"البقاء لله وحده" جمله بنقولها كتير بس مش كتير بنبقى صادقين فى احساسنا..او بمعنى تانى مش كتير بنبقى راضيين بيها..و كتير بنقولها عشان نمنع شيطان انه يدخلنا من باب حزننا على موت حد فنقول الجملة كذا مرةحتى لو فى دماغنا..اول مرة نبقى بنقولها عشان اتعودنا نقولها اول مايموت حد سواء عزيز علينا او لأ و تانى مرة نقولها نبقى بنقولها عشان نخرس تفكيرنا من انه يقول"ليه مات" و تالت مرة بنقولها بنبقى بندعى ربنا باسلوب غير مباشر انه يرضينا بقدره و يهون علينا الفراق
انا مش بقول ان كل الناس كده بس على الاقل انا حياتى كلها كانت كده
لحد من 3 ايام بالضبط...لما جدى توفى...مش عارفة ليه ماتزلزلتش من جوه زى كل مرة...مش عارفة ليه ماتصدمتش و مابكيتش...انا بكل تلقائية لبست هدومى عادى و نزلت الكليه و عشت يومى عادى..اتصلت ببريك اقولها انى مش هجيلها و اتصلت بكهرمانة طلبت منها تعرف لوزة انى مش رايحة معاها عند بريك..و لما كهرمانة سألتنى ليه قلتلها جدو اتوفى..لقيتها بتقولى "وانتى عادى كده؟!!"السؤال ده رجع فوقنى..انا ليه مش حسة بأى تأثر رغم انى كنت بحب جدو جدا..السؤال ده فضل كل دقيقة و التانية يطلع ادام عينيا مع كل حد ييجى يعزينى..و قلت يمكن انا مصدومة فبنكر حزنى على جدو حتى ادام نفسى..و فضلت خايفة من اللحظة اللى هفوق فيها من صدمتى و من اللحظة اللى هفضل افتكر فيها جدو و كلامه عن انه عاوز يشوفنى من الاوائل على الجمهوريه و كلامه عن الصيدليه اللى هيفتحهالى فى الشقة اللى تحت و كلامه عن اننا نسيب شبين و نرجع نقعد معاه فى البلد و افتكر صوته و هو بيقرا قرآن بالليل فى الايام اللى بات فيه عندنا و استغرابى انه بيختم القرآنكل يومين فى رمضان..وافتكر صوته وهو بيصلى بيا انا وشادى..و افتكر زمان لما كان بياخدنى الارض انا و احمد و مصطفى واحنا صغيرين و لما قعدنا نحاول نشد الجزر من الارض و افتكر و افتكر وافتكر...
و شويه و قلت لنفسى انى الطبيعى مااضايقش من قضاء ربنا..وان الطبيعى انه جدو مات..و انى مش متضايقة لانى عارفة انه راح عالم تانيه احلى كتير من هنا مع صحبة احلى كتير من صحبتنا و لانى عارفة ان ربنا جمعه بناس زعل معانا كتير على فراقهم..و انه ان شاء الله ذنبه مغفور و ان ربنا عفو كريم وفضلت مقتنعة بالكلام ده لحد ما بدأت كتابة البوست ده
ساعتها بس عرفت انى بضحك على نفسى و الا ايه معنى انى مش عارفة ابطل عياط و انا بكتب
البقاء لله وحده..البقاء لله وحده...البقاء لله وحده
sara
هناك ٢٦ تعليقًا:
اولا " البقاء لله وحده "
ثانيا بتفكريني بنفس الموقف اللي حصل معايا لما جدتي "الله يرحمها" ماتت نفس الحكاية ...خدت وقت كبير جدا علي بال ما افتكرت اني المفروض احزن
بس تعرفي ..اكتشفت ان الحزن اللي في القلب حتي لو مكانش ظاهر ولو لنفسك اكبر بكتير واهم كتير من الحزن اللي بيبان للناس .. او علي الاقل اللي بنحاول نظهره للناس
انا واحد من الناس صادفت الموت كتير ولناس قريبه مني جدا .. حتي لو مفيش صلة قرابه بيبقوا قريبين مني جدا اصحابي مثلا ...
لدرجة اني مبقتش بتفاجأ لما حد بيموت
مش عارف ده طبيعي ولا لأ
بس اكيد انا حزين عليهم كلهم
حتي لو ده مظهرش
...
كلمة البقاء لله دي انا بعتبرها ... رغم ان معناها كبير جدا وعميق جدا ..الا اني بعتبرها زي كلمة (تصبير) و(تهدئة) موقف ...او لاننا يمكن مبنلاقيش حاجه نقولها
او يمكن لان الموت هو اكتر حاجه بتفكرنا بربنا...عشان كده اول حاجه بتيجي علي بالنا لما حد يموت هو دايما ربنا
البقاء لله ياساره
انا بس عاوز اقولك ان الحزن ده فى القلب وبس....ومش لازم عشان تكونى حزينه على فراق الناس اللى بتحبيهم انك تعيطى وماتخرجيش وماتمارسيش حياتك عادى
المهم انك على طول تفتكريه وتدعيله بالرحمه دايما...وان ربنا يجمعك باللى تحبيهم فى الجنه ان شاء الله
وحاجه بئه تانيه عاوز اقولهالك...تحياتى ليكى على طريقه تفكيرك فى الامور
bad phamra boy
ان لله وانا اليه راجعون
ربنا يغفر له ويرحمه ويدخله فسيح جناته
ربنا يصبرك
el baka2 lelah ya sara...
mesh teday2e nafsek 2awy keda..3ashan keda howa 2arya7lo...bezat eno el7amdolelah fere7 be welado..w 2a7fado kaman shafhom beyekbaro 2odamo la7ad ma ba2o sayadla kobaaaaar w 7agat tanya keter..ya3ny ana 2asde el moot 3alena 7a2 ya sara..w 3ala fekra el moot dah mesh 7aga we7sha keda..bel3aks ana shayef en el moot dah ra7a..w keda ba2a gedo 2erta7 5alas w el7amdolelah w insha2 2alah 2a7san ra7a fel gan..
w 2a7eb 2a2olek ene 7ases beke 2awy...3ashan ana bardo lesa 7ad 2orayeb leya 2awyyyyyy motawafe men kam yom bas...
w el moshkila ba2a enohom beyeb2o so7abe 2awy..ana mesh 3aref heya el moshkila feya ??
el baka2 lelah ya sara 2ente w shady w kol ele 3andoko
rabena yer7amo .. en sha2 allah fe el gana ..
البقاء لله وحده
اللهم أغفر له وأرحمه وأرحمنا جميعاً يا رب العالمين
ربنا يصبرك يادكتوره
والله انا مش عارف ارد عليكى ازاى
مش عارف اقول كلام يوصف اللى عايز اقوله
بس اللى اقدر اقوله
البقاء لله وحده
gamalpotter
ربنا يرحمة ..
في كلمة بسمعاها كتير .." دا مش هيجي حاجة من خير جدك عليا"
دي بتتقالي لما اشكر حد من اخوات جدي علي حاجة عملوهالي ..
مش هقولك كان بالنسبة ليا ايه اواي حاجة من دي..
بس كان تعب جداً
لدرجة اننا مبقناش فهمين الكلام اللي بيقوله ..والدكاترة بيقوله موضوع وقت .. وبقيت خايف اوي من اللحظة دي
لحد اماصليت الجمعه ورجعت لقيت عمتي بتعيط وحضنتني اوي ..
اللي استغربتله ساعتهااني معيطتش ولادمعت حتى ..
دخلت شفت وشه لحداما اما جابوا الكفن ووقفت غسلته معاهم ولحد اما صلينا عليه
بس بالليل في العزاء كانت في حاجةبتعصرني .. ومش عايز اشوف حد
ومكنتش عايز ارجع البيت لاني عارف اني مش هلاقيه..
ربنا يصبرك يا سارة
وأبقي طمنيني عليكي يا ريت
البقاء لله
انا لله وان اليه راجعون
الله يرحمه ويرحم اموات المسلمين كلها
يا رب العلمين
وبالنسبه لحزنك
فالموضوع ابسط من كدة بكتير
كلنا هنموت وده الاحساس اللى جالك
لما جدك توفى
انك عارفه انه هيموت فى اى وقت
وان الموت علينا حق
اما بقه لمظاهر الحزن ولبس الملابس الغامقه ده ترجع لكل واحد مش لازم البس اسود علشان ابين انى حزينه
وان الانسان ده عزيز عليا
ممكن اكون لابسه عادى وبضحك
علشان مبكيش البقاء لله يا ساره
واهم حاجة انك تدعيله دايما بأن ربنا يرحمه وتحاولى تعملى له صدقه جاريه
ده اللى هينفعه مش حاجة تانيه
ربنا يرحمه ويجعل مثواه الجنه
كلامك حقيقي خلاني افكر ليه فعلا مشاعرنا بتختلف مع انه نفس الموقف ونفس الظروف
بس للاسف مش لقيت تفسير مقنع
على العموم مش اقدر اقول الا ان الدوام لله وحده
انا لله وانا اليه راجعون
كل عام وانتم بخير وادعوكم لمشاهدة موضوع فضيحة جامعة القاهره وهذا الموضوع اقسم انه حقيقي
تحياتى
al3ozamaa.blogspot.com
الحقيقة انا عارف التعليق مش هيقدم او هياخر انا دايما بافتكر كلمة ل(ديستوفسكى)بيقول (ان كل كلمات العزاء و خطب المأتم لا تعنى شيئا لمن فقد شخصا احبه)بس من الاخر الموت حاجة اجبارية لازم نشوفها و لازم نعدى عليها فى يوم من الايام بس لازم نحاول نتنساهاعلشان نعرف نعيش
و بجد اللى عايز يعرف كلام مفيد يسمع حلقة (عمروخالد )اللى بيتكلم فيها عن الموت
رحم الله المتوفى و يرحمنا يوم ما احفادنا يقولوا احنا زعلانين لوفاة كذا او كذا
اللهم امين
البقاء لله يا سارة
ويارب يلهمك الصبر والسلوان
ومحدش في الدنيا يقدر يقول ان كلامك دة غلط
احيانا الواحد من كتر الصدمة مبيكونش حاسس بيها
وكما قال رسول الله
انما الصبر عند الصدمة الاولي
ثبتك الله وعظم اجرك
البقاء لله ياساره ان شاء الله فى الجنة
يارا
البقاء لله ياسارة
البقاء لله يا سارة
فعلا اوقات بناخد وقت على مانقدر نواجه نفسنا بحقيقه بنكون عايزين نهرب منها
خصوصا لو الموت خطف مننا حد غالى علينا قوى
بس فى الاول وفى الاخر
دة قضاء ربنا
السلام عليكم انا اسف اني اتاخرت ف الرد عليكي واني اعزيكي البقاء الله ربنا يغفر له ويرحمه ويتقبل منه صالح الاعمال ويتجاوز عن سيئاته اما مسالة انك تصبري والموضوع مش يهزك فده كويس جداااا لان الصبر كما قال الرسول صلي الله عليه وسلم انما يكون عند الصدمة الاولي شدي حيلك وخليكي احسن وحاولي تحققيله اللي كان عايز يعمله معاكي وادعيله كتير ربنا يحسن ختامنا جميعااااااا
"وفضلت مقتنعة بالكلام ده لحد ما بدأت كتابة البوست ده"
هكذا نحن ..وتلك هي مشاعرنا!
البقاء لله
فليتغمده الله برحمته!
فكرتينى بيوم وفاة والدى من 6 شهور
طبعا وفاة الأب أصعب بكتير من الجد مهما كان
انا و لأنى متابع قصة مرضه من أولها
و متوقع الوفاة فى أى لحظة
و مات بين يدى
و ظللت أقوم له بتنفس صناعى و لا جدوى
عندنا أيقنت من وفاته
لم أفكر إلا كطبيب و حولى أطباء المستشفى
طبعا أنا طالب فى 4 طب بشرى لم أتخرج بعد
لكن عايش انى دكتور من زمن
أنا اخوتى كلهم بكوا بكاء شديدا
و وقفت أنا دون أن تنزل منى دمعة
و لكنى حينها كنت أعلم أنه ليس قلب صلب منى
و لكننى من تكرار تصور انه هيموت
و من تهيئتى لنفسى لهذا الخبر لمدة شهرين
لم أتأثر تأثرا بالغا فى أوان الوفاة
-----
و لكن الذى لا تعلمونه
أننى الآن أتذكر ما حدث و كأنه كان حلما أو كابوسا
و الدمع ينزرف منى بغزارة
و قلبى يتمزق .. و العجيب أنى لم أكن كذلك حينها
---------------
الموت يا أختى هو الحقيقة التى سلم بها المسلم و غيره
و هو الدليل القاطع على وجود الله
و هو الدليل أيضا على أن ما جاء به محمد صلى الله عليه و سلم هو الحق المبين
--------------
ما علينا تجاه قضية الموت
إلا أن نكون جاهزين فى أى لحظة لاستقباله
و الوفاة فى وسط الشباب أصبحت شئ متكرر و غير مستغرب
و يكفى ما قلت
ففى هذا الحديث عندى شجون و خواطر كثيرة
و أفكار أيضا متجددة
لكن لا أحب أن أشغلكم بها
---------
على العموم البقاء لله أختنا
و ما عليك تجاهه إلا الدعاء
هذا ما ينفعه
د.حمــــــاس
بجد شكرا لكل اللى ردوا هنا
و البقاء لله وحده فى الاول و الاخر
و معلش انا اتاخرت فى الرد بس امتحانات بأه
البقاء لله يا ساره وانا لله وانا اليه راجعون.....,اوقات كتيره بيبقي الموت احسن بكتير من الالم من شده المرض والتعب فالموت رحمه من عند ربنا ,,..ويارب الناس كلها تتخذ من الموت ده عظه لها وتحاول التقرب من ربنا...و انشاء الله تفوئي قريب من حزنك ده وتنتبهي لمزاكرتك وامتحناتك وربنا يوفقك انت واصحابك كلهم,,,,,أدخله الله فسيح جناته وشمله برحمته....
sara
ربنا بيرزق احيانا الناس بالسلام و السكينه عشان لو احنا انهرنا في الوقت ده هنتعب اللي حولنا وهنزودلهم الامهم فمن رأفت ربنا ان يهدينا
ثانيا انك ما عرفتيش تعيطي مش انتي الوحدك اللي حستي بكده و ده مش تقصير منك لانك اليوم ده هتحسي بحاجه غريبه مش فهمها و ديه صدمه من الموضوع لانك مكنتيش متخيلاها اما عن انك ما بكتيش فديه رحمه من ربنا لجدك (الله يرحمه ويحسن اليه يا رب امين )لان البكى علي الميت بيألمه انا بجد مررت كذا مره بالاحساس ده وعيطت وقت لم دخلتوا القبر و فضلت اعيط كتير و مكنتش مستحمل لاني كنت فاكر اني ماعنديش احساس و ان الانسان ده سهر معايا يسعدني وفي عز تعبه و مرضه ووالله قبل ما اعيط كنت تايه ودايخ و بعد كده عرفت انه محتاج لدعانا دلوقتي بطلت اعيط فيريت تبطلي عياط تاني .
و كل حاجه حلوه و كل لحظه حلوه عيشهالك افتكريها و ابتسمي و ادعيلوا و قولي والله ربنا يكرمك يا جدو زي ما اسعدتني في الدنيا
و يارب يرزقه اعلى درجات الجنه و يجعله مع الابرار و المرسلين ويمتعه بلذة النظر لوجهه الكريم اللهم امين اللهم اغفرلنا فوق الارض و تحت الارض و يوم العرض يا اكرم من سئل يا كريم
ويريت يبقى املك برحمة ربنا كبيره لان ربنا عند ظنه عبده به فان كان خير فهو خير....
فيريت يكون خير و كل ما تفتكريه و انتي بتدمعي ادعيلوا واعرفي انه ان شاء الله مع الرسول
ربنا يرحمه ويصبرك
انا لله وانا اليه راجعون
اولا البقاء لله
البوست دافكرنى بحاجات مش بتتنسى خالص تقريبا بفكر فيها تقريبا كل يوم او اكتر من مرا فى اليوم
بس لما الواحد بيتصدم بصدمه شديده من الصعب ان يزعل تانى بنفس القدر الا لو اتصدم صدمه اكبر اشد منها
انتى عارفه انا فنظرى ان الواحد لما بيخرج الحزن من جواه احسن مليون مرا من انه يفضل جواه لانه لما يخرجه بيكون هوا اتغلب عليه اما بقى لو مخرجوش يبقى الحزن هوا اللى انتصر عليه
سورى خرجت عن الوست شويه
وربنا يرحموا والدعاء هوااحسن حاجه ممكن تفتكرىه بيها
البقاء لله وحده
إنا لله وإنا إليه راجعون
أقدر أقول إني حاسة بيكي يا سارة،عشان أنا جربت أخسر جدين في سنة واحدة وكانت دي أصعب سنوات حياتي ده غير ان بعده كل حياتي اتلخبطت...بيقولوا أعز الولد ولد ولد، وأنا بضيف ان أعز الوالدين والدين الوالدين
ربنا يصبرك
إرسال تعليق