من يومين فتحت اجندتى اللى بكتب فيها من 4 سنين لما بكون متضايقة و بعد ما كتبت قعدت افر فى التواريخ القديمة...لقيتنى هبله اوى ..فترة اكتب انى هاخد قرار معملش كذا و بعدها بفترة اكتب ان يااه اد ايه انا فرحانة انى عملت كذا ده.. و العكس..ياترى انا اللى هبله ولا الانسان اللى ناسّاى
بيقولوا شيكولاتة سنيكرز"و كام شكولاتة تانيه" مش هاناكلها تانى..حبكت مع الشركة اللى بتعملهم تبدل المكونات النباتيه بمكونات حيوانية بالنسبة لينا مش حلال...يا دى الحظ الهباااب
كل واحد صريح مع نفسه بيبقى عارف عيوبه و متضايق منها بس بيخبيها عن الناس عشان مش يبعدوا عنه..مش جميل انه لما يعرفها لاقرب الناس ليه يحس ان اللى قدامه بيهرّج او واخد الموضوع بتريأه...و اللى مش اجمل انه يطلع اللى قدامه بيهدى الموقف بس و مش بيتريأ..لان ساعتها الواحد بيعرف فى نفسه عيب زياده .. انه حساس..يمكن زياده عن اللزوم...انا اسفة
بيقولوا كاس الامم الفريقيه شغاال..ده معناه ان مصر بتلعب؟!!طب يا ترى مصر البييض ولا السوود؟!!
نفسى اعمل حاجة ليها لازمة فى الكليه دى غير انى امتحن و اخاف من النتيجة..بلاش فى الكليه.. حاجة ليها لازمة فى اى حتة
بقالى يوميين عندى صدااااااااع بشع مش لاقياله حل!!!!!!
sara
هناك ٣٩ تعليقًا:
أخى العزيز
مين قال انك مش تعرف تعمل حاجة
انت قدامك حاجات كتير تقدر تعملها
ولكن اعلم انه من الصعب انك تعمل حاجة لوحك
ده من المستحيل
شوف مين بيعمل ايه و شاركو
بس يكون بيعمل صح
اتمنى انك تكون فهمتنى
السلام عليكم
ana elii gali soda3 begad
enty katba hagat kteeer f post wahed
enti akeed katba hetat men elkalam eli f el kashkol beta3ek
w belnesba lel hagat el mofeda mosh testa3gely
انا لما بسمع اغنية تامر حسني تقريبا اللي بيقول فيها انا عاوز اتغير بتحسر علي نفسي لان كل واحد فينا فيه حاجات عاوز يغيرها انا عن نفسي بقول لازم اتغير وبعد فتره القيني رجعت تاني هههههه للوضع الاولاني
وبعدين سلامتك ..ايه سبب الصداع بقي
تحياتي وسلامي
السته بتوع صيدله
ألف شكر وتحيه علي تشريفكم ليا بالزياره
واتمني تكون بدايه لتواصل بيننا وانها ما تبقاش الزياره الأخيره
بجد بوست هايل وكله أحساس
عاوز أقلك بالنسبه لمنتخب مصر لا بييض ولاسوود كاروهات ههههههههههههههه
تحياتي وألف تقدير لشخصك الكريم
معلش فيه حاجه تاني نسيت أقولها
شكر خاص لسخسوختي
نسيت أشكرها في الأول
تحياتي
مش عارف اقول ايه ولا ايه غير اني عايز انام :d
اولا اكيد الواحد طبعا بيكون اهبل في مرحله من حياته وبيكون يعمل حاجات عبيطه وبعدين لما يقعد مع نسفه يقول انا ازاي كان بيعملها ويضحك علي صغر عقليته في الفتره ديه بس لما يحاسب نفسه بيعقل الحمد لله ده عن نفسي وكل حاجه بحس اني كنت مش واعي وانا بعملها بحاول اعقل اما بالنسبه للشيكولاته فانا بفضل كوفرتينا في الصباحيه :d
كوفرتينا مش فاكر بقيت الاعلان
وكل واحد نفسه يعمل حاجه مفيده وانا هموت واعمل كده بالذات في الكليه وبحاول جامد وربنا يوفقنا كلنا وتشوفوني في الراديو قصدي في التي في :D
والف سلامه
SHATOR
السلام عليكم
اولا اشكرك جدا على تعليقاتك الجميله عاندى وعلى سؤالك ايام الامتحانات
بجد شكرا
انما بالنسبه لان الانسان لما ينظر للماضى من خلال ما كتبه او حتى من خلال ذاكرته عن الماضى بينظر للماضى دا بعقله وتفكيرة الحالى اللى اكيد بقى اكبر من قبل كدة فبيحس انه كان غبى وكل سنه ننظر للى قبلها لازم بردة نحس اننا كان عندنا اخطاء وتفاهات
ودا طبيعى للانسان اللى عاوز يبقى احسن للانسان اللى بيفكر باختصار للانسان الصح
انما الانسان اللى بيشوف انه دايما كان مظبوط دايما كان تمام دا حد مش عاوز يتغير بيعيش بعقل سنه وسنتين فاتوا او عقله فى الماضى اللى المفروض يتطور زى حضرتك
الصداع دا لحظه فراغ مش عارف لانى انا كمان عاندى صداع مع انى مش عاندى فراغ
بس ربنا يكون معانا ويعدى الفترة دى على خير
بجد حالص تحياتى واحيى فيكى التفكير المتميز
اشوفك بين حروفك
ربنا رحيم و لطيف بينا لأنه خلق نعمه النسيان ... أكبر غلطه أنك تفكر نفسك بحاجات ربنا رحمك منها
بالمناسبه إحنا مش البيض و لا السود
إحنا الحمر
و ربنا يستر
أنا عندي طلب صغير
في زميل من كليه صيدله الإسكندريه بيكتب شعر حلو قوي لسه عامل مدونه جديده
يا ريت لو تقدرو تساعدوه
www.yky-sha3r.blogspot.com
ده عنوان المدونه
لو معجبكمش إللي بيتقال ما تسعدهوش
خشي الأودة..اقفلي النور..اسمعي قرآن أو موسيقى بتحبيها..امسكي ورقة و قلم واكتبي..مش مهم ايه بالضبط..اكتبي احساس صافي..مشهد..أي حاجة انتي مهتمة بيها..انزلي الشارع بصي في عيون الناس اقري كتاب جديد..اتكلمي مع الخمسة الباقيين..و لااقولك..اقعدي امدحي في نفسك..اوعى تضحكي عشان انا بتكلم بجد
كلمي نفسك كده وشوفي الحاجات الحلوة اللي فيها و ملكيش دعوة بالوحش..كفاية إنك تهتمي بالحلو اللي فيه وتكبريه..و شوية شوية الوحش حيروح..من غير باراسيتامول ولا حاجة..هههههههه..كدع يبقى علمتي كم حاجة مفيدة؟..كتير مش كده؟
سلام.
مؤمن محمد
واضح ان حصل لبس معين
بس انا اختك العزيزة مش اخوك
D:
يلا حصل خير
اشكرك على نصيحتك كتير مع ان انا كان نفسى اعمل حاجة مرة لوحدى عشان مابقاش محسوبه على حد
و عليكم السلاو و رحمة الله
مجدى
سلامتك يا مجدى من الصداع
لا هى مش حاجات من الكشكول لانى لو كتبت منه هكئبكم بجد
:)
انا بس دى الحاجات اللى جت فى دماغلى ورا بعض و يمكن دى اللى عملتلى الصداع
اما بالنسبة للحاجات المفيده فاستنى ايه اكتر من كده انا عدى عليا تمانتاشر سنة و انا مستنيه
وحيد
الله يسلمك يا وحيد
و الله مش عارفة كل شويه اعلل الصداع بحجة تطلع استهباله بعدها
تحياتى ليك انا
مادو 80
اهلا بيك يا كبيير
زيارة اخيرة ايه بس ولا انت اللى بترمى كلام
:)
الحمد لله ان البوست عجبك ده بس من ذوقك
و على فكرة انا سخسوختى و سارة فى نفس ذات اللحظة
و ميرسي لكلامك بجد
الشاطر
ازيك الاول يا محمود عامل ايه
و الله على رايك بس انا الصراحة كنت اتصدمت لانى لما قعدت افتكر نفسى فى كل مرحله الاقينى كنت مقتنعة تماما باللى كنت بعمله
يلا حصل خير
و كوفرتينا فى الصباحية تبقى جوازة هنيه
و يارب نسمعك فى المجلات و الجرايد يارب
:)
محمد
و عليكم السلام و رحمة الله و بركاته
ده من ذوقك يا محمد بس كان حاتم زمان كاتب فى بلوجه"ولو"
عن عالمه
"wonder world"
و بيقول فيه انه بأه ليه عالم و اهل من اصحابه اللى عرفهم من التدوين
و الاهل بيسألوا عن بعض يا محمد ولا ايه؟
و بجد كلامك مشجع او على الاقل طلعنى من الاحباط اللى انا فيه
اما عن الصداع فبطل تسأل سببه ايه عشان مش هتلاقى رد
تحياتى ليك انت يا محمد
كده سبونسر
يا مرحب يا مرحب بكده الاسكندرانى
احنا الحمر!!!!
والله هى وجهات نظر
:)
اما عن بلوج زميلك فمن عنينا حاضر بس احنا لو ابدينا رأينا فى اى شعر كتبه هننسيه المبادىء الاساسية اللى عرفها
:)
تحياتى ليك يا كده
احمد المصرى
عارف يا احمد
انا الحاجة اصلا اللى ضايقتنى و خلتنى اطلع الاجندة
انى لقيتنى بقالى كتير ماكتبتش و لما جيت اكب حسيت دماغى فااضية مش لاقيه حاجة اكتبها
بجد احساس خنييق
بس بجد نصيحتك جامده اوى و هعملها
بجد الواحد بيستمتع بالكلام معاك
سلام يا مصرى
الاو ل سلمتك من الصداع ده شيء عادي و المفروض في وضع الصداع تشربي حاجه تضبط الضغط ولو ماضعش انتي صيدله و المفروض تتصرفي
:d
اما في موضوع التوهان انك قريتي الكشكول و كنتي عايزة تكتبي حجات كتيرو في دماغ افكتر كتير بس لما بدأتي تكتبي الافكار ضاعت فتهتي و ممكن يكون ده سبب الصداع
الف سلامة عليكى من الصداع
خدى برشام ولااقولك خدى حمام دافى وادخلى نامى
انتى مجرد دخولك كلية الصيدلة عملتى انجاز غيرك بيحسدك عليه
والله انا واثق اننا السود مش البيض صح ولا ايه طب واحد مصرى هيشجع مين ؟
بوصي ياساره مش عيب ان الواحد
يألب فيه زكرياته ويلائي نافسه غلطان
او كان مكرر يعمل حاجه وعمل عكسها,,
العيب انك بعد ماتقرأي الغلط ده ترجعي تعمليه تاني..هي الحياه كده تجارب وخبراات **
امما بالنسبه انك مش عارفه تكتبي حاجه جديده فعتبري انك في حالت استجمام وريحي عقلك شويه بدل ماتصداعيه بموضيع كلها حزن وكاٌبه وتخنؤينا معاكي,,وكمان صداع ايه اللي عندك ده امال الكوتيفان بيعمل ايه؟؟,, ديما دوري علي اللي يسعدك ويديكي امل فل الحياه,,,, الصديق الصدوق : ......
اللهو الخفى
يا مرحب يا مرحب البلوج منور
خلاص الصداع راح من نفسه بلا ضغط بلا بتاع
بس ايه ده دانت المفروض تبقى صيدلى اد الدنيا بأه
:)
صوت من مصر
عيب عليك يا راجل دانت اسم بلوجك صوت من مصر
:)
osos
صديقى الصدوق
و الله انت عندك حق فى موضوع التجارب و الخبرات
بس على فكرة انا الغلطة اللى بتكلم عليها دى رغم انى ببقى عارفة انها غلط بس برضه بعملها و ده مش بايدى
اما عن الاستجمام فانا مستجمة بقالى فترة طوييييله و خفت لاحسن تبقى حاله مزمنة
"تخنقينا معاكى" ايه المعزّة دى كلها يا سمسم..مش معقول ..ده كتير عليا و الله
و بعدين "كوتيفان" ايه بس .. اسمه "كيتوفان" .. و نعما الصيادله
p:
hahahahaha
ok ya dr/sa`7so`7ty
2asef mooz dah 2a`7ret elta3leem elmggany bas dah mymna3sh bardo enny lma 2ret elpost 7set bekt2ab fazee3,,2sl kan lyya wa7ed sa7py tany `3er el2owlany 7asllo nafs el mowkef dah,,wmn sa3tha whowa bykalem nafsoo w7abes nafso flmatba5,,fana 2olt 2l7a2ek 2bl mal7ala tedahowar wmn3rafshe nkalemek tany,, :D
w25eran 27b 22adem 27la shokr le7paype fel da5lyya wrabna y5llehom yarab wyst2blo 2kbar 3adad ml commentat,,,, slaaamoooz
((:D))
اية الحلاوة دى
اية الجمال دة
اللة عليك يا بنى
اخيرا خلص الكوبرى
شوية تهييس قبل النتيجة
تحياتى ياافندم
عابرات السبيل
معلش الرد وقع منى وانا بكتب
برشام ايه بس صلوا على النبى
:)
ماشى كلامك بس فيه فرق لما تعملى حاجة عشان انتى عايزاها و حاجة عشان ترضى اهلك او تفرحهيهم
و هى كانت شورة مهببة اصلا
osos
2es7abak ketroo ya semsem elwa7ed msh metamenlak
we ba3den ya **** sa7bak da da5al elmatba5 '3asb we 2ektedar
:(
2amma 3an elda5lya f enta fe3lan 7azzak gamed aw ana elle 7azze zeft
kolloko 3alayya walla eh
we ba3den ka2abet eh ya semsem ana ay 7aga 2aktebha teb2a "mobde3a ..to7fa..ra2e3a" walla enta eh ra2yak
kafrawy
لا لا لا لا
بتوع بيطرى جايين يهيسوا عندنا
احنا ناقصين تهييس
و بعدين كوبرى ايه بس
ده برج
ايه الناس اللى مابتفهمش فى الفن ده
D:
ازيك يا دكتورة عيب اني اوصفلك حاجة للصداع وانت والستة موجودين بس هية headach متهيالي ناقصها e
بالتوفيق
الله يسامحك يا ساره
هو البدايه
severe headach
و النهايه بعون الله
multiple schizopherenia
انا حسيت ان انا اللي اهبل و انا بقرأ البوست....ربنا يشفيكي من الصداع اللي هيفرتك دماغنا ده
هههههههههههه
بجد الف سلامه عليكي...و ازاي تبقي صيدلنيه و عندك صداع؟؟ مش المفروض ترفعوا راسنا قدام العيانين؟؟
وبالنسبه للحاجه اللي نفسك تعمليها انا عندي ليكي حل وانا فعلا كنت عامل زيك كده و جت لي الفرصه لحد عندي
استغلوا التيم بتاعكم ده ف الكليه و كلموا دكتور او اي حد مسئول مقرب ليكم واعملوا مجله شهريه او اسبوعيه و كونوا انتم المسئولين عنها
الموضوع مش سهل اي نعم بس فعلا ممتع جدا
سلامتك من الصداع...وسلامتي انا كمان
تحياتي
غنيم
ازيك يا دكتور عامل ايه
اولا احنا قاعدين ناخد فى مواد طب و مواد علوم و ماخدناش مواد صيدله يعتبر
و بعدين ماهىا
headache
"وش بيستهبل"
محمود سعودى
بجد دى من اكتر الردود اللى ضحكتنى
الف سلامة عليك يا محمود من الهبل و من الانفصام
اما بالنسبه لاقتراحك فانا هفكر فيه بجد ان شاء الله
بصي يا سخسوختي هو يادوبك قرص بانادول ( بس مش من النوع المصري ) وهتلاقي نفسك زي الفل
وبالنسبه للكلية متحاوليش مفيش كلية في مصر ينفع يتعمل فيها حاجه غير الحاجتين اللي انتي قولتي عليهم دول
وبالنسبه لامم افريقيا . المهم بالنسبالك ان مصر بتكسب ووصلت للنهائي ..امممم.. وده حاجه كويسه
كويسه اوي
انا كمان بقالي كام يوم معرفش ليه عندي صداع .. ومش نافع لا بانادول ولا غيره
زيكا
ازيك يا كبيير
لا الصداع الحمد لله راح من نفسه
ايه ده يعنى دى حاجة كويسه؟!
ههههه بهرج طبعا بس ميرسى للمعلومات الوفيرة دى مانتحرمش منك
ههههههههههه
احساس بالضياع
علي فكرة الانسان هوة الي نساي
واحياننا كتير بيعمل حاجات وياخد قرارت ويرجع ينساها
بسم الله الرحمن الرحيم
ولقد عهدنا الي ادم فنسي ولم نجد له عزما
صدق الله العظيم
بوست حاسسني انك تايهة في الدنيا يا سارة
كلنا كدة في بداية الدراسة
ربنا معاكي
عبد الرحمن و نور
انت مالك فرحان فيا كده ليه بس
و بعدين اكيد الانسان اللى ناساى اومال انا اللى هبله :)
إرسال تعليق