيبتي و ماكنتش عاوز أمشي بيها علشان ماتتبهدلش .... و تجري على أقرب محل محترم ... قريب من الكليه شويه ,,, و تجيب هديه كويسه ... بس أهم حاجه تكون عامل حسابك ... حاول لو مش جاي بالعربيه محدش يشوفك و أنت مروح علشان ما تتفقسش
لو أكتشفت ... وده قليل تضرب حجتين في الهوا أنك نسيت المدعوق إللي اسمه فلانتين ... و لو فوتتها ... بمزاجها هتقدرك ... وخلاص على كده
لو عندك أفكار تانه ... يا ريت ... علشان دي قدمت قوي
بالنسبه للبنات ... أنت أدرى ... وخصوصا أن هدايا الولاد ورطه ... مفيش غير محفظه أو كرافته ... دي الحاجات المعقوله ... لكن دبدوب ... ببقى عاوز اولع فيها و ف الدبدوب
كفايه كده
ya 5'sara geeet met2a5'ar kal3ada bas malho2a
bas el3'areba en el mortabeten homa elli beylbeso red
3la el3omom happy valantin's day for evry body
هههههههههههههههه
اية يا سخسوختي
انتي مصرة توديني في داهية يا بنتي الحكومة لو عرفت
هيحصل مش كويس
واحنا مش قد الناس دي يا عم
ههههههههههههههه
د.عمرواحنا لينا عتاب كبير عند حضرتك
كنا عايزين نقولهولك من زمان
بس كنا كل مره بنحاول نلاقى لك اى عذر
اول ما فتحنا البلوج كنت من اول الى شجعونا
وكنت بترد من اوائل الناس
وبعدها بفتره بطلت تدخل تشوف البلوج
حتى من غير ما نعرف ليه:s
لا والله مش كده ،
لو ملاحظين انا جاتلي فترة اتخنقت من الوجود التدويني كله !
ومبقتش بحط بوستات جديدة عندي حتى
ولما بحط كانت بتبقى شعر مش تدوينة أو كده ..
بس كنت بتابع على طول في صمت ..
بس مش أكثر يعني ..
إرسال تعليق