معرفش ليه تنّحت للدنيا كده
فجأة لقيتني مسكون بالملل
لا عندي رغبة في البكا
ولا في الكلام
ولا عارف أنام
ولا حتى بسأل إيه ده إيه
و أخرتها إيه
و إيه العمل
و أخاف أقول لأي حد
أحسن يقوم يقلبها جد
حد صاحبي ينزعج
يمد إيده في قلبه من باب الكرم
عشان يشاركني الألم
أو يستلفلي من لئيم حبّة أمل
حالة كده .. معرفش إيه
حالة كده ملهاش معالم
ساعات تزورني في الربيع ..
في الحر ..
و في عز الشتا
و تجيب حاجات
لا فيها روح ولا ميتة
حاله كده ..
لا معاها تنفع كلمتين
ولا غنوتين ..
ولا لقطه من ألبوم صور
..ألاقى قلبى ف الهوا
ويا الكور
..أخاف اقول لأى حد
..أحسن يقوم يقلبها جد
..حاله كدة
.معرفش إيه
لكنى بطلع منها بعد السكات ..
فاهم شوية في اللي فات
حاسس أوي بحضن الصحاب ..
محظوظ أنا
ساعات أشاور
ينفتحلي ألف باب
لكنّي بغلط في الحساب
ومعرفش ليه
تنحت للدنيا كدة
على سلامة
كنت كاتبة بوست كدة و لما قريت الكلام ده لقيته عبر عن اللى انا عايزة اقوله و زيادة
على سلامة...بجد أشكرك
break
هناك ٢٩ تعليقًا:
مشاعر عادية بتمر بناس كتير في اوقات كتر لكن المهم نعرف سببها ايه و نعمل على اننا نغيرها ونتجاوزها
بوست رائع
خالص تحياتي
احمد
كلام فعلا خارج من القلب
علشان كده وصل للقلب
تحياتي على حسن اختيارك يا بريك
وتحياتي ل علي سلامه على حسن ترجمة مشاعره
الكلام تحفة اوى طبعا
و انا عارفاكى مجنونة على سلامة
اما عن المود فانا مش هتكلم عليه
و انتى عارفة ليه
(;
علي سلامة .. يبقي بوست في الجون أكيد
أنا من محبي علي سلامة .. فعلا عملاق الشعر العامي .. وكما أحييك علي إختيارك .. أما بالنسبة للحالة الغامضة اللي بتزورنا من وقت للتاني .. فكلنا ذلك الشخص .. عادي .. فترة و بتاخد وقتها و بعدين تزول .. أدام الله غلينا و عليكم راحة البال .. تحياتي
انا سمعت القصيده دي قبل كده
فعلا اكثر من رائعه
وعلي سلامه بجد جامد جدا
وياريت تدوري علي اليوتيوب وهتلاقيه بيغنيها مع وجيه عزيز ومدخلنها في اغنية الحزن شاطر
جامده جداااااااااا
انا كمان
والله بمر بكل الكلام دة والسبب اني مسافر اسيوط كمان كام يوم
بجد الكلام جميل اوي اوي
وبيعبر عن الاحساس بالظبط
شكرا علي المجهود دة يا بريك
3ly salama fanan gameel w e7saso rae3 ana baheb kalamo rabena yewafa2ek ente w elsatta
try to fly but caution the dream is tooo high
ربنا يسعدك ويجعل كل لحظاتك فرح وسعاده
تحياتي وسلامي
كلمات جميله معبرة
بس مافيش حاجه تستاهل تديقنا في الدنيا انا ما اعرفش بقول الكلام ده ازاي و انا اكتر واحد بكتب كئابه
بجد لازم نبقى مبسوطين لان ما فيش شيء يقدر يقف في طريق سعدتنا و لو مش قدره صلي ركعتين و ادعي ربنا و اكيد بعديها هتحسي بسعاده
اللهم انى نعوذ بك من الحزن و الغم و اسئلك اللهم ان ترفع عنا الكرب و تصلحنا وتقبل اللهم صالح اعمالنا
يا رب تكوني سعيده دلوقتي
جميل جداااااااااا يابريك , ما اجمله بجد على سلامة دا
والله تقريبا الحاله دي عندي بإستمرار
ملهاش وقت معين
بس بهرب منها بالنوم
بوست جميل
تحياتي،،
ساره
ازيك
هي قصيده هايله لشاعر جميل بجد
بس طبيعي من فتره للتانيه الواحد تعدي عليه المشاعر دي
بتمنالك كل خير
تحياتي وألف تقدير لشخصك الكريم
ده من وجهة نظري شعور بالفراغ
أيوه ... لازم كل إنسان يشغل نفسه لحد ما بيبقى مش لاقي وقت يتنفس ... وكده مش هيحس بحاجه لاخالص
لما الواحد بياخد فتره يتأمل فيه نفسه .... في الغالب لا يشعر بالرضا و يميل إلى جلد الذات ... و ساعات يوصل لقمة الرضا
علشان كده بيتلخبط
أنا أعتقد أن اللغبطه بسبب بدايه الترم التاني من غير مذاكره... و خصوصا بعد الضغط العصبي و الأنشغال في آخر الترمك إللي فات
و
كفايه كده
سلاااااااااااااام
موجة
الحمد لله وقت و راح ل حاله
ميرسى ليك
سمر:)
محمود سعودى
وتحياتي ل علي سلامه على حسن ترجمة مشاعره
يوصل
:D
سخسوختى حبيبتى
لسة سايباكى مبقاليش خمس ثوانى
اطلع الاقيكى فى التعليقات
ميحرمنيش منك
MAHMOUD
علي سلامة .. يبقي بوست في الجون أكيد
أنا من محبي علي سلامة
يعنى لو مكنش على سلامة مكنش
ولا ايه
:(
انا زحلانة
فترة و بتاخد وقتها و بعدين تزول .. أدام الله غلينا و عليكم راحة البال .. تحياتي
اكيد
تحياتى
ZIKA
لقيت اغنية اسمها معرفش ليه
بس مش هيا نفس الكلام
غيرها
بس حلوة اوى بردوا
هدور تانى
عبد الرحمن &نور
زمانك دلوقتى فى اسيوط طبعا
اخبارها ايه
ربنا معاك
ghoneem
ميرسى ليك
وربنا يوفقك انت كمان
rack-yourminds
شكرا على الدعوتين الحلوين دول
اللهو الخفى
انا الحمد لله مش متضايقة
هيا حالات كدة بتجيلى ساعات
شعرة على راى بعض الناس
ميرسى
معلش مش هقدر اكمل باقى التعليقات دلوقتى
زى الهوا
ميرسى ليكى
وتسلمى على ذوقك
kalcool
والله انا عارفة انها حالة عند معظم الناس
بس ساعتها الواحد بيحس انه اكتر واحد مكتئب فى الدنيا
تحياتى
mado80
انا سمر
بس جت فى بيتها عادى
نورت البلوج
وان شاء الله تزورنا علطول
تحياتى
كدة سبونسر
احتمال كبير يكون كلامك صح
امتى الدراسة تخلص بئا
:(
أخبار النت عندك ايه
وش مطلع لسانه
Doushura
ايه اللينك الغريب ده
انا ممكن اجبلك 1000 لينك قريت فيه الكلام ده قبل هنا
وش مستغرب
HAPPY VALINTINE DAY لكل الثنائى ولكل العشاق - ده أولا - ثانيا أحب أقول إن ظاهرة عيد الحب فى بلدنا بقى ليها رونق جديد وخاص أى ان إذا كانت البلد قبل عيد الحب بيوم خضراء والورود بها صفراء بقدرة قادر تانى يوم تصبح الدنيا باللى فيها حمرا من ورود وهدايا وملابس - يومها لاقيت واحد معايا فالكلية لابس تيشرت احمر وبنطلون نبيتى غامق وكوتشى احمر فإسود وكاب أحمر فى نبيتى فاتح تتوقعوا حبيبته كانت لابسه إيه؟؟؟؟ ما علينا - مرة تانية كل عيد حب وإنتوا طيبين - وتحياتى ل break
Mahmoud
http://leehana.blogspot.com
إرسال تعليق