تعمل ايه لو كنت نايم و سمعت صوت المنبه ضرب فقمت "رغم انفك"غسلت وشك و لبست هدومك و سرحت شعرك و نزلت جرى لانك كالعادة متأخر فركبت عربيتك او ركبت الاتوبيس و ناهيك عن زحمة المرور و خنقة الاشارات المهم وصلت شغلك او الكلية بتاعتك و اصطحبت بوش المدير بتاعك او دكتور المادة الخنيقة اللى انت مابتحبهاش ده غير وش اصحابك اللى انت لسه سايبهم امبارحززو رحت اشتغلت او حضرت محاضرة و غالبا مافهمتش منها حاجة و بعدين نزلت عشان تفطر "ما انت يا عينى نزلت جرى من غير فطار"و بعد كده رجعت تانى لشغلك او محاضرتك.المهم فى اخر اليوم روحت برده فى الزحمة و رجعت بيتكم زهقان و متضايق فاتخانقت مع مراتك لو متجوز او مع مامتك لو كنت عايش مع اهلك و يدوبك غيرت هدومك و اتغديت و بعد يوم طوييييييل اووىىى و ممل جدا لسه ماحطتش دماغك على المخدة عشان تنام سمعت صوت المنبه بيضرب و و ايد مامتك بتخبط على كتفك و بتقولك اصحى بقى عشان انت اتأخرت و اذ "تفوجأ"و يفاجأك القدر "فى نفس الوقت"بانك كل ده كنت نايم بتحلم ز هيكون رد فعلك ايه؟؟؟طب هيكون جسمك تعبان ولا مرتاح؟
طب تقدر تقولى دلوقتى وبأه انت نايم ولا صاحى...تقدر تأكدلى انك صاحى ما يمكن ده كمان كله حلم و انت مش عارف ... ومش عايزة حد يقولى الحياة حلم كبير و الحاجات دى عشان مابحبهاش
عايز رأى العلم فى الموضوع ده؟!!
انت تقوم تغسل وشك كده فى السريع و لو جنبك حد بس يكونص احى خليه يقرصك عشان ترد عليه و انت فايق
thanks 4 ur patience
فانتازيا
تحديث:معلش يا جماعة سنفورة بتعتذر عن الرد حاليا عشان معندهاش نت وعشان المذاكرة
هناك ٢١ تعليقًا:
جيت اقولكم كل سنة وانت طيبين
ويارب يارب تكونوا بخير وسعادة
لا تنس فقيراً او يتيماً او محتاجاً في هذا العيد..
لا تنس ان تبادري بالصلح مع من تخاصمين
لا تنس قريب او قريبة بزيارة في العيد
لا تنس كف مرفوع ولسان يستغفر وعين تدمع..مع الله في هذا العيد
تك كير
(:
اية دة هوة انا اول حد هعلق
اخيرا قدرت احجز اول تعليق
وهفلق علي اية علي موضوع جامد ومهم وتقريبا بيحصلي يوميا بس الفرق ان مافيش ماما لان جامعتي في الغربة
علي فكرة الموضوع دة متعب جدا جدا
لا وكمان بقي لما يتهيا لك انك نمت وبجد تصحي او تتقلب علي السرير وبجد تحس انك نايم بعد اليوم دة
وبعدين تكتشف ان المية بتتكب عليك من واحد صاحبك علشان انتا اتاخرت وعلشان انت كمان موصية انه يعملك كدة لان نومك تقيل
دي بقي بتبقي اخنق وارخم من الي انتي قولتيها
وللاسف الحياه فعلا حلم كبير رغم انك مبتحبيش الكلمة دي
بس هيا بجد حلم
علي فكرة انا متاكد اني صاحي وفي كامل قوايا العقلية
لاني لسة ما نمتش اصلا
هههههههههههه
يعني اتاكدي من كلامي
المهم الراي الطبي في الحوار دة
ان دي من اثر الضغوط النفسية والعصبية وكرهك الشديد للحياة الواقعية الي انت عايشها وشايل مسؤليتها ونفسك تهرب منها بانجاز اليوم قبل ما يحصل
واكيد الموضوع دة بيحصل مع اغلبية الشعب المصري
هههههههههه
شكرا علي بوستك الهايل
لمستي فيه الكثير من حياه المشاكل والمتاعب
واتمني ان اتشرف بتعليقاتك وارائك الجميلة الصائبة في مدونتي المتواضعة
(الصيدلي المطحون )
ازيك يا سنفورة .. كل سنة وأنتي طيبة :)
اما عن سؤال فمش عارف هي كوابيسنا أتنقلت للواقع .. ولا الواقع بقى أسوء كوابيسنا
بس الانسان بيحلمباللي بيفكر فيه واللي بيضغط علي فكرة ...
كل سنة وأنتم كلكم طيبين
ومتنسوش تدعولي:)
فانتازيا سنفورة
hahahahahahah. esm gamed 2awy ya sanfora...
bas howa 2e7na na2sen lab5a fel 7aya !!
ana 3an nafse 2a5er ma3lomat wesletle men el 2a5aren ene sa7e (At this moment) mesh damen nafse ba2a el moment ele gaya 2ab2a eeh ?
bas ana 2asasan ba2et bakrah 2anam...ah walahe.. ba2ale kam yom lama 2age 2anam lazem 2akon medaye2 2awy 2ablaha or ma5noo2 ... fa tabe3e bas7a fe nafs el mood ... and so on...
fa mesh 3aref walahe 2atla3 men el dayra deh..
MEN EL 2A5ER!! POOOOOOOST GAMEEEEEED W MOT3EEEB :)
ta7eyate w salam...
ياااااااااااه قضية شك الانسان أن الحياة دى حلم كبير قضية قديمة من ايااااااااام ديكارت والشك فى الملحسوس والمعقول بس احب اطمنك أن الحياة والحمد لله ثبت انها واقع مش حلم
ومن الادلة على كدا أن مفيش حد بيحلم فى الحلم ودا دليل من ادلة تانية كتير
كل سنة وانتم طيبين وعيد سعيد وكريم وخلى بالكم من الرجيم فما تظلموش نفسكم فى اللحمة
ياااااااه
انا شايف ان حالتك صعبه جدا
شوفي...انا بارجح تنامي على الارض و فكك من السرير...و فكك من الجامعه و حاولي تترفدي في اسرع وقت..ولو عندك عربيه بيعيها...و يا ريت لو هتنامي على الارض يكون في مكان ماما مش موجوده فيه
صدقيني
عن ثقه
بأمانه
و صراحه
لو عملتي كده
برضه مش هتستريحي
لأنك هتلمي النمل حواليكي
لأنك في الاصل قلقتي منامه
و بعدين اللي هيحصل بعد كده...آآآ
انا هاستأذن بقى ...ممكن؟
كل سنه و انتي طيبه ياسنفوره و كلكم طيبين يا احلى سته و عيد سعيد
محمود سعودي
جامده جدا الموضوع
انا بحس ان الحياه كلها حلم خصوصا لو كنت في ازمة كبيره وببقى عايز اصحى منها بس للاسف بكون صاحي و انا بمر بيها وبفضل فترة طويلة حاسس انه كان حلم او كابوس
بجد عجبني جدا الموضوع رغم اني حسيت بارهاق لما قريت السؤال و حسيت ياااه حتى النوم الحلم ما خلنيش اتهنى به
يرحمكم الله...
اتغطى كويس وانتى نايمة
هههههههههههههههه
كل سنة وانتى طيبة...
متنسيش نصيبى من اللحمة
طب وايه المشكلة فى كل اللى انتى قلتيه ده شىء طبيعى يا ماما وبيحصل لينا كلنا انا مثلاالحكاية دى بتحصللى دايما لما انام بعد الفجر (اصل انا متعود اصحى الفجر دايما)بس المشكلة ان الواحد فعلا بيحس بكل حاجة كانه صاحى والمشكلة الأكبر انك تحس انك تعبان فعلا وكأنك بذلت مجهود عضلى جامد عموما احمدى ربنا ان اللى بيصحيكى ماما مش حد تانى اما بخصوص رأى العلم فبصراحة معرفش هل ده بسبب التفكير قبل ما ننام ولا عشان بنام زيادة عن اللزوم لو عرفتينى ابقى عرفينى . يالا سلام وكل سنة وانتى طيبة يا سنفورة ( هو انتى طويلة اوى كده ولا الاسم ده ليه)
كل سنة وانتو طيبين
ايه اللي بغبغ اللخبطان
يعني انا دلوقتي صاحي ولا نايم ولا ايه بالظبط
المشكله ان الحياه بقت كابوس فظيع
مش فارقه بقى انك تكون صاحى ولا نايم
وكل سنه وانتم جميعا طيبين
كل سنه وانتوا طيبين الاول
ثانيا كويس انك كتبتي في الاخر
thx 4 your patience
يخسن انا خلاص كنت هقوم اغسل وشي و اخللي حد جمبي يقرصني واقوم انتحر
بعد ما قلبتي علينا المواجع الرئيسيه في الحياه
ايييه دنيا
كل سنة ةانتى طيبة
انا عارفة السبب اكيد من لحمة العيد كبست على نفسك
كل سنةو انتى طيبة مرة تانية
يا جماعة عرفين سنفورة متأخرة عليكم فى الرد بس هى فى العيد بتسافر
عموما انا قلت استغل الفرصة و اعيّد عليكم فى السخان كده علشان انا مالحقتش اعيد عليكم
"كل سنة وانتواا طيبييييييييييييييين"
الحقيقة بعد التعليقات الرهيبة اللى انا قراتها اسقط فى يدىو اصبت بالذهول و كاد يغمى على من قوة هذه التعليقات و خشيت الا اكتب تعليق يوازيها فى الاهمية و روح الدعابةو كمية المعلومات المتدفقة,و شككت فى قدراتى و اصابنى الياس و احسست بتفاهة الحياة اذ اننى لم اصل لمرحلة تذوق هذا الادب الرفيع و قلت ويحى من انالاعلق بعد فطاحل الادباء ؟؟ويل لى ثم ويل لى ان علقت و لذلك فقد قررت انى لا اعلق
اذا
لاتعلييييييييييييييييق
الحقيقة يا جماعة بعد ما قرات الموضوع الرهيب ده و مدى تاثيره الفظيع على مجريات الامور فى ادغال الكونغو و سهول سيبريا و احراش الامازون قررت اعلق ,
لكن للاسف قرات تعليقات مذهلة اصابتنى بالدهشة و جعلتنى افقد الرغبة فى الحياة لما فيها من خفة دم و سيل منهمر من المعلومات التى لم اعلم عنها شيئا قبل ان اقرأهاو ووجهات نظر جديدة فاقت كل ما قال( ماركس )و (هيجل) و سواهما و ابداع فنى و نظريات فيزيقيةممكن ان تثير ذهول (اينشتين) نفسه لو بعث من قبرهو اراء سياسية لو سمعها( تشرشل) لجن جنونهو معلومات طبية لو سمعها (ويليام اوسلر)لفقد وعيه.
فقلت ويحى أاكتب تعليقا بعد كل هذا؟؟؟ ويل لى ان فعلت فانى اذا لمن الخاسرين فماذا يقال بعد هذا الموضوع الجبار و بعد هذه التعليقات المبهرة ؟؟؟؟؟؟؟؟؟؟؟؟؟؟؟؟؟؟؟؟؟
لقد عرفت اخيرا قدرى فى هذا العالم فمن انا بجوار فطاحل الادب الذين قرات لهم ؟؟؟؟؟؟؟؟؟؟
اذا لابوء بحسرتى و اعود بمصيبتى
و لهذا كله فقررت بعد تفكير عميق و سهر طويل و مكابدة الليالى ان اسلم قرار هو
لا تعلييييييييييييييييييييييييييييييييق
(الشخص الذى علم اخيراانه السبب الوحيد فى بوظان البلد فلاتلومواانفسكم و لومونى)
اهلا بالستة بتوع صيدلة ازيكم انا جاي اقول كل سنة و انتوا طيبين و عيد سعيد عليكم كلكم و بالنسبة للموضوع مفيش حد جنبي يقرصني علشان ارد و انا فايق فنخليها بعدين احسن..يلا سلام
كل سنة والستة بتوع صيدلة واللى عندهم كمان بخير وسلامة - وعيد سعيد عليكم إن شاء الله - والى سنفورة أقول هى دى الحياة سواء بيها رضينا أو بكف على كف ضربنا بإدينا - ويجعلها سعيدة عليكى يا ستى - فالنهاية أتمنى لك النجاح والتوفيق وكل سنة وإنت طيبة - تحياتى - محمود سعيد
معلش يا جماعة سنفورة بتعتذر عن الرد دلوقتى
لان معندهاش نت
و المذاكرة كمان بئا و كدة
وان شاء الله هتدخل قريب
0semsem
وانت طيب يا باشا بس انا قلبى مش مطاوعنى ما تنحش انا بس عايزة اعرف انت جيت منين عشان عايزة اعرف المواصلات زحمة
dr-online
ميرسى على الرد بس اطلع بقى بفلوس اول تعليق وبعدين انالو واحد عمل معاياكده مش هيلحق يتاخر او ما يتاخرش لانى هافترسه و بعدين مسئولية ايه انا اصلا مابحاولش افكر فى اللى بيضايقنى سلام يا باشا
إرسال تعليق