خلاااص
رمضان بيلملم حسناته و ماشى
على وعد بزيارة تانيه بعد سنه
سنه ممكن تخليك مستنييه
سنه ممكن تخليك ناسييه
سنه ممكن تخليك متكونش معانا فييه
طب اقعد فكر كده
ايه اللى رمضان غيره فيك
ممكن يكون غير نظرتك للقرآن..بدل ما كانت الختمه واجب لازم يتعمل..بأت لحظات استمتاع ما بتشبعش منها
ممكن يكون غير نظرتك لذنب عملته و انت مقتنع انك صح..و خلاك تحس معنى "استغفرك ربى و اتوب اليك"
ممكن يكون غير نظرتك للحاجات اللى ممكن تشغل بيها وقت فراغك..فقمت تستمتع بفقه السنه او برياض الصالحين
ممكن يكون غير نظرتك فى اللى جاى..خلاك مقتنع ان ربنا معاك..سمع دعاءك و هيلبيه
ممكن يكون غير نظرتك لنفسك..انا اقدر اعمل كتير
ممكن يكون حتى هيئك انك تغير نظرتك للحاجات دى..و ساب الباقى عليك
بس اكيد رمضان غيرك..دوّر كويس و هتعرف
هناك ٢٤ تعليقًا:
أكيد رمضان غير في الكل ولو حتي بحاجة صغيرة
لأنه هدية من ربنا كل سنة لنعاش النفوس بعد أن الهاها لهو الدنيا
فرصة المسارعة لاغتنام الثواب والمغفرة
بس يا رب يفضل التغيير ده في نفوسنا حتي بعدرمضان ويثبتنا ديما
أهلا أهلا أهلا أهلا أهلا أهلا
الستة أهلا دول للستة كل واحد منكم ليه واحد أهلاً
وكدة يبقي خلصنا من العيدية كمان
كل سنة وانتو طيبين ورمضان كريم
انا بعيد عن التدوين بقالي شهر تقريبا ورجعت علي مركب الستة زي بالظبط ماعرفت التدوين من مركب الستة .........
رمضان
السنة دي بالنسبة لية مش تمام أوي
مش عرفت ألملم نفسي وكنت عادي جدا يمكن أقل من العادي كمان
مفيش حماس والمذاكرة والشغل ضيعت رمضان وجري بسرعة غريبة معايا
ربنا يبلغني رمضان مرات عديدة لأني محتاج أبقي ف حال أحسن من السنة دي
أقعدت أفكر ف كلامك
بس اللي حسيته من رمضان فعلاً السنة دي أني أستعد لرمضان الجاي من دلوقتي لأن اللي ضيع مني رمضان السنة دي أني لقيته فجأة ع الباب وأنا مش جاهز
سعيد أني رجعت ع المركب ولقيتكو بخير
بوست جميل وأحاسيس عالية
ربنا يبلغنا ليلة القدر
كل دعواتي وتقديري للستة
تحياتي
بالتوفيق.................
يارب نكون استفدنا منه كويس
يارب
كل سنة وأنتم طيبين
وحشتني المدونة بتاعتكم
ابقوا قولوا أخباركم وطمنوني عليكم
بجد السنه دى
عمرو خالد غير مفاهيم كتيره لناس كتيره عن القرآن
وقرب ناس ليه
ربنا يكرمه أحسن داعيه اسلامى
تحياتى
وتقبل الله من الجميع
ايمان
والله حتى لو مش بس اغتنام الثواب و المغفرة..رضان ممكن يديك دفعة لقدام..يخليك متحمس لشغلك او لمذاكرتك..
و منورة يا ايمى يا جميله
ابو العيال
ده احنا اللى نقول اهلا اهلا اهلا اهلا لبكرة
بس برضه لسه مستنين العيديه يا غنيم ده انت عيالك بيخلصوا على محافظنا فى العيد(وش بيستهبل)
اما عن رجعتك على المركب فبجد ميرسى انت عارف مجيتك دى بتبقى غاليا علينا اد ايه
اما عن مضان
فانا السنه اللى فاتت دى برضه رمضان ضاع منى كله..و بجد فضلت فترة كبيرة بعدها متضايقه انه ضاع منى..و يمكن ده حمسنى لرمضان السنه دى..بس الحق برضه الكام يوم فالآخر دول و بعدين منا قلتلك ان رمضان ممكن يكون بس هيئك لتغير معين و سايب الباقى عليك..ربنا يوفقك يا غنيم على اد نيتك و صفاء قلبك يارب
بجد اسعدنى ردك اوى
و رمضان كرييم
حسن حنفى
يارب آمين و يارب نفضل على كده
صحيح
حضرتك بلوجينك عن الكورة.. و انا مش ليا فى الكورة فمش عارفه اردلك الزيارات
بس منور المركب بجد
رمضان كريم
محمد
على فكرة و الله انا قريت بوستك الاخير
و جيت ارد حد ندهلى..فقمت و انا مش واخدة بالى انى مبعتوش
بس بما انك قاعد معانا فالمركب فحبيت اقولك ان البوست جمييل جدا كاسلوب و كل حاجة
اما عن انك بتكلم نفسك
فانا المرحله دى عديتها من زمان
بص انت هتقفش نفسك و انت بتكلمها
و شويه و هتبتدى تتعود على انك بتكلم نفسك
و شويه و هتبتدى تكون مش عارف تسكت الرغى و الدوشه اللى فدماغك..بجد مش بهرج
فالحق نفسك يا محمد..و يارب تكون باحسن حال يارب..رمضااااان كريم
و على فكرة التلات ايام عيد المركب هيستناكوا على الشط..و قرّب قرّب قرّب
اسامة
منور منور منور
على فكرة انا اول مرة اتابع عمرو خالد من اول ما ظهر
و بجد انا يمكن عمرو خالد السنه دى اللى غير فيا كتيير اوى
عارف ادانى دفعه لكذا فكرة اعملها
بعيدا عن انى اول مرة اشوف قصص القرآن من منظور مختلف كده
ربنا يباركله يارب
و رمضان كرييم و جمييل يا اسامه
كل سنة وإنتم طيبين يا جماعة..ويا رب دايماً رمضان يغيرنا للأحسن دايماً وأبداً..
بالمناسبة، العبد لله فتح مدونته القديمة (من مفكرة حالم) من جديد!!
هييييييييييييه D:
عامة الوصلة آهي:
http://safa7aty.blogspot.com
وشكراً..
كل سنة وانتوا طيبين
رمضان عدى بسرعه قوى
ويارب نكون من اللى ليهم نصيب فى حسناته
ويارب يدينا العمر لحد ما نعيشه السنة الجاية
تحياتى لكم
محمد المصرى
كل سنة و انت طيب الاول
و عود احمد للبلوج
واضح ان مش انا بس اللى بنشط ى الدراسه
غلابا هو الوحد لما بيلاقى فيها مذاكرة و كده بيفكر يهرب ازاى فيقولك اكتب
:)
اهو ده عيبه
و انت طيب و يارب امين فعلا
و مستنين الكحك و البسكوت
خاب وخسر خاب وخسر خاب وخسر
من أدرك رمضان ولم يغفر له
هكذا علمنا حبيبنا رسول الله
وهذه دعوة لتغيير النفس للأأفضل دائماً
تقبل الله منا ومنكم
د/هيما
الستة
أهلا بيكو
عيد سعيد وكل سنة وانتو بخير
ربنا يتقبل منا ومنكم
تحياتي
بالتوفيق...............
ربنا يعوض عليا في رمضان اللي جاي
علي الله اقدر اعمل حاجه فيه مش زي كل سنه
كل سنه وانتوا طيبين وعيد سعيد
من غير ما ادور الكلام ده أكيد صحيح
بس يا ريت التغيير ده يدوم
مش يكون كام يوم كده ومع السلامة
وكل سنة وانتم طيبين
كل سنه وانتى طيبه يا سخسوختى
سلمى على الخمسه صحابك بتوع الصيدله
وقولهم يجوا يخدوا العدية من مدونتى
كل سنه وانتى طيبه وصحيح رمضان راح وخد معاه كله البركه
بس البركه فيكى
ههههههه
كل سنه وانتى طيبه
كل سنة و انتو طيبين
و يارب يعود علينا رمضان أزمنة مديدة
و يارب تكونوا قضيتوا عيد سعيد
على فكرة انا صيدلة بردوا
يعنى فى الهوا سوا
بس أنا خلصت انتوا ايه نظامكو؟
خالص تحياتى
السلام عليكم
أكيد فى حاجه اتغيرت فىكل واحد فينا
بس لازم نعرف ايه اللى اتغير فينا عشان نثبت على التغير ده وربنا يعنا ويوفقنا جميعا ويرزقنا الثبات على الطاعه
والسلام عليكم
غياب طول في انتظار الجديد :)
فينكم بس...
انا مش عارف اعيش من غيركم
شوفوا بقى لما السفاح يقول كده
شكلى هرجع ااقتل فى الناس تانى..:(
إرسال تعليق